雲疊花園再出通告 ：葉經理要老婆換底衫褲
ICU被綑綁15天 疑致頸腳肌萎縮

唔知大家仲記唔記得，早幾日喺通告入面「來回地獄又折返人間」嘅雲疊花園葉經理呢？佢張通告喺網上引起好大迴響，有唔少人都關注葉經理嘅身體情況，甚至打去管理處想問候佢，可能葉經理收到晒大家嘅關心，所以佢又特登出咗張新通告，同大家交代佢最新嘅身體狀況！

上回嘅兩張通告講到葉經理證實自己死亡，跟住又救得返，仲叫大家用洗手液清潔「臀部」，搞到好多網民一頭霧水。今日（1日）葉經理特登再出通告補充，第一點首先交代「UCH入院紀錄在經理手中」，而UCH即聯合醫院，應該係回應網民質疑通告係「惡作劇」。第二點就形容自己嘅症狀，回應傳媒佢仲放緊病假，「經理頸部同雙腳肌肉出現萎縮，沉痛及無力，可能是在ICU被綑綁了15天所致，病假至11月2日（可續）」，第三點就係預告下張通告內容「2021年11月1日將會再做全身檢查，結果如何再向各位匯報」。而葉經理最尾仲話，佢連換面衫面褲、底衫底褲嘅能力都冇，要由老婆協助⋯⋯可能因為連換衫嘅能力都無，今次張通告唔係由葉經理親自簽名，係由管理處蓋印。

睇完呢張新通告，網民同Channel絲嘅反應一樣：吓？⋯⋯但網民除咗關心葉經理嘅健康，想開返個「雲疊花園葉經理健康關注組」外，仲有人問葉經理係咪當屋苑通告欄係佢Facebook，要久唔久更新Status。連換衫都要老婆幫手嘅葉經理，唔知嚟緊又會唔會交代如廁、沖涼、食飯嘅情況呢？Body Check之後幾時又會再出通告呢？真係夠晒耐人尋味～

#channelchk #雲疊花園 #葉經理 #通告 #ICU #聯合醫院 #管理公司 #物業管理

雲疊花園葉經理親解通告「死過翻生」說法
用搓手液洗臀背後藏極大屈辱

雲疊花園葉經理早前「死過翻生」後，竟然再出通告分享用搓手液清潔臀部心得，搞到大家一頭霧水。佢噚日（4日）喺電視節目現身說法，「我個人冇晒生命跡象，即係死咗」；至於通告上「搓手液清理臀部」背後其實隱藏住一段猶如身處地獄嘅慘痛屈辱，因為喺ICU留院期間被綁14日，禁飲食之餘仲要被迫包尿片，令佢同老婆都覺得極大委屈。

TVB《東張西望》噚晚播出咗葉經理嘅訪問，佢承認通告係自己寫、自己簽，「你當我懵盛盛啦！但我寫嘅係實況」，發通告前亦獲法團批准。但點解喺通告上話自己「證實死亡」？佢解釋「我個人冇晒生命跡象，即係死咗。其實死而復生啫，千祈唔好誤會，坦白講我老婆當我當晚死咗。」

葉經理憶述入院後喺深切治療部（ICU）留院情況，都忍唔住眼濕濕，佢喺病房度「綁咗14日，真架，唔畀食嘢唔畀飲水」，佢仲有相為證，話一切都係醫生指示。其間佢又被醫護人員用搓手液洗頭，搞到佢眼睛非常刺痛，然後喺唔知情下被包上紙尿片，原因係ICU冇廁所，醫護人員仲同佢講話「得㗎啦，你瀨啦！」；而當被職員除紙尿片時，佢哋就「用搓手液一抹再抹三抹四抹」，然後包返紙尿片，強調通告上提及用「搓手液清理頭部、臀部」都係千真萬確：「我所反映嘅係事實。」

