《造星》揀人咩準則？193騎呢rap照入40強
Edan Alton演出不獲評判歡心 齊墮復活區

近期ViuTV《造星IV》嘅評判同導師，不停被圍插foul錯人，又俾人挑剔話唔識揀星。大家對於佢哋揀人嘅準則，出現咗好多個黑人問號。原來宇宙天團ERROR顏值擔當嘅「193」郭嘉駿，當年喺《造星I》99強跌落復活區，驚險復活先打入55強。Channel絲睇番當時三爺點樣再下一城晉身40強，又有另一番滋味。

嗰陣唱歌又唔係出色、做戲跳舞都唔係好掂嘅三爺，喺55強憑住爆笑舞步，配襯埋LMF神曲《大懶堂》，成功獲得評判清一色6盞藍燈，入圍40強。嗰陣6個評判，亦都係40強嘅2班導師，鬥快撳燈揀卒入自己嗰隊。其中側田話，193呢款參賽者，觀眾「一係好鍾意佢，一係好唔鍾意佢」；Eric Kwok亦覺得三爺「好有character，我會記得佢」；火火嘅評價最直白：「（193）靚仔玩騎呢，有得做喎！」雖然三爺喺40強止步，但最終以男團ERROR成功出道。

至於而家係人氣歌手兼演員、亦係人氣男團MIRROR成員嘅Edan呂爵安，喺55強自彈自唱《想回到那一天》，但跌落復活區。同樣係MIRROR成員嘅Alton王智德，喺55強以《木偶襲地球》為題嘅歌舞表演，當時都得唔到評判歡心，要跌落復活區。好彩兩人之後都被撈番，繼續比賽。雖然Alton喺30強止步，而Edan只係拎第8名，但佢哋之後以男團MIRROR成功出道。

值得一提嘅係，令三爺成功晉級嘅幕後功臣，係PA Himtos。他本身鍾意跳舞，當時義務幫55強嘅三爺特訓同排舞。當知道33得咗、晉級40強，Himtos當堂感動流涕，而家佢已經升職做導演，仲幫過《造星III》入面跳中國舞嘅Dilys黎蘊芝排舞，令Dilys成功晉級𠻹。

究竟歷年來4屆《造星》係睇啲咩去揀人嘅呢？有character？唱歌好？跳得？入戲？Channel絲都搲晒頭，唔知你哋點睇呢？

#channelchk #造星 #郭嘉駿 #LMF #大懶堂 #側田 #EricKwok #Himtos #ViuTV #全民造星 #ERROR #Dilys #黎蘊芝 #火火 #DenisKwok #郭偉亮 #EdanLui #呂爵安 #MIRROR #AltonWong #王智德 #排舞

【自肥】你今日投咗未？Ivy So需要大家！
造星「票站」才可拍攝 教你合法影票免露馬蹄

票，不可隨便投；票站，不可隨便影；馬蹄不可隨便露。只有一種「票站」，才可讓選民隨便截圖瘋傳。這就是ViuTV《全民造星IV》候選女團電子投票！在手機投選20強其中一位心水後，你就可以在這個「票站」截圖，分享他人。小編亦響應旁白師呼籲，票投1號Ivy So蘇雅琳！

一眾20強參賽者昨（19日）出席在九展E-Max商場舉行的總決賽記者會，各自上台表演和拉票。首先登場的蘇媽，即席熱舞1分鐘，為大家暖場。她流暢的舞姿，加插一系列可愛動作，例如畫心和跌膊，迷倒一眾蘇蝦。Ivy舞後努力壓住氣喘開腔：「好多謝大家一直以嚟願意支持唔夠好嘅我啦～如果想見到我喺女團入面成為開心果嘅話，就投我一票嘞～」

20名女將在個人拉票時間，都為同伴拉票。Ivy說：「我心目中嘅三甲人選，其實係Marf（邱彥筒）啦、阿Gao（沈貞巧）啦同埋阿Day（許軼）！大家多啲投票嘞～」各位蘇蝦，蘇媽最需要大家一票，你今日投咗未？

#ViuTV #IvySo #造星 #全民造星 #全民造星IV #全民造星4 #造星IV #造星4 #女團 #投票 #蘇蝦 #蘇媽 #馬蹄露 #票站 #蘇雅琳 #邱彥筒 #MarfYau #許軼 #DayHui #沈貞巧 #GaoShum

造星IV女團1.12出道！經理人誓努力打低MIRROR
花姐證Win Win八婆 祖認睇漏Ash 佛囑高層勿糟蹋

ViuTV《全民造星IV》決賽在聖誕夜直播，由李嘉欣等5名評判和網民各佔一半評分，負責篩女人參賽者，從20強選出冠亞季軍直入女團。ViuTV公佈，女團將於明年1月12日出道，屆時才知道其餘人選。經理人戴穎（阿Wing）在賽後的《造星彩蛋》，被問到對女團有何寄語或祝福時，笑言將與女團「一齊努力，打低MIRROR！Yeah！」花姐聞言即質疑：「點解要打低MIRROR啫？我哋唔可以一齊行嘅咩？」阿Wing即時補飛：「咪就係一齊進步囉～」

