هذي الرسالة داعبت أوتار حنيتي، ولذلك بفتح الباب للناس اللي ما لحقوا على كتاب ميستري ميثود.
متى بيتقفل الباب؟ بأي لحظة.

دام الفلنتاين اقترب، بعطي العيال جرعة دسمة حول كيف يختار هدية لحبيبته أو زوجته.
النساء يحبون أي هدية فيها هذي الصفات:
- تشمل طابع الرفاهية
- تغذي (الأنا) حقتها
- تكون هي تحتاجها

الهدايا اللي تشمل طابع الرفاهية مثل البراندات العالمية المعروفة، أو براند معين انت تدري انها تحبه، وما يفرق سعرها قد ما يفرق أن جاها شيء من البراند الفلاني، ميزة هذي الهدية أن يمديها تهايط بها عند صاحباتها.

والهدايا اللي تشمل طابع (الأنا) مثل انك ترسمها، تكتب قصيدة لها، تعطيها شيء أنتاجه محدود، تنقش اسمها أو حرفها على خاتم أو أسوار، أي شيء يغذي شعور أنها تمتلك شيء محدود ونادر ومُفصل عليها بالضبط، ميزة هذي الهدية انك غذيت شعورها أنها نادرة عندك؛ لكون هديتك ذات طابع خاص.

وأهم نقطة، لازم تخليها تبكي، حاول بشكل او بآخر تستشيط مشاعرها وتخليها تبكي بعد ما تستلم الهدية، لازم تطلّع منها ردة فعل.

وكنصايح عامة: لا تكتب قصة حياتك بالكرت، أعطيها نيق أو اكتب سطر واحد فقط، لا تحط أغاني، لا تحط ايموجيز، وحاول تكلمها ب ياء الملكية في الكرت.
واذا تبي شيء يختصر عليك مسافات وسنين، إذا البنت فعليا تحبك ماراح يفرق ايش تجيب لها، واحد من اخوياي أهدى حبيبته (تراب) داخل صندوق والبنت قعدت ساعة تمدح فيه، ولكن خلك حِنين، ودلعها.

طلابي البلايرز، ايش اول علامة تبين اللي قدامك معجبة أو مهتمة فيك؟
اللي شرى كتاب ميستري ميثود ما يحتاج يقرأ هذي الرسالة، لأن ميستري وضح أكثر من ٤٠ مؤشر اهتمام - أو ما يسمى IOI - تظهره المرأة لك وكيف تستغل هذا الشيء لصالحك، وكمان اعطاك مؤشرات عدم الاهتمام - أو ما يسمى IOD - لكن ما علينا.

لو كنت بالشات كيف تكتشف؟
ببساطة إذا (بدأت تحكيك تفاصيل يومها) بشكل حشوي.
لدرجة انها هي نفسها مابتكون عارفه ليه قاعد تعطيك هالتفاصيل.
زيادة عليها، راح تبدأ تسألك انت شخصيا وش صار بيومك او وش جدولك لبكرا، وزي ما قلت يوم ترد لها السؤال بتجاوب بتفصيل شديد، واذا انتهى النقاش بينكم؟ بتلاقيها بتجيب سؤال من تحت الارض أو تختلق سالفة من العدم.
لازم تستوعب أن الطرف اللي يتكلم اكثر، هو الطرف اللي عنده رغبة بالتواصل.

رمضان كريم، كثروا من ال IOI وقللوا من ال IOD ♥️

العيال يتكلمون من خلال الأشياء، والحريم يتكلمون من خلال الأشخاص.

لو تدقق بأيش هي المواضيع اللي يتكلمون فيها البنات بتلاقي انهم يتكلمون عن صاحباتهم، موظفة سيفورا، أشياء صارت في العرس، موقف صار في الدوام

ولو تدقق بأيش المواضيع اللي يتكلمون فيها العيال بتلاقي انهم يتكلمون عن الأسهم، الشركة، السيارات، المشروع، العلاقات

لذلك إذا ودك تكلمين رجال وما تعرفي كيف تبادري، سولفي له عن الأشياء وهو راح يمسك خط

وإذا ودك تكلم بنت سولف لها عن الاشخاص وهي راح تمسك خط، وبعدها وجه المحادثة للمكان اللي انت تبيه

من الأشياء اللي نسيت أقولها لكم، لا تعلّم البنت عن علاقاتك السابقة.
أي بنت راح تسألك هالسؤالين: كم وحده عرفت قبل، وكم طولك.

