Drama係好睇，但今季好似係選女團喎⋯⋯
去片👉 https://www.youtube.com/watch?v=ItrC-qgQtrc
#channelchk #全民造星IV #女團 #劇團 #梁祖堯
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com

烏托邦不止一剎那！
《造星IV》被foul靚聲Emiko再翻唱 有義氣幫前隊員伴奏

喺《造星IV》上一輪60強升40強嘅比賽入面，A3組被foul、出名靚聲嘅 徐嘉蔚Emiko 早前喺YouTube post咗《剎那的烏托邦》嘅cover，而呢首就正正係當初佢被foul嘅曲目。

Emiko嘅YouTube頻道對上一次出片，已經係八個月前翻唱徐佳瑩嘅《失落沙洲》，今次再唱多次《剎那的烏托邦》，畀多個渠道大家欣賞吓佢呢把咁有味道嘅歌聲。有網民喺YouTube留言，話Emiko「牽動靈魂的聲線」萬中無一，仲話「香港既樂迷亦期待了這一把聲線很久」。另外就有人希望Emiko單飛發展，鼓勵佢唔好放棄追夢添！

耳朵受孕傳送門👉 https://youtu.be/p1-U2-gsCjA

值得一提嘅係，Emiko出局之後仍然好支持A組嘅前隊友。喺40強嘅比賽入面，Emiko就幫手為A2組嘅指定歌曲《無忘花》做鋼琴伴奏，睇得出A組女仔感情都幾深厚。

#channelchk #造星IV #Emiko #徐嘉蔚 #剎那的烏托邦 #徐佳瑩 #失落沙洲 #無忘花 #林二汶 #全民造星 #viutv

《造星》揀人咩準則？193騎呢rap照入40強
Edan Alton演出不獲評判歡心 齊墮復活區

近期ViuTV《造星IV》嘅評判同導師，不停被圍插foul錯人，又俾人挑剔話唔識揀星。大家對於佢哋揀人嘅準則，出現咗好多個黑人問號。原來宇宙天團ERROR顏值擔當嘅「193」郭嘉駿，當年喺《造星I》99強跌落復活區，驚險復活先打入55強。Channel絲睇番當時三爺點樣再下一城晉身40強，又有另一番滋味。

嗰陣唱歌又唔係出色、做戲跳舞都唔係好掂嘅三爺，喺55強憑住爆笑舞步，配襯埋LMF神曲《大懶堂》，成功獲得評判清一色6盞藍燈，入圍40強。嗰陣6個評判，亦都係40強嘅2班導師，鬥快撳燈揀卒入自己嗰隊。其中側田話，193呢款參賽者，觀眾「一係好鍾意佢，一係好唔鍾意佢」；Eric Kwok亦覺得三爺「好有character，我會記得佢」；火火嘅評價最直白：「（193）靚仔玩騎呢，有得做喎！」雖然三爺喺40強止步，但最終以男團ERROR成功出道。

至於而家係人氣歌手兼演員、亦係人氣男團MIRROR成員嘅Edan呂爵安，喺55強自彈自唱《想回到那一天》，但跌落復活區。同樣係MIRROR成員嘅Alton王智德，喺55強以《木偶襲地球》為題嘅歌舞表演，當時都得唔到評判歡心，要跌落復活區。好彩兩人之後都被撈番，繼續比賽。雖然Alton喺30強止步，而Edan只係拎第8名，但佢哋之後以男團MIRROR成功出道。

值得一提嘅係，令三爺成功晉級嘅幕後功臣，係PA Himtos。他本身鍾意跳舞，當時義務幫55強嘅三爺特訓同排舞。當知道33得咗、晉級40強，Himtos當堂感動流涕，而家佢已經升職做導演，仲幫過《造星III》入面跳中國舞嘅Dilys黎蘊芝排舞，令Dilys成功晉級𠻹。

究竟歷年來4屆《造星》係睇啲咩去揀人嘅呢？有character？唱歌好？跳得？入戲？Channel絲都搲晒頭，唔知你哋點睇呢？

#channelchk #造星 #郭嘉駿 #LMF #大懶堂 #側田 #EricKwok #Himtos #ViuTV #全民造星 #ERROR #Dilys #黎蘊芝 #火火 #DenisKwok #郭偉亮 #EdanLui #呂爵安 #MIRROR #AltonWong #王智德 #排舞

