عظم ألله أجرك بأم البنين
عظم الله أجرك بأم البنين
............ ....

عظم الله أجرك بهل نايبه
بالوفيه الطاهره المتعذبه
دوم دمعتهه تهل وساجبه
نارهه عله حسين ظلت لاهبه

ضحت بأربع ولدهه للحسين
.................................

والله ملينه الصبر تدرينه
لشوفتك يبن الحسن حنينه
بجاه أم الاربعة ترد لينه
بهل مجالس كون نظره علينه

ننطر ليوم الفرج طول السنين
..................................

نندب أم عباس نبجي عليهه
بالرزيه نصيح ونواسيهه
وانته دمعاتك تصب تجريهه
وللبقيع تزور ماناسيهه

كلبك عليهه نزف من الونين
..................................

لو يكطعونه نظل وفايه
لأجله مذهبنه نظل حمايه
ياوكت ترجع تشيل الرايه
بالبقيع وياك نقره قرايه

نعتنيهه الطاهره بشوك وحنين
...................................

لابد بيوم الترد لدارك
عل بقيع نشوف ضي انوارك
ياوكت مولاي تاخذ ثارك
ننطر بلهفه عظيم أخبارك

تسجل بفقارك النصر المبين
....................................
نزله
لأم البنين ع
لخادم الحسين عليه السلام
مؤيد غازيالأسدي.
.

زينب تصيح بألم
يمه ضلعج ماسلم

عمرج بلوعه إنختم.....فاطمه
عمرج بلوعه إنختم.....فاطمه
.......................
شابحه عيوني عله بابج
خفت بس لاتندفع
بلحظه لنهه الباب رجعت
جنهه رادت تنشلع
واركضت صوبج ييمه
وعيني فاضت بالدمع
لن أخوي إنطاني عمره
وانتي مكسورة ضلع

محسن بساع إنجتل
وصحتي يافضه العجل

ريته مو واقع حلم....فاطمه
..............
جيتج اركض يالحبيبه
ردت أشيلج شوطحت
إنتي يافضه ندهتي
وانه ياحيدر صحت
من شفت لونج تغيير
بعالم أحزاني رحت
يمه طفله ويمج أبجي
بيا صباح إتصابحت

وردة ماضاكت نده
إكبالي يمه إمدده

گلبي نصين إنجسم....فاطمه
..............
گلبي مايحمل أذيه
مو وكت فرگه وهجر
ريته دلالي التِفَطر
ريته بضلوعي الكسر
بابج احترگت ييمه
بنار گوم اهل الغدر
وآحنه باجر كل خيمنه
بيده يحرگهه الشمر

المحسن بدمه سبح
مثله عبدالله انذبح

بابج وحرگ الخيم....فاطمه
.................
يمه شو ذبلانه جنج
وانتي زهره من السمه
يل تركتيني بعذابي
والجرح ينزف دمه
أبد مافارگتي عيني
گبالي يل متألمه
يانبع يروينه مايج
عگبج نشوف الضمه

آنه وحسين وحسن
يمه عذبنه الزمن

بينه أبدن ما رحم.....فاطمه
.................
ثاني لوعاتي الشفتهه
عگب جدي المصطفه
يعني من بعدج ييمه
نصيح عل دنيه العفه
بيا سبب ضلعج تصوب
نورج بساع انطفه
منهو يمسح دمعي باجر
وآنه إديه مجتفه

عيني باجر هامله
وناگه هزله ومايله

بلايه آهَل تبقه الحرم....فاطمه
...................

الشاعر الحسيني
د.مؤيد الأسدي
طور..
خاطري الليله انكسر...

زينب تصيح بألم
يمه ضلعج ماسلم

عمرج بلوعه إنختم.....فاطمه
عمرج بلوعه إنختم.....فاطمه
.......................
شابحه عيوني عله بابج
خفت بس لاتندفع
بلحظه لنهه الباب رجعت
جنهه رادت تنشلع
واركضت صوبج ييمه
وعيني فاضت بالدمع
لن أخوي إنطاني عمره
وانتي مكسورة ضلع

محسن بساع إنجتل
وصحتي يافضه العجل

ريته مو واقع حلم....فاطمه
..............
جيتج اركض يالحبيبه
ردت أشيلج شوطحت
إنتي يافضه ندهتي
وانه ياحيدر صحت
من شفت لونج تغيير
بعالم أحزاني رحت
يمه طفله ويمج أبجي
بيا صباح إتصابحت

