雪姨開箱拆Chanel聖誕倒數月曆中伏
見「No.5」手繩嬲爆：我係馬咩？我個樣似驪駱駝啫
YouTuber雪姨出名有錢兼識投資同做生意，但遇上CHANEL ，就連雪姨都有「墮馬」嘅一刻。早兩日雪姨喺IG開Live，同觀眾一齊開箱Chanel嘅聖誕倒數月曆，仲諗住搞Giveaway，點知「唔開由至可，一開把幾火」，由一開始嘅水晶球吊飾，到後尾開嚟開去都係貼紙、書籤、磁石，除咗令雪姨懷疑自己買咗文具套裝，仲令佢不停「陶大宇上身」掩面大叫「WTF」。雪姨嘅激動反應仲令好多人忍唔住爆笑，就連Frankie@ MIRROR、保錡@ ERROR都忍唔住留言。
雪姨開頭都好有耐心好平和咁介紹，直到佢由開到塊「Chanel鏡」開始，雪姨嘅連環不幸事件就開始了，「喂喂喂，大佬，輕飄飄嘅喂？！Chanel No.5布袋？」、「26號Boxing Day你拆塊鐵片俾我？」、「書籤？！我想問香港人有無咁鍾意睇書先？！我係咪librarian呀大佬？」、「Fuck！我六千幾蚊買咗堆磁石！！」、「擴香石？唔香㗎喎？！」⋯⋯文具套裝令有錢如雪姨都肉赤，「不如大家唔好要，成八千幾蚊，不如拎上Carousell賣，分Q咗佢啦喂！」
但睇嚟最激心嘅都係一條「5號手繩」，「有咩人會戴個5號出街呀？」，火上心頭嘅雪姨忍唔住自嘲，「我係馬咩？我個樣似曬駱駝啫，但唔等如我要戴5號㗎嘛，5號代表我人生咩？」，「平時啲人話我點樣嘥錢，我都唔覺得嘥錢，因為我自己鍾意呀嘛！Chanel我唔係唔幫你呀，我點幫啫！！」然後開到懷疑人生嘅雪姨，最尾終於開到枝唇膏⋯⋯不過雪姨扭開佢就知係Mini Size，嬲到手震跌埋落地下，「我畀六千幾蚊，你畀枝貨Size我都唔得，係要迷你嘅？！？！」。雪姨係Live尾忍唔住再大爆發，「我俾人呃到透呀！」，仲話明白點解啲人最鍾意個大盒，而唔係鍾意入面啲嘢。
其實名牌呢啲嘢，不嬲都係你覺得值就值，雖然6000幾蚊買個文具套裝係貴，但Channel絲學斷蟹話齋，買個盒送化妝品，又送書籤，又送Chanel No5手繩，仲有嚿擴香石添，一個文具套裝咁細，搞到成個降落傘咁大個，都只係賣六千幾蚊，今次真係我問你死未～
#channelchk #雪姨 #KOL #YouTuber #Chanel #adventcalendar #曬駱駝
見「No.5」手繩嬲爆：我係馬咩？我個樣似驪駱駝啫
YouTuber雪姨出名有錢兼識投資同做生意，但遇上CHANEL ，就連雪姨都有「墮馬」嘅一刻。早兩日雪姨喺IG開Live，同觀眾一齊開箱Chanel嘅聖誕倒數月曆，仲諗住搞Giveaway，點知「唔開由至可，一開把幾火」，由一開始嘅水晶球吊飾，到後尾開嚟開去都係貼紙、書籤、磁石，除咗令雪姨懷疑自己買咗文具套裝，仲令佢不停「陶大宇上身」掩面大叫「WTF」。雪姨嘅激動反應仲令好多人忍唔住爆笑，就連Frankie@ MIRROR、保錡@ ERROR都忍唔住留言。
雪姨開頭都好有耐心好平和咁介紹，直到佢由開到塊「Chanel鏡」開始，雪姨嘅連環不幸事件就開始了，「喂喂喂，大佬，輕飄飄嘅喂？！Chanel No.5布袋？」、「26號Boxing Day你拆塊鐵片俾我？」、「書籤？！我想問香港人有無咁鍾意睇書先？！我係咪librarian呀大佬？」、「Fuck！我六千幾蚊買咗堆磁石！！」、「擴香石？唔香㗎喎？！」⋯⋯文具套裝令有錢如雪姨都肉赤，「不如大家唔好要，成八千幾蚊，不如拎上Carousell賣，分Q咗佢啦喂！」
