電視大戰前奏
邱達昌傳退出有線 鄭家純接收股份
ViuTV任杜之克掌黃Viu煲劇平台

今日市場傳出，噚日開市前停牌嘅有線寬頻（1097），大股東永升（亞洲）或出現股權變動，遠東發展（035）主席邱達昌或會退出，由新世界（017）主席鄭家純接收其股份。留意番，係純官鄭家純，唔係雞排妹鄭家純。

其實電盈（008）噚日都有驚人公佈，擬成立新公司，管理ViuTV現時嘅節目同藝人業務，並由魯庭暉出任行政總裁。新公司以自負盈虧模式營運，並開拓香港以外市場。任命名單上，有無綫舊將，包括好重用余詠珊嘅前副總經理（戲劇及節目）杜之克。

根據報道，原來曾為now打過工嘅杜之克，早於上月2日離開TVB後，第二日已經去咗電盈旗下「黃Viu煲劇平台」返工；另一前無綫高層鄭善強亦獲任為ViuTV「高級顧問」，擔任HKTVE董事會副主席。

講番鄭家純傳增持有線寬頻股份，《信報》引述消息報道，邱達昌有意退出有線寬頻大股東永升亞洲財團，將其持股易手予新世界主席鄭家純，令鄭家純喺永升嘅股權，由45.5%增至70%。至於永升另外兩大股東會否轉讓持股仍是未知。

永升於17年9月入主有線寬頻，目前持有43.22%股權（30.84億股）。財團當中，新世界主席鄭家純及鄭氏家族佔股有線寬頻最多股權，惟在永升入主後，有線主導權一直在邱達昌手上；另《明報》今日亦有報道，永升亞洲醞釀變動，股東之一邱達昌有意退出。

《港股策略王》節目主持、股評人正大師接受Channel C訪問表示，純官掌有線寬頻其實只屬「小生意」，「唔會蝕死佢，反而對有線利好，新世界輕輕力俾多少少錢，已經夠養有線。同埋新世界（執行副主席兼行政總裁）鄭志剛K11品牌喺內地大搞，如果喺大灣區有個media，有助提升其形象。」

今年6月，邱達昌在股東大會上指出要開發「老人台」，正大師認為證明唔work，故有線未來或會主力打年輕人市場，但要搶佔ViuTV市場則不易：「ViuTV都要用幾年搞《全民造星》、當日又打MMA、靈探，我又唔信新世界一接手就令有線起死回生。有線之前最出名都係播波同新聞台，播波個個都有，搞綜藝娛樂嘅話喺可見嘅將來冇可能夠ViuTV鬥。」

#有線寬頻 #鄭家純 #邱達昌 #正大師 #ViuTV #杜之克 #鄭善強 #魯庭暉 #channelchk

憂MIRROR不再紅 ViuTV總經理：plan過收埋佢哋
爆原定單數組團 湊12人只因「唔捨得」❤️

MIRROR年底推出壓軸單曲《12》，作為聖誕禮物做畀Fans。呢份成軍第三年嘅禮物得來不易，坊間越嚟越多傳聞話MIRROR 可能會解散、成員單飛等，但12塊鏡，邊有咁易打得爛？有份幫《12》填詞嘅ViuTv總經理兼「鏡爸」魯庭暉 ，最近接受傳媒訪問，話本身考慮過單數組團，最尾湊夠12人都只因「唔捨得」。組團都講到咁，又點會捨得拆散佢哋呢？

魯庭暉喺訪問入面，仲大爆組合命名「MIRROR」嘅原因。事源佢當年喺皇仁參選學生會，另一個候選內閣「MIRRORS」喺選舉論壇嘅表現令佢印象深刻，覺得佢哋幾有創意，所以幫鏡仔諗名嗰陣就聯想起呢個名。最後魯生嘅建議無人反對，「MIRROR」就此誕生。

魯生亦都形容《造星》節目就好似「訓練班」一樣，當初其實都無諗住特別簽幾多人同簽幾多個，只係後來發現節目團隊各自都有鍾意嘅參賽者，所以就諗住「不如組一個團，容易組織」。魯生又表示唔係想學日韓組合「靠人多」，只係因為「唔捨得，唔想自己後悔」，仲直言「飯錢乘五同乘十二係兩回事」，就算諗過單數組團排陣都會易啲，但加加吓就變成12個人。

