《全民造星IV》總決賽結果出爐，頭三甲可以直入女團，Marf大熱奪冠，「女版Lokman」Gao拎亞軍，Day亦都不負眾望拎到季軍。

無論結果如何，Ivy So都係Channel C心中嘅世一！

#channelchk #全民造星IV
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

濕凍襲港2日！歷來第5遲寒冷天氣警告發出
天文台料市區今晚跌至約12°C 明早9°C左右

【天氣師李鈺廷提提你】
Boxing Day，拆禮物了沒？但上天的「大禮」，大家要注意！天文台中午前發出歷來年內第5遲的寒冷天氣警告，預計濕凍寒流將襲港2日。連日天陰、有雨、大風又寒冷，要小心擋風和保暖，以免風寒效應以及水份在皮膚的蒸發冷卻作用，帶走體溫，引致低溫症。

強烈冬季季候風影響下，本港大部份地區在正午，氣溫較昨日低5度左右。天文台預測，下午及今晚多雲，有幾陣雨，吹清勁北至東北風，並顯著轉冷，市區今晚跌至約12°C；明早進一步降至9°C左右，仍多雲和間中有雨，日間僅回升至約12°C；後日早上雖仍然寒冷，徘徊在11°C，但日間乾燥，並回升至約16°C，天色稍為明朗。

#寒流 #聖誕 #李鈺廷 #天文台 #天氣 #氣象 #濕凍 #寒潮 #weather #forecast #BoxingDay #拆禮物日 #christmas #xmas #預測 #預報 #風寒效應 #windchill #stem #science #科學 #蒸發冷卻 #evaporativecooling #香港 #hongkong #channelchk #季候風 #寒冷天氣警告 #低溫症

造星IV女團1.12出道！經理人誓努力打低MIRROR
花姐證Win Win八婆 祖認睇漏Ash 佛囑高層勿糟蹋

ViuTV《全民造星IV》決賽在聖誕夜直播，由李嘉欣等5名評判和網民各佔一半評分，負責篩女人參賽者，從20強選出冠亞季軍直入女團。ViuTV公佈，女團將於明年1月12日出道，屆時才知道其餘人選。經理人戴穎（阿Wing）在賽後的《造星彩蛋》，被問到對女團有何寄語或祝福時，笑言將與女團「一齊努力，打低MIRROR！Yeah！」花姐聞言即質疑：「點解要打低MIRROR啫？我哋唔可以一齊行嘅咩？」阿Wing即時補飛：「咪就係一齊進步囉～」

20強決賽選手之一的穎蕎，最初在節目豪言，要與其他參賽者一起「剝花姐棚牙」。花姐在賽後承認，一眾選手的表現確實「剝我棚牙」︰「我啱啱都有同啲評判講，我諗住呢個比賽裏面有一班八婆嘅，但佢哋唔係八婆囉，除咗Win Win之外！哈哈哈哈！佢哋係一班好熱血啦、好有夢想嘅女仔啦。咁MIRROR、ERROR要小心啲嘞。」但她補充，Win Win和So Ching等很多選手的決賽表演都很好，亦比她想像中好。

2位導師被問到有否「睇漏眼」或滄海遺珠未能晉級時，「阿佛」許廷鏗認為2人眼光不錯，沒有睇漏眼，該復活的已被復活，部份復活者更晉身20強。但「阿祖」梁祖堯則承認睇漏Ash：「我真係好想佢可以喺一個好大嘅舞台上，表演到畀大家睇，不過，總有咁嘅機會嘅我覺得。」阿佛更自爆曾越級叮囑ViuTV高層，勿糟蹋她們：「頭先我都同金生（製作部副總裁金廣誠）講，你好好地對啲女呀，有啲咩搞唔掂，我而家置咗公司，我嚟挖角架我同你講，因為我真係好鍾意佢哋！」

#ViuTV #造星 #全民造星 #全民造星IV #造星IV #女團 #MIRROR #花姐 #戴穎 #黃慧君 #Ash #鍾卓穎 #梁祖堯 #WinWin #楊安妮 #許廷鏗 #channelchk

事發朝早7點幾，「P牌」電單車懷疑失控，迎頭撞落對面線私家車，兩車即時著火。成架電單車散晒咁滯，電單車司機被拋到幾米遠，送院搶救最終不治。

去片👉https://www.youtube.com/watch?v=q34GcjV6BtQ

旁白師呼籲各位鐵騎士小心駕駛，真係真係真係唔好飛車喇！
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！

👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk

今日Boxing Day，唔知大家收到啲咩禮物呢？🎄🥰
Channel絲就好開心，收到份最好嘅聖誕禮物 － YouTube破60,000訂閱！🪄🎁

希望以後嘅Boxing Day最好禮物可以越嚟越大份🥰多謝大家支持，記得仲要Follow埋我哋其他平台，仲要話畀多啲人聽呀～😚

#channelchk
＝＝＝＝＝＝＝＝＝＝=＝＝＝＝
記得，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
＝＝＝＝＝＝＝＝＝＝=＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

重組造星IV決賽分紙 3女獲評判分低觀眾逾50%
唱將Val原創曲詞 Ivy憑歌寄意贈移民 評審唔buy

由李嘉欣等5名評判和網民各佔一半評分，在決賽篩女人參賽者，ViuTV《全民造星IV》三甲終於誕生，分別為Marf邱彥筒、Gao沈貞巧和Day許軼。不過網民留意到，3名選手獲評判特別低分，較觀眾評分遠低逾50%；分別為Yoyo葛綽瑤、Ivy蘇雅琳和Val趙展彤，尤其關注唱將Val以妙韻唱出自己作曲作詞的作品，再鬥舞技，評判仍給極低的3分（尾3），遠低於網民給予的11分（頭10）。Channel C為大家重組分紙，方便大家評論。

Yoyo和Ivy參賽前，唱歌都是白紙一張，但短短數月練至決賽的水平，實在不容易。其中Yoyo翻唱容祖兒的《最好時光》，加上隨後的Dance Battle，被評判狠狠給予全場最低的1分（包尾），大幅低於網民給予的12分（頭9）。至於Ivy So則憑歌寄意，翻唱陳蕾和岑寧兒作曲的《勿念》，送給離鄉別井的一眾港人，但亦不獲評判好評，連同跳舞環節僅得5分（尾5），遠遜網民評價的15分（頭6）。但最教人驚訝的，是實力唱將Val以穩紮的歌聲，演唱其原創曲詞的《Come To Me》，再鬥舞技，竟被評判給予3分（尾3），不但低過評判給予Ivy的5分（尾5），更明顯低過網民投出的11分（頭10）。

網民亦關注李嘉欣等評判如何評價選手之一的Ada仔姜咏鑫，會否「對Ada唔好咩」？但分紙卻顯示，Ada仔重新演繹王菲的《開到荼蘼》，計及Dance Battle獲評判8分（頭13），算是中規中舉，更明顯高於網民給予的3分（尾3）；相比Val，李嘉欣等評判「對Ada仲好」。至於李嘉欣除在節目開場時被問及評審準則外，在節目其餘時間均未有機會發表意見。即使到她頒獎給直入女團的Marf，亦未有持咪開金口恭喜對方，教不少人失望。

小編走筆至此，不禁讚嘆Ivy So的眼光有多神準！一眾20強決賽選手在一周前現身商場，向公眾表演和拉票。Ivy當時表明，其三甲心水，正是一周後摘下冠亞季軍的Marf、Gao和Day！祝Ivy最終獲選入女團，達成她「喺女團入面成為開心果」的目標啦～

#ViuTV #全民造星 #全民造星IV #造星IV #女團 #channelchk #趙展彤 #蘇雅琳 #葛綽瑤 #勿念 #岑寧兒 #陳蕾 #最好時光 #李嘉欣 #容祖兒 #姜咏鑫 #王菲 #開到荼蘼 #邱彥筒 #沈貞巧 #許軼

尋人！姑娘地鐵上遭「報復式批踭」 頸椎響聲需留院

有冇人識相入面嘅男人啊🧐卓爾中醫綜合治療中心有個姑娘俾呢位男士「報復式批踭」，想搵返佢畀個交代啊！

啱啱星期三（22號）朝早11點有尖東站往烏溪沙方向嘅8 - 1車廂入面，因為當時車上面好迫，所以診所姑娘落車嗰陣就貼住咗相入面嘅男人，咁就唔小心撞到佢背脊，雖然姑娘已經即刻道歉，但係男人仲「報復式批踭」，撞到姑娘個頭之後就拂袖而去。

