梁卓偉倡准許食肆6至8:30pm早輪晚市 重開戶外球場：
病毒唔會6點鐘後先出嚟

本港出現本地Omicron變種病毒個案後，政府專家顧問、港大醫學院院長梁卓偉建議政府要在24小時內收緊社交距離措施，政府同日即宣佈收緊。而晚市堂食禁令等措施再延長14日後，梁卓偉今日再在商台節目表示，基於科學上「病毒唔會6點鐘後先出嚟」，認為防疫措施上可較人性化，只要食肆並非「不夜天」，可容許在6pm至8pm做 「早輪晚市」 ，「8點半閂門係咪真係咁唔安全呢，我諗未必係。」

但他認為要檢視食肆現准用膠板的防疫措施，因為即使有清潔消毒膠板，都只能防飛沫，惟Omicron絕大部份是空氣傳播，所以設膠板反而阻礙空氣流通，認為是「心理作用多於一切」，所以應在座位安排上坐疏一點。至於室外運動場如足球場、網球場及高爾夫球場等亦可重開。

早前港大微生物學系講座教授袁國勇建議，市民可戴兩個口罩，令口罩更貼近面部。梁卓偉指，高危工作地方例如酒樓食肆，普通外科口罩的確「未必保到咁好」，認為只要「戴多個唔會影響呼吸或者工作」，是可以嘗試，建議老闆買一些「貼身」口罩，「貼住啲邊就唔使同事戴兩個口罩咁辛苦。」

他又說，機艙清潔員更要小心，「（防疫規格）直情要當醫院病房」，僱主應提醒他們如何更換保護衣。

#channelchk #Omicron #防疫措施 #晚市禁堂食 #早輪晚市 #年宵 #花市 #口罩