《三哥Chill & Chilli》有得買嘢又有得聽歌
阿妹、Emiko、Sinnie粉墨登場

《全民造星IV》引起全城話題，其中被淘汰嘅阿妹 、Emiko同Sinnie都被網民稱為「遺珠」，如果想親身聽佢哋唱歌，就要留意周日（28日）嘅譚仔三哥X LIFE Mart X白紙《三哥Chill & Chilli》手作市集暨音樂會啦！

睇譚仔三哥嘅廣告就知，佢哋一向都好支持本地創作，所以今次市集突登加入咗《三哥Chill & Chilli》音樂會元素，希望給予具潛質年輕唱作人表演機會，而周日（28日）嘅表演陣容相當精彩，除咗小薯茄成員麗英、人氣KOL波仔Boris、仲有《造星IV》阿妹黃敏蕎、Emiko徐嘉蔚以及Sinnie吳倩怡等。

佢哋喺《造星IV》嘅旅程雖然終結，但三哥話希望可以俾個平台延續佢哋嘅音樂夢，認為年輕人唔放棄，樂壇先可以有新景象。一度成為大熱、被外界睇好有「女團」條件嘅阿妹話，對於可以參加譚仔三哥音樂會、首度公開演出，表示非常感恩。阿妹仲話，雖然對落選感到失落，但好感激網民支持，又多謝譚仔三哥俾機會佢參加busking，令佢有機會親身多謝同唱歌畀支持者聽。

而文青實力派唱將Emiko就話，雖然未能繼續參加選秀，但就感受到人間有愛，係人生嘅一個好好嘅體驗。Emiko亦都好多謝三哥畀機會佢，話自己好鍾意唱歌同手作，即使離開咗選秀舞台，都會作多啲歌，同自己講夢唔會碎，希望大家可以畀多啲機會，認識新生代歌者。至於「晚安莉莉」嘅主唱Sinnie吳倩怡亦好開心可以再有機會唱歌，話呢個音樂會相當有意義，有好多愛唱歌嘅年輕人係需要平台busking，希望多啲人可以認識佢哋呢一班愛表演嘅年輕人。

閱讀全文：

https://www.facebook.com/101870318844226/posts/149249427439648/?d=n

#channelchk #tamjaisamgor #譚仔三哥 #LIFEMart #白紙 #市集 #音樂會 #三哥ChillChilli #阿妹 #Emiko #Sinnie #全民造星IV