車cam直擊！6歲女旺角遭的士撞飛數米
疑似外傭即抱走倒地童 網民鬧爆：唔死都骨折

發生交通意外後，千祈唔好移動傷者，呢個「常識」相信係人都識！不過，近日網上流傳一段車cam片，一名年約6歲女童在旺角突然衝出馬路，被一部的士攔腰撞到飛開幾米，倒臥地上，雖然未見女童有流血外傷，但一名疑似外傭嘅女子，竟然第一時間衝出去將女童抱起離開，隨即引爆網民熱話。

唔少網民留言鬧爆該名女子連環犯錯，首先過馬路前未有拖實女童，其次是將受傷的女童抱起，紛紛留言指摘：「最恐怖係佢即刻抱起佢」、「個賓妹係咪儍㗎，咁樣夾硬抱起個女仔，唔死都骨折啦，僱主一定要追究責任」、「可能已有骨折或內出血，再抱起就更傷」、「執番當無事，高手」等等。

根據車cam片段顯示，事發喺上月29日早上約7時半，涉事的士沿旺角海泓道往油麻地方向行駛，當駛至海富苑海裕閣對開，突然一名身穿藍色校服嘅女童從的士的左邊車頭衝出，的士收掣不及將女童撞到飛起。當女童倒臥地上後，相隔約5秒，一名狽着書包疑似外傭的女子跑出馬路，大力將女撞抱起，並收拾地上物件，然後離開。

雖然事後有街坊發相，顯示女子和女童並無離開現場，事後在行人路等候救護員到場，並為女童作初步檢查，但都有不少網民擔心女童有沒有生命危險。據知，救護員到場後，發現女童僅手腳及額頭受傷，清醒送院。

其後，有網民轉發疑似女童所讀學校的回應，指捱撞的女童已無礙，並於10月初返回學校上課，又提醒學長及學童注意道路安全。

#channelchk #旺角 #海富苑 #交通意外 #車禍 #外傭 #車cam #海泓道 #海裕閣