🌿Мова адкрывае новыя дзверы, і пасля 50 гадоў таксама. ЦБС адкрывае групы для людзей 50+, якія хочуць адчуваць сябе больш упэўнена ў Польшчы і пачаць карыстацца польскай мовай у паўсядзённым жыцці.

Таму шукаем выкладчыка польскай мовы, які:
🔹 мае прафесійны досвед выкладання,
🔹 умее працаваць з дарослымі і старэйшымі слухачамі,
🔹 цэніць цярплівасць, павагу і стварае атмасферу, дзе вучоба становіцца задавальненнем.

📍 Заняткі: офлайн у Варшаве
👥 Узрост груп: 50+
✅ Абавязковая ўмова: педагагічны досвед

Калі вам блізкая ідэя навучаць, падтрымліваць і адкрываць свет польскай мовы для людзей, якія хочуць вучыцца ў любым узросце, далучайцеся да нас!

👉 Усе падрабязнасці: @CBSschool

🌿 Трэнінгі для бацькоў дзяцей са спектрам аўтызму ў Варшаве

Мы запускаем серыю з чатырох двухгадзінных сустрэч, створаных спецыяльна для бацькоў дзяцей са спектрам аўтызму.
Весці трэнінгі будзе псіхолаг з Украіны з досведам працы і з дзецьмі, і з сем’ямі, якія кожны дзень жывуць з выклікамі аўтызму. Мова трэнінгу: украінская.

Гэта будуць практычныя і жывыя заняткі — пра жыццё, пра рэальныя сітуацыі, пра тое, як знайсці падтрымку і новыя шляхі. Не лекцыі «пра тэорыю», а размовы, дзе вы пачуеце адказы і адчуеце, што вы не адны.

📅 📣 Калі і пра што будуць сустрэчы:

🔹 5 кастрычніка (11:00–13:00) — Эмацыянальнае выгаранне бацькоў: як захаваць рэсурс
Мы пагаворым пра тое, як не згубіць сябе ў штодзённых цяжкасцях, як зноў адчуваць сілы, радасць і спакой. Бо толькі калі бацькі маюць рэсурс, яны могуць падтрымліваць сваіх дзяцей.

🔹 12 кастрычніка (11:00–13:00) — Сэнсорны свет дзіцяці і творчасць
Што бачыць і адчувае дзіця з асаблівым сэнсорным досведам? Мы навучымся разумець гэтыя сігналы і адкрыем творчыя спосабы кантакту, якія дапамогуць будаваць давер і цёплыя адносіны.

🔹 19 кастрычніка (11:00–13:00) — Сіла мікракроку: як справіцца з цяжкімі паводзінамі
Замест вялікіх ідэалаў — маленькія, але рэальныя крокі. Разбярэм, як працаваць з цяжкімі паводзінамі дзіцяці, не губляючы спакою, і як умацоўваць пачуццё бяспекі і прадказальнасці ў сям’і.

🔹 26 кастрычніка (11:00–13:00) — Будучыня пасля мяне: падтрымка сям’і і план дзеянняў
Пра тое, што хвалюе ўсіх бацькоў: што будзе з маім дзіцем у будучыні? Як забяспечыць сістэму падтрымкі, прадуманы план і супольнасць, якая дапаможа.

📍Месца: Варшава, ul. Oleandrów 6-2 (Цэнтр Беларускай Салідарнасці)

‼️Вельмі важна: калі няма з кім пакінуць дзіця, вы можаце прыходзіць разам. Пакуль бацькі будуць на трэнінгу, з дзецьмі будзе займацца наш арт-тэрапеўт.

📌 Кожная сустрэча — асобная, можна прыйсці на ўсе чатыры ці абраць толькі тую тэму, якая найбольш актуальная менавіта для вас.

📞 Запіс па тэлефоне: +48666918712 або праз Telegram: @CBSschool

⚠️ Просім: калі вы запісаліся — прыйдзіце абавязкова, або паведаміце загадзя, калі не атрымаецца. Колькасць месцаў абмежаваная, а тэмы вельмі важныя.