Дапамога для беларусаў!⚪️🔴⚪️

Пераезд у іншую краіну - гэта заўсёды нялёгка. Яшчэ цяжэй, калі чалавек вымушаны бегчы ад пераследу і пакідае на Радзіме ўсё, што ў яго было. Тысячы беларусаў прыехалі ў Польшчу літаральна з адной валізкай. Перад уцекачамі стаяць элементарныя побытавыя пытанні. Напрыклад, у чым хадзіць вясной, калі з абутку толькі зімовыя боты, якія былі на нагах падчас уцёкаў?🤷‍♀️

Атрымаўшы інфармацыю аб існуючай праблеме, Цэнтр Беларускай Салідарнасці закупіў і перадаў уцекачам 10 параў абутку. Кожная, нават маленькая справа, мае значэнне!✊

#CBSHELP

​​Ушануем Рамана Бандарэнку!✊

Сябры, заклікаем вас падпісаць петыцыю ў падтрымку надання адной з кальцавых развязак у Варшаве імя забітага героя беларускай рэвалюцыі - Рамана Бандарэнкі! З ініцыятывай звароту да мэра Варшавы Рафала Тшаскоўскага выступіў Цэнтр Беларускай Салідарнасці і Вольная Беларусь!

https://cutt.ly/izrUWxL

Uhonorujmy Romana Bondarenko!✊

Przyjaciele, zachęcamy do podpisania petycji popierającej nadanie jednemu z rond w Warszawie imienia zamordowanego bohatera rewolucji białoruskiej - Romana Bondarenki! Z inicjatywą apelu do prezydenta m.st. Warszawy Rafała Trzaskowskiego wystąpiło Centrum Białoruskiej Solidarności oraz Wolna Białoruś!

https://cutt.ly/izrUWxL

#незабудемнепростим

​​🙋‍♂️Пазнаёмцеся з камандай ЦБС!

Цэнтр Беларускай Салідарнасці - гэта не пустая абрэвіятура, а дзясяткі людзей, якія сваёй штодзённая працай і творчай энергіяй дапамагаюць беларусам у Польшчы! Давайце знаёміцца бліжэй! Расказвае пра сябе і раіць вам файныя фільмы голас інфалініі ЦБС і чалавек, які пакінуў працу ў банку дзеля дапамогі беларусам, Дзмітрый Матусевіч.

📌Як ты апынуўся ў Польшчы?

Я ў Польшчы ўжо 5 або 6 год, перастаў лічыць. У 11 класе я зразумеў, што трэба паступаць у Польшчу. Аказалася, што ў мяне ёсць польскія карані. Тут я вучыўся ў Варшаўскім універсітэце на кірунку еўрапеістыка, атрымаў нядрэнную адукацыю, шмат даведаўся пра эканоміку і права. Пасля навучання я трапіў на працу ў банк.

📌Што цябе падштурхнула да таго, каб пачаць працу ў нас?

У Беларусі пачаўся нацыянальны ўздым і мяне гэта вельмі натхніла. Пасля 9 жніўня я быў у невялікім шоку, не разумеў, што можна зрабіць, чым можна дапамагчы. Былі думкі пра тое, што мы тут у бяспецы, а там, на плошчы, мой брат, мая сястра і пад імі выбухаюць гранаты. Пазней я даведаўся пра ЦБС.І вось ужо крыху больш за месяц я працую на нашай інфалініі. Да гэтага я працаваў на такой жа пасадзе, але ў польскім банку. Гэта дзве вялікія розніцы. У першую чаргу, ты дапамагаеш людзям у вырашэнні праблем, якія сапраўды важныя, а калі я працаваў у банку, праблемы гэтыя былі настолькі нікчэмнымі ў большасці сваёй, што гэтым зусім не хацелася займацца. Праца ў ЦБС для мяне - гэта мой абавязак дапамогі беларусам, бо я не маю мажлівасці ўехаць у нашу краіну і рабіць нешта там.

📌З якімі праблемамі ты сутыкнуўся, працуючы ў нас на інфалініі?

Ёсць пэўная колькасць людзей, якія звяртаюцца па цалкам бытавых пытаннях, якія можна вырашыць у гугле. Напрыклад, як даехаць кудысьці ў Варшаве або дзе купіць нешта. Гэта адымае шмат сілаў і часу, пры тым што мноству людзей патрэбна сур'ёзная дапамога, якую яны могуць атрымаць толькі ў спецыялістаў, а не ў інтэрнэце.

📌Раскажы цікавы або дзіўны факт пра сябе?

Я ненавіджу холад і кожную зіму кажу сабе, што паеду куды-небудзь, дзе цёпла, але я таксама працягваю трываць гэтую жудасную зіму:)

📌Слова, з якім у цябе асацыюецца ЦБС?
Сумленны, прыстойны, ахвяруючы.

📌Параіш некалькі добрых фільмаў?
-1917
-Платформа
-Спіс Шындлера

📌Рагачоўская ці Глыбоцкая згушчонка?
У сінім слоічку з белымі палоскамі.

📌Бела-кола ці кока-кола?
Бела-кола, смак дзяцінства.