وردة ماضاكت نده
إكبالي يمه إمدده

گلبي نصين إنجسم....فاطمه
..............
گلبي مايحمل أذيه
مو وكت فرگه وهجر
ريته دلالي التِفَطر
ريته بضلوعي الكسر
بابج احترگت ييمه
بنار گوم اهل الغدر
وآحنه باجر كل خيمنه
بيده يحرگهه الشمر

المحسن بدمه سبح
مثله عبدالله انذبح

بابج وحرگ الخيم....فاطمه
.................
يمه شو ذبلانه جنج
وانتي زهره من السمه
يل تركتيني بعذابي
والجرح ينزف دمه
أبد مافارگتي عيني
گبالي يل متألمه
يانبع يروينه مايج
عگبج نشوف الضمه

آنه وحسين وحسن
يمه عذبنه الزمن

بينه أبدن ما رحم.....فاطمه
.................
ثاني لوعاتي الشفتهه
عگب جدي المصطفه
يعني من بعدج ييمه
نصيح عل دنيه العفه
بيا سبب ضلعج تصوب
نورج بساع انطفه
منهو يمسح دمعي باجر
وآنه إديه مجتفه

عيني باجر هامله
وناگه هزله ومايله

بلايه آهَل تبقه الحرم....فاطمه
...................
خادم الامام الحسين ع
مؤيد غازي الأسدي.
طور..
خاطري الليله انكسر...

خادم للزجيه كل صبح ومسيه
وانه اتشرفت بيهه الخدامه
...........
اظل طول العمر اندب وانادي
أنه َ الشيعي وَنَه الهايم فؤادي
لأجل ام الحسن دايم حدادي
عليهه بكل وكت باقي بسوادي

ماهمني اليعاند خادم والله شاهد
متهمني ابد كل الملامه
...........
يظل نبراس حبهه بكل حياتي
عليهه اتعلكَت كل أمنياتي
لأن سرت بطريق المنجيات
لقب خادم صبح اجمل صفاتي

أظل أندب ولِدهه عِطيتي أترجّه عدهه
صارت دمعتي لحزني علامه
.............
يظل وسط الكَلب منقوش اسمهه
وأظل بكل وكت ألعن خصمهه
عزائي مستمر آنه وخدمهه
نواسي المصطفه بهمهه وهضمهه

ماننسه الفجيعه المرّت عل وديعه
وعليهه الدهر شاهر حسامه
..........
إذا ألطم تهيج بهمهه روحي
تظل من القهر تنزف جروحي
عله مصاب البتول يزيد نوحي
ونهَ بهل خدمة متميز وضوحي

قضيتي بهل مجالس مثل ماراد عابس
عاشك والكَلب يعلن غرامه
.............
مضيت بهل نهج والرايه بيدي
وضحيّ للبتو ل بدم وريدي
لساني يلهج وينشد نشيدي
يوقع حيدر تمنيت قيدي

جواز من الصميده يحققلي الأريده
أصير ويه الأودهم بالقيامه
......
للشاعر الحسيني
مؤيد غازي الأسدي
..

اقره الفاتحه على الطاهره الحره
وانخاهه العظيمه بساعة التقره
........... ........... ...........
اقره الفاتحه عله ام البنين الجان
عندك معضلة ورايد فتح بيبان
كل معضل تِحله وماتظل حيران

ريتك هل أمر يالسامع تخبره
....................
بالسبع المثاني اطلبهه واقراهه
صدك كل همومك تنمحي وياهه
ربك هيه باب الرحمة خلاهه

للعايش همومه وما حمل صبره
...................
ضحت بالولد لحسين ابو اليمه
نايم عل وطيه وفايض بدمه
واتمنت تشوفه وتندفن يمه

ضحت بالبنين ال ضنوة الزهره
..................
هيه مجربه وبيهه الفرج والحل
غير ام البنين الحاجه لاتسأل
يتجدد ذكرهه ولا تظن ينمل

اندبهه وتوكل وادعي عل فطره
.................
حي الله الوفيه ام البطل عباس
هيبه الفاضله ومعروفه بين الناس
مثل امه الكفيل بهل وفه ينقاس

ضحه بعينه وانطه اليمنه واليسره
....................
صافي يظل لبنهه وما تخيب ظن
هاي حروف اسمهه لكل مرض يشفن
حلالة مشاكل اطلب إتيقن

واذكرهه بدعاءك وآسجب العبره
...................
عكب الطف عليله وناحت عله حسين
مانشفت عله الضامي وتصب العين
ابدال النار شبت بالكلب نارين

جمرته بكلبهه شيطفي هل جمره
...................
لخادم الحسين ع
د. مؤيد غازي الأسدي ..
تجليبه.......

