華記突「轉軚」組反對林鄭連任大聯盟
爆夏寶龍第一個多謝何君堯撐《國安法》
嚇到林鄭面青
嘮動新聞👉 https://youtu.be/YbHB-TrenaQ

下屆特首選舉明年舉行，特首林鄭月娥雖未有表明會爭取連任，但向來撐政府嘅華記正能量就突「轉軚」，表明「倒林鄭」兼力數佢五宗罪，包括從不贊成實施《國安法》，但實施後就邀功；錯判7.21形勢等，直言「過去4年我受夠喇！我忍唔到林鄭！」。華記呼籲成立「反對林鄭連任大聯盟」，雖然佢利申無個人利益，但有撐政府嘅網民就質疑華記「反政府，香港點會好呀」、「難以令人信你冇政治利益。對你好失望！」

華記喺YouTube頻道話，林鄭死罪係唔贊成現屆政府推行廿三條及實施《國安法》，「基本上林鄭月娥從來唔贊成推動《國安法》，但阿爺見到219萬民意後，畀咗《國家安全法》香港，而家林鄭揸住《國家安全法》認屎認屁，好似《國家安全法》係林鄭月娥爭取返嚟，呢度令我好反感。」

華記又話實施《國安法》其實最大功勞係立法會議員何君堯。華記解釋，何君堯喺去年2月嘅一次大會上，已大力推動《國安法》同廿三條，最終《國安法》喺同年6月30日出爐，仲透露港澳辦主任夏寶龍頒佈《國安法》後，「第一個多謝就係何君堯，當時你見到林鄭月娥塊面係一青一白」，但結果今日「個個人做何君堯，你知啦！何君堯面對好多把刀」。華記又指林鄭忌才，隨後他與何君堯推動健康碼、廿三條，都被林鄭當「臭四」。

至於喺7.21事件上，華記又批評時任政務司司長張建宗，居然話警隊要向市民道歉，質疑佢支持黑衣人，而林鄭錯信張建宗，就錯判形勢定性7.21為暴動，華記就重申事件只係互相毆鬥，「攞藤條叫暴動？」

華記又話林鄭搞到司法大倒退，大量冤案出現後，就叫人唔好批評法官；4年任期無作為，仲整咗《逃犯條例》出嚟；又無能力對抗5眼聯盟。華記問林鄭「美國領事館點解會有千幾人喺我哋度返工」，稱入境處應拒續簽證，又問點解美領館地權係永久，認為行政長官如果係鷹派、有作為，應即刻改變土地，得返30年期，「你要有承擔有作為有前瞻性！」

華記鬧林鄭唔重視民意，希望佢做埋今屆就算，勸佢相夫教子，做開心快活人，「畀個政協你做，畀個國家領導人你做咪得囉！好似CY（梁振英）咁，CY落返嚟做特首就最好喇！」

#channelchk #林鄭 #特首選舉 #華記 #華記正能量 #何君堯 #鄧炳強 #夏寶龍 #國安法

反同組織立會示威 促TVB停拍《仔仔一堂》
趙佩玉屈hehe勁播甲肝：將「污糟嘢」擺入口

ViuTV 《賭命夫妻》由開播到差唔多播完，到而家都仲係話題節目，Channel絲以為已經好犀利啦，但有個節目仲勁，播都未播就引嚟唔同團體嘅口誅筆伐⋯⋯咪就係TVB 嘅男男配對真人騷《仔仔一堂》囉～

繼周二（26日）一班家庭、宗教組織大鬧批評《仔仔一堂》不道德、埋沒良知，灌輸有違聖經的歪理，喺網上發起聯署要求TVB停止製作節目後，今日一班反同團體仲去埋立法會外示威，批評《仔仔一堂》涉及男男配對，代表香港同性戀解放的情況已經十分「嚴峻」。