20強決賽選手之一的穎蕎，最初在節目豪言，要與其他參賽者一起「剝花姐棚牙」。花姐在賽後承認，一眾選手的表現確實「剝我棚牙」︰「我啱啱都有同啲評判講，我諗住呢個比賽裏面有一班八婆嘅，但佢哋唔係八婆囉，除咗Win Win之外！哈哈哈哈！佢哋係一班好熱血啦、好有夢想嘅女仔啦。咁MIRROR、ERROR要小心啲嘞。」但她補充，Win Win和So Ching等很多選手的決賽表演都很好，亦比她想像中好。

2位導師被問到有否「睇漏眼」或滄海遺珠未能晉級時，「阿佛」許廷鏗認為2人眼光不錯，沒有睇漏眼，該復活的已被復活，部份復活者更晉身20強。但「阿祖」梁祖堯則承認睇漏Ash：「我真係好想佢可以喺一個好大嘅舞台上，表演到畀大家睇，不過，總有咁嘅機會嘅我覺得。」阿佛更自爆曾越級叮囑ViuTV高層，勿糟蹋她們：「頭先我都同金生（製作部副總裁金廣誠）講，你好好地對啲女呀，有啲咩搞唔掂，我而家置咗公司，我嚟挖角架我同你講，因為我真係好鍾意佢哋！」

#ViuTV #造星 #全民造星 #全民造星IV #造星IV #女團 #MIRROR #花姐 #戴穎 #黃慧君 #Ash #鍾卓穎 #梁祖堯 #WinWin #楊安妮 #許廷鏗 #channelchk

覺唔覺今年造星IV決賽Dance Battle冇乜印象？唔覺睇過選手大頭？旁白師同大家分析咗原因🧐，仲幫大家實現李嘉欣開聲恭喜Marf嘅願望🤣 👉 https://youtu.be/Jk60aKpTNwA

#ViuTV #造星 #全民造星 #全民造星IV #造星IV #女團 #channelchk #嘮動新聞 #李嘉欣 #邱彥筒 #marf #我真係恭喜你呀
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

【明星Q&A阿mic周卓盈(1/3) 出道篇：造星4被淘汰後曾諗過放棄轉行？短期目標要開小型演唱會！由細到大表演慾強？自爆最弱係...】

睇片👉https://bit.ly/3X49dZN

又到旁白師自肥時間！今次一連三星期，逢星期一請嚟周卓盈阿mic嚟內心deep talk，佢更加會為大家唱三首歌。第一集先同大家了解下阿mic個人先！

#周卓盈 #阿mic #micmic #雙魚座 #造星 #明星qna #自肥 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/3S3zjZy

明星Q&A 阿mic周卓盈(2/3)︱1️⃣雙魚座優點缺點大檢閱 阿mic究竟中幾多？2️⃣FF有日同某球星結婚？3️⃣大爆驚人嗜好 做完好放鬆好滿足
睇片👉🏻https://youtu.be/_tRql32nOVY

又到旁白師自肥時間！今次一連三星期，逢星期一請嚟周卓盈阿mic嚟內心deep talk，佢更加會為大家唱三首歌。第二集會同阿mic傾下雙魚座個性、講下佢鐘意嘅球星同大爆驚人嗜好！

Part 1: 明星Q&A阿mic周卓盈(1/3) 出道篇：造星4被淘汰後曾諗過放棄轉行？短期目標要開小型演唱會！由細到大表演慾強？自爆最弱係...
https://channelchk.com/a/5389

#周卓盈 #mic
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/3S3zjZy

【明星Q&A阿mic周卓盈(3/3) 《雙魚座》係對愛情美好幻想？T-Rexx填詞幫忙破滅幻想】

睇片👉https://www.youtube.com/watch?v=NP0K0Ts4gQs

又到旁白師自肥時間！今次一連三星期，逢星期一請嚟周卓盈阿mic嚟內心deep talk，佢更加會為大家唱三首歌。嚟到第三集，阿mic會介紹佢首出道歌《雙魚座》，更加會即場演繹！

#阿Mic #周卓盈 #明星QandA #雙魚座 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/3S3zjZy

【Emiko出騷不受尊重 表演途中樂手落台收禮物？搞手狗毛要求Del Po：否則視為心機女！網民不值幾個男人圍攻Emiko】
睇片👉https://channelchk.com/a/8940

由《造星一》參賽者羅啟聰（狗毛）主辦的The Stars Relight音樂會，星期六在中環藝穗會舉行。獨立歌手Emiko在IG出po分享演出期間不受尊重，包括主辦人狗毛突然在她唱歌期間落台，樂手又跟台下觀眾起哄和收禮物。Emiko亦收到fans反映，原本480元包兩杯飲品的音樂會，最後只有一杯。種種事情令她覺得不受尊重和自己的fans受騙。Emiko表示狗毛曾要求她刪po，否則當她「心機女」處理……

#emiko #徐嘉蔚 #醬醬醬 #狗毛 #羅啟聰 #造星 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作！🤝
誠邀各商戶傾談廣告宣傳和合作推廣；
有意請電郵至：marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://wa.me/85264691456