Нягледзячы на розныя погляды, пазіцыі і меркаванні, ёсць адно, у чым большасць беларусак і беларусаў яднаюцца, — падтрымка палітзняволеных 🤍

Ужо больш за месяц у ЦБС вы прыносіце вопратку, абутак, тэхніку і побытавыя рэчы для палітзняволеных.
Мы радыя мець магчымасць перадаваць усё гэта далей.
Дзякуй кожнай і кожнаму 🙏

Шмат хто пытаецца: куды можна заданаціць на набыццё неабходнага для палітзняволеных?
І ў нас ёсць адказ 💛

ЦБС адкрыў асобны рахунак, сродкі з якога ідуць выключна на набыццё патрэбнага для палітзняволеных.
Не на працу фонду, прасторы ці калектыву — толькі на іх непасрэдныя патрэбы.

СПАСЫЛКА ДЛЯ ДАНАТАЎ

Важна адзначыць розніцу паміж зборамі фонду беларускай салідарнасці @bysol і зборам ЦБС.
Bysol па-ранейшаму праводзіць персанальныя і вялікія зборы пасля вызвалення. Гэтыя сродкі перадаюцца непасрэдна палітзняволеным, і яны самі вырашаюць, як і на што іх выкарыстоўваць 🫶🏻

Збор ЦБС ідзе выключна на набыццё канкрэтных рэчаў:
артапедычнага абутку, коўдраў, рондаляў, дробнай бытавой тэхнікі і іншага неабходнага 🧥🛏️🥘🥔

З цягам часу палітзняволеныя змогуць працаваць, зарабляць і набываць усё патрэбнае самастойна. Але вельмі важна падтрымаць іх на старце адаптацыі 🤝

Таксама важна: вы можаце набыць патрэбнае самастойна. Мы рэгулярна пішам пра актуальныя патрэбы, і многія адгукаюцца на канкрэтныя запыты.
Так, напрыклад, мы падарылі палітвязынцы на дзень народзінаў прафесійны міксер — яна пячэ торты 🎂
Мы таксама знайшлі і перадалі палітзняволеным добрую тэхніку, якая ўжо была ва ўжыванні, але можа яшчэ доўга служыць💻

Таму вы заўсёды можаце дапамагчы персанальна.
Калі маеце жаданне — пішыце нам у Тэлеграме: @cbs_kontakt , у наш інстаграм ці на пошту: info@belaruscenter.eu, і мы падзелімся актуальнымі патрэбамі 💌

❗️І напрыканцы важна сказаць:

ЦБС аказвае дапамогу ўсім палітзняволеным, незалежна ад даты вызвалення. Наша падтрымка не абмяжоўваецца толькі тымі, хто выйшаў 13 снежня.

Калі вам патрэбная дапамога, вопратка, абутак ці побытавыя рэчы — вы можаце прыйсці ў ЦБС.
Кожная былая палітзняволеная і кожны былы палітзняволены могуць звярнуцца да нас 🤍

ЦБС атрымаў адказ ад банку Millennium

📩 Цэнтр беларускай салідарнасці атрымаў афіцыйны адказ ад банка Millennium адносна праблемы адкрыцця асабістых банкаўскіх рахункаў для грамадзян і грамадзянкаў Беларусі ў Польшчы.

Банк паведамляе, што на дадзены момант не мае магчымасці адкрываць рахункі асобам, якія валодаюць выключна часовым пасведчаннем асобы замежніка.
Прычынай названыя абавязковыя патрабаванні фінансавай бяспекі, якія вынікаюць з польскага заканадаўства аб супрацьдзеянні адмыванню грошай і фінансаванню тэрарызму (AML/CFT), у прыватнасці артыкула 34 адпаведнага закона. 🫤

Разам з тым банк прызнае сацыяльную значнасць і актуальнасць гэтай праблемы. 🙄 У сваім адказе Millennium паведамляе, што працуе над унутранымі зменамі, якія ў будучыні могуць дазволіць адкрыццё асабістых рахункаў для гэтай катэгорыі кліентаў. Аднак канкрэтныя тэрміны ўкаранення такіх зменаў пакуль не вызначаныя.

Цэнтр беларускай салідарнасці працягвае маніторынг сітуацыі і настойліва дамагаецца сістэмнага рашэння, якое дазволіць беларусам і беларускам у Польшчы мець доступ да базавых фінансавых паслуг.

Сумна. Смешна. Парадаксальна. І паказальна.

🌪️Днямі ў сацсетках завірусілася гісторыя 29-гадовага кітайскага студэнта Сюй Байлуна, які вывучыў беларускую мову і, каб знайсці сабе беларускамоўнае кам’юніці переехаў… у Польшчу!

