免檢疫機師疑德染變種毒量高 警查八達通追蹤
子讀妻教愉景灣國際校 密切接觸120師生須隔離

已接種2劑德國BioNTech復必泰疫苗的2名國泰外籍男貨機師，11月6日由德國回港時在機場檢測陰性，獲豁免檢疫返住所，與他人同住，並在社區活動。但2人至8日在社區定期強制檢測時，始確診感染L452R變種COVID-19，入院再驗揭病毒量高，懷疑返港前染疫。衞生署承認有社區擴散風險；警方將翻查2人八達通紀錄和閉路電視，追蹤他們有否未申報的社區行蹤。

其中無病徵染疫的57歲國泰航空男貨機師，與妻子、2名兒子和家傭同住愉景灣蔚陽獨立屋。雖然家人無病徵，但全屋人要隔離檢疫。而妻子所任教、2名兒子同時就讀的愉景灣國際學校，多達120名師生曾與機師妻兒密切接觸，要被送往隔離營強制檢疫，未發現有人中招。當局已建議學校停課。

至於同行染疫的另一名29歲國泰男貨機師，11月8日在社區強檢同日發病，報稱曾接觸外國地勤人員，如交收文件及填表格，並指當地人員並沒有戴口罩。該機師與朋友同住的尖沙嘴棉登徑豪宅凱譽，全棟封區強檢後「零確診」。不過2名機師過去21日曾到過的地點，仍全數納入強檢名單。

衞生署衞生防護中心總監徐樂堅指，是否收緊豁免檢疫，要考慮很多因素；既要保障本港貨物供應，亦要確保公眾安全，運輸及房屋局會考慮限制獲轄免檢疫人士在香港可去的地點。

港區人大代表田北辰向傳媒指出，有關個案絕對影響本港與內地通關，據其了解，內地非常關注有關個案，直言現時機組人員免檢疫安排「似乎過唔到大陸嗰關」。他又稱，根據內地作風，通關前會有內地專家或官員來港了解，「分分鐘已經嚟咗」，假如見到有大廈被圍封，同樣對通關有影響。

呼吸系統專科醫生梁子超亦表示，機組人員屬最高感染風險類別，其潛在風險甚至較外國領事高，假如不處理有關防疫漏洞，相信本港難與內地通關，更遑論談及熔斷機制等細節。

#DBIS #愉景灣國際學校 #檢疫中心 #隔離營 #機師 #國泰 #德國 #CathayPacific #Germany #COVID19 #quarrantine #八達通 #CCTV #閉路電視 #變種病毒 #愉景灣 #DiscoveryBay #channelchk #復必泰 #vaccine #BioNTech #BNT #疫苗 #蔚陽 #洋房 #獨立屋 #免檢疫 #尖沙嘴 #棉登徑 #豪宅 #凱譽

大家心目中嘅理想樓盤係點？呢個「嶼山・竹篙灣」啱唔啱？仲可以同達官貴人為鄰㗎～
去片👉https://www.youtube.com/watch?v=oQ4UVB6rk00

#channelchk #竹篙灣 #大嶼山 #隔離營
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

何君堯開live大鬧檢疫安排：個火要燒出去，林鄭要辭職！
拍枱拍到電話跌 斥國泰：再嚟一次！識唔識！串謀行騙！

何君堯講自己經歷，就話政府前日（7日）下午公佈要隔離檢疫，但去到夜晚7點先有人聯絡，仲要到深夜12點先安排進入竹篙灣。佢就問相關人員，但對方表示人手緊張，因為一架車只可以車一個人，咁所以成個「洪門宴」群組要用170幾轉車接送。何君堯批評香港防疫「好睇唔好使」，又話防疫工作組織失調，食物及衞生局局長陳肇始要負責，而特首林鄭月娥要負「最終責任」。

身為執業律師嘅何君堯，批評檢疫安排之時都不忘呢個身份，指國泰有豁免就應該有責任，要作出承諾保證，但結果就違反承證，話國泰有「Conspiracy to Defraud！再嚟一次！識唔識！串謀行騙！」不過睇返相關法律，應該就係串謀詐騙嘅。

何君堯喺直播入面話「洪門宴」係一個「合情合理合法」嘅宴會，只係「跌咗個有病嘅落嚟」，仲話 「我都唔想架」。點知而家就被加上「莫須有」嘅罪。講到中段，佢越講越激動，仲一嘢拍枱，大力到電話都跌埋。仲話「問咩責呀？特首要辭職啦！」，「個火要燒出去，林鄭要辭職！」

食生日飯冇錯，生日都冇錯，所以何君堯都話「洪為民冇錯，如果錯係佢阿媽嗰日生佢出嚟，但係你唔可以怪人哋老母架喎」，仲問「有邊個慶祝生日嗰日唔係真係生日？」呢度個邏輯Game高深到Channel絲都load咗一陣。

#channelchk #何君堯 #竹篙灣 #洪門宴 #檢疫 #隔離營 #林鄭月娥 #陳肇始

各位大佬，對唔住！徐英偉帶頭道歉 轉完黑icon又刪
同場加映 萬千星輝議員道歉巡禮2022

黑色Icon到底有咩意義呢？點解民政事務局局長徐英偉道歉時，要轉Facebook頭像同埋封面圖片做黑色呢？又點解之後又要刪除咗佢，轉做「無頭像」呢？

徐英偉就喺Facebook出post同大家道歉，話「作為問責官員我應該更加警惕，小心謹慎萬事以防疫為首先的考慮作出行動」，同埋「要向中央政府、行政長官、問責團隊、民政事務局同事及香港市民致歉」喎。

另外，立法會議員梁君彥早前公佈，總共有19名立法會議員有出席「洪門宴」，包括譚岳衡、郭玲麗、陳沛良、陳家珮、葛珮帆、容海恩、黎棟國、何君堯、周文港、洪雯、林琳、郭偉強、霍啟剛、林順潮、梁毓偉、陳仲尼、吳傑莊、邱達根及陸瀚民。不過，林智遠就喺社交媒體話梁君彥漏咗佢，所以總數為20人。

而Channel絲幫大家收錄咗一部份議員嘅「道歉post」，請大家細閱🙏🏻

#channelchk #徐英偉 #竹篙灣 #洪門宴 #檢疫 #隔離營 #洪為民 #打針 #口罩 #防疫 #疫情 #立法會 #COVID19

HKTVmall週一起送貨到竹篙灣 專屬車隊負責
網民大讚：應double pay俾送貨員及司機

要幾大膽幾肯搏先會做呢個promotion？噚日（12號）HKTVmall宣佈增加竹篙灣呢個派送地點，為而家喺隔離營嘅香港人「營中送暖」！

小編喺Facebook話訂單買滿$100，並於結賬時入埋優惠碼「PBQCD100」，即有免運費派送。而由於需要依照申請手續，訂單會喺下星期一（17號）開始派送，而派送可能需時，就請大家耐心等下。貨品會經由送貨團隊派送至竹篙灣，之後交由隔離中心工作人員代為轉交畀營內嘅收件者。

而小編都有提提大家，香煙、雪茄、煙草、噴灑式飲品、賭博用具、容易腐爛物品及未經醫生處方之藥物係唔送得入去架。

有唔少網民都好關心「Team竹篙灣」嘅保護措施，小編都好有心機咁解釋返畀網民聽，就話「Team竹篙灣」會由專屬車隊運作及派送，而呢個團隊係唔會參與其他地區派送工作。另外，派送人員只會將訂單放到指定交付地點，由隔離中心工作人員轉交，係唔會直接接觸正在隔離嘅人。「Team竹篙灣」都會每星期進行兩次檢測同埋嚴守防疫指引，工作前後需要徹底消毒。

除咗防疫，網民都關心「Team竹篙灣」嘅待遇，話「公司應double pay 俾送貨員及司機」，同埋「希望可以加返啲津貼俾送去嗰到嘅前線員工啦，始終嗰到都比較大嘅風險」。原來HKTVmall都有額外津貼，「感謝他們為隔離人士送上所需」。

網民都大讚HKTVmall呢個做法，除咗「好窩心！充滿溫暖」之外，都有人講笑話「終於唔洗自帶微波爐啦」。

#channelchk #HKTVmall #竹篙灣 #隔離營

足本字幕！竹篙灣隔離女 失控飛腳踢職員
雙方追逐對峙片 揭營內滯留無援慘況
嘮動新聞👉 https://youtu.be/42SwTQPrtF8

無論係喺隔離營欠缺支援嘅人，還是遲遲未拎到出營證明而滯留嘅人，甚至係人手短缺但仍然緊守營內崗位嘅人，佢哋都係香港人。佢哋都係一班「被選中」嘅悲慘香港人。😢

呢條片後半部，來自網上流傳嘅足本版雙方對峙片。雖然我哋發佈咗交代到來龍去脈嘅嘮動新聞片，但有熱心讀者之前擔心我哋人手不足，幫我哋整咗足本字幕版，風格仲學足字幕師，所以而家出埋，畀大家欣賞。

