性感馬欣舞技精湛 未演出先獲導師搶入組
樂隊主音落復活區 評判準則被質疑

ViuTV《全民造星IV》噚晚（3日）可以話係「舞林大戰」，6位參賽者有5位表演跳舞，其中又以家琪（莫家琪）同馬欣（馬彩欣）兩位專業舞蹈員對決最搶fo，佢哋一個行型格路線，一個性感得嚟又唔低俗，搞到評判都勁難揀。至於表演自彈自唱嘅獨立樂隊小紅帽主音Ashi（曾善婷），演出獲導師同花姐好評，但結果落入復活區；其對手、跳Anson Lo（盧瀚霆）《EGO》嘅16歲阿Yo雖然晉級，但就被花姐批評「咁樣跳有咩意思？」網民都替Ashi唔抵，「唱得反而要去『復活區』…真係唔知乜嘢玩法！」花姐都話「評判好攰喇？」

被網民形容為「靚版黃心穎」嘅馬欣係黎明「御用dancer」，試過跟隨天王黎明到台北、澳門等地出騷，又曾為側田、許靖韻、譚詠麟和歌神許冠傑等伴舞；家琪亦曾多次為MIRROR伴舞。

噚晚節目入面，馬欣同家琪喺首輪面試已經深得大家喜愛，導師梁祖堯（阿祖）更高度讚揚馬欣嘅舞姿「性感得嚟完全唔Cheap」、「我好欣賞你呢位Artist」。所以噚晚佢哋比賽開始前，阿祖已經率先撳掣搶住要，所以佢哋任何一個勝出都會加入阿祖一隊。

佢哋兩位繼續表演跳舞，馬欣嘅性感舞姿配以一身白色緊身高衩服飾，相當搶鏡，獲網民形容「馬欣世一」；而家琪則繼續走型格路線，兩位表現都超水準。評判當奴大讚馬欣整個表演都充滿自信，而且一直keep住笑容，又形容家琪表現無得挑剔。

但當兩個只能活一個嘅時候，評判都覺得勁難揀，但最後馬欣成功獲得3盞藍燈晉級。不過，有網民就質疑朱康評審準則，話佢講到唔欣賞馬欣搵dance伴舞，所以理應投票家琪獨舞嘅演出，但「點知佢最後投俾馬欣😅咁其實佢係咩準則㗎？」

至於另一輪淘汰賽由Ashi對決阿Yo，Ashi自彈自唱《Just the Two of Us》，一開口即獲得花姐讚好聽，Alfred都表示「得啊」，但評判就有唔同睇法，朱康就直指Ashi觸動唔到佢。到阿Yo出場跳《EGO》時，喺後台嘅花姐都不時挑剔「呢件咩衫嚟！」、「咁樣跳舞有咩意思？」

正當以為Ashi會贏出之際，3位評判都一致選阿Yo入圍，花姐得知賽果都O晒嘴，問「評判好攰喇？」兩位導師都無撳燈搶人，最後由評判安排入許廷鏗（Alfred）一組。

#channelchk #全民造星IV #女團 #馬欣 #家琪 #Ashi #阿Yo #小紅帽 #花姐 #梁祖堯 #許廷鏗 #朱栢康

冒11°C寒風夜雨昂坪露宿等MIRROR ERROR
勁如3號波體感6°C 天氣師解構再跌溫涼幾耐
去片👉 https://youtu.be/WeiNpYcw0BQ

「旁人毫不贊同，而情理也不容，仍全情投入追星不覺凍，如窮追一個夢，誰人如何激進，亦不及我為你那麼勇。沿途強風再強，無人可擋我路，冒着是夜雨低溫都直衝，再沒有支援，還是有這點英勇。」

300名鏡粉和錯粉今晨（8日）冒着11°C寒冷強風兼有雨，通宵露宿海拔400米高的大嶼山昂坪市集，就是為霸位支持其偶像MIRROR和ERROR在下午現身商台叱吒樂壇頒獎禮記者會。

天氣師李鈺廷提提大家，山上的強風（相當於3號風球風速）容易帶走體溫（風寒效應），而強風亦令皮膚上的雨水更易蒸發，體感溫度可能低至6度，比實測更低。至於未來一周會否更涼？涼多久？天氣師在嘮動新聞為大家分析。

去片👉 https://youtu.be/WeiNpYcw0BQ

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

#MIRROR #姜濤 #昂坪 #叱吒 #商台 #天氣 #預測 #ERROR #花姐 #嘮動新聞 #鏡粉 #寒流 #寒潮 #市集 #大嶼山 #李鈺廷 #氣象 #風寒效應 #體感溫度 #channelchk #weather #forecast #季候風 #冷鋒 #勇 #商業電台

姜濤紀錄片《答案》Ep.1
「帶你認識真正的我」

19歲拎《造星》冠軍、20歲出頭拎埋《叱咤》兩項大獎，仲做埋最年輕得主，今年22歲嘅 姜濤 ，達成咗好多人一生都未必完成到嘅目標。台上認真、有台風嘅姜濤，吸引咗好多妹妹Fans，而台下成日笑、似返個小朋友嘅姜B，亦都吸咗好多媽媽Fans。不過，廣告越接越多、Show要出越密，加上摯友意外離開，姜濤開始出現唔少令Fans擔心嘅情況—不適暈倒、笑容減少、IG Story放負、黑面⋯⋯種種跡象，可能好多人覺得姜濤變咗，唔知佢而家到底仲係咪以前樂天嘅姜B，如果你想搵原因，咁你要去睇MIRROR官方幫姜拍嘅紀錄片—《答案》。呢段紀錄片，唔只係拍畀Fans，仲係一個畀姜濤再認識自己號契機。

MIRROR YouTube喺今晚Upload咗《答案》嘅第一集，一開始就見到姜B同肥仔練跳《特務肥姜》嘅場景，肥仔仲同姜B喺鏡頭前鬥嘴，串姜「佢係一個不知廉恥嘅𡃁仔嚟㗎～」，但姜聽完笑得好開心。練完舞去街場打波，完全睇得出姜B同普通男仔一樣，打街場都係會火爆。打到一身汗，姜B仲特登好尷尬咁同鏡頭講，因為驚自己污糟，唔想俾等緊佢嘅Fans攔住，所以要CamMan一陣跟佢跑走。鏡頭一轉，姜B同擔心佢嘅大家講點解會出「I'm tired of everything」嗰個IG Story，佢提起某日工作後突然情緒低落、覺得迷失、抑壓，甚至剎那間覺得自己有抑鬱，所以先忍唔住出Story。

呢集用咗姜B同花姐嘅羈絆做結束，姜B喺補錄歌時從人哋口中知道花姐讚佢唱得好有感情，跟住係咁追問到底花姐仲講咗、讚咗啲乜。姜B同鏡頭講，佢好少會約花姐食飯，但就好多嘢都會話畀佢知，包括連媽咪都未必知嘅嘢，「我會同佢講我私底下嘅嘢囉，呢個就係一個我會信任佢嘅一個行動。」

段片上傳咗幾個鐘，已經有好多姜糖留言支持偶像，仲話無論「答案」係乜，都會無條件支持姜濤，又叫姜濤唔好在意其他人心目中嘅「答案」，「只要堅持做自己，就係最好嘅答案」。

#channelchk #全民造星 #姜濤 #花姐 #答案 #紀錄片

強尼力撐梁祖堯眼光獨到：
若無資格做導師唔知邊個有
嘮動新聞👉 https://youtu.be/r3ZUHp-M7EM

《全民造星IV》今晚就開始分組賽，但上星期嘅60強賽果仍然餘波未了，導師梁祖堯被鬧爆偏心「重讀生」方方（方芷欣）同39歲四子之母Ling（謝裕玲），出post回應網民批評後，主持強尼都喺Instagram力撐阿祖眼光獨到，「睇得出每個人嘅特質」，「如果無資格做呢個節目嘅導師，真係唔知邊個有」；佢亦對觀眾有信心，「只要你哋睇落去，你會好似我咁，愛上佢哋每一個。」

強尼深夜喺Ig po咗同阿祖喺《造星III》決賽後嘅合照，留言話好鍾意《全民造星》嘅觀眾，因為佢哋唔止睇得好投入，仲好可愛，話上屆有參賽者喺第一輪賽事表演中國舞後晉級，觀眾「暴動咁滯」，但之後出局，個個觀眾都話要「還我中國舞」。不過強尼覺得「情感就係咁直接架啦，就算睇法會改變都正常不過。」

