ዓለም በ“አሜን” ባዮች ስለተከበበች በየጊዜው መንታ መንገዶች ላይ ቆማ ወደ ፊት ለመራመድ ታመነታለች። በድንቁርና ውስጥ መጠፋፋትን ማለም ዕጣ ፈንታዋ ይሆናል።አዲስ አሻራና ታሪክን የሚያሳርፍ አይገኝም። አይደለም ሰዎች ከተማዎች በዚያ ዓይነት ድብታ ውስጥ ያንቀላፋሉ። ትውልድ እየመጣ ትውልድ ይሄዳል። ነገር ግን የተለየ አብዮት አይከሰትም። ሁሉም “አሜን” እያለ ያደገድጋል። የቀረበለትን ያነግሣል።

“ጠላትህ ነው” ተብሎ የተነገረውን ይጠላል። “ወዳጅህ ነው” ተብሎ የተነገረውን ይወድዳል። ምክንያትን አይጠይቅም። ሲደሰትም፣ ሲቆጣም፣ ሲለግምም፣ ሲያብርም… በስሜት ላይ እንጂ በተረጋገጠ ገዢ እውነታ ላይ ተመሥርቶ አይደለም። ከዚህ ውስጥ ‘ለምን?’ ብሎ የሚጠይቅ ሰው ይዘን የመጣናቸውን ፍሬዎች በነሲብ ከመብላታችን በፊት በጥንቃቄ እንድንመዝናቸው ያነቃናል። ምክንያቱም ሁሉም የሐሳብ ፍሬ አይበላም። የተበላሹ ፍሬዎች ሊያጋጥሙን ይችላሉ። በመዳፋችን የያዝናቸውን መልካም በረከቶችና ክፉ መርገሞችን እናነጻጽራለን። እጃችን ላይ ያለው ምንድን ነው? ምንስ እናድርግበት?

አንድ ማኅበረሰብ የመጣበትን መንገድ ቆም ብሎ እንዲፈትሽ የሚያደርጉት እንቢተኞች ናቸው።

📖 አልገባኝም
ደራሲ -ዮናስ ዘውዴ

ደስተኛ ለመሆን ሁለት ነገሮችን ማስወገድ አለብህ፤ የወደፊቱ መጥፎ ይሆናል የሚል ስጋት እና ያለፈውን መጥፎ ትዝታ!

ባመነ አይደለም ፥ በተጠመቀ
ባወቀ አይደለም ፥ በተጨነቀ

ያመነ አይድንም ፥ የጠረጠረም
ሰው ነገን እንዲያውቅ ፥ አልተፈጠረም ።

ፈዛዛው ፥ ንቁም
መሐይም ፥ ሊቁም
ህይወት ላይ ሲሆን
ምንም አያውቁም ።

ለጽድቅ የሰሩት ፥ ሲዖል ይጥላል
ለሞት የዋጡት ፥ ከሞት ያድናል
ታዲያ ማን ደፍሮ እውነት ነኝ ይላል ?
አይሆንም ያሉት ፥ ሊሆን ይችላል ።

✍️Habtamu Hadera

ብልጥ ሰው ጆሮ ሳይነፍጉት ንግግሩን ያቆማል፤ ነገር ግን ንግግሩ ምንም ይሁን ምን አንድን ሰው ማናደድ ከፈለግን ስለ እሱ እውነተኛ ነገር ማውራት በቂ ነው!”

                ―ፍሬድሪክ ኒቼ

ደስታህ ግን ጠፍቶ ሊቀር የሚችል ነገር አይደለም- ጊዜያዊ በሆነ ከፈን ሊጋረድ ብቻ ነው የሚችለው።

እናም በህይወት እስካለህ ድረስ ያንን ከፈን ልትገልጠው እድሉ አለህ።ያለምንም መሸማቀቅ እና ፍርሃት የሰማዩን መንበር በሙሉ አይንህ ማየት እስከቻልክ ድረስ- ውስጥህ ሙሉ በሙሉ ንፁህ እስከሆነ ድረስ እመነኝ ፒተር - እዚህ ሁሉ ችግርም ውስጥ ሆነህ ደስታን ማግኘት ትችላለህ።

~አና ፍራንክ

ጠላቶች_ስንሆን፣በደለኛ ስንሆን በልጁ ይቅርታ ያደረገልን ማን እንደ እግዚአብሔር አለ።
ሰው ሲበድል ተበዳዩን ካሳ ሰጥቶ ይቅርታ ይጠይቃል፣ እግዚአብሔር ግን በደለኞች ስንሆን ፣እርሱ እራሱ ካሳውን ከፍሎ ይቅርታ_አደረገልን:: እንዴት ያለ ፍቅር ነው?
"፤ በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር_አንድያ ልጁን እስኪሰጥ ድረስ ዓለሙን እንዲሁ ወዶአልና። "
(የዮሐንስ ወንጌል 3: 16)

ጭንቅላት እንደሆድ አይደለም ሲጎድል አያስታውቅም!


Arabic Proverbs

በጥንት ግሪካውያን ዘንድ አንድ ንጉስ ሲሾም በሄደበት ቦታ ሁሉ አብሮት የሚከተለው ድሃ ይመደብለታል

ይሄ ንጉስ በሄደበት ቦታ ሁሉ ድሃውን ይዞ የመዞር ግዴታ ነበረበት

የዚህ ድሃ ሰው ግዴታ በየ30 ደቂቃ ንጉሱን እየነካ "ንጉስ ሆይ! ሰው መሆንህን አትርሳ" ማለት ነው:: ንጉሱም ልቡ ሸፍቶ: ሰውነቱ ሰብቶ ከነበረ ወደ ቀልቡ ተመልሶ ሰው እንደሆነ ያስባል::

👇🏾

ሰው መሆንህን አትርሳ !!

