​​☝🏻Запрашаем на заняткі Мовананова ў Варшаве!

Ужо сёння ў Цэнтры Беларускай Салідарнасці адбудуцца чарговыя заняткі самых захапляльных курсаў беларускай мовы і культуры Мовананова! Арганізатары імпрэзы падрыхтавалі для вас шмат гульняў, інтэрактываў і сюрпрызаў, а таксама сустрэчу з вельмі цікавай госцяй – спявачкай Таццянай Грыневіч-Матафонавай!

Дзе: Цэнтр Беларускай Салідарнасці, Oleandrów 6/2
Калі: 11 кастрычніка, 18.30
Уваход вольны!

​​☝🏻Перастаньце называць яго прэзідэнтам!

Сябры, заклікаем вас далучыцца да акцыі «Stop calling him President»! Мінулы год зрабіў відавочным для ўсяго свету, што ўладу ў Беларусі ўзурпаваў дыктатар. Мы проста не маем права называць дадзенага чалавека прэзідэнтам, так як ён не быў усенародна абраны, а патаемная інагурацыя Лукашэнкі толькі пацвердзіла яго нелегітымнасць.

Нягледзячы на ўсе жахі апошняга году нават польскія СМІ часамі выкарыстоўваюць фармулёўку «прэзідэнт» у адносінах да Аляксандра Лукашэнкі. Так быць не павінна! Мы прапаноўваем даслаць у вядучыя польскія СМІ просьбы спыніць выкарыстанне слова "прэзідэнт" у адносінах да нелегітымнага дыктатара.

Дасылайце свае лісты на адрасы польскіх СМІ: redakcja@polsatnews.pl , panorama@tvp.pl , wiadomosci@tvp.pl , twoje@tvp.info , kontakt24@tvn.pl , Redakcja@tok.fm , redakcja@new.org.pl , redakcja@polskatimes.pl , newsroom@pap.pl , redakcja@wyborcza.pl , eprenumerata@rp.pl , polish@dw.com , news@agora.pl , promocja@grupawp.pl , krzysztof.glowinski@rmf.pl .

Тэкст для прыкладу:

Stop calling him President

My, Białorusini co zostali zmuszeni do ucieczki do Polski przed prześladowaniami ze strony reżimu Łukaszenki, wzywamy czołowe polskie media, by przestały nazywać go prezydentem. Prezydentem może być tylko demokratycznie wybrany przywódca kraju. Łukaszenka nie został wybrany za pomocą procedury wyborów, co czyni go uzurpatorem.

Nazywanie Łukaszenki prezydentem w każdym kontekście nadaje mu podmiotowość polityczną i wzmacnia jego rządy. Zamiast nazwy prezydent sugerujemy użycie wyrażeń "samozwańczy prezydent", "uzurpator", "dyktator", "były prezydent" i innych.

Pozdrawiamy, Białorusini Polski.

​​🙋🏻‍♀️Як скласці свой радавод? Даведайцеся на нашым майстар-класе!

Шаноўныя сябры! Запрашаем вас на наш новы майстар-клас, падчас якога вы даведаецеся:
- Як скласці свой радавод
- З чаго пачаць і як весці даследаванне
- Якія сэрвісы можна выкарыстаць і ў якіх базах шукаць інфармацыю

Калі: 16 кастрычніка, 17:00
Дзе: Цэнтр Беларускай Салідарнасці, Oleandrów 6/2
Папярэдняя рэгістрацыя на мерапрыемства ў каментарах!

Спікер мерапрыемства – Ігар Станкевіч, мае дваццаць чатыры гады досведу ў генеалагічных даследаваннях, з’яўляецца аўтарам кнігі аб адным з радоў гербу «Роля», актыўна працаваў у архівах Беларусі і Расеі.

​​🔥У Варшаве з’явілася кальцавая развязка Вольнай Беларусі!

Сёння, 14 кастрычніка 2021 году, гарадская рада Варшавы прыняла рашэнне аб наданні адной з кальцавых развязак у раёне Урсынаў назвы Вольнай Беларусі. Такім чынам улады гораду выразілі сваю салідарнасць з беларускім народам у яго імкненні да справядлівасці і дэмакратыі.

Ініцыятарамі з’яўляення кальцавой развязкі Вольнай Беларусі сталі Цэнтр Беларускай Салідарнасці, ініцыятыва Вольная Беларусь і рух Polska 2050! Запрашаем прадстаўнікоў СМІ і ўсіх неабыякавых людзей на ўрачыстасць, прысвечаную гэтай падзеі, якая адбудзецца заўтра, 15 кастрычніка, а 12:30, на скрыжаванні вуліц Południowa Obwodnica Warszawy (al. Legionów Piłsudskiego) i ul. Puławskiej (каардынаты: 52.13952825572688, 21.017022774344575).

У мерапрыемстве возьме ўдзел Валер Кавалеўскі – прадстаўнік офісу Святланы Ціханоўскай, Ханна Гіл-Пёнтек – старшыня польскай парламенцкай групы Polska 2050,
Міхал Кабоска- старшыня партыі Polska 2050, Павел Ленарчык – прадстаўнік мясцовага самакіравання раёну Урсынаў і руху Polska 2050, а таксама прадстаўнікі Цэнтру Беларускай Салідарнасці і ініцыятывы Вольная Беларусь. Фінальнай кропкай урачыстасці стане выступ Вольнага Хору!

Крыніца: @cbs_help