陸陸雞煲被罰停晚市再收食環投訴指廁所唔乾淨
嘆「聽到麻木」：若有日關門大吉請不要憤怒

旺角一間食肆「陸陸雞煲火鍋」日前被罰晚市堂食停晚市7日後，今日再收到食環通知，稱有人投訴佢哋廁所唔乾淨、無嘟安心出行等，慨嘆就算幾努力繼續做，但今次停晚市再加早前兩次打風，已損失幾十萬；加上俾facebook封鎖，搞到推優惠post都冇人知，所以都呼籲大家畀like同分享佢哋page支持。佢哋最尾仲好灰咁話，假如「有一日關門大吉，請不要驚訝，也不要憤怒。」

警方近日多次突擊巡查食肆，「藍店」、「黃店」都無一倖免，其中位於旺角白布街嘅陸陸雞煲就喺上周五（15日）晚，因為3名食客因為冇用「安心出行」或「填紙仔」，違反防疫條例而被票控，食肆負責人被捕，食肆須停晚市7天至本月22日。此外，銅鑼灣No Boundary 無邊、Softeggsboy滑蛋仔亦先後被指違反防疫條例而須停晚市，目前已重開；而石門嘅Explorer Fusion Restaurant則被罰停晚市至本月24日。

陸陸雞煲今午喺社交平台表示，再收到食環通知話有人投訴佢哋廁所唔乾淨，無嘟安心出行等，直言已「聽到麻木晒」。

佢哋仲話原本諗住慶祝今年開張十周年，但無奈喺疫情呢一年「一日做得4個鐘頭生意」；即使佢哋逆境下繼續堅持，期望將來能成為老字號餐廳，但資源始終有限，「停呢7日晚市同上星期打咗兩個八號風加埋都唔見咗幾十萬。」而且佢哋已被facebook封鎖，推出外送$0雞優惠嘅post都冇人睇到。

所以，陸陸雞煲希望大家幫手like、follow同share佢哋page，等將來做優惠可以多啲人知道，仲慨嘆「或者我哋將來再俾人拉，起碼你哋第一時間會收到先」；帖文最尾仲話「假如陸陸（雞煲）有一日關門大吉，請不要驚訝，也不要憤怒。」佢哋亦衷心感激呢幾日仍打算嚟幫襯嘅顧客，「一切在心中」。

#channelchk #陸陸雞煲 #火鍋 #黃店 #藍店 #防疫條例 #安心出行 #填紙仔 #突擊巡查

光榮冰室被罰停晚市堂食
稱食客已掃安心 惟向執法人員否認
有CCTV片亦拒受理
全文：https://bit.ly/3x4Edhh

疫苗通行證第三階段昨（5月31日）起實施，光榮冰室旺角店再遭執法人員突擊巡查。據光榮冰室昨晚在其facebook專頁指，有食客昨晚進入餐廳時，已出示「安心出行」及提供針紙，但執法人員到場時，該食客則稱自己沒有掃，餐廳經理即翻查閉路電視，「清楚顯示佢當時有掃」，惟執法人員未有理會，並被罰停堂食兩星期，至本月14日。

警方回覆Channel C查詢時表示，在光榮冰室發現一名18歲男子未有掃描「安心出行」二維碼或填寫顧客資料記錄表，違反《預防及控制疾病（規定及指示）（業務及場所）規例》（第599F章），遂向他發出定額罰款通知書。

由於餐廳沒有確保顧客掃描「安心出行」或填寫顧客資料記錄表，亦違反上述規例，警方遂向該公司負責人發出傳票。

對於光榮冰室指閉路電視片段顯示食客已掃安心出行，但對方則向執法人員稱沒有掃，Channel C曾就此向警方及食環署查詢，為何執法人員拒絕採納閉路電視片段證明，另查詢一般情況下食肆及食客各執一詞時，食肆可如何保障出現類似情況，但警方沒有回應。食環署則只表示，若餐飲場所負責人有作盡職檢查，以遵從《規例》指示，即為免責辯護。署方會審視每宗個案，確保有足夠證據方會作出檢控。

#光榮冰室 #疫苗通行證 #599F #執法人員 #突擊巡查 #channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7