反同組織「性傾向條例家校關注組」成員趙佩玉仲話，甲型肝炎嚴重係因為「男男性行為，將啲污糟嘅嘢擺入口」，要個節目即刻停拍。除此之外趙佩玉仲鬧埋ViuTV嘅《賭命夫妻》「好淫亂」、「好污穢」，又話《大叔的愛》荼毒年輕人⋯⋯而之前反對「同樂運動會」舉行嘅建制派議員何君堯有份接組織嘅請願信，佢繼續大鬧「同志平權人士破壞綱紀」，但就無乜點發表對《仔仔一堂》嘅睇法。

小編借此提提大家，即使為異性口交，只要清潔不足和不戴好安全套，同樣是「將啲污糟嘅嘢擺入口」，一樣有機會感染可經性接觸傳播的疾病，包括甲型肝炎。要做到安全性行為，無分性傾向，只關乎良好性教育。

其實《仔仔一堂》引嚟反同團體關注，有幾位節目參加者早前已經喺網上吐心聲，其中藍源瑋（Juzco）話，其實絕大部分同志都唔希望呢類節目喺無綫播出，但覺得「整個節目目的是希望對同志/LGBT有偏見或不接納的人去看」，所以無綫可能係一個更合適嘅平台，畀佢哋嘗試去接納同性戀。

而《仔仔一堂》原本預計11月會喺J2播出，但上周播出嘅《TVB節目巡禮2022》竟然無晒佢哋嘅相關介紹，引嚟外界猜測節目會唔會臨時被抽起，不過TVB就話唔會就有關揣測作出回應，而J2創意總監C君就話「唔係我一個人決定播唔播」，唔知到底最尾趙女士有無機會睇住嚟鬧呢？

#channelchk #ViuTV #賭命夫妻 #TVB #仔仔一堂 #反同組織 #無綫 #投訴 #示威 #C君 #何君堯

19議員曾赴「洪門壽宴」 4新丁隔離21日錯過立會開鑼
座上客何君堯赴宴後兩日與夏寶龍會晤

人大代表洪為民周一（3日）的生日晚宴，因為座上客之一的37歲廠商會青年委員會委員王詩雅初步確診，生日宴頓變成疫慌壽宴。立法會主席梁君彥今表示，19名議員曾出席聚會，其中4人須送竹篙灣檢疫21日，全部都是新丁議員，包括民建聯陳仲尼、經民聯陸瀚民、自稱無政黨的選委會界別議員洪雯及科技創新界邱達根。換言之，4名新丁議員將與民政事務局局長徐英偉同一命運，而且錯過下周三（12日）舉行嘅新一屆立法會第一次大會。

至於其餘15名出席議員包括：譚岳衡、郭玲麗、陳沛良、陳家珮、葛珮帆、容海恩、黎棟國、何君堯、周文港、林琳、郭偉强、霍啟剛、林順潮、梁毓偉、吳傑莊。當中何君堯在出席晚宴後兩日（5日），曾到深圳與港澳辦主任夏寶龍會面，梁君彥表示，全體議員本月4日曾檢測，於5日會面前曾做兩次檢測，結果都是陰性。梁又要求議員在COVID-19病毒檢測陰性前，不要返回立法會大樓及中信大廈辦事處。

有份出席宴會的何君堯向傳媒表示，當晚7時許已離開宴會，無接觸初步確診者，衞生署已聯絡他時，他已提供資料顯示其離開時間，相信不會列為密切接觸者。他又說，前日（5日）有份到深圳會見港澳辦主任夏寶龍，但強調前後已檢測3次，結果都呈陰性。

另一座上客、昨晚（6日）經檢測後結果呈陰性的邱達根今早在電台節目表示，雖然不認識初步確診患者，但因為曾與對方同一時段同場，被列為密切接觸者，需等候衞生署安排他及家人送往竹篙灣隔離檢疫，對於未能參與立法會首場會議感遺憾。