但睇嚟最激心嘅都係一條「5號手繩」，「有咩人會戴個5號出街呀？」，火上心頭嘅雪姨忍唔住自嘲，「我係馬咩？我個樣似曬駱駝啫，但唔等如我要戴5號㗎嘛，5號代表我人生咩？」，「平時啲人話我點樣嘥錢，我都唔覺得嘥錢，因為我自己鍾意呀嘛！Chanel我唔係唔幫你呀，我點幫啫！！」然後開到懷疑人生嘅雪姨，最尾終於開到枝唇膏⋯⋯不過雪姨扭開佢就知係Mini Size，嬲到手震跌埋落地下，「我畀六千幾蚊，你畀枝貨Size我都唔得，係要迷你嘅？！？！」。雪姨係Live尾忍唔住再大爆發，「我俾人呃到透呀！」，仲話明白點解啲人最鍾意個大盒，而唔係鍾意入面啲嘢。
其實名牌呢啲嘢，不嬲都係你覺得值就值，雖然6000幾蚊買個文具套裝係貴，但Channel絲學斷蟹話齋，買個盒送化妝品，又送書籤，又送Chanel No5手繩，仲有嚿擴香石添，一個文具套裝咁細，搞到成個降落傘咁大個，都只係賣六千幾蚊，今次真係我問你死未～
#channelchk #雪姨 #KOL #YouTuber #Chanel #adventcalendar #曬駱駝
雪姨孖張敬軒睇樓 自爆鍾意裸泳
軒公識風水識設計 被讚專業地產經紀
張敬軒YouTube嘅新綜藝節目《軒公敲碗》第二集唔再「賣魚蛋」，而係化身「一日限定地產仔」，孖住有「富貴KOL」之稱嘅雪姨去睇樓。
軒仔今次向雪姨推介咗三個分別位於西貢約四千呎嘅獨立屋、西半山一千三百多呎嘅高層單位及南區約七百呎嘅中層單位樓盤。睇樓期間，軒仔同雪姨不停「唇槍舌劍」促進感情，雪姨仲被踢爆原來鍾意裸泳同「多人沖涼」，聽到軒仔眼擎擎。講起投資，軒仔透露原來佢媽媽帶過佢去Sex Toy交易市場，更叫佢投資吓性玩具產業，點知雪姨竟然都表示贊同，仲話曾經都有諗過踏足呢行。
香港人睇樓多數都會睇埋風水，所以軒仔亦都即刻麥玲玲師傅上身，同雪姨分析山頭位置「左青龍、右白虎，你睇吓有巒頭呀。呢個白虎位咁樣攬住你⋯⋯冇錯啦，北水南山，九運吖嘛。」，連雪姨都忍唔住話軒仔講到似層層咁。而認真起上嚟，軒仔對風水其實都有自己一套見解，「我覺得所謂風水嘅嘢，好大程度上都係環境學、心理學同地理學。我自己睇風水就會比較科學啲，如果係呢邊要擺個乜嘢神明、嗰度要擺個咩像，我就覺得係唔好嘅。」
全文閱讀：
https://www.facebook.com/101870318844226/posts/147373944293863/?d=n
#channelchk #張敬軒 #軒公敲碗 #雪姨 #軒仔 #睇樓 #地產經紀
軒公識風水識設計 被讚專業地產經紀
張敬軒YouTube嘅新綜藝節目《軒公敲碗》第二集唔再「賣魚蛋」，而係化身「一日限定地產仔」，孖住有「富貴KOL」之稱嘅雪姨去睇樓。
軒仔今次向雪姨推介咗三個分別位於西貢約四千呎嘅獨立屋、西半山一千三百多呎嘅高層單位及南區約七百呎嘅中層單位樓盤。睇樓期間，軒仔同雪姨不停「唇槍舌劍」促進感情，雪姨仲被踢爆原來鍾意裸泳同「多人沖涼」，聽到軒仔眼擎擎。講起投資，軒仔透露原來佢媽媽帶過佢去Sex Toy交易市場，更叫佢投資吓性玩具產業，點知雪姨竟然都表示贊同，仲話曾經都有諗過踏足呢行。
