明晨3點冠軍戰
17歲新星黃澤林殺入美網男雙
大滿貫香港第一人

2021美國網球公開賽正在進行，17歲香港網球新星黃澤林（Coleman）喺青年組賽事男雙賽事，夥同法籍球手Max Westphal出戰，先晉級半準決賽，至香港時間今晨（11日）戰男雙4強，以盤數2：1擊敗對手打入決賽，成為大滿貫此組別的香港第一人。

Coleman與Max Westpha將於香港時間12日凌晨3時，挑戰烏克蘭與保加利亞（Viacheslav Bielinskyi／Petr Nesterov）的8號種子拍檔，爭奪冠軍寶座！

這對拍檔今早出戰青年組男雙4強，面對美國與克羅地亞的跨國組合，首盤以6：4拔頭籌，次盤4：6被扳平，決勝盤以10：4取勝，首度打入美網青年組男雙決賽。

Coleman早於15歲，於全港網球公開賽男子單打公開錦標賽上，擊敗港隊隊友楊柏朗首度奪冠，成為CRC OPEN最年輕的男單錦標得主；去年於泰國ITF世界青少年巡迴賽中擊敗多名種子選手，勇奪首個一級賽事個人冠軍，並第二次獲頒「傑出青少年運動員」殊榮。

港隊加油！

#黃澤林 #美國網球公開賽 #美網 #ColemanWong #支持香港運動員 #channelchk

港首奪美網青年大滿貫男雙冠軍
黃澤林創歷史！贏波一刻飛擁法國拍檔

黃澤林（Coleman）夥拍法國的Max Westphal，在美國網球公開賽青少年組決賽，以6:3、5:7和10:1擊敗烏克蘭和保加利亞組合，成為首個贏得青少年大滿貫男雙冠軍的香港球手，創下香港歷史。黃澤林得知奪冠後，飛撲拍檔擁抱，相當興奮。

做過香港網球總會4年會長的商人周小龍，在Facebook提到Coleman 13歲時與教練湯家寶，均自費去美國贏Orange Bowl，「Coleman今日嘅成就係因為佢小時嘅教練李更運，同埋佢而家嘅教練湯達富同埋湯家寶」。

香港網球總會出po祝賀黃澤林，並提到對上一次香港球手在青少年男雙打得最好的一次，已是1985年吳繩祖夥拍夏里遜於溫布頓創下的四強佳績。至於另一位來自香港的青少年大滿貫得主是希麗敏，1983年在溫布頓奪得女雙冠軍。

不過周小龍則不滿香港網球總會對球手支援不足，「Coleman呢個trip，你哋出咗啲乜嘢？你哋個會長莫君逸 Philip Mok，點解做咗三屆（6年），對香港網球發展同網球員培訓完全冇貢獻？仲要繼續迷戀呢個位？要唔要做夠四屆、做足8年？」

周小龍又指：「我4年（2012至2015年）喺香港網球總會建立嘅基礎，就被莫君逸食老本食到而家，一啲進步都冇！近年仲失去咗一個機會舉辦ITF Grade One一級U18青少年比賽！DKLM諗起都嬲。」

#美網 #大滿貫 #黃澤林 #ColemanWong #MaxWestphal #周小龍 #香港網球總會 #湯家寶 #美國 #李更運 #湯達富 #網球 #Tennis #usopen #channelchk

17歲網球健將黃澤林 西班牙職業賽男雙奪冠
周六再出戰澳網青少年男單、男雙

疫情都睇到頹了🥲一齊睇吓啲好消息🥳
17歲香港網球新星黃澤林（Coleman），繼2021年同法國拍檔喺美國歷史性奪得青少年組別男雙冠軍後，1月9日同西班牙球手一齊出戰當地職業賽，仲拎埋首個成人組男雙冠軍，真係好叻仔😎

Coleman周六（15日）會喺墨爾本出戰澳洲網球公開賽嘅青年組男單同男雙賽事，大家一齊幫佢打吓氣啦！🔥🔥🔥

#channelchk #2022australiaopen #colemanwong #黃澤林 #網球

17歲黃澤林澳網躋身男雙四強 男單十六強止步

17歲網球新星黃澤林（Coleman）今日（26日）分別再出戰澳網嘅男雙同男單。一日打兩場嘅Coleman，雖然不敵立陶宛選手Edas Butvilas，男單十六強止步，但好快就收拾好心情，孖住美國拍檔Bruno Kuzuhara成功躋身男雙四強！

Coleman賽後喺IG話「好多謝咁多位喺香港支持我嘅人」，而佢哋聽日朝早10點（香港時間7點）就會對上嚟自瑞士同法國嘅選手，各位記得睇直播幫Coleman打氣啦！

#channelchk #黃澤林 #ColemanWong #BrunoKuzuhara
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

🎉17歲港將黃澤林成功打入澳網男雙決賽🎉

17歲網球新星黃澤林（Coleman）再寫下香港球壇新一頁！Coleman今早繼續與美籍球手Bruno Kuzuhara拍住上，成功擊敗嚟自法國及瑞士嘅對手Gabriel Debru及Kilian Feldbausch，打入澳網青少年組男雙決賽！

Coleman一直好多謝香港人為佢打氣，亦都好想更多人會睇佢嘅比賽，嚟緊佢同拍檔將會對戰巴拉圭及美國球手Adolfo Daniel Vallejo&Alex Michelsen，大家要繼續為呢位熱血嘅網球小將@coleman_wong 加油！💪💪💪💪💪💪

Photo：@arckphoto

#channelchk #ColemanWong #黃澤林

17歲港將黃澤林同美國拍檔Bruno Kuzuhara，於澳網青年組男雙奪冠，齊齊變世一！

#channelchk #ColemanWong #澳網

世一熱血黃澤林，同Channel C讀者自拍講得獎感言！大家快啲睇片恭喜佢，聽吓佢有咩同大家講啦！！！！Coleman好叻仔呀～！

去片👉https://www.youtube.com/watch?v=_P7JP2Hi6IY
#channelchk #黃澤林 #ColemanWong