禁晚市堂食在即 空姐牛肉飯老闆娘諷：通關了！通通都關了
飲食業指過年前頒禁令致命 料最少持續一個月

政府周五（7日）起禁食肆晚市堂食，兼重新收緊限桌令，唔少食肆都叫苦連天，連向來撐政府嘅「空姐牛肉飯」老闆娘郭德英都喺facebook出post諷刺「通關了！😔通通都關了😔」，就咁睇都已睇得到有幾慘。有網民都喺帖文留言一齊鬧政府，又話「原來打咗兩針和打咗3針的人都與無打針的人同一樣被罰！」

除咗小店，連鎖酒樓集團都一樣嗌慘。專辦酒席嘅中式酒樓譽宴集團主席張家豪向傳媒表示，新年年頭同農曆年尾都係結婚擺酒旺季，又有公司年底晚宴、團年飯，集團原本幾乎逢周五至日都爆滿，但政府宣佈禁晚市堂食後，全部酒席都須取消及改期，暫時近50組已預訂酒席單位受影響，員工亦因此只能返半日工，收入變相減半。佢又呻，兩年來一直配合政府防疫措施，政府要求打針時，佢哋亦打咗，但當要收緊措施就向食肆先埋手，「飲食就受晒，停飛又唔見咁快！」

中小企食店聯盟召集人林瑞華今早在商台節目亦表示，今次喺過年前禁晚市堂食，影響不少公司嘅團年飯，影響程度比以往禁堂食更致命！佢估計禁令可能最少持續一個月，橫跨農曆新年，唔少業界都已作最壞打算。佢希望，如果7日內無不明源頭個案，政府檢討時應放寬措施，例如晚市可到晚上10時；若禁令持續，亦希望政府可推出抗疫基金支援業界。

飲食界立法會議員張宇人都話，估計業界呢段期間損失約40億元生意額，希望政府嘅防疫措施「張弛果斷」，當疫情受控、社區無病毒傳播時，就放寬措施。

#channelchk #禁晚市堂食 #堂食 #限桌令 #Omicron #COVID19 #空姐牛肉飯 #譽宴

《南早》引消息：打針才准入商場 限聚令收緊至2人
酒吧業協會倡推行「一周禁足令」抗疫 重推免租令

行政會議今日討論收緊社交距離措施，特首林鄭月娥今早被問到髮型屋、交通工具是否納入「疫苗通行證」範圍，食肆「限桌令」收緊至二人一枱，她未有透露，只稱今午會向大家交代。而《南華早報》更引述消息指，政府除實施二人限聚令外，商場亦會納入「疫苗通行證」範圍。

第五波疫情持續逾一個月，美容院、酒吧等多個行業亦已關閉足足一個月，香港酒吧業協會批評，港府處理疫情表現差劣，各行各業被迫勒令停業，員工手停口停，以酒吧業為例，至今已有8成僱員無糧出，僅約2成僱員獲發放一半薪酬。但薪高糧準的政府高官或公務員，既不用面對租金壓力，薪金亦「一蚊都無少」，早前更有抗疫官員出席聚會，「足以證明港府官員講一套做一套，完全不理會民間疾苦。」

協會又估計，若疫情持續惡化，酒吧繼續關閉，預料未來兩個月，會有至少一半酒吧結業；若到四月才能復業時，行業將損失達15億元。協會強烈建議港府推行一周「禁足令」，用最短時間、最有效方式控制疫情，並要求政府盡快推出「免租令」及重推「保就業計劃」。

#channelchk #防疫措施 #限聚令 #疫苗通行證 #限桌令 #行會 #林鄭 #商場 #酒吧 #表列處所

疫苗通行證首日 餐飲業指生意額跌4成
限2人一枱令長者晨運客無興趣飲茶　

疫苗通行證昨（24日）日實施，12歲或以上人士進入商場、食肆等場所須最少接種一針。稻苗飲食專業學會主席徐汶緯在港台節目《千禧年代》表示，不少市民未適應新安排，而且D類食肆收緊至2人一枱，令食肆流失部份長者客，「早茶做完運動可能3、4個長者去飲早茶，食早餐，收緊到2人就無興趣，無嚟啦，有啲無準備好（疫苗通行證所需）步驟，又無嚟啦，總括跌咗4成左右生意。」

他提到食客昨日遇到的問題包括：不清楚步驟，誤以為掃安心出行後顯示藍色二維碼，便可進入食肆，但其實他們需再將藍色二維碼對準餐廳提供的電話再掃；亦有食客未有將電子針卡連接到安心出行，故職員需花時間協助；另有食客本身有打針，但沒有帶接種紀錄，結果「做唔到佢生意」。而昨日就約有一成顧客，因未能滿足疫苗通行證要求無法堂食，被逼轉外賣。

被問到兩項措施哪項影響較大，徐汶緯認為，堂食2人一枱過去亦實施，所以「一定疫苗通行證（對生意）影響大啲」，因為首次推出，好多市民需時適應。當中最受影響食肆是酒樓、中式餐飲等較大型食肆，其次是茶餐廳、冰室、快餐，「因為呢啲過去用餐模式比較快，但而家要用疫苗通行證，可能喺門口要搞1、2分鐘，2、3分鐘先入內，其實2、3分鐘，喺冰室、快餐店嚟講都攞到個餐出嚟，所以影響嘅客人都十分之大。」

食肆員工須主動核查市民的針卡，徐汶緯指，整個技術做得不錯，但他認為，部份地方仍須微調，包括手機的前置鏡頭像素不足，「冇1,300萬像素同自動對焦係難以對準針紙，要搞一輪，有啲業畀買咗幾部手機返嚟，無注意到呢點，前置鏡頭就用唔到」，令食客需要繞到後面利用後置鏡頭掃。

#channelchk #疫苗通行證 #限桌令 #堂食 #社交距離措施 #第五波疫情

恢復晚市堂食前夕出po
林鄭：希望業界可以否極泰來
全文：https://bit.ly/3MgWxsy

政府明日（21日）起分階段放寬社交距離措施，食肆可恢復晚市堂食、限桌令可放寬至4人。特首林鄭月娥今在facebook發帖表示，飲食業在過去兩年多抗疫過程中大受打擊，「希望隨着明天開始放寬社交距離措施，恢復晚市堂食，業界可以否極泰來。」

#林鄭 #社交距離措施 #飲食業 #晚市堂食 #限桌令 #否極泰來 #安心出行 #疫苗通行證 #channelchk

【基隆茶餐廳告急｜直擊周日買爆晚市排長龍！跨區客：盡做勿絕望 多光顧小店】
去片👉🏻https://youtu.be/VrSQ1kYM-jA

昨日報道後，Channel C記者今日（19 日）再到訪基隆茶餐廳了解情況，現場所見，門外約有 30 人在排隊，店內人山人海座無虛席。等不到堂食的客人，為表支持大都叫外賣拎走，果然一呼百應，大大力懲罰基隆，發揮香港人團結精神。

#基隆茶餐廳 #小店 #良心店 #界限街 #太子 #深水埗 #北河街 #派飯 #channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7