黑雨下環保大道變水塘 一度癱瘓坑口至工業邨

受到颱風「獅子山」吹襲，為全港各區帶來一幕幕奇觀，包括半山「馬己仙峽河」、柴灣「長命斜瀑布」、巴士「激流旅程」，以及港鐵列車「水舞間」等，就連將軍澳工業邨都變「水塘」，更一度搞到大塞車，塞到出坑口迴旋處。

據「日出康城聯邨」fb群的街坊拍攝到嘅相片，水浸路段正正係工業邨消防局對開一段環保大道，鄰近137區填料庫及工業邨內多個工廠。當時水深超過2呎，有人在馬路中心嘗試清理排水渠，但由於水位太高，只能等待雨水慢慢排走。不過，水浸導致車輛無法通過，造成長長車龍，更一度癱瘓坑口至工業邨一帶。

根據呢路段每日多達1,300架泥頭車經過，而部份載貨經常不穩或嘔泥導致渠務淤塞。據區議員方國珊指出，今次發生水浸路段正處於環保大道低位，大雨反映出多項填料庫引致的潛在危機，更枉論爭議極大討論中的水泥廠，方責成各部門全面檢視環保區各類排水管道，進行改善及清理排水渠內的積聚沙泥工作。

#獅子山 #將軍澳工業邨 #水浸 #癱瘓 #坑口 #環保大道 #3號風球 #打風 #channelchk

＝＝＝＝＝＝＝＝＝＝=＝＝＝＝
🔥出氣師登場！「谷鬼氣、搵我哋」🔥
如果大家有咩疑難「谷鬼氣」，不妨搵我哋「出氣師」，等我哋幫手出返口氣！
出氣WhatsApp： https://wa.me/85263544742