يامحله الوداع
للهادي ع.......

تندب شيعته الهادي بمصابه
وتنوح عله بابه
ثالث من رجب اعلن غيابه
.........................................
إجت شيعة محمد تندب الهادي
تواسيه برزيته
لسامره المواكب تحدي بالحادي
تندب لأهل بيته
من توصل ضريحه تعزي وتنادي
هل تطلب عِطيته

گامت تلطم عليه
واتعنت تصد ليه

وعن المنتظر زارت نيابه
...................
يتجدد عهدهه الشيعة يتجدد
وتعاهد المسموم
للهادي أبد ماينگطع هَل مَد
باقي ومستمر دوم
وبيوم الرزيه الصورة تتجسد
هاك وشاهد علوم

ِِصِد شوف المواكب
لليسأل تجاوب

من هذا الزحف ياخذ جوابه
.....................
نوصل والمدامع هل تصب دموع
جن صب السحايب
كل واحد تشوفه مكدر ومفجوع
بِل هَم گلبه ذايب
مالومه التگصده وبل عذاب تلوع
ماتنسه النوايب

عل سموا جبدته
عل مات بغربته

تواسي المصطفى ودينه وكتابه
.......................
بابه الهادي باب الرحمه والتوبه
ولليطلب كرامه
والدگهه وتعنه إنمسحت أذنوبه
ويعود بسلامه
ما خاب اليزوره وعاود النوبه
من شوگه وهيامه

يدعي لسانه ويزور
يبجي وگلبه مكسور

باجر بالحشر يِسهل حسابه
.....................................
ياعظم النوايب مرت علينه
لاجن ما وگعنه
والصافي حَليبه يِذكر حسينه
مولانه وأملنه
لسامره بمصاب الهادي هَل جينه
يومه هَل فجعنه

للمهدي إنتظاره
نذكر بالزياره

يايوم الفرج يكمل نصابه
........................
لخادم الحسين ع
الشاعر
مؤيد غازي الأسدي...

المولودية ليوم الغدير الأغر..


ياهله بعيده ...... حيدر علي حيدر علي
ياهله بعيده...... حيدر علي حيدر علي
...............................
هذا عيد الله الجبير وعظّمه بارينه
والوحي لطه يبلغه حته يكمل دينه
نصّبه الباري خليفة والله گرّت عينه
واحنه لٱهل البيت كلنه نعشگ وحبينه

نعشگ أنواره... حيدر علي حيدر علي
نتبع ٱثاره .... حيدر علي حيدر علي
...............................
أول الكرار هوّه لا أبد مو رابع
واليخالفنه نگلّه من كتبكم راجع
تذكر الٱيه روايه واليحب يطالع
بالأمر وصّه نبينه وانته شوف وتابع

ذكرته السوره.... حيدر علي حيدر علي
وانعرف دوره.... حيدر علي حيدر علي
...............................
هَنّهَ جبرائيل طاهه بشّره بهل ٱيه
حيدر الإيمان كله والفخر والرايه
واحنه يَم صحنه نطوفه عل جِدم مشّايه
وبغديره أحنه وصلنه نعتني عنّايه

يبقه للتالي ..... حيدر علي حيدر علي
بيرغ وعالي.... حيدر علي حيدر علي
...............................
رافضه بنهجه قبلنه نرفض العادانه
واحنه لبّينه رساله لونضحي دمانه
وبحشد شعبي مشينه والمجد خاوانه
هل أمر عدنه وسيله ندري الله ويانه

ندري معروفه..... حيدر علي حيدر علي
نوصل نطوفه..... حيدر علي حيدر علي
...............................
ندري سووهه سقيفه حته نتبع غيره
مادروا بينه نعشگه بل گلب تصويره
أَمُّرهَ الرحمن واحنه نقبل بتأميره
واليحب يمشي جوازه يَم علي تأشيره

نفرح بيومه.... حيدر علي حيدر علي
واضحه علومه.... حيدر علي حيدر علي.
............................
لخادم الحسين عليه السلام
الشاعر
مؤيد غازي الأسدي
غماس