香港人睇樓多數都會睇埋風水，所以軒仔亦都即刻麥玲玲師傅上身，同雪姨分析山頭位置「左青龍、右白虎，你睇吓有巒頭呀。呢個白虎位咁樣攬住你⋯⋯冇錯啦，北水南山，九運吖嘛。」，連雪姨都忍唔住話軒仔講到似層層咁。而認真起上嚟，軒仔對風水其實都有自己一套見解，「我覺得所謂風水嘅嘢，好大程度上都係環境學、心理學同地理學。我自己睇風水就會比較科學啲，如果係呢邊要擺個乜嘢神明、嗰度要擺個咩像，我就覺得係唔好嘅。」
全文閱讀：
https://www.facebook.com/101870318844226/posts/147373944293863/?d=n
#channelchk #張敬軒 #軒公敲碗 #雪姨 #軒仔 #睇樓 #地產經紀
雪姨拍盆菜片捧Ritz-Carlton 踩低良心茶記基隆
大彈髮菜少兼趁機植入廣告 網民：識唔識咩叫尊重？
向來人緣廣、出名富貴嘅KOL雪姨，因為一條盆菜評比片，喺網上引爆咗場公關災難。
事源佢出咗段片比較3間迷你盆菜，包括係酒店Ritz-Carlton售$688嘅一人份盆菜、帝京酒店$788二人份盆菜同埋深水埗基隆茶餐廳$128嘅一人份盆菜。用酒店同茶記比較，就咁聽落都怪怪地，而雪姨喺片中更加大彈基隆唔抵食、蝦肉霉、鮑魚差Ritz-Carlton「太遠」，仲嫌髮菜唔夠多，趁勢插入「金主爸爸」嘅養髮液廣告，最尾只俾2.5分基隆、 而帝京有7.5分，Ritz-Carlton就最高有9分。
呢段片除咗俾網民狠批實測嘅對象錯晒之餘，雪姨亦都被鬧用基隆趁機賣廣告嘅方式「非常唔尊重」。而由於基隆茶餐廳出晒名係良心小店，更加成日會派飯俾長者同埋其他有需要嘅人，令網民更加為基隆感到不值，覺得雪姨非常離地。經過觀眾喺YouTube嘅負評留言同連登Post，雪姨無耐之後就將條片下架，仲喺YouTube社群發聲明道歉，話因為「出邊好少地方有出迷你盆菜」，
所以條片先會咁拍。
雪姨仲話，除咗佢嘅Content team，佢身為老闆都責無旁貸，又以自己搞緊「大乾爹市集」為例，聲稱「引入咗好多有質素嘅小店」、「其實我係同上年一樣都係幫好多小店免費宣傳」。但雪姨並無將呢段道歉聲明擺喺IG同其他平台，只係話希望大家見到道歉文後，「千祈唔好以為我冇將你哋同埋冇將呢件事擺喺心中，唔好覺得我仲係離地風花雪月」。
雖然IG一個相關嘅Post都見唔到，不過雪姨就有覆到網民鬧佢嘅留言，話「嚟緊會為基隆做返啲事」。而一眾討論區嘅網民就似乎就唔多受落，覺得雪姨仍然意識唔到自己問題係邊，又淨係識以Content team做藉口等。唔知大家又點睇呢？
#channelchk #雪姨 #基隆茶餐廳 #盆菜
大彈髮菜少兼趁機植入廣告 網民：識唔識咩叫尊重？
向來人緣廣、出名富貴嘅KOL雪姨，因為一條盆菜評比片，喺網上引爆咗場公關災難。
事源佢出咗段片比較3間迷你盆菜，包括係酒店Ritz-Carlton售$688嘅一人份盆菜、帝京酒店$788二人份盆菜同埋深水埗基隆茶餐廳$128嘅一人份盆菜。用酒店同茶記比較，就咁聽落都怪怪地，而雪姨喺片中更加大彈基隆唔抵食、蝦肉霉、鮑魚差Ritz-Carlton「太遠」，仲嫌髮菜唔夠多，趁勢插入「金主爸爸」嘅養髮液廣告，最尾只俾2.5分基隆、 而帝京有7.5分，Ritz-Carlton就最高有9分。
呢段片除咗俾網民狠批實測嘅對象錯晒之餘，雪姨亦都被鬧用基隆趁機賣廣告嘅方式「非常唔尊重」。而由於基隆茶餐廳出晒名係良心小店，更加成日會派飯俾長者同埋其他有需要嘅人，令網民更加為基隆感到不值，覺得雪姨非常離地。經過觀眾喺YouTube嘅負評留言同連登Post，雪姨無耐之後就將條片下架，仲喺YouTube社群發聲明道歉，話因為「出邊好少地方有出迷你盆菜」，
所以條片先會咁拍。
雪姨仲話，除咗佢嘅Content team，佢身為老闆都責無旁貸，又以自己搞緊「大乾爹市集」為例，聲稱「引入咗好多有質素嘅小店」、「其實我係同上年一樣都係幫好多小店免費宣傳」。但雪姨並無將呢段道歉聲明擺喺IG同其他平台，只係話希望大家見到道歉文後，「千祈唔好以為我冇將你哋同埋冇將呢件事擺喺心中，唔好覺得我仲係離地風花雪月」。
雖然IG一個相關嘅Post都見唔到，不過雪姨就有覆到網民鬧佢嘅留言，話「嚟緊會為基隆做返啲事」。而一眾討論區嘅網民就似乎就唔多受落，覺得雪姨仍然意識唔到自己問題係邊，又淨係識以Content team做藉口等。唔知大家又點睇呢？
#channelchk #雪姨 #基隆茶餐廳 #盆菜
基隆大反擊！小小編：做個KOL 噏得出就噏 考慮告誹謗
富貴KOL雪姨場公關災難梗係冇咁快完啦。事隔一晚，已經有唔少人為基隆發聲，包括光榮冰室、Mee 懲罰師、袁彌明等等。今日（23日）基隆茶餐廳嘅「小小編」就回應事件，引嚟好多網民嘅支持。
小小編一開波就話「實在睇唔過眼有大口KOL 詆毀本餐廳聲譽」，而呢個KOL仲要「藐嘴藐舌仲要帶住不肖（屑）樣詆毀我哋嘅一人盤菜」。小小編今次為咗我地舖頭上上下下所有員工每日辛勞工作付出而出聲，大大聲同雪姨講「生意唔係咁做嘅」。
小小編仲話會考慮告雪姨誹謗，質疑「點解會有牌子搵你做廣告，咁樣嘅所謂廣告完全無質素」。成日強調自己白手興家嘅雪姨，遇上同樣都係白手興家嘅基隆老細，小小編就不禁質疑雪姨「做個KOL 噏得出就噏」。
小小編都不忘多謝其他支持基隆嘅人，「見到客人回圖話好食，好抵食，我地真係好感恩㗎」。而呢個Post只係出咗幾個鐘，就已經有好多人留言撐基隆，包括林卓廷、蕃茄師兄等等。有食咗十幾年基隆嘅網民話基隆嘅嘢食「一向好好食，其實叫佢港女有啲侮辱港女」，又讚基隆有一樣好珍貴嘅一味餸，「叫良心」。仲有另一啲網民仲話支持基隆告雪姨添。
唔知事件最後會點收科呢？雪姨諗住點拆呢？
#channelchk #雪姨 #基隆茶餐廳 #盆菜
富貴KOL雪姨場公關災難梗係冇咁快完啦。事隔一晚，已經有唔少人為基隆發聲，包括光榮冰室、Mee 懲罰師、袁彌明等等。今日（23日）基隆茶餐廳嘅「小小編」就回應事件，引嚟好多網民嘅支持。
小小編一開波就話「實在睇唔過眼有大口KOL 詆毀本餐廳聲譽」，而呢個KOL仲要「藐嘴藐舌仲要帶住不肖（屑）樣詆毀我哋嘅一人盤菜」。小小編今次為咗我地舖頭上上下下所有員工每日辛勞工作付出而出聲，大大聲同雪姨講「生意唔係咁做嘅」。
小小編仲話會考慮告雪姨誹謗，質疑「點解會有牌子搵你做廣告，咁樣嘅所謂廣告完全無質素」。成日強調自己白手興家嘅雪姨，遇上同樣都係白手興家嘅基隆老細，小小編就不禁質疑雪姨「做個KOL 噏得出就噏」。
小小編都不忘多謝其他支持基隆嘅人，「見到客人回圖話好食，好抵食，我地真係好感恩㗎」。而呢個Post只係出咗幾個鐘，就已經有好多人留言撐基隆，包括林卓廷、蕃茄師兄等等。有食咗十幾年基隆嘅網民話基隆嘅嘢食「一向好好食，其實叫佢港女有啲侮辱港女」，又讚基隆有一樣好珍貴嘅一味餸，「叫良心」。仲有另一啲網民仲話支持基隆告雪姨添。
唔知事件最後會點收科呢？雪姨諗住點拆呢？
#channelchk #雪姨 #基隆茶餐廳 #盆菜
Ritz-Carlton秒割雪姨：酒店亦沒有參與短片內容
網民唔收貨：會否採取法律行動追究責任？
雪姨喺盆菜片入面大讚六星級酒店Ritz-Carlton嘅一人前盆菜，網民亦冇收手，反而將戰線延長至Ritz-Carlton嘅Facebook。
噚晚Ritz-Carlton Hong Kong就出post賀年，「虎年將至，在全港最高的酒店啟發您的成功之路。Let us inspire you to be on top and strive for success in the Year of the Tiger!」，不過網民就喺留言區質問酒店立場。
而幾個鐘頭之前，Ritz-Carlton就回應事件，話「酒店並未有進行任何贊助。而有關短片內容，酒店亦沒有參與」。仲另外加咗一句「香港麗思卡爾頓酒店重申，一直尊重不同行業的發展，有望香港飲食業能百花齊放，在疫情下同舟共濟」咁話。
網民睇嚟就唔太收貨，「越話無關係就越惹人挖舊史架喇」，又有人覺得Ritz-Carlton係有主動搵雪姨做廣告，話酒店「所用的網紅手段低級，用酒店跟茶餐廳比較，做衰自己」。甚至仲有人話「如果該名KOL在沒有你們同意下，擅自用你們的產品作惡意宣傳，令你們及該茶餐廳的名譽蒙受損失，你們會否向該名KOL採取法律行動，追究責任？」
睇嚟呢鑊嘢仲有排滾……
#channelchk #雪姨 #基隆茶餐廳 #盆菜 #RitzCarltonHongKong #香港麗思卡爾頓酒店 #RitzCarlton
網民唔收貨：會否採取法律行動追究責任？
雪姨喺盆菜片入面大讚六星級酒店Ritz-Carlton嘅一人前盆菜，網民亦冇收手，反而將戰線延長至Ritz-Carlton嘅Facebook。
噚晚Ritz-Carlton Hong Kong就出post賀年，「虎年將至，在全港最高的酒店啟發您的成功之路。Let us inspire you to be on top and strive for success in the Year of the Tiger!」，不過網民就喺留言區質問酒店立場。
而幾個鐘頭之前，Ritz-Carlton就回應事件，話「酒店並未有進行任何贊助。而有關短片內容，酒店亦沒有參與」。仲另外加咗一句「香港麗思卡爾頓酒店重申，一直尊重不同行業的發展，有望香港飲食業能百花齊放，在疫情下同舟共濟」咁話。
網民睇嚟就唔太收貨，「越話無關係就越惹人挖舊史架喇」，又有人覺得Ritz-Carlton係有主動搵雪姨做廣告，話酒店「所用的網紅手段低級，用酒店跟茶餐廳比較，做衰自己」。甚至仲有人話「如果該名KOL在沒有你們同意下，擅自用你們的產品作惡意宣傳，令你們及該茶餐廳的名譽蒙受損失，你們會否向該名KOL採取法律行動，追究責任？」
睇嚟呢鑊嘢仲有排滾……
#channelchk #雪姨 #基隆茶餐廳 #盆菜 #RitzCarltonHongKong #香港麗思卡爾頓酒店 #RitzCarlton
日護髮品商贊助雪姨盆菜片 網民投訴
法之羽割席：鄭重道歉 更警慎把關
雪姨災難實測片雖然係品評盆菜，不過佢就因為呢條片嘅「大乾爹」（贊助商）係日本髮品品牌「KAMINOWA法之羽」嘅關係，就喺批評基隆茶餐廳嘅髮菜份量少嘅時候，插入呢個生髮產品嘅廣告。