Малады чалавек пражыў у Мінску больш за год, але так і не здолеў абзавесціся аднадумцамі, гатовымі размаўляць з ім па-беларуску. Больш за тое, кітаец распавядаў як у Беларусі з яго нават смяяліся, калі ён пачынаў гаварыць на беларускай мове 🫤

Думаеце гэта спыніла маладога чалавека? Якое там! Сюй, расчараваны мінчукамі, спачатку вярнуўся ў Кітай, але неўзабаве зразумеў, што раз, прачытаўшы Караткевіча ў арыгінале, больш не зможа трымаць у сабе скарб валодання мовай класіка.

І студэнт знайшоў выйсце. Ён пераехаў у Кракаў, дзе амаль адразу знайшоў сабе беларускамоўную кампанію.

У інтэрв’ю выданню «Мост» Сюй з усмешкай расказаў:

«У Беларусі ў мяне не было ніводнага (беларускамоўнага сябра ці знаёмага), а цяпер у мяне іх шмат. Апынулася, што ў Польшчы беларускамоўных беларусаў больш, чым у самой Беларусі».

Мы, ЦБС, запрашаем Сюя і ўсіх аматараў беларускай мовы ў госці. Будзем глядзець разам футбол па-беларуску, піць гарбату, займацца ляпнінай і дзясяткамі іншых актыўнасцяў.

З Днём роднай мовы, сябры!🤍
Беражыце сябе❤️
Беражыце мову 🤍

Граждане Беларуси могут подавать заявления на получение польского проездного документа для иностранца на упрощённых условиях до 30 июня 2026 года.

Фактически это уже пятое продление подряд — каждый раз на полгода. Изначально эти правила действовали с 1 июля по 31 декабря 2023 года.

Почему их продолжают продлевать?

Потому что всё больше граждан Беларуси в Польше вынуждены оформлять польский проездной документ — и государство это признаёт.

Цифры говорят сами за себя:
➡️в 2025 году (по состоянию на 31 октября) беларусам выдали 4 573 таких документа;
➡️в 2021 году — всего 12.

Польский проездной документ — документ, предназначенный для иностранца, у которого нет действительного (заграничного) паспорта. Например, когда иностранец утратил паспорт или срок его действия закончился и нет возможности получить новый документ.

🗓️ 12 сакавіка 2026 / чацвер
🕰 17:00
📍 Цэнтр Беларускай Салідарнасці, ul. Oleandrów 6-2, Варшава
🎟 уваход свабодны

Ужо 12 сакавіка (чацвер), запрашаем у Варшаву (Цэнтр Беларускай Салідарнасці, ul. Oleandrów 6-2, Warszawa) на цёплую размову пра кнігу, якая многім адкрывае Беларусь нанова.

Мы сустрэнемся, каб пагаварыць пра «Каласы пад сярпом тваім» Уладзіміра Караткевіча — без цэнзуры, так, як тэкст быў задуманы аўтарам. Гэта нагода не толькі паразмаўляць пра літаратуру, але і пра мову, памяць і пра тое, што робіць нас беларусамі.

Удзельнікі сустрэчы:

♦️ Яраслаў Іванюк — выдавец, кіраўнік фонда Kamunikat.org раскажа гісторыю выдання, якім Камунікат завершыў святкаванне свайго 25-годдзя.
♦️Уладзімір Арлоў — пісьменнік, узгадае Караткевіча, падзеліцца асабістымі згадкамі: як класік паўплываў на яго жыццё і выбар.
Пачуем між іншым пра сланы ў цэнтры Менску і чаму кнігі Караткевіча давалі па дзве ў адны рукі.

🌷Дзень жанчыны – гэта кожны дзень

«Простага жаночага шчасця! Радуйце мужчын сваёй прыгажосцю! Сёння ваш дзень!» — чуеце такія пажаданні, але ад іх робіцца няёмка, а не прыемна?

Вы маеце права не нацягваць на сябе ветлівую ўсмешку і наўпрост прамаўляць, што гэта не тое, што вам хацелася б пачуць.

🤔Што такое гэтае «простае жаночае шчасце»? І з якога моманту шчасце ўвогуле стала дзяліцца на жаночае і мужчынскае?

А яшчэ — з якой нагоды жанчыны павінны радаваць мужчын?

✨Радаваць варта перадусім сябе.
І, калі ёсць жаданне, дзяліцца сваёй радасцю з іншымі.

❓І хто сказаў, што дзень жанчын — толькі 8 сакавіка?
Дзень жанчыны — гэта кожны дзень.

Гэта кожны дзень, калі жанчыны могуць быць сабой, жыць сваё жыццё і не адпавядаць чужым чаканням.

📜 Камуністычны рэжым, у якім раслі нашы бацькі, моцна змяніў сэнс 8 сакавіка.
Дзень салідарнасці жанчын у барацьбе за свае правы і эмансіпацыю ператварыўся ў дзень кветак і кампліментаў.

Савецкая традыцыя такога святкавання часткова засталася і ў сучаснай Беларусі.
Але вада камень точыць.

🤍 Мы, Цэнтр Беларускай Салідарнасці, віншуем нашых неверагодных жанчын.

Жадаем вам быць такімі, якімі вы самі хочаце быць.
Бо ніхто, акрамя вас, не ведае, як для вас лепш.