طيب كازا ليه؟
يوم تصرح لها عن ماضيك، هنا أنت تسمح لها باجترار الأحداث، بمعنى كل هدية عندك هي بتسأل نفسها:
أي وحده فيهم جابتها له؟
يوم تطلع معاها وتاخذها مكان معين، بتسأل نفسها:
أي وحده فيهم خذاها لنفس المكان؟
أي وحده قال لها نفس الكلام؟
ماضيك راح يعتبر (خيانة بأثر رجعي) بالنسبة لها، وراح يسمم عليها تكوين ذكريات معاك؛ لأنها بتربط ان هذي الذكريات بالنسبة لك مُرسّخة تجاه بنت ثانية.

الشيء الثاني، أن جودة النساء بحياتك مرتبطة بجودتك كرجل، إذا كانت احدى علاقاتك السابقة مضطربة، أو جودة العلاقة سيئة، هذا الشيء بيؤثر سلبًا على مدى انجذاب البنت لك.
النساء عندهم ما يسمى بنسخ انتقاء الشريك، كونها تشوفك جذاب بعيون غيرها، فهي تفترض انك جذاب بالنسبة لها، وكونها شافت علاقة تستهطفك او تقلل من قدرك، ف راح تاخذ عنك هذي النظرة، لانها تدري أن البنت هذيك ما سوت هذا الشيء من فراغ، ف لا تحط نفسك بهذا الموقف.

لازم تستوعب ان انجذاب المرأة لك قائم على الخيال اكثر من الواقع، وكل ما طعّمتها بمعلومات عن واقعك، أفسدت الصورة الخيالية اللي هي متخذتها عنك.

طيب كيف أجاوب على السؤال؟ اول طريقة بالفكاهة والتضخيم نفس الصورة. يمديك تقول: قصدك اللي عرفتهم اليوم؟
أو بسأل مدير أعمالي وأجيك.
أو انت اول بنت اكلمها، ماقد كلمت بنات.
الطريقة الثانية بأنك تقول لها بصريح العبارة أنك لا تُفصح عن علاقاتك السابقة، وانها صفحة وأُغلِقت.

لماذا تخون النساء؟
هذي ترجمتي لدراسة تطورية جاوبت على هذا السؤال، وبالمناسبة جاوبت على سؤال لماذا يخون الرجال، حاولت أوصل المعلومة بأبسط طريقة وبدون تعقيد في هذا الملف، لي يومين أترجم فيه.

مافي أي طريقة تصونك من الخيانة، هذا سلوك بالشخص اللي قدامك، ماهو متعلق فيك.

ولكن ماراح اكون انسان سلبي، فيه طريقة معينة، بأنك تكون مستمر شغل على حياتك، ويستمر دافعك وطموحك، وما تنسدح بكنبة الصالة وتظن انها بتحبك حب غير مشروط، كثير علاقات تنتهي بالانفصال او الخيانة لان العيال يحسبوا القيم مرحلة بدائية فقط، ومع الوقت يرجع لشخصيته الباهتة، وهنا البنت تكتشف تزييفه وتروح.

واذا انت بنت لا تهملين جمالك ويصير وزنك ٣ الاف، ولكن برضو مع هذي الطريقة، مافي أي ضمان بأن شريكك ماراح يخونك، واصلا ما اشوفها طريقة للوقاية من الخيانة، هذا أسلوب حياة، المفروض انت تكون كذا سواء بوجود شريك أو غيره.

إذا شريكك خانك بسبب كلالة وقصور منك، فما انكر انه غلطان، ولكن انت تحتاج تشتغل على نفسك وتصلح جوانب ضعفك.
واذا شريكك خانك بدون اي خطأ منك او تقصير تجاه نفسك أو تجاهه، فأنت ليه زعلان أصلا؟
تعامل مع الموضوع وكأنه اعطاك هدية، اولًا انه ظهر على حقيقته، وثانيًا انه اعطاك الصلاحية بأنك تروح وتتعرف على غيره بدون أي تأنيب ضمير، وتجرب أنواع واشكال البشر المختلفة، باختلاف ثقافاتهم وأشكالهم واهتماماتهم.
وقتها يمديك بكل شوفة نفس تقول: انت الخسران.

