冷鋒或延至明早抵港 市區29°C跌至17°C
提防風寒效應帶走體溫 感覺更涼 粵北跌13度

【天氣師李鈺廷提提你】
天文台表示，華南北部的冷鋒逐漸南移，並推遲至今晚（7日）至明早才橫過香港，預計本港有幾陣雨，而受其相關的強烈東北季候風影響，北風會增強，明早顯著轉涼；市區氣溫由今日下午29°C，跌至至明早約17°C，後日早上更見16°C，新界再低兩三度，呼籲巿民留意天氣變化。

從氣溫分佈圖可見，在香港市區仍高達26°C之際，廣東北部在晚上7時已跌至11°C；粵北在下午5時已明顯降溫，較24小時前大跌13度。另須注意，由於未來數天風勢頗大，容易帶走體溫，風寒效應令人感覺更涼，市民要擋風保暖。天文台又預計，本港隨後數日受乾燥大陸氣流影響，漸轉天晴乾燥，早晚清涼，日夜溫差較大。

#冷鋒 #天氣 #氣象 #轉涼 #天文台 #李鈺廷 #季候風 #風寒效應 #channelhk #乾燥 #保暖

心寒天氣報告🥶大陸涼風吹襲 煙霞籠罩香港烏煙瘴氣
👉 https://youtu.be/4ANnW7-rZuI

12月29日周三朝早6時，大欖附近嘅屯門15°C；好多人住嘅大埔14°C；同樣有好多人住嘅沙田、將軍澳同好多人返工嘅觀塘16°C，都屬於清涼。根據天文台準則，13至17°C係清涼，8至12°C係寒冷，7°C或以下係嚴寒，但Channel絲身體嘅準則，話今朝係嚴寒。

香港吹住由大陸嚟嘅偏北氣流，風唔算好大，吹唔散啲污染物，形成煙霞，維港下午灰蒙蒙一片。由朝早6時開始唔夠半日，好多個區嘅PM10同PM2.5濃度都飆升幾倍；平均24個鐘計，仍然超出世衞建議上限，可以話係烏煙瘴氣，甚至令人有種透唔到氣、窒息嘅感覺。

至於未來數日天氣預測，天氣師李鈺廷提提大家，越近北面，氣溫仲係寒冷；好似部份地方曾經係禁區、香港幾乎最北嘅打鼓嶺，禮拜四同除夕朝早可能跌至11度，即係寒冷。大家記得要好好保暖，好好保護自己。

天文台預測，香港繼續受大陸乾燥嘅東北季候風吹襲，市區早晚都係清涼同乾燥，除夕晚到元旦朝早東北風仲會增強，離岸地區吹到強風，雲量又會多返啲。

陰雲不散，即將告別2021，星期五就係除夕，未知大家會否外出倒數，或者留喺溫暖嘅家中，都係一種幸福。寒冬之下，最緊要係互相關心送暖，記得多啲問候身邊嘅人！

#channelchk #天氣 #寒冷 #保暖 #告別 #倒數 #嘮動新聞 #天氣師 #李鈺廷 #天文台 #東北季候風 #打鼓嶺 #空氣污染 #煙霞 #PM10 #PM25 #懸浮粒子 #世衞

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK