БЯСПЛАТНЫЯ курсы польскай мовы для людзей старэйшага ўзросту (50+)

Пасля 2020 года многія беларусы былі вымушаныя пакінуць сваю краіну. Асабліва нялёгка тым, хто ўжо мае жыццёвы досвед і апынуўся ў новай краіне — без мовы, без звыклага кола зносін, без свайго асяроддзя.

Менавіта таму ЦБС адкрывае бясплатныя курсы польскай мовы для людзей старэйшага ўзросту, якія толькі пачынаюць вывучаць польскую мову і хочуць лепш разумець і размаўляць у паўсядзённых сітуацыях.

📍Месца: Цэнтр Беларускай Салідарнасці, Варшава, ul. Oleandrów 6-2
🗓️Фармат: 2 разы на тыдзень па 1,5 гадзіны
📅 Старт: студзень 2026
👤 Маленькія групы.
💸Удзел БЯСПЛАТНЫ!

Калі Вы ўжо крыху валодаеце польскай мовай (узровень A2 або B1), — пазначце гэта, калі ласка, у анкеце. Мы плануем у хуткім часе адкрыць групы для тых, хто хоча працягваць навучанне.

📝 Каб далучыцца, калі ласка, запоўніце кароткую анкету: ЗАПОЎНІЦЬ ЗАЯЎКУ.

Пасля таго як мы атрымаем анкеты, мы апрацуем усе заяўкі, сфарміруем групы і расклад. Мы звяжамся з Вамі па тэлефоне, каб пацвердзіць удзел і паведаміць пра дакладны час пачатку заняткаў.

💬Гэтыя курсы — не толькі пра мову.
Тут можна сустрэць людзей, якія таксама пачынаюць новае жыццё,
падзяліцца вопытам, знайсці падтрымку і сяброўства.
Крок за крокам — адчуваць сябе крыху бліжэй да дому 🕊

💡(Калі вы з Украіны, можаце таксама запоўніць заяўку, бо плануецца адкрыццё груп і для старэйшых асобаў з Украіны 🩵💛)

⚖️Как подать заявление о преступлении?

Рассказывает адвокат Сергий Скорицкий.

Беларускія аўтары вяртаюцца на Кірмаш гістарычнай кнігі ў Варшаве! 📚📖

Сёлета Цэнтр Беларускай Салідарнасці зноў арганізуе беларускі стэнд, каб нашыя выдаўцы, аўтары і чытачы занялі сваё пачэснае месца на адным з найважнейшых літаратурных мерапрыемстваў Польшчы.

🌾Гэта магчымасць для беларусаў у Варшаве ўбачыць новыя выданні, набыць кнігі на роднай мове і сустрэцца з тымі, хто працуе дзеля захавання айчыннай гісторыі і культуры.

На Scenie Forum выступяць вядомыя даследчыкі беларускай гісторыі:

📆 27 лістапада (чацвер), 15:00–15:50
«Сталінскія рэпрэсіі: не пражытая старонка гісторыі»
Сустрэча з Ігарам Станкевічам, дырэктарам Беларускага інстытута публічнай гісторыі.

📆 28 лістапада (пятніца), 15:00–15:50
«Пачаткі незалежнай Беларусі»
Размова з прафесарам Даротай Міхалюк пра кнігу «Беларуская Народная Рэспубліка 1918–1920». Вядучы — Яраслаў Іванюк.

📆 28 лістапада (пятніца), 16:00–16:50
«За нашу і вашую волю. Беларусы ў польска-бальшавіцкай вайне»
Дыскусія з удзелам прафесара Юрыя Гжэбоўскага і прафесара Гжэгажа Новіка.

👋Таксама будуць сустрэчы з аўтарамі на самім беларускім стэндзе № 75:

➡️28 лістапада, 16:00–17:00 — Дарота Міхалюк
➡️29 лістапада, 11:00–12:00 — Дарота Міхалюк
➡️30 лістапада, 12:00–13:00 і 14:00–15:00 — Уладзімір Арлоў

Там вы зможаце паразмаўляць з аўтарамі і падпісаць у іх кнігі 📚📖

👣Прыходзьце, каб падтрымаць беларускую кнігу, убачыць навінкі, пазнаёміцца з аўтарамі і паказаць, што беларуская культура жыве — і ў Варшаве таксама. Гэта месца, дзе кожная кніга мае значэнне, а кожны чытач — каштоўнасць.

‼️Увага! Уваход на Кірмаш толькі з боку вуліцы Grodzkiej (адваротная частка замка). Пасля таго як вы зойдзеце на Кірмаш, неабходна ісці да беларускага стэнду №75.

📸 Белсат

Кніга прафесаркі Дароты Міхалюк — адна з найважнейшых сучасных прац пра зараджэнне беларускай дзяржаўнасці. Гэта даследаванне, якое змяніла падыход гісторыкаў да разумення БНР і зламала стэрэатып, што беларускую дзяржаўнасць нібыта «стварылі бальшавікі».

👉 Як піша гісторык Яўген Міронавіч, у сваёй працы Міхалюк «скрушыла моцна ўсталяваны міф пра бальшавіцкае паходжанне сучаснай беларускай дзяржаўнасці»

📖 Пра што гэтая кніга?

«Беларуская Народная Рэспубліка. 1918–1920 гг.» — гэта глыбокая, дакументальная гісторыя таго, як беларускія палітычныя эліты спрабавалі стварыць суверэнную дзяржаву ва ўмовах вайны, калапсу імперыі, складаных адносін з Польшчай, Літвой і Украінай.

Кніга паказвае:

➡️ як нараджалася ідэя незалежнасці;
➡️ чаму БНР стала вынікам не толькі «антырасійскай» пазіцыі, але і няўдалых перамоў з Польшчай, Літвой і Украінай;
➡️ хто былі людзі, якія стваралі беларускую дыпламатыю;
➡️ як у 1918–1920 гг. выглядала беларуская палітычная сцэна;
➡️ чаму падзеі таго часу да сёння ўплываюць на наша разуменне беларускай ідэнтычнасці.

👩‍🏫 Хто такая Дарота Міхалюк?

Прафесарка Дарота Міхалюк — даследчыца гісторыі Беларусі, Усходняй Еўропы і нацыянальных рухаў. Яна працуе на факультэце гістарычных навук Універсітэта Мікалая Каперніка ў Торуні і з’яўляецца аўтаркай дзясяткаў артыкулаў, манаграфій і навуковых праектаў.

Яе даследаванні ахопліваюць:

▶️ гісторыю Беларусі першай паловы ХХ ст.;
▶️ працэсы фармавання дзяржаўнасці;
▶️ нацыянальныя рухі;
▶️ пачаткі беларускай і ўкраінскай дыпламатыі;
▶️ гісторыю Падляшша і беларусаў у рэгіёне.

Гэта даследчыца, якая сапраўды адкрыла тэму БНР у новым святле і зрабіла яе даступнай шырокай аўдыторыі.

📍 Scena Forum, Arkady Kubickiego, Zamek Królewski w Warszawie
⏰ 28 лістапада 15:00–15:50