اتوقع ماقد شرحت لكم ايش هو الانسحاب المبكر، او ال Pre Ejectulation
وهي عبارة عن الحالة اللي ممكن تصيبك في بداية تفاعلك مع البنت، وتدفعك لإنهاء الموقف او الانسحاب منه، ولها اكثر من سبب:
١ - ان ما يكون عندك شيء تقوله وتستنفذ ذخر حديثك، ف عشان تتفادى الصمت تقرر انك تنسحب.
٢ - ان البنت ما تستثمر في التفاعل، وما تكون منفتحة بالحديث معاك، مما يشكل صعوبة في استكمال حديثك معاها.
٣ - الخوف من هدم ما بنيته، احيانا يوم يكون تواصلك مع البنت ممتاز، تخاف انك تصعد التواصل معاها لأي اطار مختلف عن إطارك الحالي؛ لأنك ممكن تنرفض، فترضى بما بنيته من تفاعل جيد معاها وتخاف تجازف.
٤ - اشهر سبب، فقدان الدافع، كيف يعني؟
احيانا اكبر عقبة انت تحطها لنفسك هي بداية التفاعل، فيوم تنجح البداية، سواء بأنك تاخذ حسابها أو تخليها تسترسل بالسوالف معاك، تبدأ تشوف نفسك كسرت أكبر عقبة، واجتزت اصعب اختبار، وهذا الشيء اللي يخليك تنسحب، انك ببساطة حاط لنفسك هدف بسيط وبمجرد اجتيازه تنسحب من التفاعل.

لازم تستوعب انك لازم تظل بالموقف مهما احتدم عليك، احيانا برود البنت يكون بسبب خجلها والموضوع يتطلب شغل منك عشان تطلعها من قوقعتها، غير كذا انسحابك المبكر يعني انك غير مرتاح مع شعور عدم الراحة، وتستسلم أمام أهون العقبات، وهذا الشيء ماراح يساعدك تتطور أو ترفع قيمك لمستوى عالي.

If there was anything I'd learned, it's that the man never chooses the woman. All he can do is give her an opportunity to choose him.

جملة: خلك عفوي، أو خلك على طبيعتك
هي أكثر جملة أنثوية اسمع العيال يقولونها !
طيب كازا ايش المشكلة بهذي العبارة؟ الحين اعلمك..

هل المرأة اللي حاطة بويه على وجهها طبيعية؟
هل اللي تسوي عمليات تجميل على طبيعتها؟
اللي تلبس كعب وتزيد طولها ولا تصبغ شعرها على طبيعتها؟
اللي مو قادرين يستوعبونه مرددين هذا الشعار - خلك على طبيعتك - أن الشخصية قابلة لإعادة التشكيل، شخصيتك في تغيُّر دائم، أنت اللي تحدد ما يعنيه أن تكون نفسك في أي لحظة، وفق ظروفك وبيئتك.

هذي العبارة تخدم المرأة في الإطار الأول؛ لأنها تبي اللي يقبلها - على طبيعتها - يوم تجاعيد وجهها تبدأ تبين، والسبب الثاني أنه يسهّل عليها اختيار وتنقيح الرجال؛ لأنك يوم تكون على طبيعتك، تسهّل عليها انتخاب الرجال الأقوى دون أن يلتبس عليها الأمر.
تقدر تقول خلك على طبيعتك هو عرف اجتماعي يخدم الانتقاء الجنسي لدى النساء.
وللأسف يكررها العيال بشكل أرعن بسبب صعوبة وتكلفة تغيير واقعهم المرير اللي هم عليه، فينتظرون المرأة تقبلهم على طبيعتهم.

مشكلة مرددي هذه الجملة الاعتقاد بأن التغيير زيف.
الأمر يكون زيف في حالة كنت تعرف (هذا الشخص كان مين؟) سابقًا، أمّا إذا قابلت شخص واثق وجذاب من أول مرة، فماراح تدري هل هو طبيعي ولا مزيف.

هذا كل اللي تقدرون عليه ؟

فيه عندي خبرين، واحد جيّد والثاني سيء.
الخبر الكويس أن حسابي رجع، ولكن قفلته بنفسي لين ثغرة الانستا تتقفل.

الخبر السيء، للحريم، أني ماراح أسامح أو أتهاون مع البلاغات الكيدية اللي جاتني.
ومن اليوم موضوعي معاكم بيكون شخصي…
شخصي بزيادة…

على قد ما ضحكني هذا الكومنت، ولكنه خلق براسي سؤال.. هل ممكن تطبق القيم على وحده ومع ذلك ما يضبط وتنتهي علاقتكم، او ما تبدأ أصلا ؟

عشان أجاوبكم على هذا السؤال، فالموضوع معتمد على ثلاث عوامل: اولا ال phase او الفترة اللي تطبق فيها القيم، ثانيًا ايش هو المصطلح اللي تطبقه، ثالثا ايش القيمة اللي هي تشوفها فيك.