未睇嘮動新聞版本嘅你，記得睇番嘞～ 睇完包無後悔🥲
👉 https://youtu.be/42SwTQPrtF8

#channelchk #竹篙灣 #隔離營 #檢疫中心 #保安 #醫護 #隔離 #檢疫 #quarantine #covid19 #疫情 #Omicron

青衣方艙醫院出營要暴曬排長龍 讀者目擊營友中暑暈低
【Eombuy 易買特約 爆相爆片】

青衣社區隔離設施（方艙醫院）投入使用兩個星期，保安局早前透露入住率已高達8成。有剛剛完成隔離的讀者昨日（13日）向Channel C報料，指為當局只派一名職員為市民登記出營，令近二百人要於陽光下暴曬排長龍，一名叔叔更疑似中暑暈倒。

讀者於13日早上9時15分準備乘搭9:30的專車班次離營，不過她於輪候時卻發現只有一名職員為營友登記，令等候時間大增，人龍久久不消化。她更目擊一名叔叔疑似因為暴曬太耐而中暑暈倒，「因為方艙嗰邊真係咩都無遮無擋無樹，下面係石屎地直接反射，所以體感溫度係好高」。

#channelchk #社區隔離設施 #方艙醫院 #爆相爆片 #隔離營 #隔離 #檢疫 #確診

竹篙灣前線護士向Channel C大訴心聲，原來佢哋除咗不斷被CUT人手、試過一更得5人返工之餘，仲要幫手搞出營手續、聽埋其他方艙營友嘅電話，兼Fax藥單去醫院協助配藥。而當佢聽到營友打嚟哭訴嘅電話，其實亦都好心噏⋯⋯

去片👉🏻https://www.youtube.com/watch?v=lF8LBU8VvPI

#channelchk #竹篙灣 #隔離營 #前線護士 #COVID19 #確診 #醫護

皇后山隔離營疑有營友「玩屎」連燈制都有屎迹

為免大家嘔返夜晚個餐，原圖請睇網站🤭https://bit.ly/3q7g2Ly

皇后山隔離營竟然有營友好玩唔玩「玩屎」？！該營有讀者向我們提供圖片，影到營內一個單位遍佈「屎迹」，包括牆、天花、燈制等⋯⋯地下仲疑似有隔離炒麵餐嘅蹤影，真係睇相都聞到有味！

事發單位位於皇溢樓39樓，當時清潔姐姐入屋見到「屎」，隨即就大叫「哇～咩咁邋遢㗎？」並轉身走，未知後來怎樣處理。

有營友向我們指，皇后山隔離營由懲教署管理，視營友如囚犯，完全沒服務可言，即使只是索取樽裝水或杯麵，職員都會說「呢度冇呢樣嘢」，態度惡劣；加上膳食很差，「一日三餐都係嗰啲味、嗰啲菜、嗰啲汁，冇變過」；而且安排混亂，致電多條熱線，對方都說「唔知」，懷疑令掟屎人懷恨在心，最終掟屎發洩。

Channel絲作為康復者，明白隔離期間難免心情煎熬，但衷心希望大家不要用屎發洩，因為只會辛苦一眾清潔工⋯⋯

報道發佈後，有讀者向我們表示，掟屎人亦有可能是認知障礙或腦退化患者，「唔認得廁所」。「佢有幾驚先至會抹到上天花板......我諗佢係嚇死咗多啲。」該讀者希望政府關注隔離人士的精神需要。

#channelchk #屎 #掟屎 #隔離 #隔離營 #皇后山 #皇溢樓 #39樓

落馬洲方艙醫院現「屎蹤」 37歲女子涉刑毀被捕

繼月中皇后山邨隔離營有營友「玩屎」被捕，落馬洲社區隔離設施（方艙醫院）昨日（27日）亦現「屎蹤」，警方今就案件於上水拘捕一名37歲姓陳女子，指她涉嫌刑事毀壞。

全文👉https://bit.ly/36RPTJI

#隔離營 #方艙醫院 #社區隔離設施 #channelchk