之後就開始講對阿祖嘅感覺，「佢善於啟發每個參賽者，令佢哋知道表演係乜，有獨到嘅眼光，睇得出每個人嘅特質，再去發揮甚至作出變奏」；仲話佢熟悉舞台製作，會為每個表演嘅每一個燈光、道具甚至更微細嘅設計，都諗到最盡，「為嘅就係想參賽者響觀眾面前變得耀眼」。

強尼又形容阿祖係有能力好心地又有愛嘅專業表演者，「如果無資格做呢個節目嘅導師，真係唔知邊個有，Therefore I trust him unconditionally and irrevocably」。佢對兩位導師、學員、節目台前幕後嘅所有手足有信心外，更加對觀眾有信心，「只要你哋睇落去，你會好似我咁，愛上佢哋每一個❤️」。

節目監製花姐都喺Ig story分享強尼同阿祖嘅合照，話「我好肯定咁講，佢哋估......一個有point嘅主持，一個有心嘅導師」。不過，有連登仔仍然唔滿意，留言反駁「有人插梁祖堯無心咩？插佢無眼光咋嘛」、「而家係佢私心救人」。

#channelchk #全民造星IV #梁祖堯 #強尼 #方方 #Ling #花姐 #偏心 #造馬

全民造星IV｜強尼寸網民雙標？罷睇齋噏？
「上屆Dilys晉級即暴動 但出局就嗌還我中國舞」
嘮動新聞👉 https://youtu.be/r3ZUHp-M7EM

做節目最緊要係咩？揸緊宗旨？搞錯喇！最緊要係有Noise吖嘛！

ViuTV《全民造星IV》就做到喇！唔揀青春少艾，揀超齡實力派，成功撳起「罷睇Noise」！上禮拜五選出60強後，怒火醞釀一日，導師梁祖堯推千字文回應。再隔一日，主持強尼凌晨出po力撐，讚阿祖「善於啟發每個參賽者，令佢哋知道表演係乜，有獨到嘅眼光，睇得出每個人嘅特質，再去發揮甚至作出變奏......諗到最盡為嘅就係想參賽者響觀眾面前變得耀眼。有能力好心地又有愛嘅專業表演者，如果無資格做呢個節目嘅導師，真係唔知邊個有」。

緊接就輪到花姐發力，讚阿祖係有心嘅導師，咪延續到話題性囉！話晒家陣對家生日曬冷，仲話兩套台慶劇連住播，無Noise點鬥呀？

雖然對於強尼同花姐嘅加持，網民似乎都唔係好buy，話「有人插梁祖堯無心咩？插佢無眼光咋嘛」，又話睇性格嘅，花姐應該加入。但花姐作為節目監制，有Noise有花生畀大家食，都好正常，如果無嘢好拗，邊度得嚟洗晒版？

另外，網民都唔係得個鬧字，有建議畀返花姐，話「搵阿妹（黃敏蕎）、Yanis（吳欣諺）、梁卓瀅（Cherena）、潘穎芝（Gigi）、張右雨（Glora）、Alina（李炘頤）同20強競爭，選出最終10強平息民怨」。可惜，強尼世一已經睇穿一切，話「上屆由『中國舞』（黎蘊芝 Dilys） 第一圈晉級暴動咁滯，到佢之後出局個個話要『還我中國舞』」，所以網民「就算睇法會改變，都正常不過」，仲話「只要你哋睇落去，你會好似我咁，愛上佢哋每一個」。

#全民造星 #花姐 #強尼 #梁祖堯 #阿妹 #黃敏蕎 #ViuTV #Yanis #吳欣諺 #梁卓瀅 #潘穎芝 #右雨 #Alina #李炘頤 #中國舞 #黎蘊芝 #Dilys #channelchk #嘮動新聞

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
https://www.youtube.com/ChannelCHK

《造星IV》Sica執生成功大加分 A4組大型走音現場：點做女團呀

相信有睇噚晚《造星IV》嘅大家，都對Sica嘅執生能力表示讚嘆，甚至要好似花姐咁樣讚Sica「叻女叻女叻女叻女叻女」。本身兩組嘅自選項目都唔係好得到評判嘅讚賞，但係Sica好似為B組帶返少少希望，加上B4組指定項目表現有起色，唔知會唔會可以一隊救全家，拎返一分，唔使額外再foul人呢？

