عيد فطر مبارك عليكم ان شاء الله

باچر يجينا العيد وشلون أهنّيك
تسمحلي أشيل العين وبنصها اخلّيك ؟

عِد الله هِن عيدين أحلاهن إنتَ
عيد الله هذا الجاي ، چا إنتَ يمتى ؟

الوعد مِثل الشَرف مِن ينكسر ينعاب
عذرك مايفيدَك شِفتك بعيني !
انازع بإشتياقي وغيري يمشي وياك ،
تجي بيا باب حتى تگلّي وافيني ؟
گلّي فلان حبني وسد وراك البَاب
فاتح باب اناطر لاتخلّيني .

العمر مابي ضمان شلون گلب انسان ؟
ادري وغلطة من اطيتك سنيني
الوعد مثل الشرف من ينكسر ينعاب ….

ألبزونة تعشق السمج بس مفد يوم ذبت نفسه بالشط

لعد احنا شبينا ؟

لان ما سامع اخبارك واطب للسوك
ارجع بالي صافي وكلشي ماسامع

رحت والشاهد الله من رحت لليوم
لا شبعان نوم ولا سهر شابع

المهم فات الوكت ويعاود الضايع
مشيت بيا سبب والهسه ما راجع..؟

الاعرف بي تحبني رحت تضحك ليش..؟
حته الما يحب يحضن من يوادع

الفرق بيناتنه جنت انه احبك حيل
وانتَ تحب چذب چان الفرق شاسع

ورجعنا إثنينا وچان اختلاف هواي
على المبيوع تفرق رجعة البايع

كلبك كبل جدمك من ركض رديت
بطيئة مشيتي والنبض متسارع

رحت بس روحتك ماحاسبلها حساب
ومن يوم الرحت وي ثاني ما طالع

جَرح بَس یا معَزتك بِین الجُروح .

بعدين افتهمت السكته موضوع
وسكوتك عالرسايل هم رساله .

اني مو مرة اجيت من الفرح جايب ورد بس ناسي أدية ؟
ليش ما مديتي أيديج ؟
هاهي ويوم المبارك عليج
هاهي واعتذر عن كلشي صار
اليوم الكط جروحي منج حتى اطيب مثل ميلكطون جكليت الصغار
شكد جنت محتار !
اعوفج لو اموت ؟ شلون هذا اليوكف بوجه القطار

هاي انتِ ليش ما كبرانة مثلي ؟
اني كتلج هيج غيبي ؟ ليش ما كلتي من الاول مو حبيبي !
ليش خليتيني اتاني ؟
ليش بس انتِ بحياتي ! وانتِ عندج غيري ثاني
ليش بيتج بي جهال وبيتي بي بس امي واني ؟
ليش خليتي علاقتنا مثل يحجوها ربعي ؟
ليش كل ما اشوف حلقة عند محب يوجعني اصبعي
اني مو مرة اجيت من الفرح جايب ورد بس ناسي أدية …..

عيد أضحى مبارك عليكم ان شاء الله

كِلشي چذبه !
حتى هذا اللون الأبيض
بالعرس ماگمت أحبه ،
كِلشي چذبه !
أهلي چذبه ، هيّ چذبه
الموت والنار الحچوهن ؟ ذنّي لعبة
حتى ذني خطوط إدية
يجوز جاهِل شخبط بمسمار بيّة !
حتى وجهي اليضحَك بوجه المراية
يجوز واحد گاعِد ويضحَك عليّة
وحتى من گتلچ احبچ
چانت الكِلمة فراشة
وطارت من إچفوف إديّة .