半山浸到港島東 柴灣「食水深」 環翠停車場又浸

古有九龍塘水舞間，今有港島東有水都威尼斯。

「獅子山」來襲，香港多區水浸，特別係港島，灣仔滙豐分行水浸，半山馬己仙峽道變「馬己仙峽河」，馬路被黃泥水淹浸，奇景係啲車仲行緊，博命想離開馬己仙峽河。由於水位太高，於是就變咗玩「滑浪飛船」咁，只係今次衝浪係搵命博，半山嚟㗎！

港島另一個水都，位於柴灣環翠。又係嗰個多災多難嘅停車場——C區停車場，A同B好彩冇事。噢，杏花邨車主其實不孤單。

紅黑紅紅黑，水浸就係咁簡單。柴灣道（長命斜）變成瀑布咁，由興民邨一路爆到慈幼；坐巴士沿路就只見到大大小小瀑布同噴泉仔。環翠邨C 區停車場當然（又）水浸，水深及小腿；環翠商場外對出迴旋處亦水浸。居民表示不意外。年經嚟。

暴雨中，就係靠熱心市民。有人冒雨撐傘，推一個車仔，沿街道彎腰清理積水內嘅垃圾，疏通渠口。可以想像有幾辛苦。

Google一下。2014年，環翠邨停車場經過黑雨洗禮，C區又水浸。場內至少40部車一齊沖涼，水深及半條車胎；16年，一場黑雨，柴灣變黃泥「沖」，青年廣場對出路面出現「激流」，洪水湧入商場。環翠C區停車場嘅車又被迫浸浴。

當時嘅區議員認為，水源主要來自大潭道引水道，引水道常有雜物阻塞，但冇人定時清理，雜物由引水道帶落峰華邨大水渠，令水渠淤塞，大水湧出路面。其實唔止區議員咁講，居民都熟晒地理。環翠邨C區停車場喺正迴旋處隔離，「根本就係成個柴灣嘅最低點，仲要再落低一層，邊有得救？」

環翠前區議員吳卓燁曾與領展及渠務署代表會面，講番水浸問題。領展係有做嘢，例如停車場水泵數目增至3部，清潔員加強清理渠道淤塞，但好快又塞番…

#獅子山 #柴灣 #環翠邨 #環翠邨停車場 #柴灣道 #慈幼 #馬己仙峽道 #滑浪飛船 #黑雨 #紅雨 #channelchk

紅雨水浸︱柴灣環翠邨停車場水浸　東廊及龍翔道部份行車線封閉
https://channelchk.com/a/13479

天文台於今日（14日）早上5時55分發出紅色暴雨警告信號，運輸署隨後表示，由於路面有積水，東區走廊（往柴灣方向）近和富中心的部份行車線現已封閉；龍翔道（往觀塘方向）通往獅子山隧道支路的唯一行車線亦封閉，受影響九巴巴士第86、86A及87B號線須改道行駛。因交通意外，呈祥道（往觀塘方向）近明愛醫院的部份行車線現已封閉。

至於較早前因道路事故而封閉的大埔公路-沙田段（往大埔方向）近沙田馬場的部份行車線現已解封。較早前因路面有積水而封閉的東區走廊（往中環方向）近北角消防局的部份行車線亦已解封，車龍有待消散。

另外，於黑雨時曾成澤國的柴灣，今早再有多處水浸，包括環翠邨停車場。有網民上載環翠邨一帶路面情況，可見輕微水浸。網民急召車主盡快駛走私家車，以防日前的慘劇重演。天文台在上午8時指出，過去一小時港島東雨量逾40毫米。

#柴灣 #紅雨 #水浸 #東廊 #封路 #環翠邨停車場 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作​！🤝
誠邀各商戶傾談廣告宣傳和合作推廣；
有意請電郵至：marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://wa.me/85264691456

紅雨突襲｜柴灣哥連臣角墳場變瀑布 環翠邨停車場又水浸 城門河變黃河
https://channelchk.com/a/13505

天文台於早上5:55 a.m. 發出紅色暴雨警告信號，多區有大雨，局部地區出現水浸。

#紅雨 #瀑布 #水浸 #城門河 #哥連臣角墳場 #柴灣 #環翠邨停車場
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作！🤝
誠邀各商戶傾談廣告宣傳和合作推廣；
有意請電郵至：marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://wa.me/85264691456