林俊傑疑食女粉絲 網民公開曖昧短訊：我不適合當你的女伴玩具

今日平安夜似乎並不平靜，娛樂圈繼續有花生！王力宏與李靚蕾嘅「蕾宏婚變」仲未知是咪告一段落，曾在港開騷嘅新加坡林俊傑（JJ）近日亦捲入桃色新聞，有粉絲聲稱喺新加坡等咗JJ一個月，又話「在成年人的世界裡，一直沈默、冷處理，是最不好的做法」。雖然JJ經理人公司前日（22日）已回應「有證據請檢舉」，但該粉絲今日再喺微博上載疑似與JJ嘅對話cap圖。

呢位粉絲凌晨喺微博帳戶「C-peaceful-and-quiet1011」發帖，再次＠咗林俊傑，又上載多張同「JJ」嘅對話截圖，其中一張見到粉絲話：「我現在覺得我比白痴更白痴！我太不舒服了！我為何現在還會被你騙，我的生活很簡單！我不適合當你的靈感，也不適合當你的女伴玩具！你那麼多女人！怎麼偏要找我玩！就是我比較安全嘛，我一定不會害你嘛」；對方則回覆「你可以冷靜嗎，我一點都沒有要跟你玩的意思」。

另一張就見到「JJ」話「待會到飯店跟你說」，但粉絲就覆「我已經都無所謂了，我不喜歡再聽你那些重複傷害我的話，我喜歡簡單和真實，我現沒精力和你演戲」。

粉絲又指，「如果可以私下和平溝通，沒有人願意用這種公開的方式來連絡」；又提到林俊傑因為身份、經歷、閱歷，又曾經受負面新聞影響，導致林對好多嘢產生懷疑恐懼，「但我沒想到你原來連私下面對我的勇氣都沒有」。

李靚蕾噚日（23日）嘅終極聲明提到道歉好重要，JJ呢位粉絲亦都有咁講：「一個人如果做錯事或說錯話，就應該負責任的道歉，因為珍惜才更要道歉，所以才有了我不顧疫情危險飛來新加坡的舉動」。粉絲最後又威脅JJ，話如果佢兩日內依然用「公關應付」態度對待佢哋私事，咁「我想把由始而終我們所有的將一切來龍去脈都寫出來」，「我不是要毀你的事業，我也沒有這個能力」。粉絲希望喺2021結束前可以和平處理好雙方嘅事，「而不是變成聖誕節後、跨年之前給人們議論的所謂的年底大瓜」。

有台灣傳媒聯絡過JJ經理人公司，但就未有回覆。不過，有唔少花生友似乎都唔信呢位粉絲，留言話「這麼假的聊天紀錄我可以p一百張」、「把話說清楚一點，有錘也放清楚點，不要再浪費網友時間了」，唔知最後又會演變成點呢？

#channelchk #林俊傑 #JJ #女粉絲 #女伴 #玩具 #李靚蕾 #王力宏 #蕾宏婚變

姐姐有新圖一定要分享畀大家😋今晚就係平安夜，Channel絲祝大家平安夜快樂🥰

（聽說只要分享給5個朋友，便會得到真正平安🤭）

提提大家蘭桂坊嗰邊已經開始封路喇，去開嗰邊記住留意！

#channelchk #平安夜 #葉劉 #福利圖 #聖誕 #你平唔平安 #祝唔使咁平安🙏🏽

【切勿模仿】浙江男舔柱黐住條脷 夾硬扯出搞到甩皮

食雪條有時會食到黐住條脷，浙江有男子因為想嘗試呢種滋味，所以舔柱，結果一舔就黐住咗條脷！結果佢最後夾硬扯返出嚟，真係諗起都覺得痛，奉勸各位幾好奇都唔好亂試！

#channelchk

中港車太古城失控剷行人路 撞毀柱躉玻璃櫥窗　
司機及女途人受傷

去片👉🏻https://www.youtube.com/watch?v=2s09Zu1J068

太古城發生交通意外！事發今早8時許，一輛掛有中港牌的七人車沿東區走廊西行轉入太古城期間，駛至太古灣道13號富天閣對開時懷疑失控，先剷過草坪，再撞爛路邊石柱，然後剷上行人路並撞向富天閣外牆，有玻璃櫥窗粉碎，碎片散落一地，柱躉雲石亦被撞至脫落。七人車車頭嚴重損毀，泵把及車門飛脫、右邊車身凹陷，地面遺下血迹和染血衣物。

