車cam影晒！Benz抽頭衝斑馬線 險撞大圍過路母女
司機涉危駕被捕 曾路口落車與人理論

「車品」，並非人人有；即使駕駛Benz，車品一樣可以很缺德。一名30歲廚師昨（25日）下午4時許，沿大圍積存街駛往城門河方向，因不甘被停在斑馬線前的前車擋路，於是向右抽頭直衝斑馬線，差點撞到正在過路的母女。該名廚師今日以涉嫌危險駕駛罪名被捕，其座駕亦被拍到遭拖車拖走。

從車cam片段可見，有司機駛至涉事斑馬線前停下，讓一對母女過路，但後方駕駛Benz的被捕廚師，卻抽頭至鄰線，直衝斑馬線，未有收油，險撞到正在過路母女。拍下這段車cam片的司機，立即尾隨Benz廚師。廚師在城河道路口一度落車，與車cam片主理論：「係咪玩嘢呀？」

#車品 #Benz #廚師 #平治 #大圍 #積存街 #城河道 #積富街 #危險駕駛 #斑馬線 #車cam #channelchk

車Cam再直擊｜Benz衝斑馬線下集
被捕司機視角證據確鑿 網民笑翻：罰多兩條

「Benz直衝斑馬線」事件又有新發展，繼30歲廚師司機被捕後，今日再新車Cam片流出。有人喺facebook一個公開群組「車cam L(香港群組)」開PO，以「平治衝斑馬線事件 平治車cam從第二種角度去看」，同時發放一條相信係涉事Benz的車cam片段，似乎想死撐係因為前線架私家車突然打死火燈停車，擋住了視線，才導致司機cut線抽頭。

片段所見，Benz尾隨前車沿大圍積存街行駛，見前車打咗死火燈，喺斑馬線前停下，Benz隨即抽頭而出，但事實係，佢cut線行駛時，從司機視角明明係見到兩母女從左邊已步出，想過馬路，但司機沒有停低，仍繼續衝前。而他前方仲有一部「死車」停咗喺度，佢之後仲要cut回左線，擺明係危駕中嘅危駕喎！

新車cam片段一出，唔單止得唔到網民圍爐，至今700多個留言一面倒炮轟片段力證司機罪加一等，有人暗寸：「第二種角度，應該是想說明片主只能望到前車，無能力觀察周圍環境...望到前車死火燈自然反應地抽頭，如果真係咁，證明片主不適合揸車。」

亦有網民直言：「見到斑馬線係咪都要收一收慢呢？若果佢真係睇唔清，一抽頭係咪都要睇一睇呢？睇唔清要收慢，普通人都懂這個道理吧？」有人更揶揄：「我諗佢個駕駛執照都係淘返黎嘅！連Benz個車cam都影到有行人在斑馬線上行緊，咁都唔識停，重要畀油行喎」、「樓主識片主嘅話就同佢講聲，依條片千祈唔好交比好人呀！分分鐘判得仲重呀！」

事發於上周六(25日)大圍積存街，一輛Benz抽頭衝過斑馬線，爭啲撞到一對正過馬路嘅母女，司機事後仲聲大夾惡，大鬧喺斑馬線打死火燈讓母女過馬路嘅鄰線司機「玩嘢」。Benz司機事後被警方以危駕罪拘捕。

#車品 #Benz #廚師 #平治 #大圍 #積存街 #城河道 #積富街 #危險駕駛 #斑馬線 #車cam #死火燈

Benz彌敦道急煞 險令新巴捱撞
司機拳打腳踢車長頭 涉襲擊罪被捕
嘮動新聞： https://youtu.be/BvhREHzR1WY

【更正：車長任職新巴，非城巴】
再有Benz男司機在馬路涉案被捕。一名37歲Benz佬昨晚沿彌敦道駛往深水埗，當駛至界限街燈位前疑急煞，險令一架112號線新巴撞上。39歲的男車長落車擋在Benz前，找對方理論。Benz佬推跌車長後，疑腳踢其後腦至頸背，再多次手壓和拍打對方頭部，要由途人勸阻，其後以涉嫌普通襲擊罪名被捕。

