《十八樓C座》累計4成員中招 監製稱眾人身體狀況唔錯：
雖然要隔離 但會風雨不改陪伴市民共度難關

商台廣播劇《十八樓C座》繼「周老闆」金剛、「祥嫂」朱雪梅、「無牙三姑」陳慕賢染疫後，「鐸叔」李錦亦中招，即該廣播劇至今有4人確診或初步確診。

負責該廣播劇監製並聲演「拉表叔」嘅馮志豐喺商台facebook專頁發帖表示，眾人身體狀況唔錯，叫大家唔使擔心。佢多謝大家呢幾日呢幾日嘅祝福同支持，「雖然我哋都要隔離，但依舊會盡力（喺唔同地方進行）錄音，做好每一日嘅《十八樓C座》，風雨不改陪伴市民共度難關。」

馮志豐又話，除咗《十八樓C座》劇組外，商業一台台前幕後已做咗幾日快速測試，結果呈陰性，估計今次傳播應該唔涉及其他同事。佢最後再次多謝聽眾嘅祝福，「祝願大家身體健康！」

#channelchk #商台 #十八樓C座 #確診 #初步確診 #馮志豐 #周老闆 #金剛 #祥嫂 #朱雪梅 #無牙三姑 #陳慕賢 #鐸叔 #李錦