63歲姓蔡司機一度被困車內，消防到場將他救出，他的頭及手部受傷。另有一名59歲女途人被碎片擊中受傷，兩人均清醒，分別由救護車送院治理。警方正調查意外原因。

#channelchk #太古城 #中港牌 #交通意外 #車禍 #東區走廊 #富天閣

孕婦土瓜灣遇警截查 被指不合作遭控阻差
官今判其脫罪 斥3警口供一致出錯 非「誠實可靠」

今年1月，一名姓劉43歲孕婦於土瓜灣遇警截查時被指情緒激動、拒絕出示身份證，她被控一項阻差辦公罪，今於九龍城裁判法院獲判罪名不成立。裁判官黃子豪說，3名作供警員曾一致稱被告沒拿出身份證，這明顯與現場閉路電視片段不符，認為他們的口供一致出錯，情況令人匪夷所思。黃官指，相信他們是為了掩飾事實，均非「誠實可靠」。

3名警員證人（警署警長劉芷芬、警長黎錦耀、警員廖逸山）早前作供均稱，被告未曾表明孕婦身分，但辯方的呈堂片段顯示，被告坐在地上時不斷表示自己是「大肚婆」，其胞姐亦曾着警員「唔好騷擾大肚婆」。而被告上庭作供曾說，聽到一把男聲鬧「你個死肥婆」，而警長黎錦耀則否認當時情緒激動，反形容被告當時不斷反抗。黃官今稱，從閉路電視片段，只見黎曾多次用手指向被告，未見被告有不斷反抗，相信黎誇大口供，合理化他鎖上手銬的行動。

劉婦被捕後其一家人曾接受多間傳媒訪問，透露她們一家過去一直支持警方執法，直言警隊在她們一家心目中的所謂「正義」形象，已宣告徹底破產。

#channelchk #孕婦 #土瓜灣 #警員 #阻差辦公

劉知名等5名空手道運動員 比賽返港後初步確診

5名到外國出賽的空手道運動員返港後染疫，包括劉知名、黃卓莉、張珠銀、劉百恒及梁文謙。香港體育學院指，他們已被送院治療，同行有10名運動員和3名教練及工作人員被列為密切接觸者，已被送往竹篙灣檢疫中心檢疫。體院稱，會密切注意各人的健康狀況。

38名體院空手道運動員、教練及工作人員，於上月起分兩批出戰兩項國際大賽，包括於11月16至21日在迪拜舉行的世界空手道錦標賽（世錦賽），以及於12月18至22日在哈薩克舉行的亞洲空手道錦標賽。全運會個人形銅牌得主劉知名等18人，於昨晚（23日）從哈薩克經首爾飛抵香港，當中5人驗出陽性。

而劉知名妹妹、剛於亞州空手道錦標賽摘銅的劉慕裳，昨日於IG上傳與哥哥、友人於房內慶祝聖誕的相片，據悉她目前已啟程返美，繼續訓練。希望大家都無事同可以早日康復啦！

#channelchk #劉慕裳 #劉知名 #空手道 #香港運動員 #COVID19 #疫情

聖誕揈錢GUIDE！🎉🎄

首要任務一定一定係支持良心小店🥰一掃即睇Channel C節日GUIDE🤪

細心爆棚嘅Channel絲幫你度咗聖誕節正日嘅行程，唔使唔該🙆🏻‍♀️最緊要大家過節過得開開心心！

#channelchk #聖誕節2021 #良心小店 #聖誕好去處

憂MIRROR不再紅 ViuTV總經理：plan過收埋佢哋
爆原定單數組團 湊12人只因「唔捨得」❤️

MIRROR年底推出壓軸單曲《12》，作為聖誕禮物做畀Fans。呢份成軍第三年嘅禮物得來不易，坊間越嚟越多傳聞話MIRROR 可能會解散、成員單飛等，但12塊鏡，邊有咁易打得爛？有份幫《12》填詞嘅ViuTv總經理兼「鏡爸」魯庭暉 ，最近接受傳媒訪問，話本身考慮過單數組團，最尾湊夠12人都只因「唔捨得」。組團都講到咁，又點會捨得拆散佢哋呢？