النقطة الاولى والثانية بربطهم ببعض، إذا انت عند وحده اول مرة تكلمها وقاعد تجرب تعطيها نيق، او جملة تقلل ثقتها بنفسها، طبيعي انها ما تجيب اي نتيجة؛ لأنك مجرد جهة اتصال غريبة، رأيك ماله وزن أو أهمية، بخلاف لو تعرفها لمدة شهرين وبعدين قررت تنقد على لبسها، وقس على هذا المثال باقي المصطلحات.

النقطة الثالثة ودي أتعمق فيها شوي.
اكيد قد مريت بأن واحد من اخوياك يتغير، وانت تلاحظ تغيّره، وتروح تسأله وشفيك، مع انه فعليا ما قال انه مضايق او فيه شيء، ولكن (الفايب) او (الستيت) او (الفلو) كان مختلف، وهذا اللي اقصده.
يوم تكون بعلاقة مع بنت لفترة وفجأة تقرر انك تصطبغ بالقيم، هنا كيميائية العلاقة تتغير، الفايب والستيت، وشفت كيف انت لاحظت خويك؟ الحريم عندهم هذي المقدرة ١٠ أضعاف، إذا لاحظت تغيّر خويك بأسبوع هم يلاحظون بدقيقتين.

طيب ايش المشكلة؟ الموضوع مشكلة بس فقط في حالة ما كانت تشوف فيك قيمة، او جايها (شك الارتباط الفوقي)، او تحس انها تقدر تلاقي الافضل منك، هنا ممكن ما تتوائم مع تغيّرك المفاجئ وتنفصل عنك.
وماراح يكون مشكلة في حالة كانت تشوف فيك قيمة؛ لأن تصرفاتك ما تنافي قيمتك او تقلل منها، واصلا القيمة بحد ذاتها natural game وهذا اللي خلاها ترتبط فيك.

طيب كيف اقدر ازرع القيم بعلاقتي مع وحده قديمة عندي؟ بدون ما أخاطر بأنها تشوف فيني قيمة ولا لا؟

غيّر سلوكك مو شخصيتك، بمعنى؟
إذا كنت تمدح كثير؟ قلل مدح، ولكن لا تعطيها نيق قاسي
إذا كنت تغار بزيادة؟ خلك بارد، ولكن لا تسوي بري سيلكشن قاسي.
إذا كنت مهووس فيها؟ انشغل عنها، ولكن لا تبين انك مستغني بزيادة.
وابدأ فعليا انشغل بحياتك، سواء بمشاريع او تاسكات او غيره.
لاحظ انك قاعد تغير سلوكياتك، مو شخصيتك او تفاعلك معاها.

ولازم تستوعب، ان القيم هدفه انك تطيحها بشباكك، فكون انها اوريدي طاحت، فانت ما صرت تحتاجه، عشان تحافظ على علاقة طويلة أمد تحتاج تحسسها بالأمان، والقلق التنافسي، وهذي أشياء ما توصل لها بالقيم لحاله.
ذكروني اشرحها لكم بعدين …

تُبلى الجبال وأنّها لكماهيه

سؤال جميل، ولكن خلينا نصيغه بلغة أعمق، كيف تتخطى أي شخص أو أي موقف؟ وليه التخطي مرتبط باللي يسمونه (القلو أب) ؟

خلينا نبدأ بكيف تتخطى، ابغاك تتخيل أن حياتك عبارة عن سُلَّم، وانت في الدرجة الأولى منه، ومثل ما السُلَّم درجاته تكون من السيراميك أو الخشب أو ايا كان فكوني من شغل المقاولات، ف ابغاك تتخيل برضو أن سلم حياتك مكون من هذي المسارات: (مسار اجتماعي، مادي، جسدي، ثقافي).

ف يوم يصير لك موقف مُضني، أو انفصال، أو حدث محرج أو غير أثير على النفس، الزعل والكمد اللي يصيبك في الأساس يجيك لأنك في (نفس المسار الحالي) أو خلينا نقول انك في نفس السُلّمة ما تحركت.

وعشان يمديك تتخطى لازم تنتقل للسلمة اللي بعدها، بمعنى ترفع من مستوى ثقافتك، مستواك المادي، والجسدي والاجتماعي.