事後有網民到「KAMINOWA法之羽」嘅Facebook專頁「派嬲」同埋留言，仲有人send訊息投訴，過咗一日終於得到呢個贊助商嘅回覆。
回覆就話雪姨發佈的片入面「中傷餐廳的表現，以及對法之羽做考慮不周全的介紹」，造成咗「大眾不愉快的觀感」，佢哋「深感歉意」。
而日本廠商也「遺憾且感到萬分抱歉地」表示，雪姨「對平日深受大家支持」的基隆茶餐廳，講咗一啲「與事實相反的不恰當表現」，而呢個動作「深深傷了一直信賴與支持敝司產品的客戶」，所以公司想「跟大眾鄭重道歉」。另外，身為KAMINOWA法之羽品牌日本原廠的代理公司會「誠摯地接受大家的指教與意見」。
佢哋就話之後「會對宣傳活動更加警慎地把關及確認，不會讓這樣的事情再次發生」，同埋會「盡力努力取回大家的信任」。
不過另外就有網民喺討論區話影片會俾廣告商授權先「出街」，所以就覺得「姐係個商告商覺得踩低人地餐廳再賣自己product都冇問題」。大家又點睇呢？
#channelchk #雪姨 #基隆茶餐廳 #盆菜 #KAMINOWA法之羽 #法之羽 #KAMINOWA
法之羽割席：鄭重道歉 更警慎把關
雪姨災難實測片雖然係品評盆菜，不過佢就因為呢條片嘅「大乾爹」（贊助商）係日本髮品品牌「KAMINOWA法之羽」嘅關係，就喺批評基隆茶餐廳嘅髮菜份量少嘅時候，插入呢個生髮產品嘅廣告。
事後有網民到「KAMINOWA法之羽」嘅Facebook專頁「派嬲」同埋留言，仲有人send訊息投訴，過咗一日終於得到呢個贊助商嘅回覆。
回覆就話雪姨發佈的片入面「中傷餐廳的表現，以及對法之羽做考慮不周全的介紹」，造成咗「大眾不愉快的觀感」，佢哋「深感歉意」。
而日本廠商也「遺憾且感到萬分抱歉地」表示，雪姨「對平日深受大家支持」的基隆茶餐廳，講咗一啲「與事實相反的不恰當表現」，而呢個動作「深深傷了一直信賴與支持敝司產品的客戶」，所以公司想「跟大眾鄭重道歉」。另外，身為KAMINOWA法之羽品牌日本原廠的代理公司會「誠摯地接受大家的指教與意見」。
佢哋就話之後「會對宣傳活動更加警慎地把關及確認，不會讓這樣的事情再次發生」，同埋會「盡力努力取回大家的信任」。
不過另外就有網民喺討論區話影片會俾廣告商授權先「出街」，所以就覺得「姐係個商告商覺得踩低人地餐廳再賣自己product都冇問題」。大家又點睇呢？
#channelchk #雪姨 #基隆茶餐廳 #盆菜 #KAMINOWA法之羽 #法之羽 #KAMINOWA
雪崩砸自家市集 檔主退租：唔幫臭X
王宗堯撐基隆：良知公義人情味難得
雪姨盆菜事件撞正佢自己有份搞嘅「大乾爹市集」，雖然只係上個星期五（21日）開始舉行，不過網民已經湧去市集post留言，表明就係因為「雪災」而唔會支持。
而檔主之一、UFO達人卓飛都爆嬲，開post話「簡直係羞恥…X！執野走！最多咪蝕租金！我唔信啲貨賣唔出！」。留言都有唔少人支持佢，就話「做得好，以前睇過佢幾條片之後，對佢好反感」。
而卓飛都有回覆網民，仲超級火爆添，話「去左個八婆的場開檔。開左兩日先知佢唔只八婆咁簡單，簡直係臭X一名」，同埋「洗X講，我喺度講，我係唔會去幫個臭X做勢嘅。X，我今日就去執野走，MJ13的野係唔會喺個臭X個場度賣嘅」。
