無綫主播陳嘉欣 總是犯同樣錯誤 警員變「警犬」？
熱心市民翻舊帳 吹雞投訴力爭炒魷魚！

雖然Channel絲已經冇睇無綫新聞好耐，但係最近主播陳嘉欣疑似口誤事件，令到Channel絲都要重播條新聞片幾次，聽真啲佢講咗啲乜。

事緣就係陳嘉欣上星期五（4日）報導西營盤第三街毓明閣被圍封強檢嘅新聞時，好似唔覺意將「警員」讀成「警遠」，有網民甚至聽成「警犬」，仲話陳嘉欣講完仲陰陰嘴笑。一眾「熱心市民」就即刻焫焫焫焫焫焫着，喺各大社交平台開po怒罵。

有啲就話要「炒左佢，好明顯有意讀錯」、「一個字就是：炒，見一個炒一個，絕不能放過一個」、「新聞工作者把自己政治立場，個人情緒放入工作中，好唔專業」。

喺一班「熱心」YouTuber開始call馬聲討無綫要求炒佢魷魚之際，網絡上亦有其他人發起「一人一信」向無綫電視及通訊局投訴，話陳嘉欣有「悔辱公職人員」之嫌，同埋「在香港疫情肆虐的時候，警察都是走在最前線，我們應該心存感激，守望相助，同心抗疫而不是這樣事事政治化搞分化影響市民情緒」咁話喎。

話明係「熱心市民」，梗係要起底起到盡啦，係咪？有網民就發現陳嘉欣2019年已經「犯錯」。當時通訊局裁定投訴理據不足了事，而今次「再犯」唔知又會有幾多投訴，又會點處理呢？

#channelchk #無綫新聞 #TVB #陳嘉欣 #通訊局 #COVID19 #變種病毒 #疫情 #Omicron #圍封 #強檢

TVB主播陳嘉欣被指將警員讀錯「警犬」
通訊局證收500宗投訴

無綫新聞主播陳嘉欣早前報一宗新聞時，疑誤將「警員」讀錯成音近「警犬」，
有網民因此認為她侮辱及不尊重警員，發起一人一信行動，向通訊事務管理局投訴。

通訊局回覆Channel C查詢時表示，截至2022年2月11日為止，共收到約500宗關於相關投訴，投訴人主要認為一名主播在報道有關疫情的新聞時，對警察作出侮辱性的稱呼，局方會按既定程序處理有關投訴。

#channelchk #陳嘉欣 #無綫新聞 #TVB #投訴 #通訊事務管理局 #通訊局

周圍都係～周圍都係～官邸都係～特首辦都係～🚀

去片👉https://www.youtube.com/watch?v=n2ZODdw88Is

#葉劉淑儀 #李家超 #林鄭 #林鄭月娥 #TVB #陳嘉欣 #國安處 #阮民安 #channelchk