曾拒評《星夢》學員 古天樂撐試當真
公開點名最欣賞《係咁先啦》女神吳家忻

YouTube頻道「試當真」開台一年人氣高企，周二（26日）連開兩場騷吸引咗唔少藝人捧場。向來支持後輩嘅古天樂就擔任當晚嘅神秘嘉賓，佢似乎仲係一位星級「認真毛」，最鍾意短片《咁大件事冇人講》之外，仲話「最欣賞Locker條女（即係Jeannie吳家忻），嗰條片仲係最多人睇。」

「試當真」主創之一嘅游學修係古老闆旗下藝人，所以古仔都一直支持「試當真」。嗰晚開騷佢就喺《Channel需要仔》環節上扮見工，一嚟仲講笑話：「『試當真』一周年開騷咁大件事冇人講嘅？」佢又笑游學修平時見到佢都唔稱呼佢，「個人好冇禮貌」，又稱呼游學修、蘇致豪同許賢做「修哥」、「豪哥」及「賢哥」，搞到3人即刻耍手擰頭。

談到最欣賞短片，古仔就話係《咁大件事冇人講》，大讚「特技、火燭之類做得好好！」至於最欣賞邊位女網紅時，佢仲諗都唔諗就「最欣賞Locker條女，嗰條片仲係最多人睇。」

睇返古仔之前被記者問對無綫《聲夢傳奇》學員有咩評價時，佢嗰刻即話「《聲夢》就唔講喇，完！」，同今次喺台上毫無懸念咁答最欣賞Jeannie，都幾大對比。

Jeannie因為「試當真」短片而出名，近月就同許賢和蘇致豪合作演出《係咁先啦》，但其實早喺去年《唔通佢有男朋友》播出後已人氣急升，被網民封為「港版周子瑜」。《唔》播出至今約10個月，已有118萬人次觀看，係頻道入面最多人觀看嘅短片。佢嘅社交平台Instagram至今已有逾20萬人追蹤。

23歲嘅Jeannie雖然已成為網民新一代女神，但佢曾接受傳媒訪問時就話唔覺自己係靚女，五官分開睇唔係特別精緻，而且個鼻幾大，「但照鏡又覺得OK，都match到我個樣」。佢當時仲自爆話大學時因為壓力爆煲，所以體重直線上升，係肥妹仔一名，後來試斷食及唔同方法減肥，要半年後先瘦返。人靚又謙虛嘅Jeannie今次得到古老闆加持，睇嚟會再人氣飈升啦！

#channelchk #試當真 #古天樂 #吳家忻 #Jeannie #聲夢傳奇

【狂忍笑！Kayan讚岑珈其比男友Locker更靚仔 冇搵Jeffrey拍MV嫌太英俊？】

睇片👉 https://cutt.ly/dCF5LH4

藝人吳家忻（Kayan）日前出席公開活動時，被問及同公司藝人兼男友林家熙（Locker）染髮後，被指貌似同公司另一藝人兼好友岑珈其，有何感想。Kayan驚訝地回應：「點會呀？珈其靚仔咁多！唔係呀嘛？珈其靚仔好多！」雖然她最後忍笑失敗，但娛樂感十足.....

#吳家忻 #Kayan #岑珈其 #林家熙 #Locker #搞笑 #幽默 #試當真 #劉皓嵐 #校花 #校草 #生日 #Rummikub #宅女 #魏浚笙 #Jeffrey #channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！