邱達根指，當晚逗留至9時半後，即該確診者出席宴會後。而自己大部份時間在宴會場地的戶外位置，其間有進食，但與人交談時都戴上口罩。他說，當時政府仍未收緊社交距離措施，因此不認為當日不應該出席生日會，並形容是正常社交活動。但他亦承認今次是大意，逗留時間比較長，形容是很大的反面教材。

#channelchk #洪門壽宴 #洪為民 #徐英偉 #邱達根 #民建聯 #陳仲尼 #經民聯 #陸瀚民 #洪雯 #譚岳衡 #郭玲麗 #陳沛良 #陳家珮 #葛珮帆 #容海恩 #黎棟國 #何君堯 #周文港 #林琳 #郭偉强 #霍啟剛 #林順潮 #梁毓偉 #吳傑莊 #夏寶龍 #COVID19 #Omicron #檢疫 #竹篙灣

何君堯開live大鬧檢疫安排：個火要燒出去，林鄭要辭職！
拍枱拍到電話跌 斥國泰：再嚟一次！識唔識！串謀行騙！

何君堯講自己經歷，就話政府前日（7日）下午公佈要隔離檢疫，但去到夜晚7點先有人聯絡，仲要到深夜12點先安排進入竹篙灣。佢就問相關人員，但對方表示人手緊張，因為一架車只可以車一個人，咁所以成個「洪門宴」群組要用170幾轉車接送。何君堯批評香港防疫「好睇唔好使」，又話防疫工作組織失調，食物及衞生局局長陳肇始要負責，而特首林鄭月娥要負「最終責任」。

身為執業律師嘅何君堯，批評檢疫安排之時都不忘呢個身份，指國泰有豁免就應該有責任，要作出承諾保證，但結果就違反承證，話國泰有「Conspiracy to Defraud！再嚟一次！識唔識！串謀行騙！」不過睇返相關法律，應該就係串謀詐騙嘅。

何君堯喺直播入面話「洪門宴」係一個「合情合理合法」嘅宴會，只係「跌咗個有病嘅落嚟」，仲話 「我都唔想架」。點知而家就被加上「莫須有」嘅罪。講到中段，佢越講越激動，仲一嘢拍枱，大力到電話都跌埋。仲話「問咩責呀？特首要辭職啦！」，「個火要燒出去，林鄭要辭職！」

食生日飯冇錯，生日都冇錯，所以何君堯都話「洪為民冇錯，如果錯係佢阿媽嗰日生佢出嚟，但係你唔可以怪人哋老母架喎」，仲問「有邊個慶祝生日嗰日唔係真係生日？」呢度個邏輯Game高深到Channel絲都load咗一陣。

#channelchk #何君堯 #竹篙灣 #洪門宴 #檢疫 #隔離營 #林鄭月娥 #陳肇始

相信大家未必有跟開何議員動向，所以今日 #嘮動新聞 幫你哋濃縮成《何君堯竹篙灣之怒》！ #仲有鏡仔錯仔

去片👉https://www.youtube.com/watch?v=Q9CbNJI8QXY

#channelchk #何君堯 #竹篙灣 #MIRROR #ERROR #陳茂波
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

聽邊個講好？ 一味搞清零冇用 VS 共存或犯國安 VS 動態清零？

港大醫學院微生物學系講座教授袁國勇上星期（23日）見記者時，直指「一味去搞『清零』，本身係冇用」，不是理想做法之餘也「唔可以長期咁做落去」，而袁國勇也指出，他兩年前已經說過，「冠狀病毒會同我哋永遠一齊㗎嘞，佢唔會離開」。

然後，立法會議員何君堯曾表示，若本港有專家推動「與病毒共存」，或可視為違反《港區國安法》。他指提倡與病毒共存是不負責任，若任由病毒傳播更等於「發起生物戰」，又稱「外防輸入、內防反彈」是國策。故若主張與病毒共存，或違反國防政策。

