汀九橋逆線低飛 夜探輕鐵埋站
TVB謝東閔疑違法航拍 爆粗鬧網民：報警拉我
去片👉 https://youtu.be/yGXIF2OJt6k

對於冇睇TVB嘅網民而言，未必知謝東閔係邊個。謝生代表作之一，就係原諒向佢派帽嘅女友朱智賢。不止原諒女方，仲將責任攬上身，話係自己疏忽咗女友。有承擔。

派帽事件後，謝生另一件揚名事件，就係航拍。事緣有片主上載一段汀九橋航拍片，航拍機一度低飛至穿過大型路牌，爭啲擦過巴士頂。片主仲好有心機咁落咗十幾個hashtag，終於紅咗。網民幫佢起底，懷疑佢真身就係謝東閔。

事緣「思思 TVB 的二三事」綜合各方網民研究發現，該段汀九橋航拍片，係由IG用戶
「gluestick_production.fpv」上傳，而gluestick上載嘅相，「咁啱」又同「謝東閔影像社」YouTube Channel頭像吻合，故懷疑謝就係片主。不過gluestick後來將影片刪除，IG改埋名變仲變埋private。

gluestick 轉private轉得快，但唔夠網民backup快，仲send番俾gluestick「留底」，gluestick就以「快啲報警拉我啦x你老x」嗰兩句「關心語」作回應。事有湊巧，「謝東閔影像社」YT，都換咗頭像。

更巧合嘅係，「思思 TVB 的二三事」發現，謝東閔官方FB、IG都曾經upload過操作航拍機嘅片同相，但都del晒。都係嗰句啦，已backup。

根據法例，航拍機系統的操作時間只限白晝，但睇番謝東閔已del嘅航拍片中，有一條係夜麻麻輕鐵站低飛，當時仲係有車埋站，險象環生。

根據民航處所訂立的航拍機安全飛行指引，青馬大橋、汀九橋、青衣、荃灣西至深井一帶、IFC、ICC 等上空，都係禁止航拍機飛行或夜行。任何人士若罔顧後果或疏忽地引致或容許飛機（包括無人機）對他人或財產安全構成危險，可被檢控。違者一經定罪，可處罰款及監禁兩年。

謝生最近同朱智賢傳出情變，本月初謝生喺社交網貼文話：「兩個人相處其實係1好高深嘅學問，互相扶持互相幫助係最重要嘅，尤其是作為公眾人物壓力更加會大。」你都知自己係公眾人物，要檢點呀呵？

#謝東閔 #朱智賢 #航拍 #無人機 #民航處 #汀九橋 #channelchk

「你以為你暱嚮度就搵你唔到咩？無用呀！好似你啲咁出色嘅男人，無論嚮咩地方，都好似漆黑中嘅螢火蟲一樣，咁鮮明，咁出眾！」

一齊睇片認識吓謝東閔呢位咁「鮮明出眾」嘅男人啦： https://youtu.be/yGXIF2OJt6k

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
https://youtube.com/channel/UCQRdJCdUVkXYPvWZ6_Omkag

#channelchk #謝東閔 #朱智賢 #航拍 #無人機 #民航處 #汀九橋

無綫謝東閔捲危駕航拍機事件
「gluestic」反狙擊網民：報咗國安

一個名為「gluestick_production.fpv」嘅IG上傳航拍片，無人機在汀九橋上一度低飛，爭啲擦過巴士頂，疑已觸犯民航處條例。網民幫佢起底，懷疑其真身就係無綫藝人 謝東閔，證據包括IG頭像與「謝東閔影像社」YT Channel吻合，IG嘅航拍片如輕鐵站摸黑低飛亦曾出現於謝東閔IG。網民搵佢對質，「gluestic」以「快啲報警拉我啦x你老x」等「關心語」回應。原來「gluestick」仲「反起底」，將網民嘅帖文cap低，聲稱「已經報咗國安處」，仲話知道佢喺邊度返工。

究竟「gluestick」係咪真係謝東閔本尊，謝生同無綫而家都未有回應。既然謝生講得出自己係公眾人物，上次俾女友朱智賢派帽都即刻開記招。今次被傳涉危險操作航拍機、辱罵網民，無論是否謝生做嘅，為保護自己，係咪都會考慮講兩句澄清／解釋番？何況今次搞到話「報國安」咁緊要。

根據思思 TVB 的二三事fb報道，「gluestick」今次咁火，疑因為嬲豬被起底。雖然佢好快已剷晒涉「危駕」影片，但網民已backup仲send返畀「gluestick」，「gluestick」爆粗還擊，又質疑對方係咪「唔x夠膽個樣出嚟見人」。

受辱罵網民向「思思 TVB 的二三事」透露，「gluestick」仲「反起底」，留言俾該名網民，話知道佢喺邊度返工，又cap低其fb帖文，send返網民影嘅《蘋果日報》畀佢，聲稱「已經報咗國安處」、「祝你x家平安」。

咁究竟「唔x夠膽個樣出嚟見人」嘅係邊個？Channel 絲都好想問下謝東閔，又或者「gluestick」，可惜「gluestick」唔止刪晒啲片、改名做「abcdefgdndvsjznvd」，近日帳號仲已經停用。

#TVB #謝東閔 #無人機 #航拍機 #國安處 #朱智賢 #公關災難 #channelchk