林二汶TVB台慶獻唱 被嘲《最後冇信仰》
首開腔剖白：音樂應海納百川 這是我信仰

TVB與四大唱片公司破冰後，部份非TVB「親生」的歌手，嘗試到TVB演出。歌手林二汶趁TVB台慶夜，到將軍澳電視城唱歌助慶，但被不少網民鬧爆，未有如其歌名堅守《最後的信仰》，嘲林「最後冇信仰」，亦令部份支持者失望。本身定期在網上開live唱歌的林二汶，日前照樣開live，並首度開腔剖白其為TVB台慶獻唱的決定：

「我做咗廿年音樂，我一直都好相信，音樂係應該無分國界、無分任何嘅邊界，因為音樂本來係應該要嚟溝通，唔係用嚟孤立。我哋其實一直追求緊係百花齊放，唔係咩？我今年開咗自己嘅音樂教室，我想嘗試傳遞一個訊息，就係音樂應該係無分邊界，應該一心只為音樂嘅發展。如果我去分得咁清、分得清清楚楚，咁我教出嚟嘅學生，乜唔係會墨守成規同埋固步自封咩？我哋做音樂嘅人，我想我教出嚟嘅學生，我好希望佢哋明白一個訊息──音樂係應該懂得海納百川，而呢個就係我嘅信仰。」

#channelchk #TVB #林二汶 #台慶 #最後的信仰 #sing #song #music