沙田廣源區爆水喉停咸水停足5日 水務署勁射波

一日無廁所水用已經夠難頂，仲要停足幾日？Channel C收到讀者報料，指沙田廣源區因為爆水喉，幾幢大廈嘅街坊由上周六（27日）開始無咸水用，但因為條喉唔知屬於政府定領展，而屋苑又唔負責，隔咗咁多日都仲未整好。

已辭任嘅區議員 廖栢康-康仔 就喺Facebook到指，停水出事原因係「沙井內止回閥穿窿引致咸水滲漏」，至於邊個要負責整喉，水務署就話喉管其實原本係由房屋署負責保養同維修，但「拆售」之後就「未知責任誰屬」。嘩～如果政府部門有足球比賽，水務署實有得拎金球獎呀～

而根據返廖柏康嘅最新消息，水務署目前已經派員到現場準備進行維修工程，等埋批文就開得工，街坊聽朝或者可以有返咸水用，希望今次真係可以整返好啦！

#channelchk #沙田 #廣林苑 #廣源區 #水務署 #領展 #水喉 #咸水