دعيت ام البنين تحضرك الزهره
ودعيت أمك تطيب بجاهه الحره
أكيد حسين گبلي إتعنه للعباس
وعن أمك يباسم رايح إيخبره
وأسمع يم ضريحه اترجه رب الكون
يدعي وشايل إيده وساجب العبره
ويگله الذبيح بجاهي يالمبعود
تشفي أمه الخدمني وخادم العتره
والعباس أسمعه وراسه جادح نار
يترجه بدعاءه ووجهه جن گمره
يارب بغربتي تشافي كل معلول
ولباسم يربي لخاطره إتجبره
.....................................................
خادم الحسين ع
الشاعر
مؤيد غازي الأسدي

ياباب الحوائج ياموسى ابن جعفر
......
هسنه مصابك نذكره واحنه موش بحضرتك
وسفه ممنوعه الزياره وما نشاهد گبتك
من بعيد نزورك احنه ما وصلنه لعتبتك والسبب كورونا اجتنه يعني رجعت غربتك

ياباب الحوائج ياموسى ابن جعفر
.................
نقره بآلام المصيبه والنواظر دامعه
نَعشك الليله تشيله هَم حماميل أربعه
نطلب بيومك يموسه واحنه نقره القارعه
تخلص المحنه وتشافي كل مهجنه الجازعه

ياباب الحوائج ياموسى ابن جعفر
................
نلطم وبإسمك لِهَجنه والگلب دامي ونزَف
انته عنوان الكرامة وانته ميزان الشرف
نرسل آيات التعازي للسكن بآرض النجف
يصدح بصوت الرزية كل محب ليكم هتف

ياباب الحوائج ياموسى ابن جعفر
...............
نطلب بجاه الزجيه ونگصد لجودك نريد
تمحي هاي الغمه عنه بجاه الحسين الشهيد
كل وباء وكل بليه تنفرج بإسمك أكيد
والعذر ليكم إمامي لو نزورك من بعيد

ياباب الحوائج ياموسى ابن جعفر
...............
مانسينه ونندب الكم ندعي للمهدي الفرج
انتم النور الإلهي وللبشر صرتم حجج
تبجي العيون بدماهه وتلهب بنار المهج مانعوفك صاح صوته كلمن بفكره انتهج

ياباب الحوائج ياموسى ابن جعفر
...............
گيدك وظُلمة نهارك أشبه بطف كربله
لاجن بيومك يموسه ما سبوهه العايله
ولاخذوهه اختك سبيه ولاعشتهه المرحله
ولاوريدك يجري دمه وجثتك متمرمله

ياباب الحوائج ياموسى ابن جعفر
...............
خادم الحسين ع
الشاعر
مؤيد غازي الأسدي.

كل حسيني تعلّم من دروسه
خلي يگصد بالحوايج موسه
بابه أسمهه باب المراد
آتلقّب بدكتور بغداد
خلي يگصد بالحوايج موسه
............... . ................ ................

الرايد الذرية يتعنالهَ صايم
يطلب وليد وشرط يتسمه كاظم
يدعي من رب الجلاله يصير خادم
يقره لو يكتب قصيدة لآل هاشم

لو وصل يم عتبته ويم بابه
دمعته عله الخد تصب سجابه
يصيح جيتك يبن الأجواد
آتلقب بدكتور بغداد
خلي يكَصد بالحوايج موسه
....................................

كل عليل وأيّس بوصفه طبيبه
خل يِصِل للكاظم بنوحه ونحيبه
يكَلِه أمشّيّ عليك مولاتي الغريبه
تِشفي علتي وهاي يمك موعجيبه

مَشفه ولكل العلل مولانه
لو وصلنهَ بطيب يتلگانه
سيد ومن نسل الأسياد
آتلقب بدكتور بغداد
خلي يگصد بالحوايج موسه
......................................

الرايد الله يرزقه ويسهّل أموره
بياده يتعنه لعد موسه ويزوره
يوصل أرض الكاظمية يشوف نوره
الما خضع للظالم وما همّهَ جوره

إتحمّل أوجاع وألم بكَيوده
جنّه سجادة صَلَه وممدوده
وسفه بالأگياد ينگاد
آتلقب بدكتور بغداد
خلي يگصد بالحوايج موسه
...................................
بسجن إبن شاهك لگه الكاظم منيته
وين شيعة حيدر التِبجي لرزيته
تميز إبن الصادق بجوده وعِطيته
وآحنه جينه نعزّي طاهه وآل بيته