梁祖堯為《造星IV》選劇團等七大指控平反：
香港女團只能唱歌跳舞？

《全民造星IV》播出超過一個月，經過三輪回合比賽後，96強參賽者已foul咗超過一半人，到今晚（7日）得番30強晉級。多位受觀眾歡迎嘅參賽者，例如阿妹、燒賣、莎莎、醫生咖喱等已被淘汰，惹嚟觀眾鬧爆，矛頭直指B組導師梁祖堯，話佢唔識做導師，foul晒應該留低嘅參賽者。梁祖堯噚晚（6日）喺社交平台寫千字文，反駁網民對佢嘅指摘。對於被質疑成日做戲、選女團定係選劇團？梁祖堯反問「香港嘅女團只能唱歌跳舞？」、「如果透過呢個比賽能夠發掘佢哋更加多嘅可能性唔係更有趣咩？」

梁祖堯噚晚出咗個「造星FAQ」post，回應網民對佢嘅七大指控，分別為「做乜唔搵人幫手！你自己唱歌都唔掂！」、「點解應該留低嗰啲你就foul晒？」、「做乜鬼成日做戲呀？選女團定係選劇團？」、「你根本唔識做導師！」、「你知唔知咩叫觀眾緣呀」、「靚就係觀眾緣啦你識唔識㗎？」、「你唔使解釋啦，我見到嘅唔係咁囉！」

梁祖堯話，由第一日排練比賽到噚日已進行14星期，拍攝咗大約672小時嘅片，但節目出街時數只有19小時，而且經剪接後係足以令大家對件事有固有觀感。佢又強調製作組「勞心勞力喺海量嘅素材裏面挑選一啲有故事性有追看性嘅片段出嚟真係已經做到最好，但係你睇唔到嘅嘢唔代表冇發生嘅。」所以，梁祖堯亦有澄清佢已安排唱歌老師畀每個組員補鐘，亦有搵人幫手編曲，「節目無剪出嚟唔代表我冇搵嘅」。

佢亦提到今屆《造星》方針係要加強戲劇訓練，透過戲劇亦容易見到參賽者唔同嘅可能性，例如係演戲或搞笑天份，「次次都淨係排一啲勁歌熱舞，又點見到佢哋呢一面呢？呢啲面向會為佢哋帶嚟另外一啲機會，而呢個就係我嘅責任。」

對於觀眾心水嘅都foul晒，梁祖堯就話邊個出局有好多因素，仲透露淘汰人選係兩位導師、節目監製花姐同女團經理人Wing四人一齊決定，「每次battle完之後基本上最少都要傾成個半鐘先有定論。」

#channelchk #全民造星 #梁祖堯 #女團 #劇團

造星IV｜全城鬧爆梁祖堯foul走Sica 網民：親手宰殺自己組員

畀返主席Sica大家呀！昨日（7日）ViuTV《造星IV》真係睇到旁白師講晒粗口，死亡名單有Liu哥廖雪蕎、Ana羅安娜、阿杰周芷慧、Zoe余潔滢和Sica何洛瑤，點揀都揀唔到Sica啦！梁祖堯你識不識㗎！

梁祖堯先後foul走咗Hannah陳玉幸、咖哩黃雅慧、Liu哥、Ana、Mic周卓盈，每foul一個人都令全城震怒，叻！foul晒大家鍾意嘅，真係好難唔覺得無偏心、無私心！真係搞到大家都無晒心機追，又一次出現罷睇《造星IV》浪潮，又再一次全城怒插梁祖堯！

網民鬧爆：「foul哂啲有實力有樣嘅人……比咩賽啫？你直接畀個冠軍方方啦好唔好？嘥鳩我時間！」又有網民話梁祖堯「一男子簡（揀），勁過法官，幾十慢人睇都唔會影響到賽果，因為佢一個人代表」。

阿祖應該一早就估到今次foul人又會俾人圍插，所以一早喺前晚就出千字文解話打定底，拉埋阿佛許廷鏗、花姐同阿Wing落水，話所有foul人都係四個人一齊決定，提早反駁網民話係佢「一男子簡（揀）」。阿祖仲話大家睇到嘅只係製作組剪輯咗嘅表面，剪到被foul嘅人好唔抵先有綜藝效果，而佢比觀眾睇得更全面，決定foul邊個嗰陣，係考慮咗好多觀眾睇唔到嘅因素。

有心水清嘅網民就突破盲腸，「睇好勁嘅A組屌打B組係無意義，觀眾想睇弱勢反cup」。的確，由一開始就知A、B組實力懸殊，阿祖嘅組員較弱，被foul一啲都唔出奇，但問題係阿祖作為導師，係咪應該諗辦法提升B組嘅實力呢？

有網民問阿祖點解唔搵人幫手教，阿祖話有搵唱歌老師，仲畀每個人上private class，係製作組無剪出嚟。但係睇返阿佛搵鄧小巧幫手，製作組都有剪出嚟。仲有，B2組表演完之後，佢都自爆喺定位上唔清晰，唔知著重演戲定唱歌好，咁仲點叫組員相信自己呀？

想用戲劇包裝自己嘅組員唔唱得、唔跳得，但結果就係佢哋乜都唔得，完全表現唔到自己，大家嬲成件事係「輸導師」呀！

有網民仲懷疑阿祖「公器私用」，喺造星foul咗Sica，但就用嚟喺自己劇團客串，真正做到佢所講嘅：「呢啲面向會為佢哋帶嚟另外一啲機會，而呢個就係我嘅責任。」難怪網民建議不如直接搞《全民造戲》啦！

#造星IV #梁祖堯 #Sica #何洛瑤 #花姐 #全民造星 #channelchk #ViuTV #Liu哥 #廖雪蕎 #Ana #羅安娜 #阿杰 #周芷慧 #余潔滢 #嘮動新聞

《造星IV》25強開戰 人質式死亡名單首踢東東
評判大讚CK改編主題曲：已經睇到個女團

《造星IV》嚟到第30強升25強嘅回合，而喺今輪比賽每一局開始前，都會公佈每組5位跌落死亡名單嘅參賽者，而呢5位係有先後次序嘅，而導師揀嘅人未必係即刻上台嘅人，即係一個「人質式死亡名單」。要留意嘅係，即使被踢出局，嗰名參賽者都係要完成埋自己嘅項目先可以正式say byebye。喺呢個長期咁高壓嘅氣氛下，連A組導師許廷鏗都要話「唔鍾意呢個節目」。

A1組由7個出名跳得嘅子涓，芯駖，超酸，Win Win，So Ching，Marf，CK組成。Marf俾組員捧上神枱，話有佢嘅組就一定贏，雖然Marf去到比賽當日都仲係好唔舒服，但睇落都冇影響表現。喺自選項目環節，CK用咗三日重新改編《造星IV》嘅主題曲，再分畀組員揀段同埋填詞，一出場就已經震攝全場。呢組唔單止跳得，仲好唱得，連一向牙尖嘴利嘅節余迪偉都話「已經睇到個女團」，讚佢哋又齊又夾。導演黃修平都大讚「成個package好高水準，睇唔到有瑕疵」。

而B組自選項目就全家總動員上陣，決意要救死亡名單第一人嘅東東。B組一如既往都係揀咗以戲劇性及訊息為主打，演繹咗一個好沉重，好值得反思嘅《浮雕》。雖然B組用晒道具同埋三個比較唱得嘅組員做「主角」，似乎都唔係好掩飾到佢哋整體上歌唱能力嘅不足。雖然黃修平眼濕濕咁讚B組表現「冇得唔撐，好感動」，但係余迪偉直言「唔知點解前面三個歌星都冇評論過歌唱」，又話「東東你係好勁，對唔住，唱得唔夠好，聽唔到你唱乜，I’m so sorry」。連近排俾網民大轟嘅梁祖堯都覺得去到呢個回合，「唔係再用掩眼法」。

