造星IV女團1.12出道！經理人誓努力打低MIRROR
花姐證Win Win八婆 祖認睇漏Ash 佛囑高層勿糟蹋

ViuTV《全民造星IV》決賽在聖誕夜直播，由李嘉欣等5名評判和網民各佔一半評分，負責篩女人參賽者，從20強選出冠亞季軍直入女團。ViuTV公佈，女團將於明年1月12日出道，屆時才知道其餘人選。經理人戴穎（阿Wing）在賽後的《造星彩蛋》，被問到對女團有何寄語或祝福時，笑言將與女團「一齊努力，打低MIRROR！Yeah！」花姐聞言即質疑：「點解要打低MIRROR啫？我哋唔可以一齊行嘅咩？」阿Wing即時補飛：「咪就係一齊進步囉～」

20強決賽選手之一的穎蕎，最初在節目豪言，要與其他參賽者一起「剝花姐棚牙」。花姐在賽後承認，一眾選手的表現確實「剝我棚牙」︰「我啱啱都有同啲評判講，我諗住呢個比賽裏面有一班八婆嘅，但佢哋唔係八婆囉，除咗Win Win之外！哈哈哈哈！佢哋係一班好熱血啦、好有夢想嘅女仔啦。咁MIRROR、ERROR要小心啲嘞。」但她補充，Win Win和So Ching等很多選手的決賽表演都很好，亦比她想像中好。

2位導師被問到有否「睇漏眼」或滄海遺珠未能晉級時，「阿佛」許廷鏗認為2人眼光不錯，沒有睇漏眼，該復活的已被復活，部份復活者更晉身20強。但「阿祖」梁祖堯則承認睇漏Ash：「我真係好想佢可以喺一個好大嘅舞台上，表演到畀大家睇，不過，總有咁嘅機會嘅我覺得。」阿佛更自爆曾越級叮囑ViuTV高層，勿糟蹋她們：「頭先我都同金生（製作部副總裁金廣誠）講，你好好地對啲女呀，有啲咩搞唔掂，我而家置咗公司，我嚟挖角架我同你講，因為我真係好鍾意佢哋！」

#ViuTV #造星 #全民造星 #全民造星IV #造星IV #女團 #MIRROR #花姐 #戴穎 #黃慧君 #Ash #鍾卓穎 #梁祖堯 #WinWin #楊安妮 #許廷鏗 #channelchk

Ash認離婚後傳拍MV撻着張天賦 華納：兩人純粹工作朋友

《全民造星IV》參賽者Ash比賽嗰陣被爆已婚後，Ash曾大方承認，仲感謝丈夫無條件支持，但最近傳佢丈夫透露已離婚。Ash噚日（3日）出ig story承認兩人和平結束關係，但之後網上就流傳佢同MC張天賦喺平安夜晚一齊去超市買嘢，懷疑因為撻着MC而離婚。MC所屬嘅華納唱片噚晚回覆傳媒時就表示：「跟MC了解過兩人只是純粹工作朋友關係，沒有其他。多謝關心。」

Ash雖然喺《造星IV》入面一早被foul，但憑住甜美外表，依然擁有超高人氣，為MC張天賦新歌《時候不早》做MV女主角之外，上月中亦為謝瑞麟等品牌影product相。Ash仲喺個post度話「好幸運我有我先生一直鼓勵同支持我」，仲送咗對品牌嘅對戒畀佢添！不過Channel絲再睇返，個post已經唔見咗。

#channelchk #Ash #鍾卓穎 #張天賦 #時候不早 #華納