يوم تسوي هذا الشيء، الموقف أو الانفصال أو ايًا كان اللي تبي تتخطاه يظل مُقيد في السلمة الأولى، يظل رهينة المكان اللي صار فيه بس، ف يوم ترفع من كل جوانب حياتك راح ترتقي على السلم، وبالتالي مع الوقت وبلوغك لسلمة أعلى منه، وقتها بتشوف الموقف تافه وغير مؤثر فيك، هذا إذا شفته أصلا، هذا إذا باقي السُلمات ما حجبته عنك بمعنى أدق.

لذلك يُقال المرأة تندم إذا ما لقت افضل منك = صارت سُلمتها أحط درجة من السابق.
ويُقال روح النادي = ارفع نفسك على السلم عشان تتخطى.
ويُقال بعد ما نجحت أشخاص من الماضي حاولوا يتقربون لي = ارتفعت درجتي فحبوا اني ارفعهم معاي.
ويُقال يوم لقيت بنت احلى منها / ولد أعلى قيمة منه، قدرت أتخطاه = يوم ارتفعت على السلم نسيت الأحداث المؤلمة بحياتي أو ماصار لها تأثير.

هذي أكثر طريقة فعالة في التخطي، سواء أشخاص أو مواقف سببها الأشخاص، ومثل ما شفتوا يوم نفكك كلام المجتمع بنلاقي الحل منطبق حرفيًا.

على طاري جوليان وتايلر، صارلي سنتين اجمع مقاطعهم لأنها كلها محذوفة من ٢٠١٦، حجم المعلومات اللي بمقاطعهم كان يستاهل هذا الاستثمار، وبتحكمون بنفسكم، ببدأ أترجمها وانشرها لكم الايام الجاية

جاني هذا السؤال بقروب مشترين كتاب ميستري ميثود، وهو ثاني أكثر سؤال تكرر عليّ من دخلت هذا المجال.
ليه احيانا يجيك وقت وتفقد الشغف بالقيم؟ وما يصير لك خلق تتعامل او تتكلم مع احد؟

ببساطة، انت غالبا حاليا مضغوط، أو تفكر بشيء يهمك بخصوص الحاضر او المستقبل، أو تمر بمشكلة معينة، أو تفكيرك مشتت بين أمور كثيرة.

غالبا الرجل يوم يمر بأحد المذكورين أعلاه، ينطوي وينعزل ويرجع كهفه بشكل لا واعي، ف جزء من انعزاله يتمثل بدون وعي ك انعزال عن النساء أو فقدان رغبة في التواصل العميق معاهم نفس اول؛ هذا سلوك تطوري عشان يحتم عليك عدم التشتيت وانك تحل مشكلتك وترجع للقوامة الفعالة مرة ثانية، لو ماكانت هذي الآلية موجودة ما استطاع الرجل انه يفكر بشكل جيد، وما استطاعت الأنثى انها تحترمه.

تايلر وجوليان وغيرهم من فناني الاغواء ذكروا أسباب مختلفة مثل انه الدوبامين عندك صار صعب يرتفع بالعلاقات العادية، او انك كنت تاخذ العلاقات ك تحدي وتشوف انك انتصرت فيه، ولكن أنا أُرجح إجابتي فوق.

ايش اللي عليك تسويه؟ أعط نفسك فترة نقاهة وابدأ حل مشكلاتك أو حاول تشوف ايش مشتتك وصلحه، وتذكر أن الموضوع مؤقت ريثما ينصلح وضعك، وتأقلم بأن هذي الحالة راح تجيك كثير دامك رجل.

جوليان مترجم - الافتتاحيات
ببساطة، المرأة ما تركز على الانطباعات الاولية، او الاشارات البصرية، بل على الاشارات السلوكية

دام أن أغلبكم علاقاته إلكترونية، أو لفترة تتحول وتصير إلكترونية، هذا مقطع مترجم من كورس فنان الاغواء تود يتكلم فيه عن التكست قيم وكيف تطبق اللعبة في المحادثة.

تكلم عن الهدف من المحادثة، وعقلية الوفرة، وكيف تتحكم باستعجالك، والاستحقاق، كيف ما تكون نيدي، كيف ترد على رسايلها، واهم نقطة الرصيد الاجتماعي.

المقطع على دسامته، ولكنه مجرد "اساسيات" أو مقطع تمهيدي لبقية مقاطعه المبنية على هذي الافكار، وكلها تُرجِمَت، ولكن كل شيء بوقته حلو …