​​🌍 Міжнародны дзень бежанцаў

Сёння, 20 чэрвеня, адзначаецца Міжнародны дзень бежанцаў. Гэта асаблівы дзень, калі мы ўшаноўваем смеласць, сілу і вынослівасць мільёнаў людзей, якія былі вымушаны пакінуць свае дамы.

Яшчэ чатыры гады таму было б складана паверыць, што выраз «уцекач з Беларусі» стане для нас настолькі звыклым. І гэта «новая нармальнасць» пужае. Сотні тысяч беларусаў былі вымушаны зʼехаць са сваёй радзімы з-за палітычных рэпрэсій і парушэнняў правоў чалавека. Але, нягледзячы на ўсе цяжкасці, нашы суайчыннікі не здаюцца і працягваюць змагацца за справядлівасць.

З 2020 г. праз Цэнтр беларускай салідарнасці прайшлі дзясяткі тысяч беларусаў і ўкраінцаў. Калі вам ці вашым блізкім патрэбна дапамога, ведайце – мы зробім усё магчымае, каб падтрымаць вас. У нас вы можаце атрымаць бясплатныя юрыдычныя кансультацыі, аддаць свайго жэўжыка ў школу дадатковай адукацыі, атрымаць кансультацыю па адкрыцці сваёй дабрачыннай арганізацыі альбо набыць беларускія кнігі і сімволіку.

Маем надзею, што выраз «уцекачы з Беларусі і Украіны» выйдзе з нашага ўжытку, а вайна і рэпрэсіі застануцца толькі чорнай старонкай нашай гісторыі. А пакуль у вас ёсць мы, і мы вас не пакінем сам насам з вашымі праблемамі.

Фота: Белсат

​​🌱Сустрэнем Купалле разам!

Калі: 22 чэрвеня, ад 16:00
Дзе: Praska Plaża Miejska, Варшава.
Уваход вольны!

Шаноўныя беларусы! А давайце як год таму сустрэнемся на беразе Віслы і разам пражывем самую кароткую і поўную таямніц ночку году!

Будзем спяваць песні, танчыць пад апекай найлепшых профі, плесці вянкі, шукаць папараць-кветку і новых сяброў. Акрамя таго, вас чакае латарэя, фотасесія і конкурс на найлепшы нацыянальны строй. Будуць арганізаваныя актыўнасці як для дарослых, так і адмысловая бяспечная прастора для дзяцей.

З боку cуарганізатараў абяцаем ненавязлівую, але захапляльную тэматычную канцэртную праграму, а напрыканцы вольны мікрафон і процьму вянкоў на вадзе, якая панясе іх да спаўнення нашых мараў😉

Падрабязней пра свята па спасылцы: https://www.facebook.com/events/1483918432526621?ref=newsfeed

Арганізатары: Фонд Купалінка і Цэнтр беларускай салідарнасці

​​⚡️100-годдзе Васіля Быкава з Уладзімірам Арловым!

Шаноўныя сябры! 19 чэрвеня 2024 г. споўнілася 100 гадоў з дня нараджэння народнага пісьменніка Беларусі Васіля Быкава. Мы хацелі б запрасіць вас адзначыць гэтую дату ў таварыстве вядомага беларускага літаратара Уладзіміра Арлова. Спадар Уладзімір, які добра асабіста ведаў Быкава, правядзе для вас захапляльную экскурсію па творчым свеце беларускага класіка.

Дзе: Цэнтр беларускай салідарнасці, Oleandrów 6/2, Варшава
Калі: 23 чэрвеня, 17:00
Уваход вольны!

👉Вас чакаюць:
- Новыя факты, а таксама нечаканыя ракурсы жыцця і творчасці Васіля Быкава
- Жывы голас народнага пісьменніка Беларусі
- Быкаў як мастак
- Прэзентацыя новай кнігі Быкава «Бліндаж» з удзелам выдаўца, кіраўніка фонду Kamunikat.org Яраслава Іванюка.
- Фрагменты ўспамінаў Карласа Шэрмана пра Васіля Быкава прачытае старшыня Беларускага ПЭНа Таццяна Нядбай
- Кніжны кірмаш з навінкамі беларускай літаратуры

Мерапрыемства пройдзе пры падтрымцы Беларускага ПЭНа.

​​⚡️Бесплатная помощь для беларусов и украинцев в Польше

В эти сложные времена многим может казаться, что вы остались один на один со своими проблемами. Кому-то хочется собрать чемоданы и уехать обратно туда, где всё понятно и просто, хоть и предельно опасно. А кто-то потерялся и совсем не знает, что делать и с чего начать новую жизнь.

Что бы вам не пришлось пережить, знайте, вы не одни! Центр беларусской солидарности поможет вам справиться с адаптацией к жизни в Польше.

Направления нашей помощи:

📞Юридическая помощь и легализация – https://t.me/CBShelp или +48662200400.
🎒Школа дополнительного образования для детей – https://t.me/CBSschool или +48694532858
👉Помощь в открытии своей НГО / фонда в Польше – https://t.me/cbs_NGO_help или +48880111406

Ждём ваших обращений! В солидарности наша сила!