《膠戰》阿正譚仔廣告演痴女勁惹笑
幫七師傅配少女腔
獲黃德斌讚吳君如mix詹瑞文

近排因《膠戰2》急速彈起嘅阿正，喺最新嘅譚仔廣告入面飾演痴女「八師傅」八仙，即係七師傅嘅孖生姊妹，而喺廣告入面，阿正就睇中咗做戶戶送送餐專員嘅黃德斌。

除咗扮痴女，阿正仲要幫七師傅配音，幫佢加返把少女聲，喜感十足。阿正話佢為咗呢個廣告，睇咗佢嘅節目幾次，又要學埋「仙氣打扮，同模仿『譚仔話』」，連自己都忍唔住笑。

而黃德斌就話「今次拍呢個廣告好有艷福」，既可以同七師傅談情，又俾八師傅搭訕。而對住阿正做嘅八師傅，黃德斌就話阿正嘅「誇張演繹」，有啲似吳君如加詹瑞文嘅混合體，好搞笑咁喎。

#channelchk #阿正 #膠戰 #viutv #黃德斌 #七師傅 #七仙羽 #譚仔

《大叔的愛》成民選電視大獎最大贏家
Anson Lo榮膺視帝兼個人票王

幾時都係有得揀最開心～由電視資訊評論平台「方以文 睇電視喇喂」舉辦嘅觀眾在民間電視大獎，日前公佈咗第6屆嘅得獎名單，唔知大家投嘅一票有無上榜呢？

2021年度的15個民選獎項由68,166名觀眾透過網絡選出，ViuTV大熱劇集《大叔的愛》橫掃8項獎成為大贏家，包括民選最佳劇集、劇本、攝影、最佳歌曲等，而飾演劇中CP的Edan及Anson Lo（田一雄、凌少牧）亦奪得最佳戲劇拍檔，Anson Lo更憑牧牧一角成為票王及民選視帝。劇中另一焦點、演出「手撕雞髀」名場面的練美娟（娟姐），亦於民選飛躍進步女藝員獎項以25,284票（47.20%）奪冠，成為本屆票后。邱士縉（Stanley）及簡慕華這對史上最登對的姊弟戀CP，亦憑劇中角色分別勇奪最佳男、女配角獎。在民選視后方面，則由TVB李佳芯（《智能愛人》阿寶），以1,006票之差擊敗同樣屬大熱的鍾嘉欣（《星空下的仁醫》章以芯）。

除了劇集，大受好評的綜藝節目《膠戰》亦有所收穫。主持「6膠」呂爵安、岑珈其、劉沛蘅、黃正宜（阿正）、魏浚笙、徐浩昌（肥腸），憑20,456票成為民選最佳主持。而民選最佳綜藝節目一獎，則由《神的女主角》以19,443票奪得。

#channelchk #方以文睇電視喇喂 #觀眾在民間電視大獎 #大叔的愛 #ViuTV #TVB #AnsonLo #盧瀚霆 #呂爵安 #Edan #6膠 #膠戰

阿正電台打到電視台 立志大殺四方 ：30歲前做歌手出歌！
擇偶條件大公開：重視幽默感 或學唔同語言開拓市場

阿正突破商台主持，憑住《膠戰》系列打入電視之後人氣爆升，早排拍完外賣速遞廣告之後，今次「八仙正」就拍住克羅地亞型男，你一啖我一啖咁食米線。

原來阿正嚟緊2月中就29歲生日，面對30歲呢個大關，佢就話：「快將踏入三字頭，希望多試不同的事，尤其未試過拍劇、拍戲，很期待可以嘗試拍喜劇。至於30歲前的目標則是想要以歌手的身份出歌！」唔知阿正想出啲咩歌呢？（Channel絲有個想法，我覺得阿正同麗英合作好似會幾正咁🌞）

除咗話要出歌之外，阿正仲話「今年至少要同異性約會3次。」雖然今次同克羅地亞靚仔，不過佢話國界或者年齡都唔會阻礙佢識男朋友。咁搞笑嘅阿正梗係要搵返個同樣好笑嘅男朋友啦，「我比較重視幽默感，同埋要夠細心。國籍唔係重點，本地或者外國男士都可以，我會學習唔同語言去開拓市場。」

#channelchk #阿正 #viuTV #膠戰 #八仙正 #米線

《膠戰S3》下周播出6膠再度上陣　阿正被呂爵安欺騙後友誼再受考驗　珈其受訪大爆Edan已是有錢仔
https://channelchk.com/a/11167

由呂爵安（Edan）、魏浚笙（Jeffrey）、黃正宜（阿正）、岑珈其、劉沛蘅（Hillary）及徐浩昌（肥腸）主持的遊戲節目《膠戰》，過去兩輯都大獲「膠迷」好評，全新一輯《膠戰S3》將由下周一（7月3日起）逢周一至五晚上9時30分首播，6膠成員繼續上陣派膠之外，每集主題和嘉賓及場地亦有不少驚喜，務求讓膠迷笑足一小時。

#膠戰 #膠戰S3 #呂爵安 #魏浚笙 #黃正宜 #岑珈其 #劉沛蘅 #徐浩昌 #膠迷 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作！🤝
誠邀各商戶傾談廣告宣傳和合作推廣；
有意請電郵至：marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://bit.ly/3S3zjZy