而今日（30日）政府發稿回應，指「一般純意見討論不涉違法，而『動態清零』是防疫抗疫及保護市民衞生安全的最有效方法」。而回應當中，也提到政府採取了一系列「強化『外防輸入、內防擴散』」的措施，「以最大力量保護市民生命安全」。

#channelchk #袁國勇 #何君堯 #清零 #共存 #動態清零 #檢測 #COVID19 #變種病毒 #疫情 #Omicron #Delta

緊急警示｜區議員：逾10部手機的士佬D出嚟 李梓敬：可否出返真正緊急警示？
👉🏻https://bit.ly/3tGz644

港府今（9日）首發出緊急警示，全港市民手機同響，震醒大家。沙田區議會主席麥潤培在FB表示，警示期間正乘的士，的士車頭有約12部電話一次過震動，嚇得司機「DLM大大聲D出黎」。至於建制派亦不太支持港府這樣運用系統，立法會議員霍啟剛在FB指，「# 真係俾佢嚇死 # 心臟負荷少啲都唔得」；李梓敬就反問「可否出返一啲真正緊急嘅警示？」

#緊急警示 #緊急警示系統 #通訊辦 #疫情 #麥潤培 #陳堡明 #霍啟剛 #李梓敬 #何君堯 #建制派 #的士 #的士司機

全民檢測｜何君堯李梓敬狠插林鄭暫緩 不慎炒車 被大陸專家一句KO

👉https://cutt.ly/0SPQ5FL

#channelchk #全民檢測 #全民強檢 #林鄭月娥 #暫緩 #李梓敬 #何君堯 #梁萬年 #社交距離措施 #動態清零 #共存 #Omicron #變種病毒 #疫情 #COVID19 #COVID

刺傷何君堯判囚9年 無業漢提上訴遭駁回

全文👉https://bit.ly/3xlTvhs

在2019年區議會選舉前夕，一名無業漢趁何君堯拉票時，假扮支持者持刀襲擊，被捕後承認有意圖傷人等罪，判監9年。現正服刑的被告不滿刑期過長，今（14日）在高院申請上訴許可，惟法官潘敏琦稱案件沒有合理爭辯之處，遂駁回申請。

#法庭 #何君堯 #傷人 #Channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！

亞洲七欖主辦機構錯播《榮光》 建制派戰狼群起
何君堯：唯一辦法喺解散港隊
全文：https://bit.ly/3O51WF8

昨（13日）亞洲七人欖球賽韓國站主辦機構於賽前國歌環節，誤播2019年反修例運動流傳的歌曲《願榮光歸香港》，事件引起建制派群起譴責。

其中立法會議員何君堯批評香港代表隊，指隊員聽見大會錯播「黑暴歌」竟「毫無反應」，即使贏得球賽，但仍然讓國家蒙羞，並要求將香港欖球代表隊解散。

#亞洲七人欖球賽韓國站 #榮光 #國歌 #國安法 #何君堯 #湯家驊 #陳勇 #民建聯
#channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/3S3zjZy

何君堯邀北上考察快速建屋方式 何永賢：部份方式抵禦不到1號風球
全文：https://channelchk.com/a/6784

政府計劃興建簡約公屋，讓輪候普通公屋多時的市民暫住。今日（18日）立法會大會上，議員何君堯發言時邀請房屋局局長何永賢周末到中國內地，一同考察當地快速建屋的「黑技術」。何永賢回覆時指，坊間上有關快速興建的影片，部份並不符合香港環境，可能連一號風球也無法承受。

#簡約公屋 #何君堯 #何永賢 #立法會 #channelchk
=================================
新一輪2023年會員優惠大招募又返嚟啦！
誠邀各商戶提供優惠畀Channel C 花生友 同 自己友；
有意請電郵至： marketing@channelchk.com
=================================
新聞有價 記者有格 $128成長計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
=================================
報料：https://bit.ly/3S3zjZy