最後A組以4藍1紅贏出呢個回合，所以好有觀眾緣嘅東東就喺呢度止步，A組就成功救到佢哋嘅死亡名單第一人Ika。東東係因為呢個比賽先第一次接觸唱歌跳舞，不過佢就話「唔似參加緊一個比賽」，開心識到好好嘅朋友，好好嘅導師，非常感恩咁話。呢個回合嘅賽制底下，被淘汰嘅人都要完成埋賽事，相信大家同Channel絲一樣，都好期待東東嘅告別式。

#channelchk #viutv #全民造星 #全民造星IV #子涓 #芯駖 #超酸 #WinWin #SoChing #Marf #CK #東東 #Ika #余迪偉 #黃修平

【自肥】你今日投咗未？Ivy So需要大家！
造星「票站」才可拍攝 教你合法影票免露馬蹄

票，不可隨便投；票站，不可隨便影；馬蹄不可隨便露。只有一種「票站」，才可讓選民隨便截圖瘋傳。這就是ViuTV《全民造星IV》候選女團電子投票！在手機投選20強其中一位心水後，你就可以在這個「票站」截圖，分享他人。小編亦響應旁白師呼籲，票投1號Ivy So蘇雅琳！

一眾20強參賽者昨（19日）出席在九展E-Max商場舉行的總決賽記者會，各自上台表演和拉票。首先登場的蘇媽，即席熱舞1分鐘，為大家暖場。她流暢的舞姿，加插一系列可愛動作，例如畫心和跌膊，迷倒一眾蘇蝦。Ivy舞後努力壓住氣喘開腔：「好多謝大家一直以嚟願意支持唔夠好嘅我啦～如果想見到我喺女團入面成為開心果嘅話，就投我一票嘞～」

20名女將在個人拉票時間，都為同伴拉票。Ivy說：「我心目中嘅三甲人選，其實係Marf（邱彥筒）啦、阿Gao（沈貞巧）啦同埋阿Day（許軼）！大家多啲投票嘞～」各位蘇蝦，蘇媽最需要大家一票，你今日投咗未？

#ViuTV #IvySo #造星 #全民造星 #全民造星IV #全民造星4 #造星IV #造星4 #女團 #投票 #蘇蝦 #蘇媽 #馬蹄露 #票站 #蘇雅琳 #邱彥筒 #MarfYau #許軼 #DayHui #沈貞巧 #GaoShum

造星IV女團1.12出道！經理人誓努力打低MIRROR
花姐證Win Win八婆 祖認睇漏Ash 佛囑高層勿糟蹋

ViuTV《全民造星IV》決賽在聖誕夜直播，由李嘉欣等5名評判和網民各佔一半評分，負責篩女人參賽者，從20強選出冠亞季軍直入女團。ViuTV公佈，女團將於明年1月12日出道，屆時才知道其餘人選。經理人戴穎（阿Wing）在賽後的《造星彩蛋》，被問到對女團有何寄語或祝福時，笑言將與女團「一齊努力，打低MIRROR！Yeah！」花姐聞言即質疑：「點解要打低MIRROR啫？我哋唔可以一齊行嘅咩？」阿Wing即時補飛：「咪就係一齊進步囉～」

20強決賽選手之一的穎蕎，最初在節目豪言，要與其他參賽者一起「剝花姐棚牙」。花姐在賽後承認，一眾選手的表現確實「剝我棚牙」︰「我啱啱都有同啲評判講，我諗住呢個比賽裏面有一班八婆嘅，但佢哋唔係八婆囉，除咗Win Win之外！哈哈哈哈！佢哋係一班好熱血啦、好有夢想嘅女仔啦。咁MIRROR、ERROR要小心啲嘞。」但她補充，Win Win和So Ching等很多選手的決賽表演都很好，亦比她想像中好。