另一邊廂，王宗堯就繼續撐基隆，今日（24日）就去咗基隆「放低咗啲口罩俾Cat姐發畀大家」，繼續話「好味唔好味其實好個人」，「但係良知、公義、人情味、對與錯呢啲普世價值，有就有，無就無」，叫大家有時間就落去基隆茶餐廳支持下。
#channelchk #雪姨 #基隆茶餐廳 #盆菜 #卓飛 #大乾爹市集 #王宗堯
王宗堯撐基隆：良知公義人情味難得
雪姨盆菜事件撞正佢自己有份搞嘅「大乾爹市集」，雖然只係上個星期五（21日）開始舉行，不過網民已經湧去市集post留言，表明就係因為「雪災」而唔會支持。
而檔主之一、UFO達人卓飛都爆嬲，開post話「簡直係羞恥…X！執野走！最多咪蝕租金！我唔信啲貨賣唔出！」。留言都有唔少人支持佢，就話「做得好，以前睇過佢幾條片之後，對佢好反感」。
而卓飛都有回覆網民，仲超級火爆添，話「去左個八婆的場開檔。開左兩日先知佢唔只八婆咁簡單，簡直係臭X一名」，同埋「洗X講，我喺度講，我係唔會去幫個臭X做勢嘅。X，我今日就去執野走，MJ13的野係唔會喺個臭X個場度賣嘅」。
另一邊廂，王宗堯就繼續撐基隆，今日（24日）就去咗基隆「放低咗啲口罩俾Cat姐發畀大家」，繼續話「好味唔好味其實好個人」，「但係良知、公義、人情味、對與錯呢啲普世價值，有就有，無就無」，叫大家有時間就落去基隆茶餐廳支持下。
#channelchk #雪姨 #基隆茶餐廳 #盆菜 #卓飛 #大乾爹市集 #王宗堯
雪姨再道歉 市集檔主可退租選擇去留
稱收益捐有需要團體 盼予改過機會
雪姨盆菜事件連累埋自己有份搞嘅「大乾爹市集」爆退租潮，佢今日就喺社交平台話，明白檔主連日來受盆菜風波影響，所有市集檔主將獲退還全額租金；並可有權選擇是否繼續參與市集；而為表歉意，佢會將自己檔內全部收益捐到有需要團體，「希望可以幫到更多有需要人士。」
雪姨喺post再次向基隆茶餐廳致歉，又話事件令市集檔主蒙受損失，「在此亦向各位用最真誠、最謙卑的心道歉」，又話深深感受到作為一個創作者，需要為自己的創作內容及大眾負責任，希望「大家接受我最真誠的道歉，並給予改過機會。」
個post出咗半個鐘即引嚟大批網民留言，鍾培生就留言叫雪姨「take care all the best」；亦有網民幫雪姨打氣，話知錯就得；但亦有唔少網民唔收貨：「一次不忠，百次不容」」「你應該幫手賣茶餐廳盆菜，唔係嘅話點補償」。
#channelchk #雪姨 #大乾爹市集 #基隆茶餐廳
稱收益捐有需要團體 盼予改過機會
雪姨盆菜事件連累埋自己有份搞嘅「大乾爹市集」爆退租潮，佢今日就喺社交平台話，明白檔主連日來受盆菜風波影響，所有市集檔主將獲退還全額租金；並可有權選擇是否繼續參與市集；而為表歉意，佢會將自己檔內全部收益捐到有需要團體，「希望可以幫到更多有需要人士。」
雪姨喺post再次向基隆茶餐廳致歉，又話事件令市集檔主蒙受損失，「在此亦向各位用最真誠、最謙卑的心道歉」，又話深深感受到作為一個創作者，需要為自己的創作內容及大眾負責任，希望「大家接受我最真誠的道歉，並給予改過機會。」
個post出咗半個鐘即引嚟大批網民留言，鍾培生就留言叫雪姨「take care all the best」；亦有網民幫雪姨打氣，話知錯就得；但亦有唔少網民唔收貨：「一次不忠，百次不容」」「你應該幫手賣茶餐廳盆菜，唔係嘅話點補償」。
#channelchk #雪姨 #大乾爹市集 #基隆茶餐廳
雪姨盆菜風波過「頭七」 主角繼續深潛