عل جسر نعشه وتصيح الشيعة
لموسه خل نِتحضّر لتوديعه
وين أهله الصاروا إبعاد
آتلقب بدكتور بغداد
خلي يگصد بالحوايج موسه
...................................
عل جسر كلهه الخلگ حضرت تودعه
لاجَن شحال البگه و ومَحّد يشَيْعه
أَكْصد المذبوح والمكَطوع أصبعه
إتسَحّگه الخيل بحوافرهه وتگطعه

ماكو مثله مسلّبين هدومه
ولا كو يوم اللي يشابه يومه
يومه بالآهات ينعاد
آتلقب بدكتور بغداد
خلي يكَصد بالحوايج موسه
..................................
الشاف جور من الوكت ماتطفه ناره
خل يزور الكاظم بهاي الزيارة
السلام عله الغيور إبن الغياره
ويطلب الحاجة بدمع عين يتجاره

يصفّي نيته ويطلب اللي يريده
بالكرم والجود تارس إيده
طبعه ماخوذ من الأجداد
آتلقب بدكتور بغداد
خلي يگصد بالحوايج موسه
..................................
لخادم الحسين عليه السلام
الشاعر
مؤيد غازي الأسدي.

عظم ألله لكم الأجر والثواب
بوفاة سيد البطحاء أبوطالب ع
.........

الله وصه باليتيم وگال يمي الكافله
وابوطالب كفل طه ونال اعظم منزله

اية نزلت باليتيم
والكفل مؤمن كريم

وابوطالب كفل طه ونال اعظم منزله
.................
الله وصه ... بنص كتابه.... جُملة أحكام وعبر
وعله طه....نزل وحيه.....ودين توحيده انتشر
وابوطالب....صان دينه....عنه ما يوم اعتذر
واليحامي.... هل رساله.... .مؤمن ولا ما كفر

وال تِربهَ ببيته حتمآ ماخذ أجملها الصفات
هذا عمه اليحمي دينه ومستمر حته الممات

هذا عنوان الرحيم
والكفل مؤمن كريم
................
باقي ذكره....ومانسينه....ال جّفّه مليان بعطاء
واليشك....بإيمانه لازم ....كَلبه غارك بالرياء
هذا والد ...علي حيدر.....إبنه سيد الأوصياء
من نسل ....طاهر تَراهم.... وامتداد الأنبياء

هذا سيدهه الجزيرة وَي نجد وارض الحجاز
نال أشرفهه المراتب والمهم يَم الله فاز

جاء بالقلب السليم
والكفل مؤمن كريم
...................
ماتأخر....عن نصرته......وواجه جيوش الجهل
وبفطرته...يوحّد الله ......وماسجد يوم لهُبل
واليحبه .الباري.. عنده ...خالص تشوفه العمل
والقره بأبيات شعره.... يصيغ عدله من الجُمَل

منهج إبراهيم دينه ووّرّثَه لحيدر علي
صيته عالي بهل وجاهه يبقه لاماينجلي

حصل العز والنعيم
والكفل مؤمن كريم
...................
يوم هاجم.... كعبة الله..... الأبرهه بفيله اعتزم
راد يهدمه.... وتخلت.... كلهه عن بيت الحرم
شال جفه...الشيخ يدعي....الباري وببيته آعتصم
ساعة لن...سجيل مطرت....وأبرهه بجيشه أنعدم

هذا عام الفيل سَجّل موقف لسيد العرب
وانتصر مؤمن قريش وهذا تأريخه انكتب

نازل بذكرهَ العليم
والكفل مؤمن كريم
..................
دافع ...بسيفه....ويمينه...... ماترك لحظه الرسول
حين حضرتله...المنيه...... انصاب والدها البتول
والشبل...كمل طريقه..... ونعم من فحل الفحول
حيدر... بنهجه ....ودفاعه....إتحيرت كلهه العقول

للنبي تواسي برزيته كل مهجنه الناحبه
والله يستاهل نذكره ونلطم عله النايبه

موقف يسجله العظيم
والكفل مؤمن كريم

..............
لشاعرها ...
خادم الحسين عليه السلام
د.مؤيد الأسدي .
.