Benz佬疑因在路口前急煞，險令巴城撞上。從網上片段所見，新巴位於中線，而Benz則停在新巴的右前方。男車長於是落車，走到Benz前，要求對方一同落車對質。Benz佬其後走近車長正前方，推對方雙肩。車長墮地，Benz佬隨即起腳，疑踢向對方後腦至頸背位，並多次手壓和拍打車長頭部。多名熱心途人見狀，上前勸阻並報警。

有新巴乘客拍攝到Benz佬毆打車長的過程，並在片中稱新巴和Benz車身未曾踫撞，只是Benz急煞停，「攝出嚟」不讓新巴通過，才起紛爭。片段上載至互聯網後，有網民形容Benz佬贏咗場交，但輸咗場官司。Benz佬涉嫌普通襲擊被捕。車長則報稱背痛和右手腕擦傷，送院治理。

#channelchk #彌敦道 #深水埗 #Benz #平治 #拳打腳踢 #毆打 #新巴 #巴士車長 #司機 #切線 #界限街 #旺角 #太子

前賽車手評「Benz衝斑馬線」語出驚人
撻朵「交通安全顧問」上《東張西望》：
停車嗰位都有責任

無綫 TVB 節目《東張西望》嘅「脊醫風波」未停，又有新嘢都惹嚟網民質疑啦。相信大家對Channel C都報導過嘅「Benz衝斑馬線」車cam片記憶猶新，而《東張》喺嗰集都搵嚟一位交通安全顧問剖析司機嘅對與錯，但呢位顧問語出驚人，佢竟然話衝線嘅私家車雖然唔啱，但停車嗰位司機都有責任咁話喎⋯⋯

喺條車cam片入面，片主停低打死火燈畀等過斑馬線嘅女士同小朋友過馬路，點知呢個時候一架Benz就突然超前駛過，嚇到佢哋即刻後退。Benz嘅30歲司機被捕之後，佢段車Cam片都開始喺網上流傳，即使佢想自辯，但仍然畀網民鬧到佢飛天，「唔識睇前車打死火燈？」、「見到有人都唔識停車㗎？」。網上鬧聲一片，但《東張》訪問嘅交通安全顧問呂米高，就別有一番見解，話停車嘅司機「係有少少責任」，因為一來嗰位女士同小朋友未「正式」行出斑馬線，二來司機見到佢哋未行，就唔應該停低⋯⋯呂米高仲話，「喺香港啲車跟得好貼、好迫、好快」，如果司機當時唔停，「其實係完全無危險、無犯到法」，而後面嘅車亦都唔會因為咁樣而爭啲撞到佢或者發嬲。

可能因為呂米高係車手出身，睇法同常人唔同，所以有唔少觀眾都聽到O晒嘴。事件經FB專頁「 思思 TVB 的二三事」出Post後，更加多網民對呂嘅講法表示不解，仲叫呂米高返去再讀一次《道路使用者守則》，因為第五章寫到明「駕駛人士駛近「斑馬線」時，須留意是否有等候橫過馬路的行人（特別是兒童、長者及殘疾人士），並應減速，預備在「讓路」線前停下來，好讓他們橫過馬路。」

見到呂米高咁樣講，真係唔難理解部份司機嘅心態，所以為咗安全，喺香港都係人讓車算把啦。

#channelchk #Benz #東張西望 #TVB #無綫 #呂米高 #斑馬線

旁白師聲演版：Benz L又得一分！當街狂毆巴士佬頭 當正足球窩利抽射
粵語👉 https://youtu.be/BvhREHzR1WY
國語👉 https://youtu.be/sKno8pdpOnA

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
https://youtube.com/channel/UCQRdJCdUVkXYPvWZ6_Omkag