魯庭暉喺訪問入面，仲大爆組合命名「MIRROR」嘅原因。事源佢當年喺皇仁參選學生會，另一個候選內閣「MIRRORS」喺選舉論壇嘅表現令佢印象深刻，覺得佢哋幾有創意，所以幫鏡仔諗名嗰陣就聯想起呢個名。最後魯生嘅建議無人反對，「MIRROR」就此誕生。

魯生亦都形容《造星》節目就好似「訓練班」一樣，當初其實都無諗住特別簽幾多人同簽幾多個，只係後來發現節目團隊各自都有鍾意嘅參賽者，所以就諗住「不如組一個團，容易組織」。魯生又表示唔係想學日韓組合「靠人多」，只係因為「唔捨得，唔想自己後悔」，仲直言「飯錢乘五同乘十二係兩回事」，就算諗過單數組團排陣都會易啲，但加加吓就變成12個人。

MIRROR呢年嘅爆紅眾所不及，但魯生其實好擔心MIRROR唔紅，仲預咗「所有嘢都有佢紅同唔紅嘅時間」，所以佢永遠都係諗「到底呢一步要做啲乜嘢」，無論咩情況都要有個Plan。鏡仔踏入爆紅階段，魯生就坦言「plan過收埋佢地」，畀成員接受訓練，令新作品推出時大家都可以見到佢哋有進步，情況就類似韓團Come Back一樣。

至於聽晚就係《全民造星IV》嘅決賽，魯庭暉否認女團名單屬內定嘅講法，話當日選拔之後佢哋掛住「叫外賣A、B、C餐」，根本無傾到任何結果，唔知點解外界會傳出女團內定。講到呢度，大家聽晚記得睇《造星IV》決賽，支持1號Ivy So！！！！

#channelchk #全民造星IV #MIRROR #魯庭暉

2021總結 | 王力宏組失德4人幫 XX會打敗MIRROR、ERROR成年度團體 陶大宇《倒轉地球》異軍凸起
話咁快又一年，雖然大家無份參與，但Channel C根據100%公平、公正、公開嘅透明機制，整合咗2021年嘅年度組合！唔知大家心目中嘅年度組合又有無佢哋份呢？
去片👉 https://www.youtube.com/watch?v=mqYYXoaop9Q
#channelchk #組合 #2021年 #年度總結 #MIRROR #ERROR
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

解構聖誕襲港濕凍寒流！風寒效應+雨水蒸發冷卻
天文台料市區9°C「甚至更低」 新界再低幾多？

【天氣師李鈺廷提提你】
香港2021年入冬後首股寒流，在聖誕後駕到！一如天氣師李鈺廷之前在YouTube《胡思頻道》擔任直播嘉賓時提到，天文台一再調低氣溫預測；市區在Boxing Day翌日早上，可能跌至9°C「甚至更低」，新界再低幾度，北區打鼓嶺或見4°C。

今次寒流，亦會令香港天陰、有雨、又大風，風寒效應加上雨水蒸發冷卻作用（濕凍），更容易帶走體溫，令人感覺特別凍。天氣師李鈺廷在平安夜趕製「特別嘮動新聞」，為大家解說。

#寒流 #聖誕 #李鈺廷 #天文台 #天氣 #氣象 #濕凍 #寒潮 #weather #forecast #BoxingDay #拆禮物日 #平安夜 #christmas #xmas #預測 #預報 #風寒效應 #windchill #stem #science #科學 #蒸發冷卻 #evaporativecooling #嘮動新聞 #胡思頻道 #香港 #hongkong #channelchk

【擺明自肥系列】今天只做兩件事：票投1號Ivy So、20:30睇《造星IV》決賽
大家記住集中票源，單票制無須配票，票投1號Ivy So！☝️
1.登入以下網址：
https://kingmaker.viu.tv/vote/
2.投1號Ivy So
3.確認投票
4.接住Ivy個心心❤️