2位導師被問到有否「睇漏眼」或滄海遺珠未能晉級時，「阿佛」許廷鏗認為2人眼光不錯，沒有睇漏眼，該復活的已被復活，部份復活者更晉身20強。但「阿祖」梁祖堯則承認睇漏Ash：「我真係好想佢可以喺一個好大嘅舞台上，表演到畀大家睇，不過，總有咁嘅機會嘅我覺得。」阿佛更自爆曾越級叮囑ViuTV高層，勿糟蹋她們：「頭先我都同金生（製作部副總裁金廣誠）講，你好好地對啲女呀，有啲咩搞唔掂，我而家置咗公司，我嚟挖角架我同你講，因為我真係好鍾意佢哋！」

#ViuTV #造星 #全民造星 #全民造星IV #造星IV #女團 #MIRROR #花姐 #戴穎 #黃慧君 #Ash #鍾卓穎 #梁祖堯 #WinWin #楊安妮 #許廷鏗 #channelchk

重組造星IV決賽分紙 3女獲評判分低觀眾逾50%
唱將Val原創曲詞 Ivy憑歌寄意贈移民 評審唔buy

由李嘉欣等5名評判和網民各佔一半評分，在決賽篩女人參賽者，ViuTV《全民造星IV》三甲終於誕生，分別為Marf邱彥筒、Gao沈貞巧和Day許軼。不過網民留意到，3名選手獲評判特別低分，較觀眾評分遠低逾50%；分別為Yoyo葛綽瑤、Ivy蘇雅琳和Val趙展彤，尤其關注唱將Val以妙韻唱出自己作曲作詞的作品，再鬥舞技，評判仍給極低的3分（尾3），遠低於網民給予的11分（頭10）。Channel C為大家重組分紙，方便大家評論。

Yoyo和Ivy參賽前，唱歌都是白紙一張，但短短數月練至決賽的水平，實在不容易。其中Yoyo翻唱容祖兒的《最好時光》，加上隨後的Dance Battle，被評判狠狠給予全場最低的1分（包尾），大幅低於網民給予的12分（頭9）。至於Ivy So則憑歌寄意，翻唱陳蕾和岑寧兒作曲的《勿念》，送給離鄉別井的一眾港人，但亦不獲評判好評，連同跳舞環節僅得5分（尾5），遠遜網民評價的15分（頭6）。但最教人驚訝的，是實力唱將Val以穩紮的歌聲，演唱其原創曲詞的《Come To Me》，再鬥舞技，竟被評判給予3分（尾3），不但低過評判給予Ivy的5分（尾5），更明顯低過網民投出的11分（頭10）。

網民亦關注李嘉欣等評判如何評價選手之一的Ada仔姜咏鑫，會否「對Ada唔好咩」？但分紙卻顯示，Ada仔重新演繹王菲的《開到荼蘼》，計及Dance Battle獲評判8分（頭13），算是中規中舉，更明顯高於網民給予的3分（尾3）；相比Val，李嘉欣等評判「對Ada仲好」。至於李嘉欣除在節目開場時被問及評審準則外，在節目其餘時間均未有機會發表意見。即使到她頒獎給直入女團的Marf，亦未有持咪開金口恭喜對方，教不少人失望。

小編走筆至此，不禁讚嘆Ivy So的眼光有多神準！一眾20強決賽選手在一周前現身商場，向公眾表演和拉票。Ivy當時表明，其三甲心水，正是一周後摘下冠亞季軍的Marf、Gao和Day！祝Ivy最終獲選入女團，達成她「喺女團入面成為開心果」的目標啦～

#ViuTV #全民造星 #全民造星IV #造星IV #女團 #channelchk #趙展彤 #蘇雅琳 #葛綽瑤 #勿念 #岑寧兒 #陳蕾 #最好時光 #李嘉欣 #容祖兒 #姜咏鑫 #王菲 #開到荼蘼 #邱彥筒 #沈貞巧 #許軼

覺唔覺今年造星IV決賽Dance Battle冇乜印象？唔覺睇過選手大頭？旁白師同大家分析咗原因🧐，仲幫大家實現李嘉欣開聲恭喜Marf嘅願望🤣 👉 https://youtu.be/Jk60aKpTNwA

#ViuTV #造星 #全民造星 #全民造星IV #造星IV #女團 #channelchk #嘮動新聞 #李嘉欣 #邱彥筒 #marf #我真係恭喜你呀
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK