香港仔避風塘遊艇大火
醒目巿民做一件事 免火燒連環船

情境題，如果泊喺你隔離隻遊艇突然間發生火警，你第一時間會點做呢？1）駛走自己隻船；2）報警等消防救；3）幫起火遊艇救火；4）拉走自焚隻船，以免殃及池魚。

今日（18日）早上10時許，喺香港仔南避風塘就發生咗一宗遊艇火警，當時一艘停泊喺香港仔鴨脷洲徑一間船廠對開嘅遊艇，突然自焚。根據網民拍攝到現場嘅片段可見，當時海面上泊咗大量遊艇，排到密密麻麻，加上今日大風，天氣較乾燥，隨時引發火燒連環船。

而喺自焚遊艇旁邊嘅一艘船，情況真係岌岌可危，大火越燒越近，更一度傳出爆炸聲。當時有人唔理危險，第一時間衝上旁邊嘅船，嘗試向自焚遊艇救火，其後仲有人拎住水桶跑上船，但火勢仍然一發不可收拾，冒出大量濃煙，其他旁邊嘅船隻立即鳥獸散。其後有醒目巿民將自焚遊艇拉開，遠離其他船隻及碼頭，減少損失。

消防船到場後，消防立即將火警升為二級，出動兩條喉及一隊煙帽隊灌救，好快將火救熄，可惜旁邊一艘船仍然受到波及，右邊船身嚴重焚毀。

據知，自焚的遊艇當時停泊在一個船廠正進行維修，懷疑其間發生電線短路起火，由於整艘船燒通頂，儼如廢鐵，損失慘重。幸而船上無人，沒有造成人命傷亡。

#channelchk #香港仔避風塘 #遊艇 #火警 #火燒連環船 #船廠 #自焚

香港仔避風塘2漁船起火　火勢猛烈濃煙湧出　逾半小時仍未救熄
https://channelchk.com/a/15187

今日（9日）下午3時47分，警方接報指，香港仔避風塘內有漁船起火，隨後疑波及另一艘船隻，造成2艘船隻起火。從讀者提供片段可見，涉事船隻火勢猛烈，從遠處均可見到火光熊熊，大量黑煙攻至空中。水警輪及消防輪接報到場，不斷向起火船隻射水，惟至下午近5時，火勢仍未救熄。

#起火 #火燒連環船 #香港仔避風塘 #香港仔 #漁船 #火 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱： https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作 ！🤝
誠邀各商戶傾談廣告宣傳和合作推廣；
有意請電郵至： marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://wa.me/85264691456