Польскі праязны дакумент на тры гады, прыспешаны разгляд заяваў на внж, пенсіі для беларусаў.

У эфіры «Белсату» кіраўніца дэпартамента прававой дапамогі ЦБС Вольга Дабравольская распавяла пра свае задачы ў новай працоўнай групе па міграцыйнай палітыцы пры польскім урадзе.

Падтрымаць нас — проста, і гэта не каштуе вам ані капейкі!

Як?

Праз 1,5% вашых падаткаў, якія вы і так ужо заплацілі.

Пры разліку PIT вы можаце пазначыць ЦБС у якасці атрымальніка той часткі падаткаў, якая накіроўваецца на падтрымку некамерцыйных арганізацый.

Чаму менавіта ЦБС?

✅ Наш юрыдычны дэпартамент аказвае больш за 1000 юрыдычных кансультацый штомесяц, дапамагаючы беларусам і ўкраінцам у складаных сітуацыях.

✅ Мы дапамагаем вашым дзецям адаптавацца да жыцця ў Польшчы!

🎓 Школу дадатковай адукацыі ЦБС наведвае каля 230 дзяцей, дзе яны вывучаюць польскую, англійскую і беларускую мовы, займаюцца музыкай, маляваннем і развівальнымі актыўнасцямі. А нядаўна мы запусцілі арт-тэрапеўтычныя групы для дзяцей з аўтызмам, каб яны маглі вучыцца і развівацца ў бяспечным асяроддзі.

✅ Мы падтрымліваем беларускія незалежныя выдавецтвы і аўтараў. Штогод мы арганізуем беларускі стэнд на «Targi Książki Historycznej», каб пісьменнікі і выдаўцы маглі прадставіць свае кнігі, бо верым: голас беларускай літаратуры павінен гучаць моцна і свабодна!

Нашыя рэквізіты:

📌 KRS 0000883672

📌 FUNDACJA «CENTRUM BIAŁORUSKIEJ SOLIDARNOŚCI»

💡 Мы таксама падрыхтавалі падрабязны гід па падатковых дэкларацыях у Польшчы. У ім вы знойдзеце інфармацыю пра тое, як падаць дэкларацыю, атрымаць падатковыя льготы і многае іншае.

❤️ Дзякуй за вашую падтрымку! Разам мы робім вялікія справы!

Юрыдычныя відэапарады адмыслова для беларусаў у Польшчы!

🤝 Цэнтр Беларускай Салідарнасці і Акруговая палата юрыскансультантаў (Okręgowa Izba Radców Prawnych) падпісалі дамову аб супольным адукацыйным праекце.

🎥 Перадавыя польскія адмыслоўцы запішуць серыю кароткіх навучальных відэа на юрыдычныя тэмы, спецыяльна для грамадзян Беларусі.

Праект рэалізуецца на бескарыснай аснове.

Салідарнасць — гэта сіла, і жанчыны гэта даказалі!

Сёння, у Дзень барацьбы за жаночыя правы, мы хочам сказаць галоўнае: ЖАНЧЫНЫ – ГЭТА СІЛА.

Беларускія жанчыны гэта даказалі. Яны выходзілі на вуліцы з кветкамі і плакатамі, калі вакол быў страх. Яны падстаўлялі плячо тым, хто трапляў у бяду. Яны ішлі наперад, нават калі здавалася, што ўсё страчана. Яны паказалі, што жаночая салідарнасць — гэта магутная сіла, якая здольная змяняць гісторыю.

Але сіла жанчын — не толькі ў пратэстах.
Сіла жанчын — у штодзённай працы. У тым, што яны працягваюць змагацца, дапамагаць, падтрымліваць і натхняць.
І мы хочам, каб гэта бачылі не толькі 8 сакавіка, а кожны дзень.

Мы ў Цэнтры Беларускай Салідарнасці ганарымся тым, што працуем разам з такімі моцнымі і адданымі жанчынамі!

Асобна хочам адзначыць тых, без каго ЦБС проста не існаваў бы:

⚪️ Вольга Дабравольская — кіраўніца аддзела прававой дапамогі, якая штодня дапамагае людзям абараняць свае правы. Яе адданасць і нястомная праца даюць надзею і падтрымку тым, хто апынуўся ў складаных абставінах. Дзякуючы яе сіле і спагадзе, многія беларусы і ўкраінцы знаходзяць абарону і ўпэўненасць у заўтрашнім дні.

🔴 Ганна Ермакова — каардынатарка Школы пры ЦБС, якая сама страціла свой дом ва Украіне, але, нягледзячы на ўласны боль і выпрабаванні, сёння аддае сваё сэрца і сілы на падтрымку беларусаў у Польшчы.

⚪️ Хэлена Нядзвецка — дырэктарка ЦБС, лідарка з вялікім сэрцам, якая штодня стварае магчымасці для тых, хто шукае падтрымкі. Яна не проста дапамагае — яна змяняе жыццё і дае надзею.

І шмат іншых жанчын, якія кожны дзень робяць немагчымае, каб людзі не заставаліся сам-насам са сваімі праблемамі.

Жанчыны – гэта не проста частка грамадства. Яны — яго сэрца, яго рухавік і яго будучыня.

Мы салідарныя з вамі. Мы захапляемся вамі.
І мы дзякуем вам.

Няхай салідарнасць будзе кожны дзень, а не толькі 8 сакавіка! 🌺🪷💐