十蚊雞讓畀你！
女司機泊剩一粒鐘問下家司機拎返泊車錢

香港土地問題唔單止係講緊房屋，揸開車都知道出親街都車位難求。車手最緊要就係對眼，泊車嚟講，眼明唔夠，要鬥埋手快。但如果咪錶入多咗錢，又唔想蝕，又唔想賴死阻住下家，可以點做？

港女出名慳家，噚日（8號）下午泊車時，就喺咪錶入多1個鐘錢（即係10蚊雞）但唔想蝕，於是就行去問等緊佢個位的司機介唔介意畀番10蚊佢，咁就唔使蝕之餘，變相幫下手畀埋錢（一石二鳥咁款）。

以前就話上手司機剩低嘅泊車時間，無論剩幾多，下手司機係唔可以用，咁其實呢個情況又得唔得呢？大家又點睇呢個做法？大家一齊喺下面傾吓～

#channelchk #智能咪錶 #泊車 #咪錶