A4組子涓、Ada仔、安希婷、Ariel同埋Carmina嘅自選項目《Lady繽紛樂》，嘗試帶返觀眾同埋評判返去Broadway嘅年代。花姐就喺綵排嘅時候大踩A4，直接話「你哋五個輸L梗」，令到佢哋都覺得就算輸都輸得心服口服，因為大家都不在狀態咁話喎。睇完表演，安仔就覺得佢哋「未係好夠唱功嘅功架，去駕馭呢啲咁classic嘅歌」，而卓韻芝就直情話睇唔到A4組《Lady繽紛樂》入面嘅繽紛。

B4組就好似俾人落咗降頭咁，暐翹 扭傷條腰，Liu哥就疑似氣管敏感，東東同Sica就一直都肚痛，不過原來最驚險嘅事，on show先出現。Sica喺自選項目《Come on, Bad Boy》入面，一個起身唔覺意向前仆，正當所有人都嚇親嘅時候，Sica繼續跪喺度跳埋幾拍先起身，唔知仲以為呢個位都係安排過，執生能力爆燈。

去到指定歌曲《來自天堂的魔鬼》，A4組嘅表現搞到導師同埋評判一路睇一路皺眉頭，安仔點名批評子涓失準之外，卓韻芝仲話佢哋「有少少似考完會考，考完喇……」嘅感覺。

B4組嘅表演就同A4組感覺截然不同，Sica利用佢喺cosplay累積嘅經驗，幫組員變身成為八十年代日本街頭少年，將指定歌曲變成街頭打鬥場景。表演後，強尼都話要再次介紹組員，而喺死亡名單上嘅Liu哥，一句霸氣嘅「叫我Liu哥」即時引起B組嘅尖叫。評判們畀B4組嘅好評幾乎一面倒嘅，卓韻芝原來一直好期待呢種「有啲幽默感」嘅表演，吳雨霏就覺得B4組「可以好麻甩咁樣好型，覺得好好睇」。唔知最後，會係foul走兩次喺淘汰邊緣嘅Carmina，定係咁有霸氣嘅Liu哥呢？

#channelchk #全民造星IV #ViuTV #女團 #Sica #暐翹 #Liu哥 #東東 #Carmina #Ariel #子涓 #Ada仔 #安希婷 #梁祖堯 #死亡名單 #卓韻芝 #On仔 #花姐 #吳雨霏

造星IV｜全城鬧爆梁祖堯foul走Sica 網民：親手宰殺自己組員

畀返主席Sica大家呀！昨日（7日）ViuTV《造星IV》真係睇到旁白師講晒粗口，死亡名單有Liu哥廖雪蕎、Ana羅安娜、阿杰周芷慧、Zoe余潔滢和Sica何洛瑤，點揀都揀唔到Sica啦！梁祖堯你識不識㗎！

梁祖堯先後foul走咗Hannah陳玉幸、咖哩黃雅慧、Liu哥、Ana、Mic周卓盈，每foul一個人都令全城震怒，叻！foul晒大家鍾意嘅，真係好難唔覺得無偏心、無私心！真係搞到大家都無晒心機追，又一次出現罷睇《造星IV》浪潮，又再一次全城怒插梁祖堯！

網民鬧爆：「foul哂啲有實力有樣嘅人……比咩賽啫？你直接畀個冠軍方方啦好唔好？嘥鳩我時間！」又有網民話梁祖堯「一男子簡（揀），勁過法官，幾十慢人睇都唔會影響到賽果，因為佢一個人代表」。

阿祖應該一早就估到今次foul人又會俾人圍插，所以一早喺前晚就出千字文解話打定底，拉埋阿佛許廷鏗、花姐同阿Wing落水，話所有foul人都係四個人一齊決定，提早反駁網民話係佢「一男子簡（揀）」。阿祖仲話大家睇到嘅只係製作組剪輯咗嘅表面，剪到被foul嘅人好唔抵先有綜藝效果，而佢比觀眾睇得更全面，決定foul邊個嗰陣，係考慮咗好多觀眾睇唔到嘅因素。

有心水清嘅網民就突破盲腸，「睇好勁嘅A組屌打B組係無意義，觀眾想睇弱勢反cup」。的確，由一開始就知A、B組實力懸殊，阿祖嘅組員較弱，被foul一啲都唔出奇，但問題係阿祖作為導師，係咪應該諗辦法提升B組嘅實力呢？

