九巴中秋節加強服務🛻 睇吓有無你搭開個架？

Channel C祝大家中秋節快樂！唔知大家準備好今日放工要迫爆車廂未呢？好在為咗方便市民同親友團聚， KMB 九巴專頁 會喺今、明兩日（21至22日）加強約70條巴士路線服務，包括提早特別班次及延遲尾班車等，各位打工仔同準備去食團圓飯嘅你，記得睇吓你要搭個架車有冇份啦～（相關路線列表： http://www.kmb.hk/lib/_2021.pdf ）

九巴仲特別加開咗兩條線，方便大家去玩同返屋企添！第一條路線喺每次月圓之夜都會出現嘅96R（由鑽石山站往黃石碼頭），服務時間為今日下午5時30分至6時30分，會途經西貢碼頭、北潭涌等，啱晒大家去搵地方賞月；第二條路線係N601（由金鐘站往寶達），服務時間為9月22日凌晨12時15分及12時30分，途經灣仔、銅鑼灣、東隧、觀塘、秀茂坪等。

除此之外，N373（中環港澳碼頭開往粉嶺聯和墟）都會加停灣仔及銅鑼灣，途徑史釗域道、杜老誌道、灣仔消防局、百德新街、維多利亞公園、興發街及景隆街巴士站。相關班次會於9月22日凌晨12時、12時30分及12時50分開出。

#channelchk #九巴 #KMB #賞月 #中秋節

嫦娥關心你～
中秋節路路平安！

天氣師李鈺廷亦提提大家，天文台預料香港在中秋節及翌日僅受高空反氣旋的邊緣覆蓋，局部地區會有驟雨，雖然落大雨機會較低，但市民中秋節晚或要在雲隙間賞月。

#塞車 #觀塘 #天氣 #中秋 #天文台 #高空反氣旋 #驟雨 #賞月 #月亮 #月光 #moon #weather #氣象 #天氣師 #李鈺廷 #channelchk #嫦娥

直擊中秋滿月高掛！雲隙間觀賞若隱若現
https://www.facebook.com/101870318844226/posts/132886089075982/

明月幾時有？把「餅」問青天！相信不少人在中秋夜跟小編都抱有相同疑問。Channel C與月餅達人Toby在YouTube直播玩遊戲、食月餅後，到午夜終於等到「八月十五」露出來、在雲隙間若隱若現。

Channel C在Facebook為大家直播在荃灣看到、並以簡單手機器材拍攝的「Out focus月」，由旁白師與天氣師李鈺廷︱講天氣主持。不過該直播因版權問題被下架，Channel C非常抱歉，現已將相關內容剪輯，並重新上載，希望大家可以欣賞到好靚嘅滿月🌝

#月亮 #滿月 #賞月 #中秋節 #團團圓圓 #channelchk

觀塘巨月疑遭50km/h強陣風吹落海
瞬間穿窿變生根 「淥到腍晒 撈起食啦」
https://youtu.be/xJbVDoQOJKE

中秋節假期完咗過後，喺觀塘海濱亮相咗幾日嘅巨型月亮亦跌落海，轉眼變「生根」！

本港今早部份地區大雨又行雷，觀塘海濱附近嘅啟德氣象站亦多次錄到超過每小時40公里（強風程度）嘅陣風，最高達時速50公里。有網民今早就拍攝到巨型月亮疑被強風吹落海後，隨水向九龍灣方向漂流嘅片段，可以見到月球表面有明顯裂口，漂流期間不時撞向海堤，一邊開始漏氣，最後有網民更影到月球「謝晒皮」喺海上漂嘅情況，被笑指同「腍咗嘅生根」一樣。

月球表面最後喺避風塘一帶沉沒，負責單位要派人打撈，被網民形容係「海底撈月」。主辦單位喺社交平台發帖話，原定昨晚（22日）活動完成後，今早收回月球，但受天氣影響，索帶撕裂致月球墮海，主辦單位已盡快將月球撈回海面處理。

「每日X官塘老母」版主接受Channel C訪問就話，唔知「月亮」係點樣變成「生根」：「如果唔係主辦機構整爆嘅，我淨係覺得好危險。如果係早兩日好多人嗰陣爆點算，同埋漂咗出海都對啲船危險。」大大話，佢未去過現場「賞月」，因為真係太多人：「睇人哋影啲相都覺得OK靚嘅！」咁有冇覺得多咗個「月亮」之後觀塘更加塞？大大話：「官塘係唔係都咁塞，我諗又唔會好大分別。」

天氣師李鈺廷翻查資料，原來天文台今早8時39分已預告本港有局部地區強烈狂風雷暴，預料有高達每小時90公里或以上嘅猛烈陣風繼續吹襲。而早上9時，天文台於觀塘海濱附近嘅啟德氣象站錄得最高陣風每小時50公里。

中秋活動「全民燈月」周日（19日）起喺觀塘海濱舉行，15米高嘅巨型月亮着係活動重頭戲之一，連日來吸引唔少人去打卡，中秋夜更逼滿市民賞巨型月亮，可惜深夜過後留下不少垃圾。

（Facebook群組「社區天氣觀測計劃 CWOS」Eric Darky提供片段）

#channelchk #巨型月亮 #中秋 #月亮 #觀塘 #觀塘海濱 #全民燈月 #賞月 #月球 #天文台

中秋追月追到落海！巨月彷彿同大家講：「走先嘞～係咁先嘞～下次再玩啦～」現在由旁白師和Channel絲，為大家改詞聲演： https://youtu.be/xJbVDoQOJKE

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
https://youtube.com/channel/UCQRdJCdUVkXYPvWZ6_Omkag

#channelchk #巨型月亮 #中秋 #月亮 #觀塘 #觀塘海濱 #全民燈月 #賞月 #月球 #天文台 #試當真 #係咁先啦 #嘮動新聞 #改歌