በሕይወት ውስጥ ትልቁ አሳዛኝ ነገር ሞት አይደለም፤ በሕይወት እያለን ቀብረናቸው የምንቀራቸው ሕልሞቻችን እንጂ።
🎤ኦሊሴጎን ኦባሳንጆ

"በራስ መተማመን ማለት ከሌሎች የተሻልክ እንደሆንክ ማሰብ ሳይሆን ከሌሎች ጋር ራስህን የምታወዳድርበት ምንም ምክንያት እንደሌለ መገንዘብ ነዉ"

✍️__ ማርያም ሀሰን

ህይወት ያለዉ ተስፋ ውስጥ ብርታት አለ። ህይወት ያለዉ ተስፋ ዉስጥ ጥንካሬ እና ለለውጥ መትጋት አለ። ህይወት ያለዉ ተስፋ ዉስጥ ህይወት ያለዉ ብርሃን አለ። ሌላው የሞተ ተስፋ ስስታዊ ምኞት ነው። ምኞት ከጉጉት የዘለለ ስኬት የለዉም ። ምኞት ረሀብተኛ ጓዳ ታቅፎ ወርቅ ወደሞላው የተቆለፈ የሰዉ ካዝና እያፈጠጡ ማፏሸክ ነው::
✍️ ሃዋዝ የሻነህ

”ቁም ነገሩ ከየት እንደመጣህ አይደለም፣ ዋናው ቁም ነገር ወደ የት እንደምትሄድ ማወቅህ ነው”

✍️𝙱𝚛𝚒𝚊𝚗 𝚃𝚛𝚊𝚌𝚢

"ህይወት የማስመሰልና የስላቅ ድግስ መሆኗን ስገነዘብ በቅን ልቦና ንፅህናዬን ይዤ በመቅረቤ ተሸማቀቅኩ"
✍️ ፍራንዝ ካፍካ

ስለ ስምና ዝናህ ሳይሆን ስለ ባህሪህ ተጨነቅ ! ምክንያቱም ባህሪ ማንነትህ ሲሆን ዝናህ ግን ሌሎች ስላንተ እሚያስቡት ነውና !

አይዞን!

የሚያኖረን ተስፋ ነው፤ ነገ የሚባል ተስፋ! ይሁን እንጂ ይህ ተስፋ ከጥርጣሬና ከፍርሃት የጸዳ ቀላል መንገድ አይደለም። የሰው ልጅ ሕይወት ውበት ያለውም በዚህ ውስጣዊ ተቃርኖ ውስጥ ነው።

ዛሬ የከበደውን ኑሮ እና በውስጣችን የሚመላለሰውን የድካም ስሜት ወደ ፊት የሚያሻግረው "ነገ የተሻለ ቀን ይሆናል" የሚል የተስፋ ብርሃን ነዉ። ነገር ግን "ነገ" የምትለው ቃል ስፍር ቁጥር በሌላቸው ጥያቄዎች፣ "ምን ይመጣ ይሆን?" በሚሉ ስጋቶች እና ባልተጠበቁ የህይወት ፈተናዎች የተሞላች ናት።

የሰው ልጅ ያለ ተስፋ ለአፍታም ቢሆን መቆም አይችልም። ተስፋ ማለት ነገ ነገሮችን መቀየር እንችላለን የሚል ጽኑ እምነት ነውና፣ ስጋቱ ሲበረታብን ድምፃችንን ከፍ አድርገን እርዳታ መጠየቅ፣ ሐሳባችንን ማካፈል እና ያቺን የነገ ተስፋ አብረን ማብራት እንችላለን። መኖር ዋጋ አለው፤ ነገ የሚባል ተስፋም ሁልጊዜ አብሮን አለ።

ዛሬ የሚከብደን እና የሚያደክመን ቢመስልም ወደፊት የተሻለ ቀን እንዳለ በማሰብ ብቻ እንቀሳቀሳለንና አይዞን።

ዶክተር ኃይለልዑል መኮንን (የአዕምሮ ሕክምና ስፔሻሊስት)

" አለመወሰን በራሱ መወሰን ነው"
✍️ጆን ሳርቴር

እዉነት እንደ ጸሐይ ናት፤
በደመና ብትሸፈንም
ለዛላለም አትጠፋም::
✍️ ክቡር ዶ/ር ከበደ ሚካኤል

በሕይወታችን ውስጥ ብዙ ጊዜ የሚያጋጥሙንን ፈተናዎችና አስቸጋሪ ሁኔታዎች መለወጥ አንችልም። እውነታው ግን እኛን የሚጎዳን የገጠመን ችግር ሳይሆን፣ ለችግሩ የምንሰጠው ምላሽና የምናሳየው አመለካከት ነው። ደካማ አስተሳሰብ ሲኖርህ ትናንሽ መሰናክሎች እንኳ ተራራ ሆነው ይታዩሃል፤ ውስጣዊ ማንነትህ ሲጠነክር ግን ትላልቅ ፈተናዎችን እንደ መማሪያ ዕድል ትመለከታቸዋለህ። ጥንካሬ የሚመጣው ውጫዊው ዓለም ሰላም ሲሆን ሳይሆን፣ መጻሕፍትን በማንበብና እውቀትን በማከማቸት ውስጣዊ ማንነትህን ስትገነባው ብቻ ነው። ራስህን በዕውቀት አጠንክር፤ ያኔ ማዕበሉን በጽናት ትሻገረዋለህ።

📘 ርዕስ፦ ማስተዋል (Mindset)
✍️ ደራሲ፦ ካሮል ዲዌክ