有網民問阿祖點解唔搵人幫手教，阿祖話有搵唱歌老師，仲畀每個人上private class，係製作組無剪出嚟。但係睇返阿佛搵鄧小巧幫手，製作組都有剪出嚟。仲有，B2組表演完之後，佢都自爆喺定位上唔清晰，唔知著重演戲定唱歌好，咁仲點叫組員相信自己呀？

想用戲劇包裝自己嘅組員唔唱得、唔跳得，但結果就係佢哋乜都唔得，完全表現唔到自己，大家嬲成件事係「輸導師」呀！

有網民仲懷疑阿祖「公器私用」，喺造星foul咗Sica，但就用嚟喺自己劇團客串，真正做到佢所講嘅：「呢啲面向會為佢哋帶嚟另外一啲機會，而呢個就係我嘅責任。」難怪網民建議不如直接搞《全民造戲》啦！

#造星IV #梁祖堯 #Sica #何洛瑤 #花姐 #全民造星 #channelchk #ViuTV #Liu哥 #廖雪蕎 #Ana #羅安娜 #阿杰 #周芷慧 #余潔滢 #嘮動新聞

花姐撐《造星IV》foul啱人：為何踩人努力？
評判陳詠燊：只談努力 是對表現更出色者殘忍

成日話，每晚睇完電視上面嘅激烈對決，就可以轉場去睇另一場戰事 － 討論區同埋咁多位導師評判嘅IG。

噚晚第三回合結束，foul多咗B組5位參賽者之後，網民一如既往都喺討論區大罵B組導師梁祖堯，話佢過咗咁多個回合都仲力保方方，反而放一啲好有觀眾緣，同埋有實力嘅參賽者入死亡名單。

面對咁多批評，花姐唔單止喺節目力撐梁祖堯決定，事後仲要喺IG限時動態話：「因為咩事要攻擊佢哋？勇敢為自己夢想努力嘅年青人，全力栽培年青人嘅導師，呢個世界本來充滿正能量，會越嚟越好，點解你哋唔慶幸世界仲有佢哋嘅存在，反而要踐踏佢哋嘅努力。」

咁啱第三回合評判之一嘅著名電影編劇及導演陳詠燊喺facebook開po大談「努力」。佢就話「對一個表演者來說，努力是基本的事情」，而唔係一個值得評判加分或者降低要求嘅理由。

喺娛樂圈打滾咗咁多年嘅Sunny直認「娛樂圈就是殘忍」，不過佢話「如果『努力而表現不理想』的人，所得到的與『努力而表現出色』的人一樣多的話，才是對後者的殘忍」，陳詠燊咁樣講一講，令人不禁懷疑佢係咪隔空回應緊花姐。

#channelchk #全民造星IV #花姐 #陳詠燊 #梁祖堯

造星IV女團1.12出道！經理人誓努力打低MIRROR
花姐證Win Win八婆 祖認睇漏Ash 佛囑高層勿糟蹋

ViuTV《全民造星IV》決賽在聖誕夜直播，由李嘉欣等5名評判和網民各佔一半評分，負責篩女人參賽者，從20強選出冠亞季軍直入女團。ViuTV公佈，女團將於明年1月12日出道，屆時才知道其餘人選。經理人戴穎（阿Wing）在賽後的《造星彩蛋》，被問到對女團有何寄語或祝福時，笑言將與女團「一齊努力，打低MIRROR！Yeah！」花姐聞言即質疑：「點解要打低MIRROR啫？我哋唔可以一齊行嘅咩？」阿Wing即時補飛：「咪就係一齊進步囉～」

20強決賽選手之一的穎蕎，最初在節目豪言，要與其他參賽者一起「剝花姐棚牙」。花姐在賽後承認，一眾選手的表現確實「剝我棚牙」︰「我啱啱都有同啲評判講，我諗住呢個比賽裏面有一班八婆嘅，但佢哋唔係八婆囉，除咗Win Win之外！哈哈哈哈！佢哋係一班好熱血啦、好有夢想嘅女仔啦。咁MIRROR、ERROR要小心啲嘞。」但她補充，Win Win和So Ching等很多選手的決賽表演都很好，亦比她想像中好。

2位導師被問到有否「睇漏眼」或滄海遺珠未能晉級時，「阿佛」許廷鏗認為2人眼光不錯，沒有睇漏眼，該復活的已被復活，部份復活者更晉身20強。但「阿祖」梁祖堯則承認睇漏Ash：「我真係好想佢可以喺一個好大嘅舞台上，表演到畀大家睇，不過，總有咁嘅機會嘅我覺得。」阿佛更自爆曾越級叮囑ViuTV高層，勿糟蹋她們：「頭先我都同金生（製作部副總裁金廣誠）講，你好好地對啲女呀，有啲咩搞唔掂，我而家置咗公司，我嚟挖角架我同你講，因為我真係好鍾意佢哋！」

#ViuTV #造星 #全民造星 #全民造星IV #造星IV #女團 #MIRROR #花姐 #戴穎 #黃慧君 #Ash #鍾卓穎 #梁祖堯 #WinWin #楊安妮 #許廷鏗 #channelchk

【旁白師自肥系列】
Ivy So成功以女團出道！旁白師訪問咗一班蘇蝦，凌晨趕製呢條片，講講大家撐蘇媽嘅心路歷程同展望～😌
👉 https://youtu.be/9nIXf5fEKm8

MIRROR演唱會高空大屏幕突塌下
擊中舞蹈員頭部 演唱會腰斬

全文：https://bit.ly/3bfpuIq

MIRROR演唱會今晚舉行第4場，但至晚上10時許，Edan與Anson Lo演唱《Elevator 》期間，一個吊於高空的大屏幕突然塌下，導致3名舞蹈員受傷，從觀眾拍攝的片段所見，墜下的大屏幕擊中其中一名舞蹈員頭部，據現場觀眾向Channel C表示，該舞蹈員疑為阿Mo（李啟言），即COLLAR成員So Ching（蘇芷晴）男友，有醫療人員隨後在場為傷者治療。

意外後，演唱會腰斬，花姐亦向觀眾宣佈「出咗事」，呼籲觀眾離場。

#MIRROR #MIRROR演唱會 #舞蹈員 #阿Mo #SoChing #花姐 #大屏幕 #電視機 #channelchk #誠邀商戶提供會員專屬優惠_PM我哋啦
＝＝＝＝＝＝＝＝＝＝＝＝＝＝
😎新一輪商戶優惠大募集又開始啦！🤝

誠邀各商戶提供專屬優惠畀我哋會員，互相宣傳；
有意請電郵至： marketing@channelchk.com
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
「爆片爆相」返嚟喇！
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7

LIVE︱MIRROR演唱會意外
昇哥、旁白師紅館及伊院跟進最新情況
👉https://www.youtube.com/watch?v=8Qi3x-l_Nvs

#MIRROR #MIRROR演唱會 #舞蹈員 #花姐 #大屏幕 #電視機 #channelchk #誠邀商戶提供會員專屬優惠_PM我哋啦
＝＝＝＝＝＝＝＝＝＝＝＝＝＝
😎新一輪商戶優惠大募集又開始啦！🤝

誠邀各商戶提供專屬優惠畀我哋會員，互相宣傳；
有意請電郵至： marketing@channelchk.com
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
「爆片爆相」返嚟喇！
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7

MIRROR演唱會︱花姐引團歌《One And All》首回應：
MIRROR和我一定會撐住 盼阿Mo阿峯早日渡過難關
全文：https://bit.ly/3JuiRyF

MIRROR演唱會發生嚴重意外已一星期，兩位受傷舞蹈員李啟言（阿Mo）及張梓峯（阿峯）仍留醫，近日更傳出MIRROR「死約」明年屆滿或將解散傳聞，MIRROR經理人花姐（黃慧君）今午（5日）在IG首回應，寫道：「這幾天，看到自己的脆弱，感謝家人陪伴，感謝公司上上下下為我們奔波，感謝朋友和鏡粉的慰問。祈求Ah Mo，峯和他們的家人，dancers們可以早日渡過這個難關。MIRROR和我一定會撐住。」

#MIRROR #MIRROR演唱會 #花姐 #李啟言 #阿Mo #張梓峯 #阿峯 #channelchk #誠邀商戶提供會員專屬優惠_PM我哋啦
＝＝＝＝＝＝＝＝＝＝＝＝＝＝
😎新一輪商戶優惠大募集又開始啦！🤝

誠邀各商戶提供專屬優惠畀我哋會員，互相宣傳；
有意請電郵至： marketing@channelchk.com
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
「爆片爆相」返嚟喇！
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7

嘮動新聞👉https://www.youtube.com/watch?v=LO7zCjmj1vQ

#channelchk #阿MO #李啟言 #SoChing #MIRROR演唱會