何韻詩騷前突遭cut場 冇冷氣捱熱網上演唱：
唯一可以做 就係繼續唱下去

開騷前8日突然遭香港藝術中心取消場地的歌手何韻詩，改辦網上演唱會，昨晚（12日）8時順利舉行。不過受超強颱風燦都的外圍下沉氣流籠罩，市區入夜仍高達32°C，相當炎熱，何韻詩開Live的場地沒有冷氣，慨嘆如焗桑拿，但開騷機會難得，直言「唯一可以做，就係繼續唱下去」。

何韻詩原定9月8至12日於香港藝術中心壽臣劇院舉行《你尚未成為的》HOCC Shouson Live 2021演唱會，但開騷前8日，突然遭香港藝術中心取消租場。何昨晚舉行網上演唱會，好友黃耀明擔任嘉賓，二人合唱《問我》。

何在音樂會初段發言，坦言今次音樂會「真心排除萬難」，才能找到好地方，呈現團隊的音樂。「我哋冇冷氣，但係唔緊要，我相信比起正正經經一個舞台，會更加記得今次嘅壯舉，唔知點樣可以感激大家，我唯一可以，唯一識得做、做得比較完整嘅事，就係繼續唱下去。」

#何韻詩 #HOCC #演唱會 #concert #channelchk #香港藝術中心 #壽臣劇院 #你尚未成為的 #音樂會 #Live #直播 #冷氣 #桑拿