將軍澳鐵騎士為阻紅的駛走 大字形趴車頭
的士司機涉「狂亂駕駛」被捕

遊戲「Crazy Taxi」係唔少人嘅童年回憶，但現實中如果遇上咁嘅的士司機，都唔好話唔得人驚。今日（2日）下晝2點幾，將軍澳唐德街一架紅的疑與一輛電單車發生碰撞，鐵騎士落車打算截停的士理論，但的士司機見狀卻照樣開車，情況驚險。網上流傳片段顯示，鐵騎士呈「大字形」趴在的士車頭，向途人高呼「幫我報警」、「佢危險駕駛」。而紅的則照樣往前駛，更企圖急煞將鐵騎士拋出。

從影片中聽到，在場途人都非常肉緊，有人記低車牌號碼、有人亦大叫希望喝停的士司機。警方接報到場後，鐵騎士及紅的司機均報稱受傷，須送往將軍澳院治理，經初步調查後，的士司機涉嫌「狂亂駕駛」被捕。

#channelchk #CrazyTaxi #的士司機 #紅的 #鐵騎士 #危險駕駛 #狂亂駕駛 #有片