姑娘即時覺得「天旋地轉頭暈眼花」，仲發現嘴角爆裂，而且聽到頸椎有幾下響聲。姑娘影低男人個樣之後就向尖東站職員求助，之後喺站內休息室備案及叫白車，最後去咗伊利沙伯醫院驗傷，經過醫生檢查後，留院24小時觀察情況後出院返屋企。

診所就喺Facebook出post，就話如果大家認識相中男子，希望佢可以畀姑娘一個交代及承擔責任，「因為這類案件太多都不了了之」。

#channelchk #尋人

邊個話得人類先有Boxing Day…呢隻豬都好有節日氣氛🤪

如果你身邊有朋友好似呢隻豬，快啲喺留言tag佢出嚟🤭👏🏻

#channelchk #搞笑動物 #性上癮 #豬

使51萬請陳小春直播帶貨 賣得五千蚊 商家終獲賠近42萬

繼早前TVB老將李國麟8個鐘直播帶貨，都冇人落單被諷刺「最慘帶貨明星」之後，「帶貨GANG GANG」又出事喇！

中國有傳媒公司同陳小春以及一啲網紅簽咗成51萬人民幣嘅合約，開直播買按摩器，結果開咗三場直播只係賣出大約5000蚊人民幣嘅貨品，結果呢間傳媒公司就俾個商家告咗上法庭，而廣洲市中院近日就裁定傳媒公司需要畀返超過41萬嘅服務費。

而點解淨係賣得五千幾蚊？原來係上年嘅11月5號，陳小春「直播帶貨」嘅時候，因為冇喺直播期間擺上商品嘅link，導致按摩器公司嘅商品直播咗幾分鐘就被下架。就算之後傳媒公司安排咗陳小春個助理補返，開多4場直播之後都只係賣得5000幾蚊。

旁白師表示一個鐘都賣到十set酒，「呢度都三千蚊」，陳小春點同佢鬥？

#channelchk #陳小春 #直播帶貨

聖誕節本來就係一個開心嘅節日，但朝早嘅地鐵就發生爆頭事件😮‍💨

有位中年男士喺車廂上面食燒賣同埋魚蛋，又唔戴口罩，咁就有個伯伯叫佢帶返口罩，點知個中年男人唔聽不特止，仲出手打人，用埋手機做武器打到人哋爆頭🤯

本身係車廂上面食嘢同埋唔戴口罩都已經唔啱，Channel絲希望伯伯冇事啦🤕

#channelchk #地鐵 #爆頭 #口罩

覺唔覺今年造星IV決賽Dance Battle冇乜印象？唔覺睇過選手大頭？旁白師同大家分析咗原因🧐，仲幫大家實現李嘉欣開聲恭喜Marf嘅願望🤣 👉 https://youtu.be/Jk60aKpTNwA

#ViuTV #造星 #全民造星 #全民造星IV #造星IV #女團 #channelchk #嘮動新聞 #李嘉欣 #邱彥筒 #marf #我真係恭喜你呀
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

蘭桂坊再開戰 三男街頭起飛腳

繼上次兩女大戰老蘭之後，早幾日又有人開戰！片中三位壯男你一拳我一腳，仲有凌空一踢，唔講以為拍緊戲，連揸機嘅人兄都「Oh my ____！」。

網民就喺下面留言，話係「中印邊境衝突」，不過Channel絲就覺得最矚目嘅係，今次警方迅速介入外國勢力，唔使等39分鐘先到，呢個位真係超乎我想像👏🏻👏🏻👏🏻

#channelchk #lkf #蘭桂坊 #打交 #飲酒 #bar #club #蒲

石硤尾驚現本土蜘蛛俠？

大家睇咗蜘蛛俠未？未睇都可以放心，Channel絲係唔會劇透嘅🤭

喺大坑西村嘅呢位人兄喺準睇嚟已經準備充足，下次再要轉人選嘅時候，就代表香港成為下一任蜘蛛俠🙏🏽下次見到佢一定要問吓佢何方神聖。

#channelchk #蜘蛛俠 #大坑西村

歐陽震華抖音賀聖誕 遭網民怒轟：為什麼你要過聖誕節

香港藝人北上搵食都唔係啲咩新聞，不過上得去就預咗要「入鄉隨俗」，如果唔係分分鐘又俾網民「出征」攻擊架喇。

歐陽震華就唔識做喇，而家中國吹緊風唔再慶祝西方節日，佢仲要喺聖誕節當日，拎晒聖誕禮物，又唱晒聖誕歌咁拍片上抖音祝賀一眾網民聖誕節快樂。結果就引嚟近兩萬個留言，怒轟Bobby，問「你沒有看過長津湖電影嗎？看過就不再有聖誕節了，這天是12月25號」， 又話「這個節日可以免過」。

