大愛叔冒暴雨 為街坊通路邊渠
便裝澗水彎腰 徒手抓淤塞污物
途人直擊獅子山風災好人好事

上周五（8日），風暴「獅子山」帶嚟嘅黑雨，除咗殺好多人個措手不及，亦令香港好多地方水浸，其中港島更加係重災區。水浸除咗為行人帶嚟不便，亦好易令汽車死火。喺全港都亂晒籠嘅時候，Channel絲以為大家呢個時候都只會自己顧自己，但當日筲箕灣一個叔叔就俾途經嘅巴士乘客目擊，佢竟然唔怕污糟，徒手挖出堵塞坑渠嘅污物，希望幫手疏通積水。

影片中顯示，一位叔叔着住普通波鞋同T恤長褲，推住一架車同紙皮箱，一手拎遮、一手不停彎腰從渠口抓出一撮撮黑色污物放入紙箱。事發地點相信係港島東區筲箕灣道426號附近，Channel絲唔知呢位叔叔最後到底清咗幾耐，都唔知佢最尾成唔成功，但好想至少幫佢擔吓遮⋯⋯而見到此情此境，Channel絲最尾想提大家：記得千祈唔好亂拋垃圾呀，會塞㗎！！

#channelchk #好人好事 #獅子山 #黑雨 #水浸 #筲箕灣 #風暴 #熱帶氣旋 #颱風 #暴雨 #flood #rain #storm #typhoon #天文台 #cyclone #通渠 #大愛 #大叔

罕病童ICU求心半年 年初一8小時手術順利換心
父母感謝捐贈者家人無私大愛 讓13歲峰峰續命

罹患罕見擴張性心肌病致心臟衰竭、在香港兒童醫院ICU搏鬥和苦候半年求心的13歲男童峰峰，在虎年首日終等到新心臟。經過逾8小時手術，峰峰順利換心，情況大致穩定。父母除感謝醫護和打氣市民，更特別感謝捐贈者家人：「明白喺呢個時候係最傷痛嘅時間，多謝你們無私及大愛嘅決定，才能令峰峰有呢一個難得機會！」

香港兒童醫院表示，是次移植手術除有該院心胸外科、心臟科、麻醉及全期手術醫學科、病理學部參與，瑪麗醫院心胸外科、葛量洪醫院心臟內科及器官捐贈聯絡主任亦提供協調及支援。

峰峰自2021年8月起一直於香港兒童醫院兒童深切治療部留醫，須完全依靠雙心室輔助器維持心臟循環功能，以等待合適心臟移植，病情危殆。他更曾胸腔積水，要在胸腔置入喉管排水，並要接受腎臟透析治療等。

👉峰峰父母致謝全文

經過約10小時手術後，終於順利完成，嚟緊需要觀察一段時間去磨合峰峰與新的心臟。在此衷心感謝捐贈者及其家人！我明白喺呢個時候係最傷痛嘅時間，多謝你們無私及大愛嘅決定，才能令峰峰有呢一個難得機會！另外再次感謝各醫護人員，有你們，峰峰才能走到今日。最後要感謝所有為峰峰打氣嘅人，感謝你們！

#channelchk #峰峰 #ICU #求心 #換心 #手術 #大愛 #器官捐贈 #器官移植 #心臟衰竭 #擴張性心肌病 #香港兒童醫院 #胸腔積水 #腎臟透析 #洗腎