香港機場「勁淫邪」拎抵港客「精液」？
網傳seamen打錯semen 機管局：不存在

【新增機管局回應】
七師傅知道George@P1X3L「思想淫邪」，但都愛他。如果師傅睇到機場呢幅相，唔知有咩感想？財經專欄作家「中環十一少」近日在IG上載於機場拍攝的指示牌照片。相中的標語中英對照，中文為「抵港旅客／船員」，但英文卻懷疑將「Arrival Passengers/Seamen」打錯為「Arrival Passengers' Semen（抵港乘客之精液）」！

小編有時整圖都會打錯字，所以並唔鼓勵大家笑佢；出po話畀大家知，只係想大家學吓英文、引以為戒咋，無理由等到考試寫作、寫求職信嗰陣先嚟錯架嘛？但總有啲網民把口唔收嘅：「船員收工仲要打J，諗起都攰。」、「強制檢測精液？」、「要深喉（唾液檢測）嗎？」、「欲搭飛機，須打飛機。」

機管局回覆Channel C查詢，指局方已檢查所有指示牌，確認全部正確，並指「相中的指示牌不存在於機場內」。

#英文 #精液 #強制檢測 #深喉唾液 #深喉 #淫邪 #seamen #semen #機場 #中環十一少 #香港機場 #香港國際機場 #錯字 #typo #船員 #海員

阿叔會展外當街小便 網民：正門入去已經有廁所

成世人流流長，忍尿係人生必經之路，但香港無嘢多，商場最多，只要唔係上咗車或者喺荒山野嶺，搵廁所簡直so easy。不過唔知點解，硬係有人鍾意當眾解放，FB專頁「中環十一少」噚日下晝經過灣仔會展外，影到位男士喺牆邊小便，之後就行咗入君悅酒店。

Channel絲問過中環十一少，佢話當時無保安介入，佢嘗試搵清潔姐姐投訴，但姐姐都唔敢理。十一少形容嗰位男士無講嘢，所以都唔知佢來自哪裏，只係覺得佢外型似華人。有網民搞笑咁借渣打馬拉松抽水，話位男士幫香港「加緊油」，十一少應該報警，又有人曲線話因為幅牆淨係得告示話唔畀吸煙，所以佢喺度屙都正常嘅～

其實根據《公眾潔淨及防止妨擾規例》，任何人喺公眾地方大、小便都係違法㗎，初犯最高可以被罰5,000元，再犯就會被罰款一萬。諗深一層，呢位男士唔止對唔住清潔姐姐，仲侮辱緊各位日日被屯公同觀塘老母折磨嘅膀胱們⋯⋯各位除咗見字飲水，仲記得急尿就要搵定廁所喇。

#channelchk #中環十一少 #廁所 #灣仔 #會展 #君悅酒店