雖然護士有話觀察佢多幾日就會安排送去大房，但等咗7日上到大房都係被綁，話驚佢會撞倒跌倒。但葉經理覺得好難接受，寧願轉院休養，「我唔係暴力狂，我唔係精神科病人，我正常人嚟架嘛！」佢老婆諗返都忍唔住喊，「太委屈喇！咁都唔係咁綁佢架！陰公！」

葉經理話佢出院後四肢乏力，「着件底衫都覺得重」，節目中見佢喺屋企行路仍要用拐杖支撐，連飲水都打爛水杯，甚至不斷氣促，見佢都相當辛苦，不過佢都相信自己會康復。葉經理要保重！相信雲疊花園街坊都等緊你呢位盡忠職守嘅經理早日重返崗位呀！

#channelchk #雲疊花園 #葉經理 #通告 #ICU #管理公司 #物業管理

【猖狂！群翁屯門露械屙尿 直擊花圃淪公廁遍草禿枯 起因竟然係咁｜管理處被斥懶理 職員發惡耍記者｜齊柏林熱狗店特約爆片爆相】
睇片👉https://channelchk.com/a/8816

多名聚集屯門田景邨玩牌下棋的老翁，涉嫌每天在旁邊花槽猖狂露械小解逾年，除令該處綠草枯萎變黃，亦引起異味，兼向附近遊樂場小童和青年中心年輕人樹立壞榜樣。有街坊更拍攝到，同1老翁身穿相同服飾，連續2日在相同位置當眾露J小解，遂向Channel C申訴。但管理處被指懶理投訴，職員甚至發惡耍走追問的記者......

#屯門 #田景邨 #象棋 #啤牌 #賭博 #置佳 #物業管理 #房屋署 #法團 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱： https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作​！🤝
誠邀各商戶傾談廣告宣傳和合作推廣；
有意請電郵至： marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://wa.me/85264691456

消委會揭物業管理費6大問題
75%物管與發展商有關 住宅業主難夠票通過決議
👉https://channelchk.com/a/9561

消委會用2年時間，完成有關香港私人住宅物業管理費研究，揭示本港物業管理費6大問題，包括難以獲得全體業主同意修改公契中的不公平條款、75%物業項目管理公司與發展商有關連，對物管事宜可能有潛在利益衝突、業權份數分配基礎缺乏透明度、業主不積極參與物業管理事宜、管理費特別是維修成本大幅上漲等。

消委會調查又發現，逾千名受訪業主、近百個業主組織以及22間物業管理公司，涵蓋舊樓及大型屋苑，其每月支付的管理費介乎200元至3,700元，平均每月約1,100元、每呎2.7元，約佔家庭每月收入的7.4%。隨着住宅樓宇日漸老化，預計管理費普遍將持續上升。

#消委會 #私人住宅物業管理費研究 #管理費 #物業管理 #LIVE #直播 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作！🤝
誠邀各商戶傾談廣告宣傳和合作推廣；
有意請電郵至：marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://wa.me/85264691456

垃圾徵費｜屋苑「騎呢招」狂加管理費! 夾硬幫住戶買指定袋 仲要每月得20個？
網站睇片：https://channelchk.com/a/16917

垃圾徵費延至8月實施，有屋苑率先趁機「掠水」? ChannelＣ收到慈雲山慈愛苑三期業主報料，指管理處在上月農曆新年的年三十晚貼出通告，建議由4月1日起上調管理費15%，原因之一是垃圾徵費，今次已是11個月內二次加費，對上一次加幅達12%，今次再大幅加費，令居民相當不滿.......

快啲Follow我哋後備IG啦
https://www.instagram.com/channelc_hk/

#垃圾徵費 #指定膠袋 #管理費 #慈愛苑 #慈安苑 #佳定物業管理 #昇捷管理 #物業管理 #法團 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作！🤝
誠邀各商戶傾談廣告宣傳和合作推廣；
有意請電郵至：marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://wa.me/85264691456