局長稱內地部份速建屋 或難抵1號波
原來最低風球 長洲已可吹強風如3號

詳情👉https://channelchk.com/a/6790
天氣師李鈺廷提提你

#weather #science #hongkong #hk #wind #typhoon #storm #cyclone #天文台 #李鈺廷 #天氣 #氣象 #科學 #科普 #香港 #熱帶氣旋 #打風 #颱風 #風暴 #強風 #長洲 #何君堯 #何永賢 #建築 #房屋 #architect #architecture #housing #construction

指林卓廷為721主謀被控誹謗
何君堯逾期申請設陪審團遭駁回 須賠15萬訟費
全文︰https://channelchk.com/a/7425

立法會議員何君堯2019年在一段影片中，指控民主黨前立法會議員林卓廷為721事件幕後主謀，遭對方入稟法庭控告民事誹謗。何君堯欲申請將案件交由陪審團審理，卻遲於法庭指定期限提交文件，法官歐陽桂如今日（17日）頒下判辭，指雖然此案原則上適合設陪審團，但何君堯沒有合理理由下逾期提出，決定駁回其申請，何君堯亦須向林卓廷支付15萬元訟費。

#何君堯 #721 #幕後主謀 #誹謗 #林卓廷 #陪審團 #駁回 #訟費 #白衣人 #西鐵元朗站 #channelchk
＝＝＝＝＝＝＝＝＝＝＝＝＝＝
新一輪2023年會員優惠大招募又返嚟啦！
誠邀各商戶提供優惠畀Channel C 花生友 同 自己友；
有意請電郵至：marketing@channelchk.com
=================================
新聞有價 記者有格 Channel C成長計劃
立即訂閱：https://channelchk.com/plan
撐Channel C請記者
一齊為民請命 抱打不平
=================================
報料：https://bit.ly/3S3zjZy

何君堯促煞停「同樂運動會」 平機會：支持宣揚社會共融
https://channelchk.com/a/9466

立法會議員何君堯早前發起聯署，要求煞停11月首次在港舉行的「同樂運動會（Gay Games）」，並稱「『Hello香港！』不靠同運！」。平機會主席朱敏健今日（30日）回應事件，表示任何活動都會有正反意見，若該活動宣揚平等機會及社會共融，平機會並不會改變支持的原則。

#何君堯 #平機會 #同樂運動會 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作！🤝
誠邀各商戶傾談廣告宣傳和合作推廣；
有意請電郵至：marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://bit.ly/3S3zjZy

美斯缺賽｜解構在港黑面之謎！因港府1舉動所致？見患癌童卻展笑容｜瘋傳普通話女喊「你對得起我們嗎」戰狼反駁隊齊出征 杭州忽停辦友誼賽：原因眾所周知
網站睇片：
https://channelchk.com/a/16383

國際邁亞密訪港原本是香港盛事經濟頭炮，但因美斯沒出場，加上當日他全程黑面，惹來大批購買昂貴門票的球迷不滿。在場普通話女觀眾大喊「你對得起我們嗎」，片段在網上瘋傳。而當美斯日本之旅神態輕鬆，笑容滿面；對賽神戶勝利船更後備落場，踢足30分鐘，更令香港不少人震怒...

快啲Follow我哋後備IG啦
https://www.instagram.com/channelc_hk/

#美斯 #國際邁亞密 #messi #intermaimi #杭州 #眾所周知 #葉劉淑儀 #李梓敬 #何君堯 #環球時報 #日本 #japan #香港 #hongkong #hk #Tatler #北京 #腹肌溝 #阿根廷 #Argentina #中國 #china #體育 #sport #運動 #足球 #soccer #文匯報 #大公報 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作！🤝
誠邀各商戶傾談廣告宣傳和合作推廣；
有意請電郵至：marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://wa.me/85264691456