港鐵沙中綫又出事！何文田站月台幕門突自爆
玻璃碎滿地 觀塘綫須慢駛 車程延誤5分鐘

繼之前鑽石山站冧天花，港鐵沙中綫項目又又又出事了。Channel C收到讀者報料，話喺噚晚大約9點40分，見到何文田站觀塘綫往調景嶺方向月台嘅一道幕門玻璃突然碎裂。從讀者提供嘅相中可見，當時玻璃碎片散滿一地，讀者仲話，玻璃「自爆」之後，「入面有好多塵吹晒出嚟」。

港鐵回覆Channel C查詢時證實事件，話職員喺噚晚大約9時30分發現第五卡車卡位置有一塊月台幕門玻璃碎裂，隨即已經將有關位置圍封，事件中沒有乘客或職員受傷。而受事件影響，列車進出該月台時需要減慢車速，令觀塘綫整體行車時間一度要多額外3至5分鐘。

#channelchk #何文田站 #MTR #觀塘綫 #月台幕門 #爆玻璃 #沙中綫 #港鐵