السلام عليك يا أبا طالب
السلام عليك يا أبا طالب

يل صنت دينه هادينه يابو الغانمه
نهجك نعرفه مايخفه ياضي السمه
بيرغك عالي للتالي يانعم الحمه
يانبع صافي وتوافي بسنين الضمه

السلام عليك يا أبا طالب
........
دورك الفايز والبارز ماننسه أبد
واضح المعنه نتعنه وي طير السعد
نبجي لمصابك احبابك جينه عل وعد
يل علِه شانك بإيمانك دين الحك شهد

السلام عليك يا أبا طالب
........
عابد لربك ويكتبك بكتاب الوفه
لله ناجيته يم بيته عندك معرفه
ابرهه وفيله بسجيله لاهب ماطفه
لبه دعواتك اهاتك ربك ماخفه

السلام عليك يا أبا طالب
..........
نهجك انتبعه ونسمعه ياشيخ العرب
والشبل منك هذا أبنك ياأشرف نسب
والنبي بجالك بأفعالك بأولهه الرتب
يللي متميز ببك العز ياأطهر حسب

السلام عليك يا أبا طالب
....... .
خادم الحسين عليه السلام
د.مؤيد الأسدي الطريحي

نزله.

هَل الشهر بأفراحه بأحله المواليد
نشتم عطر قداحه بأحله المواليد
.............
ننترقب هلاله نطرنه ليومه
والعاشك لهذا الشهر مالومه
مثل الفضه ويزهي بضياء نجومه
وهاي القصيدة بل كَلب منظومة

وانحفضت بسباحه بأحله المواليد
نشتم عطر قداحه بأحله المواليد
...........
لحسين نبعثهه التهاني بعيده
هذا النزف للدين دم وربده
والطير غنه غرد بتغريده
كلمن يحبه سجل إسمه بكيده

يضوي فجر مصباحه بأحله المواليد
نشتم عطر قداحه بأحله المواليد
...........
كافل خدرهه زينب معيدينه
رابع شهر شعبان هل علينه
ونهني بالمولد (علي) والينه
باجر محبته بالحشر تنجينه

نسمة وتهب فواحه بأحله المواليد
نشتم عطر قداحه بأحله المواليد
...........
والساجد بهذا الشهر ميلاده
إنهني طه وحيدر وأولاده
كل الأماني لفاطمه بأعياده
جبريل بإسمه للملايك ناده

هذا النريد ايضاحه بأحله المواليد
نشتم عطر قداحه بأحله المواليد
............
يتلاله نور الأكبر بشعبانه
شبل الحسين إتميز بعنوانه
تشبه لجده صورته وإيمانه
وينه اليحبه خل يعيد ويانه

بالأنفس المرتاحه بأحله المواليد
نشتم عطر قداحه بأحله المواليد
.............
والمهدي عنوان الفخر والهيبه
ننطر لثاره من تخلص الغيبه
وبراية المهدي نصلهه لطيبه
قايد حشدنه من شباب وشيبه

يبقه البطل بالساحة بأحله المواليد
نشتم عطر قداحه بأحله المواليد
...........

الشاعر الحسيني
مؤيد غازي الأسدي

عشت غربه بحياتي وكل جرح يِدي
يهل وادم غريبه أتوسد إبلحدي
.................................................
عشت غربه بحياتي ومن بعد موتي
ردت واحد يصلني يشيله تابوتي
أنادي إعله إخوتي ياهو السمع صوتي

إنطبگ چفني وتوسد عل ترب خدي
....................
عشت غربه وقهر من زغري مهضومه
منو المثلي صفت بالدنيا مظلومه
ونهاية قصتي من احبابي محرومه

گرب موتي ووحيده ولا أهل عندي
....................
عشت غربه وبقيت بلوعة الامي
لحد آخر نفس الطم عله الضامي
ردت كون من أموتن كلها چدامي

درت عيني وصحتله احضرني ياجدي
.....................
أنه الماشافت امها وظلت إيتيمه
نفس باب أمي تالي إحترگت الخيمه
أنه بعاشر محرم ساكنه الهيمه

ولا واحد يگلي لخيمتج ردي
.......................
چتلني الطف تنازع روحي يوميه
أناطر كل هلي يقرولي لطميه
متت من صاحت الوادم يمسبيه

لوَن يوصل ضعنهم بالهضم يحدي
.....................
ردت وحده التصيح أحاه يبت حيدر
ردت واحد يصلني إعله الگبر يحضر
تشابح عيني لاجن المن اتنطر

گضوا كلهم ضحايا وهل وكت ضدي
......................
يريت بساع أموت وتسكن أنفاسي
لجن همي اعتلاها إجدامي ولراسي
وحيده بغربتي لا أهلي لا ناسي

صحت يادنيه عدّي مصايبي عدّي
................................................
الشاعر الحسيني
د.مؤيد غازي الأسدي