#channelchk #彌敦道 #深水埗 #Benz #平治 #拳打腳踢 #毆打 #新巴 #巴士車長 #司機 #切線 #界限街 #旺角 #太子 #嘮動新聞

砲彈飛車撞毀3間舖！無辜受害人：唔知搵邊個賠｜C睇發現

今集嘅《C睇發現》會訪問被「炮彈飛車」撞毁店鋪嘅店主，睇吓事發當日嘅情形，同埋佢哋嘅損失。無啦啦無得開門做生意、間鋪又爛埋，到底佢哋可以搵邊個索償呢？

去片👉https://www.youtube.com/watch?v=SXt08cAjg9c
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #C睇發現 #車禍 #意外 #賠償 #海味 #上環

foodpanda印裔男稱遭紅磡無罩中女狂辱罵
嘆來港8年首因泊車 被中國人歧視貧窮

疫情下，很多港人都靠外賣醫肚，一眾外賣速遞員成為不少市民解決一日三餐的好夥伴。但大家對他們日常遭遇，又了解多少？一名38歲foodpanda印裔男向Channel師申訴，3個多月前因送外賣被車撞傷入院、近日到警署錄口供後，疑因其單電車泊在商舖範圍，引起一名無罩中女不滿，即使多番道歉，仍被對方不斷以粗口辱罵、以𠝹刀威嚇毀車傷人，並以垃圾剷阻擋拍攝。他慨嘆來港8年，首次遇上中國人如此充滿仇恨的對待，感覺對方歧視窮人。

一場疫症，除改變所有人的生活模式，更打爛不少人飯碗。現時38歲的Peter（化名）來自印度，2006年移居深圳，擔任一間通訊設備商的銷售經理，2013年移居香港繼續工作，但疫情令他在2020年10月被公司裁走。身為一家為主，但因不懂說中文，加上年紀大，他惟有轉職外賣速遞員，以維持妻兒生活開支。怎料2021年10月初駕電單車為戶戶送速遞外賣時，他卻被私家車撞傷腳踝入院，卧床50天，至今仍未完全康復，影響步行。

2022年1月17日下午，Peter駕駛其電單車到紅磡大環道，前往警方西九龍交通部錄口供，並稱將車停泊在商舖旁邊的空地、片中Benz的後方。當他離開警署取車時，發現一名無口罩中年女子手持𠝹刀，欲𠝹花其電單車。中女不滿Peter的電單車泊進其範圍，但即使他連番道歉，中女仍未肯放過他。據Peter所述，中女除以𠝹刀威嚇他，又辱罵他是motherfucker，更瘋狂斥他是shit不下50次。Peter忍無可忍，舉起電話拍攝中女，對方就舉起垃圾剷，遮阻其鏡頭，並不斷叫「foodpanda」。

Peter向Channel師透露，其妻子是中國人，兒子則在香港出世；來港8年卻首次遇上中國人如此充滿仇恨的對待，感覺對方歧視窮人。他受訪時再為其誤泊致歉，亦希望大家在疫下能守望相助：「請不要對窮人無禮；每個人都很努力工作，支援家人生活所需。生活艱難，不應更添折磨。請大家互相支持，善待他人。」

【片中街名誤稱大環街，應是大環道🙏】

#channelchk #foodpanda #戶戶送 #deliveroo #歧視 #racism #parking #泊車 #benz #Mercedes #car #india #紅磡 #accident #車禍 #交通意外 #工傷 #口罩 #mask #印度 #bully #欺凌 #電單車

【BENZ是無辜的】究竟咩事會刺激到片中女子起勢咁用鐵鎚扑呢部價值$160萬嘅BENZ？

睇片：https://www.youtube.com/watch?v=lpi-xsD7PmI

#benz #sclass #你好平治

車cam直擊｜43歲平治婦切線爬頭 撞翻本田七人車 險砸鐵騎士
被撞司機兒子成功求片多謝港人

👀👀https://youtu.be/MgtVk5i1MxU

讓車都要問候人哋十八代，呢位Benz司機係咪食咗炸藥？

去片👀 https://youtu.be/XGMerhPN8eI

（片中應為醫管局「非緊急救護車」，並非「復康巴士」，感謝讀者指正，謹此致歉🙏）

#channelchk #Benz #將軍澳 #靈實醫院 #司機 #復康巴士