សាច់ញាតិពលករ ពលការិនី ជនជាតិខ្មែរ ដែលរងគ្រោះជាប់ក្នុងគំនរ អគារបាក់រលំ ដោយសារគ្រោះរញ្ជួយដី កាលពីថ្ងៃទី២៨ ខែមីនា ឆ្នាំ២០២៥កន្លងមកនេះ ពួកគាត់នៅតែមានសង្ឃឹមថា បងប្អូនរបស់គាត់ អាចមានជីវិតនៅឡើយ។ ពួកគាត់មិនអស់សង្ឃឹមនៃការរងចាំឡើយ។ គិតត្រឹមថ្ងៃទី០៦ ខែមេសា ឆ្នាំ២០២៥នេះ គឺអស់រយៈពេល ១០ថ្ងៃហើយ ក្រុមជួយសង្គ្រោះ រុករកជនរងគ្រោះ ជាប់ក្នុងគំនរអគារបាក់រលំនៅតែបន្ត ឥតឈប់ឈរ។ សូមស្តាប់ប្រសាសន៍ ពួកគាត់ដូចខាងក្រោមនេះ៖

ក្រោយករណីបាក់រលំអគារ នៅក្រុងបាងកក អស់រយៈពេល១១ថ្ងៃ ចាប់តាំងពីថ្ងៃទី២៨ ខែមីនា ឆ្នាំ២០២៥កន្លងមកនេះ បងប្អូន សាច់ញាតិ ពលករ ពលការិនី ចំនួន២គ្រួសារ ដែលរងគ្រោះដោយអគារបាក់រលំ ដែលបានធ្វើការនៅក្នុងអគារនេះ នៅតែបន្តរងចាំ នៅខាងមុខអគារ និងមានសង្ឃឹមថាពួកគាត់មានជីវិតរស់។

សាច់ញាតិ២គ្រួសារ ដែលរងចាំកូន និងបងប្អូន មានឈ្មោះដូចខាងក្រោមនេះ៖
១. អ្នកស្រី ឆាយ សុភ័ណ ត្រូវជាម្តាយជនរងគ្រោះ ឈ្មោះ ផល្លា រតនា (Phalla Ratana) នៅ ភូមិឃុំ ជ្រោយស្តៅ ស្រុកថ្មគោលខេត្តបាត់ដំបង ដែលបានបាត់ខ្លួនបាត់ដំណឹងតាំងតែថ្ងៃទី២៨ ខែមីនា ឆ្នាំ២០២៥ រហូតមកដល់ពេលនេះ។
ពលករដែលមានឈ្មោះថា “ផល្លា រតនា” ធ្វើកាrងារនៅជាន់ 26 ជាជាងភ្លើង (អ្នកខេត្តបាត់ដំបង)។
២. សាន់ ដែន ជាប្អូនស្រីជងរងគ្រោះ ឈ្មោះ សាន់ សឿន (បងប្រុស) និង សុខ គិមសី (បងថ្លៃស្រី) នៅភូមិតាម៉ា ឃុំ/សង្កាត់ ម្កាក់ ស្រុក សិរីសោភ័ណ ខេត្ត បន្ទាយមានជ័យ។ ពួកគាត់ធ្វើការជាជាងការ៉ូ។

អាស្រ័យដូចនេះ អង្គការសង់ត្រាល់ សូមចូលរួមរំលែកទុក្ខដ៏ក្រៀមក្រំបំផុតជាមួយគ្រួសារ ពលករកម្ពុជា និងបរទេសផ្សេងទៀត ដែលរងគ្រោះដោយគ្រោះរញ្ជួយដីរំលំអគារនេះ និងអំពាវនាវឱ្យរដ្ឋាភិបាលថៃ បន្តជួយសង្រោះដល់ជនរងគ្រោះពលករបរទេសទាំងអស់ឲ្យបានឆាប់រហ័ស រួមទាំងការផ្តល់ជំនួយមនុស្សធម៍ ដោយមិនមានការរើសអើងឡើយ។

ទទ្ទឹមនឹងនេះ ក៏សូមអំពាវនាវដល់រាជរដ្ឋាភិបាលកម្ពុជា ពិចារណាក្នុងការផ្តល់ជំនួយមនុស្សធម៌ ដល់សាច់ញាតិពលករខ្មែរ ដែលរងគ្រោះទាំងនេះផងដែរ ដើម្បីកាត់បន្ថយទុក្ខលំបាកផ្សេងៗ។

ខាងក្រោមនេះ លិខិតឆ្លងដែន និងជារូបភាពជនរងគ្រោះ ដូចខាងក្រោម៖

វីដេអូខ្លីពីទិដ្ឋភាព សកម្មភាពជួយសង្គ្រោះជនរងគ្រោះ (ពលករខ្មែរនិងភូមា) បាក់រលំអគារ គ្រោះរញ្ជួយដី ក្រុងបាងកក ប្រទេសថៃ កាលពីថ្ងៃទី២៨ ខែមីនា ឆ្នាំ២០២៥កន្លងមកនេះ នៅតែបន្តជានិច្ច គិតត្រឹមថ្ងៃ០៧ ខែមេសា ឆ្នាំ២០២៥នេះ អស់រយៈពេល១១ថ្ងៃហើយ។
ថតពីចម្ងាយដោយក្រុមការងារអង្គការសង់ត្រាល់