基隆盆菜好評不斷 清潔龍阿德都抽水
由富貴KOL雪姨上周四（20日）Upload盆菜評比片起，呢場風波終於過咗「頭七」了。呢七日入面，經歷咗基隆反擊、雪姨道歉、市集退租⋯⋯而身為主角嘅雪姨，自幾日前上水再發道歉聲明後，就無再出現了～
至於被雪姨批評$128盆菜「唔抵食」嘅基隆茶餐廳，則反而越做越有，盆菜好評不斷之餘，亦要通宵整盆菜應付需求。雖然之前因為太多人落訂，已經截咗單，但基隆今日開Po話，直到31日 （早上11點開始）為止，都歡迎大家到深水埗北河街141號店，即場購買盆菜，有一人前$128、細盆$588同大盆$788三種選擇。啱晒各位團年飯Deadline Fighter抱佛腳呀～
基隆嘅受歡迎程度，就連政府吉祥物「清潔龍阿德」都忍唔住抽水，Po咗張「潔龍茶餐廳」嘅盆菜畫，話 「 #髮菜唔算好環保所以我都少食 」，仲𠝹開咗個口罩露學林鄭叫人「感受情緒」。竟然唔食政府御用飯商美心嘅盆菜，阿德真係大膽啊～～
#channelchk #清潔龍阿德 #雪姨 #基隆菜餐廳 #盆菜
基隆盆菜好評不斷 清潔龍阿德都抽水
由富貴KOL雪姨上周四（20日）Upload盆菜評比片起，呢場風波終於過咗「頭七」了。呢七日入面，經歷咗基隆反擊、雪姨道歉、市集退租⋯⋯而身為主角嘅雪姨，自幾日前上水再發道歉聲明後，就無再出現了～
至於被雪姨批評$128盆菜「唔抵食」嘅基隆茶餐廳，則反而越做越有，盆菜好評不斷之餘，亦要通宵整盆菜應付需求。雖然之前因為太多人落訂，已經截咗單，但基隆今日開Po話，直到31日 （早上11點開始）為止，都歡迎大家到深水埗北河街141號店，即場購買盆菜，有一人前$128、細盆$588同大盆$788三種選擇。啱晒各位團年飯Deadline Fighter抱佛腳呀～
基隆嘅受歡迎程度，就連政府吉祥物「清潔龍阿德」都忍唔住抽水，Po咗張「潔龍茶餐廳」嘅盆菜畫，話 「 #髮菜唔算好環保所以我都少食 」，仲𠝹開咗個口罩露學林鄭叫人「感受情緒」。竟然唔食政府御用飯商美心嘅盆菜，阿德真係大膽啊～～
#channelchk #清潔龍阿德 #雪姨 #基隆菜餐廳 #盆菜
雪姨潛水後出片介紹麻糬甜品 三店急割席：死亡之吻來得有點突然
雪姨早排因為基隆茶餐廳盆菜風波，潛水潛咗一排之後可能想試下水溫，又出食評片！不過出咗呢條「三間港島區超長龍人氣麻糬甜品店（非廣告）」推介片之後，三間小店先後都出Post割席，話冇搵雪姨合作，其中一間仲要Hashtag「死亡之吻來得有點突然」。
即睇全文👉🏽https://cutt.ly/4AXD9Dc
#雪姨 #KOL #基隆茶餐廳 #盆菜 #麻糬甜品店 #麻糬 #港島 #JamesBonbonBakery #治癒果子店 #CookieVission #YouTuber #公關災難
雪姨早排因為基隆茶餐廳盆菜風波，潛水潛咗一排之後可能想試下水溫，又出食評片！不過出咗呢條「三間港島區超長龍人氣麻糬甜品店（非廣告）」推介片之後，三間小店先後都出Post割席，話冇搵雪姨合作，其中一間仲要Hashtag「死亡之吻來得有點突然」。
即睇全文👉🏽https://cutt.ly/4AXD9Dc
#雪姨 #KOL #基隆茶餐廳 #盆菜 #麻糬甜品店 #麻糬 #港島 #JamesBonbonBakery #治癒果子店 #CookieVission #YouTuber #公關災難