📌Менск ці Мінск?
Менск

📌Мы пераможам?
Вядома!

☝️Калі вы хацелі б далучыцца да нашай каманды пішыце нам ў асабістыя паведамленні ці пазваніце на нашу інфалінію 668 205 177.
#CBSHELP

​​🌱 Дарагія дзяўчаты, беларускі Варшавы!

Запрашаем вас на бясплатны майстар-клас матання традыцыйнай лялькі! Вас чакае не толькі авалоданне тэхнікамі матання, але і вельмі прыемныя, утульныя жаночыя размовы з Iris Blue.

Усе матэрыялы прадастаўляюцца арганізатарамі. Але калі вы маеце старую кашулю, сукенку, мы з задавальненнем пакажам як даць гэтай рэчы другое жыццё! Будзем рады вас пабачыць!

Дзе: Цэнтр Беларускай Салідарнасці, ul. Oleandrów 6, lok 2. Калі: 10 сакавіка а 17.00.

❤️Абавязковы запіс у каментарах

​​❤️Даражэнькія жанчыны! Цэнтр Беларускай Салідарнасці шчыра віншуе вас з 8 сакавіка!

🙋‍♀️Беларуская рэвалюцыя мае жаночае аблічча і гэта не выпадкова. Мінулы год асабліва яскрава паказаў усім, хто гэтага не бачыў раней, якая моц і талент закладзены ў вас. Вы наша надзея і падмурак для новай Беларусі, са святам!

Плакат Уладзімір Цэслер

✌️Дзень Волі ў Варшаве!

9 сакавіка 1918 году была створана Беларуская Народная Рэспубліка. З розных прычынаў нашым продкам не ўдалося ўтрымаць на мапе Еўропы незалежную Беларусь, аднак ідэі стваральнікаў БНР здолелі перажыць усе цяжкасці і праз дзясяткі гадоў увасобіцца ў Рэспубліку Беларусь!

25 сакавіка - дзень, калі БНР была абвешчана незалежнай дзяржавай, сапраўднае нацыянальнае свята беларускага народу і яго трэба адзначыць годна! Да Дня Волі мы рыхтуем для вас выдатную праграму, якую мы апублікуем у бліжэйшыя дні. Аднак ужо сёння мы можам абвясціць, што адным з выступоўцаў на нашым свяце стане Сяржук Доўгушаў і яго Вольны Хор!

✊Адзначым гэты дзень разам!
#CBSHELP

🔥«Беларусь: марш свабоды» – бясплатная фотавыстава аб беларускай рэвалюцыі ў Варшаве.

Выстава складаецца з работ сямі фатографаў, праз якія мы можам пабачыць іх асабісты погляд на пратэсты ў Беларусі, усю прыгажосць і боль падзеяў, якія адбываюцца на нашай Бацькаўшчыне. Выстава была створана з ініцыятывы Еўрапарламенту, які ў канцы мінулага году ўручыў дэмакратычнаму руху Беларусі прэмію Сахарава за правы чалавека.

📸 Выстава будзе працягваць сваю працу да 25 сакавіка 2021 г., з аўторку па нядзелю, ад 11:00 да 19:00. Пабачыць экспазіцыю можна па адрасе Kordegarda. Galeria NCK – Warszawa, ul. Krakowskie Przedmieście 15/17

​​UPD МЕСЦАЎ НА ЭКСКУРСІЮ БОЛЬШ НЯМА!
🎁 Дарагія беларусы Варшавы, у нас разам з Таняй Казак для вас падарунак!

Запрашаем на бясплатную экскурсію ў Лазенкі Каралеўскія! Вас чакае 2,5 гадзіны неверагоднага часу ў адным з самых прыгожых паркаў Варшавы.
Будзем рады вас пабачыць

Дзе: Łazienki Królewskie, al. Ujazdowskie (пад помнікам Шапэну) Калі: 14 сакавіка а 10.00.
❤️Абавязковы запіс у каментарах!

✔️Каб больш даведацца пра экскурсіі, якія ладзіць Таццяна - заходзьце на яе старонку https://www.instagram.com/gid_in_warsaw/

#CBSHELP

​​⛔️Новы лакдаўн у Варшаве!

Сёння міністр аховы здароўя Польшчы Адам Нядзельскі абвясціў аб увядзенні новых абмежаванняў! На жаль, Мазавецкае ваяводства перавысіла парогавыя паказальнікі па захворванні COVID-19, што вымусіла ўрад увесці лакдаўн у Варшаве.
⠀
Сваю дзейнасць павінны будуць спыніць:
📌гандлёвыя цэнтры – за выключэннем: прадуктовых крамаў, аптэк, газетных кіёскаў, кніжных, зоамагазінаў і будаўнічых магазінаў⠀
📌басейны, сауны, салярыі, турэцкія лазні, казіно
📌гасцініцы
📌тэатры, музеі, карцінныя галерэі, кінатэатры
📌спартыўныя аб'екты
⠀
❌Абмежаванні ўводзяцца ад 15 сакавіка і будуць дзейнічаць мінімум да 28 сакавіка.