#channelchk #IvySo #蘇雅琳 #蘇蝦 #蘇媽 #全民造星IV #係自肥㗎喇

王晶「直播帶貨」賣得6枝護膚品
經紀公司被判賠3.5萬元

最近內地主播「薇婭」涉嫌藉「直播帶貨」逃稅，被重罰13億人民幣，就咁聽落呢行都好似幾搵得吓。不過呢啲嘢原來都唔係人人啱做，繼李國麟成為「最慘帶貨明星」後，王晶可能都會變做「最窮帶貨導演」⋯⋯

最近有內地媒體報導，有護膚品公司用8萬蚊搵咗王晶同另一名坐擁千萬Fans嘅主播「廣東雨神」一齊「直播帶貨」，但最尾竟然賣得6枝，生意額得800幾蚊⋯⋯嬲到間公司告到去上海寶山區人民法院，法院最後判經紀公司履行合約時有「瑕疵」，要賠返3.5萬人仔。

講到最尾，都係想兜個圈講返句「旁白師又贏」啫，佢直播賣嘢初體驗都賣晒10 Set㗎～有無人有興趣花重金搵佢賣吓嘢？🤭

#channelchk #直播帶貨 #Live #王晶 #廣東雨神 #李國麟

《全民造星IV》決賽就快開始，一齊嚟睇吓旁白師嘅賽前分析啦！
去片👉https://www.youtube.com/watch?v=HAyVEa0BnQY
#channelchk #全民造星IV #IvySo #賽前分析 #旁白師
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

婆婆危站車路旁獨自推輪椅
好心車主停車慰問 網民讚勁有愛

其實香港都仲有好多好人㗎～好似今日Facebook有網民上傳車Cam片到 「車cam L（香港群組）」，影到灣仔港灣道有位婆婆，唔知點解孤伶伶咁喺車路旁推住架輪椅，情況都幾牙煙吓。而車主同一位靚女見狀就上前慰問婆婆，同幫佢推住架輪椅。雖然條片去到呢到就完結，但片主喺Post到寫「#婆婆已賞花杏仁露」，意味婆婆喺佢哋嘅幫忙之下最後應該平安上返行人路。

好多網友睇完段片都留言祝車主「好人一生平安」，話希望香港人關懷別人嘅精神唔會消失。Channel絲喺到都提提大家，天氣好快就會再轉涼啦，記得多啲關心身邊嘅長者，提佢哋着多件衫啊！

#channelchk #車Cam #好人一生平安 #灣仔 #港灣道

光榮冰室銅鑼灣分店再被「掃場」

有3間分店被「掃場」罰停晚市的光榮冰室，銅鑼灣分店於今日聖誕疑再「出事」被罰。

「光榮飲食」於Facebook貼出一張照片，見到餐廳門口有一名警員正在查看電話，文章則寫道：「一次可能係意外，兩次可能係唔小心，三次開始有啲懷疑，四次..你哋話呢？又一份聖誕禮物，精神！」，意指有分店再次被「掃場」。

有網民留言替冰室感到不值，指「可能真係要嘥個人手喺門口！」，但光榮則無奈嘆道：「企左，check左，又點丫..」，亦有食客稱不明白為何餐廳會再中招，「我見你地同事都跟得好足」。

#channelchk #光榮冰室 #安心出行

阿婆大鬧九巴 皆因巴士前咗少少埋站要佢行多兩步上車

去片👉https://www.youtube.com/watch?v=UQ1ZuVxg_8c

元朗一位婆婆上巴士無耐就烈火奶奶上身，喪鬧車長令佢要行多兩步上車，搞到車長無奈要停車處理。其他乘客不值婆婆所為，但佢哋有佢哋明言撐司機，婆婆就照喺到嘈要報警。

婆婆同行嘅一名伯伯多次想叫佢冷靜，但婆婆淨係叫佢坐返好，繼續戰鬥格嘈交⋯⋯唉～

#channelchk #九巴 #車長 #婆婆 #烈火奶奶 #kmb #婆婆 #烈火奶奶
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742