講起《長津湖》，畀返少少背景資訊大家，呢套喺中國票房爆燈嘅戲，係講述1950年11月27日到12月13日期間，中國人民志願軍同美軍喺朝鮮長津湖地區交戰嘅歷史，而呢套戲都煽動咗好多中國網民嘅愛國情懷。

而歐陽震華都冇無視啲留言，仲好有心咁逐個逐個回覆雙手拜拜Emoji「🙏🏻」，睇嚟佢都汲取到教訓，都知錯喇。🤭

#channelchk #歐陽震華 #抖音 #聖誕節 #長津湖

入冬首個寒冷天氣警告
姐姐派福利圖 拉筋晒國貨

今朝一起身，真係好想講返句「香港濕凍世一」，因為今朝市區只係得9.9ºC。Channel絲自認冇葉劉姐姐咁勁，可以落街又做早操又拉筋，仲要好威威咁晒自己身上嘅國貨。

港大英文文學出身嘅姐姐一句「I stretched my legs on Black's Link on the coldest day this winter, sporting a Li Ning brand hoodie」，言簡意賅咁表達咗佢嘅自信，而網民都非常欣賞，甚至要問返句「May I ask your underwear also Li Ning Brand?」

Channel絲就唔係好想知姐姐嘅underwear係唔係國產🙏🏻，只係想提提大家着多件衫，唔好凍親！（經過前幾日平安夜福利圖，今日聽返大家意見遮一遮佢個樣🙈）

#channelchk #葉劉淑儀 #葉劉 #寒冷天氣警告

愈來愈多食油以健康作為賣點，除咗 #橄欖油 外，亦有好多「後起之秀」，好似今次金主爸爸就帶嚟 #亞麻籽油、#巴西莓油 和 #熱情果油，我哋搵咗 #營養師（因為專業）、同事Bella、Sami（因為食得健康）同葵芳街坊（因為近公司），一齊研究下......

去片👉https://www.youtube.com/watch?v=fpxVsakb9Wc

有興趣？⬇️
亞麻籽油➡ https://zeppa.group/product/puro-pura...
熱情果油➡ https://zeppa.group/product/puro-pura...
巴西莓油➡ https://zeppa.group/product/puro-pura...

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！

👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk

報料／廣告接洽：
info@channelchk.com

＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

吸金力UP！Marf摘冠後 身價颷逾2倍
15萬起跳仍爆Job至1月 未出道已幫LV宣傳

新鮮滾熱辣嘅ViuTV《全民造星IV》冠軍Marf（邱彥筒），由面試開始，就一直由頭帶到落尾；跳唱演一流之外，仲好有觀眾及廣告緣。佢未正式出道，就已經頻頻接Job；最近先幫銅鑼灣時代廣場影聖誕燈飾廣告，甚至為名牌LV拍攝2022早春系列宣傳相。

有報道話，11月底嘅時候有唔少廣告客透過ViuTV搵Marf出席12月嘅活動，不過都太遲喇，仲話Marf嘅Job已經排到去出年1月，加上早排又要預時間排練總決賽，檔期爆到要推Job。未成為冠軍嘅Marf，一個Job已經袋起碼6萬蚊，不過廣告商都照搶檔期，依家加埋「造星IV冠軍」嘅大名，身價即颷升至近15萬起跳。

不過都難怪嘅，Marf本身又跳得又唱得又有型有格，加上形象好好，所以都有好多Fans，《造星IV》又係城中熱話，喺廣告商眼中呢15萬都係使得抵！Channel絲就諗緊到時1月中正式出道，女團各成員又會吸幾多金呢？

#channelchk #Marf #邱彥筒 #全民造星IV #LV #louisvuitton #廣告 #時代廣場 #viutv #全民造星 #全民造星4

開戰！ViuTV幫掃新城10獎 撼贏TVB
石詠莉歌拎10大勁爆 《E先生》卻冇份
陳展鵬領獎 台下零反應

2021年度第一張樂壇成績噝噚晚（27號）嘅《新城勁爆頒獎禮2021》出爐喇，呢幾年最值得討論嘅就係MIRROR會有幾多獎，邊個MIRROR單飛又會拎獎，但係新城呢個頒獎禮就確確實實咁話我哋知，原來香港樂壇係有咁多歌手！

不過主戰場都係離唔開兩間電視台旗下藝人，TVB子公司星夢娛樂及旗下愛爆音樂6名歌手獲8獎，而ViuTV姊妹公司大國文化2隊藝人組合MIRROR、ERROR、MIRROR的7名歌手，亦在8個項目獲獎。但以獲獎單位計，大國文化藝人共奪10獎，較星夢娛樂的8獎佔優。

相比香港YouTube年度十大熱門MV榜，新城今年十大勁爆歌曲，只有1首同時係YouTube十大，就係MIRROR嘅《BOSS》。反而YouTube年度最熱門嘅《E先生連環不幸事件》，就入唔到新城十大勁爆榜；不過好耐冇見過佢嘅石詠荊Sukie S，就憑《100歲備忘錄》打入新城十大勁爆榜獲獎。

今年年頭，有逾一百首「音樂永續計劃」作品推出，而由艾妮翻唱嘅《愛的故事（上集）》，露雲娜嘅《我的故事》，同埋歐信希嘅《畫出彩虹》三首同獲勁爆改編歌曲，三位上台領獎時，頓覺成個場都好有年代感。值得一提的是，當陳展鵬憑《零歲》一曲獲新城頒發勁爆我撐歌曲時，台下觀眾反應欠奉，稍為尷尬。

👉TVB幫（8個）
勁爆男歌手 胡鴻鈞
勁爆女歌手 菊梓喬
勁爆我撐歌曲 吳若希《火和火柴》
勁爆新媒體歌曲 菊梓喬《我會害怕》
勁爆國語力歌曲 谷婭溦《倔強》（獨得）
勁爆新人 炎明熹
勁爆新人 姚焯菲
勁爆歌曲 胡鴻鈞《今天不營業》

👉星夢幫（2個）
勁爆新人 炎明熹
勁爆新人 姚焯菲

👉ViuTV幫（10個）
勁爆男歌手 柳應廷
勁爆組合 MIRROR
勁爆組合 ERROR
勁爆我撐新人 呂爵安（獨得）
勁爆我撐歌手 姜濤（獨得）
勁爆人氣偶像 盧瀚霆 江熚生 陳卓賢（全取3個）
勁爆新人 楊樂文
勁爆歌曲 MIRROR《BOSS》

👉造星幫（14個）
ViuTV幫所有（10個）
勁爆獨立音樂人 應智越（造星I 10強）
勁爆獨立音樂人 張進翹（造星III 20強）
勁爆躍進歌手 龔柯允（造星III 30強）
勁爆新人 ANSONBEAN（造星III 季軍）

#channelchk #新城勁爆頒獎禮 #TVB #ViuTV #星夢 #大國文化

2復必泰溝1科興 45歲美返港男機組恐染疫
免隔離返家4日購物 未驗到變種 圍封零確診
46歲美返港非同機非同住男同事 疑同中招

💥初步確診個案1

👉45歲男機組，住西環石塘咀南里壹號。

👉5月打齊2針德國BioNTech復必泰mRNA COVID-19疫苗，12月中再溝1針中國科興滅活COVID-19疫苗。

👉12月21日經航班CX844前往美國，從美國經航班CX841於23日抵港，在機場檢測呈陰性。

👉獲豁免酒店隔離檢疫，直接返家，曾外出購物；至第4日發病，頭痛、流鼻水和咳嗽，同日強制檢測呈初步陽性，病毒量較高，但未知是否變種。

👉住處仍深夜圍封強檢，惟80名住戶檢測後零確診，另有約30戶未有應門。

💥初步確診個案2

👉46歲男機組，住愉景灣蘅峯曦欣閣。

👉6月和7月打齊2針復必泰。

👉12月23日經航班CX840前往美國，從美國經航班CX843於25日抵港，在機場檢測呈陰性。

👉獲豁免酒店隔離檢疫，直接返家，未知行蹤；返港第3日到社區檢測中心檢測，呈初步陽性，病毒量較低，亦未知是否變種，但住處未有同晚圍封。

#COVID19 #疫苗 #科興 #復必泰 #biontech #vaccine #美國 #us #檢疫 #隔離 #quarantine #封區 #變種病毒 #channelchk #檢測 #強制檢測 #愉景灣 #西環 #石塘咀 #南里壹號

健身中心Goji Studios今起全線結業
會員不滿被過渡至舒適堡要求退款 嘆被加州健身千完今再被千

（全文： https://www.facebook.com/101870318844226/posts/157451726619418/ ）

健身中心Goji Studios 全線4間分店今日起（28 日）全線結業！Goji Studios表示，所有會員剩餘之會籍及私人教練課程等服務，將過渡至另一健身中心舒適堡 Physical Fitness & Yoga Official 。不少顧客不滿過渡安排，認為Goji Studios價格比舒適堡貴，「條數點計都唔啱」，要求退款；亦有人稱「physical 本身都多人，依家仲多！」

Goji Studios昨晚（27日）在facebook發聲明指，政府去年收緊限聚令，健身中心亦被強制要求關閉數月，不但無法經營，加上市場不現實的租金問題，加重健身中心營運負擔。Goji Studios又指，公司已多番融資，但未能力挽狂瀾，最終決定今日起旗下4間健身中心全線結業，所有會員剩餘之會籍及私人教練課程等服務將過渡至Physical舒適堡。

Physical隨後亦表示，會為Goji Studios客戶提供健身卡及私人訓練課程安排，並強調並不涉及利益交易，純粹出於對同業的支援及維護消費者權益；有關Goji Studios與客戶訂立的購買合約則與Physical完全無關，客戶如對合約有查詢須直接聯絡Goji Studios。

不過，Goji Studios發聲明後，不少網民在其fb專頁留言表示不滿安排，並質疑健身中心用用過渡做藉口，讓「大家以為有啲揸拿」：「physical 12個月1,000元。goji收緊我平均3百幾一個月，我仲有兩年幾，咁點賠償」；亦有人表示9月才年簽兩年合約，「就係因為環境好，設施新先選擇你哋，而家叫我哋咁多位去晒舒適堡，舒適堡1年1,000元，喺你哋度簽約一年4,000幾元，差咁遠，設施同環境都唔同，我一定要退款」、「3日前仲開post出特別訓練班，執笠仲撈埋尾水！」另有人無奈表示，「俾California千完，又並（俾）Goji千多次！」而Goji Studios 暫未回應會否有退款安排。

#channelchk #GojiStudio #舒適堡 #Physical #健身中心 #結業 #疫情

孝順AK曾指父母工作辛苦 要努力賺錢報答
江母被讚教導有方 「不易自滿和不會炫耀」

「人們剖析我的臉 不發一語 呼氣吸氣 便引動謠言」（《黑之呼吸》）、「響起節奏 我是隻瘋狗（《虎道門》）」⋯⋯坊間對Anson Kong@MIRROR 嘅印象，好多都依然停留喺「叱吒黑面」、「ViuTV衝動吳卓羲」，但其實AK唔止係一名義氣仔女，仲係個乖乖仔嚟㗎～

有鏡粉喺Facebook群組「Mirror HK fans🌠We are one and all」轉貼一名錄音室老闆Lawrence嘅文章，內文指有位清潔公司老闆娘到其公司報價，咁啱見到牆上有佢同「某香港男天團」其中一位成員嘅合照，就話「呢個係我個仔」。Lawrence聽到之後就答：「又會咁岩？犀利喎，兒子咁出名又生性，你真係有福呀。」點知老闆娘一臉認真咁講：「有幾犀利呀？你話喇。」搞到Lawrence一時之間都唔識點答⋯⋯

呢句聽落好似有啲嫌棄，但其實老闆娘當刻望住幅相，流露咗個難掩內心滿足之情嘅窩心笑容，再講咗句「不過佢真係好乖好努力」。Lawrence喺文章到讚呢位媽媽「不易自滿和不會炫耀」，所以相信喺佢嘅囝囝內涵都唔會太差。

雖然呢篇文本身無開到「天團成員」嘅名，但轉貼文章嘅鏡粉就講出大家心中所想，話AK曾經講過因為父母工作經常要搬運重型工具，唔想佢哋咁辛苦，所以要努力賺錢養家，所以「大家都估到應該係淸潔公司太子爺AK」。有唔少生粉都係文章下面留言「AK世一」，又讚江媽媽教導有方，令AK而家成為謙卑有禮嘅「暖男」副隊長。

#channelchk #MIRROR #AK #AnsonKong #江熚生