MIRROR呢年嘅爆紅眾所不及，但魯生其實好擔心MIRROR唔紅，仲預咗「所有嘢都有佢紅同唔紅嘅時間」，所以佢永遠都係諗「到底呢一步要做啲乜嘢」，無論咩情況都要有個Plan。鏡仔踏入爆紅階段，魯生就坦言「plan過收埋佢地」，畀成員接受訓練，令新作品推出時大家都可以見到佢哋有進步，情況就類似韓團Come Back一樣。

至於聽晚就係《全民造星IV》嘅決賽，魯庭暉否認女團名單屬內定嘅講法，話當日選拔之後佢哋掛住「叫外賣A、B、C餐」，根本無傾到任何結果，唔知點解外界會傳出女團內定。講到呢度，大家聽晚記得睇《造星IV》決賽，支持1號Ivy So！！！！

#channelchk #全民造星IV #MIRROR #魯庭暉

ViuTV換總經理 魯庭暉任新公司CEO主管藝人及內容創作
廣告人鍾廣德接任
全文：https://bit.ly/3JWkdkh

開台踏入第6年的ViuTV今日出現重大人事變動。母公司電訊盈科發言人回應傳媒查詢時表示，原任ViuTV董事總經理的魯庭暉將出任電訊盈科媒體集團旗下新公司MakerVille的行政總裁。廣告界資深從業員鍾廣德今起出任ViuTV總經理。

#ViuTV #MakerVille #MIRROR #COLLAR #魯庭暉 #魯生 #鍾廣德 #channelchk

MakerVille｜MIRROR將成立官方歌迷會 首部電影《命案》與杜琪峯合作 將設直播平台

電盈旗下新公司MakerVille今（27日）舉行品牌發佈會，有MIRROR、ERROR、COLLAR、P1X3L等表演，亦邀請了杜琪峯出席。會上MIRROR公佈將於5月成立官方歌迷會，可訂購演唱會門票，他們表示希望能夠拉近與歌迷的距離，「一齊邁向One and All」。

全文👉🏽https://cutt.ly/KGx09a9

#channelchk #MakerVille #MIRROR #ERROR #COLLAR #P1X3L #ViuTV #魯庭暉 #電訊盈科

嘮動新聞👉https://www.youtube.com/watch?v=LO7zCjmj1vQ

#channelchk #阿MO #李啟言 #SoChing #MIRROR演唱會

MIRROR演唱會｜鏡粉發公開信斥魯庭暉龜縮 促3日內面對公眾

全文👉https://bit.ly/3bNQTS0

MIRROR第4場的紅館演唱會發生嚴重事故，令數名舞蹈員受傷，其中被大屏幕壓中頭部的李啟言（阿Mo），現時仍情況危殆，留醫深切治療部。事發至今已半個月，ViuTV及MakerVille一直「冷處理」，未有詳細向公眾交代事件，MIRROR12子大部份公開活動亦因此停滯。有鏡粉今日向MakerVille CEO魯庭暉發公開信，斥其態度龜縮，促請MakerVille於三日內宣布召開正式記者招待會，面對公眾。

#MIRROR演唱會 #魯庭暉 #MIRROR #ViuTV #MakerVille #李啟言 #阿Mo #channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7

調查尾聲？| 演唱會意外報告遲預期公布 局長回應已日以繼夜盡快做 一群鏡粉寄膠袋求交代
網站睇片︰https://bit.ly/3UU1NHs

MIRROR演唱會嚴重意外已發生9個星期，昨晚（10月1日） 因意外受傷情況嚴重的舞蹈員李啟言（阿MO）的爸爸—李盛林牧師，發布第10封代禱信，提到政府的「跨部門工作小組」，原預計在9月完成調查，但至今仍未有報告。

#mirror演唱會 #紅館 #李啟言 #魯庭暉 #MakerVille #孫玉菡 #mirror #channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
「爆片爆相」返嚟喇！
一經獨家採用將會獲得由網上零食店易買
送出$200元電子禮券！
報料：https://bit.ly/3S3zjZy