احنه غير حسين ما عدنه وسيله
بالرضيع أنحلفــه باچر والعقيلة
***
بالكَبر باݘـــر اذا منكــر يجينـي
عليه لمن تشهد يساري ويميني
المـال ما ينفــع ولا ينفــع بنيني
هناك راح إدور على حسين عيني
كَباله من الندم دمعي شكَد أسيله
***
ذنوبنه باݘــر اذا كثرت عليــنه
وبالكَبــر محد من العتــرة يجينه
الوحشه باݘر والندامه تحيط بينه
بالحسـين هنـــاك اݘلــب وِابَنينه
شايل ادموعي على زينب من اجيله
***
للكَبر ويانــه تمشي بـس الأعمال
واحنه كَاضينه العمـر بالقيل والقال
خوفي كل أيـام عمري بيهن إشكال
دخيل الحسين أبواليمه اليدري بالحال
محــد هناك لَبــو ذنــوب الثجيـلة
***
خوفــي لا اتفشــل كَبـــال البريــة
من المعاصي وذنبي زعلانه الزݘية
راح اكَلها اعليج أبـو اليمه وأخيه
ولوعتــي ولطمي على بنته رقيــة
وأحسب زياراتي من ݘنت أعتنيله
***
شلون بيه لــو تحل باݘــر وفاتـي
وآني مدري بيا ذنب خُلصت حياتي
خاف ما مقبول صومي ولا صلاتي
تبقــه آمالــي بالحسين ونجاتــي
الكَبـر أظلم بالنهـار؟ شلـون لِيلـة
***
يشفعلنه الداست أظلوعه الحوافر
حاربونه شكَد ولا عفنـه الشعــائر
مِنه كَطعو آل أميـه شكَـد مناحـــر
ما يعوفـه الي يحبه حسين باݘـر
شلون ينسه الخادم الشاله ابدليله
***
نموت لجله حتى لو مايبقه وآحد
مثل عابس يبـو اليمه شكثر رايد
وعلي لو ذبحونه كنه هم نعــانـد
أغلـى من اعمارنه هـاي المراقد
الكافر الفكر يجي الصحنك يويله
***
بلايه أهل البيت ما عدنـه كرامـة
موته صارلنه شكثر لومـا الخِدامة
خاسرالما يرضه عنه حسين إمامه
خادمك الله شكثر رافـع مقامــــــه
فضل اِلي يخدمه غداً ماكـو مثيله
***
حتى لـو يشفعلنــه أبقــه احبــــه
بحفرتي ينساني ما ينطيــه كَلبه
ما خذلنـي بدنيتــي كلمــــا اندبــه
الله ما يرفض لبـو السجــاد طِلبه
راح أكَله شكَد لطمت على العليلة
***
بالذنوب هنــاك من تثكَــل أݘتافي
راح أذَكره من ݘنت أمشيله حافي
أبݘي ݘنت اعليه حتى وآني غافي
ولو عشرمرات اموتــن ما أوافـي
فدوه إلـه الدنيا وأهلها وهم قليلة
***
حيدر حسين الگرعاوي


https://t.me/bvbvbhhhhh

نعي لاستشهاد الامام محمد الباقر عليه السلام

مامر كل وسن بالعين مانام
الباقر يحتضر ياروح الاسلام
سريع السم مشه مبحر بالعظام
مثل عملات يوم الغاضريه

يلصادق ونينك زادني جروح
عليه لاتون ياسلوة الروح
خل يبني ونينك على المذبوح
واخته المشت بالغربه سبيه

الباقر گال للصادق يوصيه
أكصد يبني درب حسين وامشيه
وعمرك بالعلم والصبر تگضيه
تهد أعروش للشر جاهليه

الشاعر حسن لعيبي الحريشاوي

https://t.me/bvbvbhhhhh

لاستشهاد الامام محمد الباقر عليه السلام

يهل دمعي.
بحزن وانعي
الرابع الاطهار من ولد الزچيه
★★★★★
زمن غابر
على الباقر لفه العاشر
كسر خاطر. گلب صابر
علحزن والنوح حد يوم المنيه
★★★★★
الف حسره
والف جمره. اسنين عمره
وأشد ذكره على الغبره
يوم طاح حسين ابن حامي الحميه
★★★★★
گلب صابر
جمر صاير. يصد حاير
علعساكر. جيش داير
يحرگ وينهب خيام الهاشمية
★★★★★
بزمن جارح.
فكر سارح. صوت صايح
للنوايح. يوم طايح
جده مرضوص الجسم فوگ الوطيه
★★★★★
أشكد تعذب
راسه شيب. خيم تلهب
گوم تنهب عمته زينب
باليتامة اتكفلت بالغاضريه
★★★★★
يابوجعفر
ناره تسعر وقائد الشر
ماتأخر. يوم قرر
ابجرعة السم يحجب انواره الزهيه
★★★★★
العده رادت
واستراحت يوم طاحت
روحه فاضت. شده چانت
صعبه علاسلام چانت هلرزيه

الشاعر حسن لعيبي الحريشاوي

https://t.me/bvbvbhhhhh

لسان حال حميدة بنت مسلم بن عقيل رضي الله عنهما. (وزن البند)

يگبل العيد مذبوح. بويه لا اجه العيد
فوگ جروح الفراگ بعدك لوعتي اتزيد
يبت مسلم يگولون. ابوچ بعيد مدفون
يگبل العيد مذبوح. بويه لااجه العيد
★★★★★
عنك بويه يحچون. مسلم بالكتب راح
للكوفه تعنيت. وأخذت الصبر مفتاح
سَعْيَّك سَعْيَّ الحسين إلهم. رايد اصلاح
للحگ رايد الگوم . تريد الخلگ ترتاح
صرت مرسول لحسين. قصدك تنصر الدين
يگبل العيد مذبوح. ريته لااجه العيد
★★★★★
خلافك بويه الجروح. جرح ابجرح ملچوم
اناطر واحسب احساب تجيني باچر. اليوم
چن صوتك عَلَيّّ جاي. حميده كافي الهموم
خفت يابويه الفراگ. خوفي لايضل دوم
بدرب ماضنه مامون. رحت ياماي العيون
يگبل العيد مذبوح. ريته لااجه العيد
★★★★★
وانظر عمي الحسين شفته ابحال محزون
يصَبُّر گلبي ويگول. يروحي وضي العيون
اشوفه مثلي مهظوم. دمعه يجرح الجفون
يصبرني على فرگاك. شلون افراگك ايهون
گلبه مثلي ملچوم. تغدرك خايف الگوم
يگبل العيد مذبوح. ريته لااجه العيد
★★★★★
أسمعت ياماي العيون. وگلبي من الأمر خاف
وحيد هناك خلوك. بشر ماعدهم انصاف
بعد ماطحت بالحال. عليك التمت. آلاف
مرمي من القصر حيف على التربان تنعاف
وحيد ومالك انصار. طحت مابين كفار
يگبل العيد مذبوح. ريته لااجه العيد
★★★★★
نسيت الدنيا بجفاك. ونسيت الراحه والروح
انذبحت فرحتي يوم اسمعت بالسيف مذبوح
طحت يابويه عطشان. على التربان مطروح
خلافك بويه. للموت. اضل للونه. والنوح
حسافة بجية العيد. عليه تصبح ابعيد
گبل العيد مذبوح. ريته لااجه العيد

الشاعر حسن لعيبي الحريشاوي



https://t.me/bvbvbhhhhh

في بطولات مسلم بن عقيل عليه السلام (وزن المثلث ثلاث ارباع الشيعتي )

عالم وصابر مجاهد مسلم وعارف جليل
بدر من نور الهواشم غصن من شجرة عقيل
هذا مسلم
من تقدم
مايهاب المستحيل
★★★★★
حسين يدري المسلم اتلوگ السفاره
ويدري مسلم عالم ابمعنى العباره
ونال كل هاي المعارف عن جداره
فكر وايمان ومصاديق وإداره

ارسله حسين ويريده والي للكوفه وسفير
للمهمه الصعبه جاهز لهلامر مسلم جدير
هذا مسلم
من تقدم
مايهاب المستحيل
★★★★★
تعجز الكلمات تعريف ابخصاله
هذا مسلم وفه واخلاص وبساله
گصد للكوفه ووصل يحمل رساله
يهدي هاي الناس من درب الضلاله

وصل لهل الكوفه مسلم ناصح بقول السليم
مثل نهج حسين نهجه عالم ومصلح حكيم
هذا مسلم
من تقدم
مايهاب المستحيل
★★★★★
من مناهل هاشميه واهل نخوه
بالمكارم والتسامح دوم قدوه
من نسل توحيد من معدن نبوه
اسلاحه كلمه والبلاغه سيف قوه

حَيَّر اجيوش الاعادي بالتحدي والثبات
بعد ماوضح الغايه الهم ايريد النجاة
هذا مسلم
من تقدم
مايهاب المستحيل
★★★★★
خانوا اعهود الامس تبعوا الباطل
بالصدود الجافي نكروها الرسايل
تحت رايه مسلم اتسيير الجحافل
انعاف تالي وحده بالحومه يقاتل

العتب سدوا ابوابه حتى لوبيهم يلوم
انباعت ابساع الظماير للطمع گامت تحوم
هذا مسلم
من تقدم
مايهاب المستحيل
★★★★★
عينه مشبوحه تصد لارض المدينه
لبو اليمه من يوَصلَّه الخبر وينه
يگله خانوها العهود اهل الضغينه
خايف على حسين ماواحد يعينه

هاي آخر ساعه بيها صابته اسيوف وسهام
باالاسر مسلم ينادي اعليك يحسين السلام
هذا مسلم
من تقدم
مايهاب المستحيل

الشاعر حسن لعيبي الحريشاوي



https://t.me/bvbvbhhhhh

قصيدة للامام الباقر عليه السلام
تقرء بعدت اطوار
مربع...فزاعي
┉❈❥ًً❀﷽❀❥❈┉
على الويلاد
على الاولاد ما فل ماتم الزهره

بصدر امنه الزچيه مكسره العبره
┉❈❥ًً❀﷽❀❥❈┉

تون الطاهره ويا عظم بلواها
رزايا الكون ما تشبه رزايها
هاليلة الاملاك تنوح وياها

وكل يوم الگلب مصيوب بالعتره
بصدر امنه الزچيه مكسره العبره
┉❈❥ًً❀﷽❀❥❈┉

على الباقر تون والدمعه سچابه
والمهدي اعل جده شاد انگابه
تعنوا للبقيع الضلت اترابه

لابيها صحن لاگبه لاحضره
بصدر امنه الزچيه مكسره العبره
┉❈❥ًً❀﷽❀❥❈┉

تصد لگبورهم ويلاه مهدومه
تنعه مصابهم والروح ملجومه
من يوم الذبيح السلبوا اهدومه

تسعر بالگلب ماتنطفي الجمره
بصدر امنه الزچيه مكسره العبره
┉❈❥ًً❀﷽❀❥❈┉

راگد حيلها والگومه بالگوه
سهم البين اخ وياهم وشسوه
ماضي صواب اله من گبل مو توه

من ضلع البتول وساعت العصره
بصدر امنه الزچيه مكسره العبره
┉❈❥ًً❀﷽❀❥❈┉

متعنيه البقيع بروح ملهوفه
عفاها شلون ابنه گبالهه تشوفه
من سمه يلوج مسبله چفوفه

شچم مسموم تنعه وتگعد بكتره
بصدر امنه الزچيه مكسره العبره
┉❈❥ًً❀﷽❀❥❈┉

ما فلت حزنها والعزه دايم
اشچم مصاب ماخذ حيلها وهادم
متى يجبر كسرها وليدها القائم

ابو صالح مثله منكسر ظهره
بصدر امنه الزچيه مكسره العبره
┉❈❥ًً❀﷽❀❥❈┉

بقلم شاعرة رابطة
# قرابين الطف
#قربين الطف

✍العلويه الاء العذاري

اسالكم الدعاء لي ولوالدي
للهم عجل لوليك الفرج

يا مهدي مدد


https://t.me/bvbvbhhhhh

صيت الخدم
ميمر

.              خـدمـة شــرف     بـيـهــه انـعــرف
               صـيـت الـخـدم     بــيــرغـهــه رف

         يتجدد بدمعه ونوح شهر الـمـحـرم بـيـنـه

                           *---------------*---------------*

                يتجدد ابطول الزمن هالـمـدمـع
                لـ شهر المحرم نستعد من يرجع
                مانقنع بغير اللطم مــــــا نـقـنـع

               خـلــه الـيـضـد     وأهـل الـحـقــد
               شــــد الــعـــزم     عــــوف الـنـقـد

         ثابت عهدنه وللموت بكل الحـچـوا معلينه

                           *---------------*---------------*

                ماتطفه جمرة كربـلـه والـعـاشـر
                مايدري بيهه البالطم مـاحـاضـر
                دمعتنه تـبـقـى للصدر والحـافـر

               اليعرف صـدگ     لـ صـدره يدگ
               العايـش جـرح     الظل محـتـرگ

         مرت علينه الأيام وهذا الـعـزه امـتـانـيـنـه

                           *---------------*---------------*

                مايعرف بـجـمـرة حـزنّـه الـبـارد
                الخلص حياته لـلـمـجـالـس ناقد
                مايقبل ابـلـيـس ابصلاة الـعـابـد

               مـثـل الــجـمـر     الـكـل تـنـتـظـر
               بشـهـر الـحـزن     اتـوسـم الصدر

         مايعرف بدمنه الحار الگال الحزن ناسينـه

                           *---------------*---------------*

                يتـعـذر بـكـيـفـه اليظل يـتـعـذر
                انجدد عـهـدنـه وباللطم يـتـكـرر
                هـاي التجاره الـرابحه بـالـمـعـبـر

               يــــــوم الـنـدم     الـثـابـت قـــدم
               بـــــس الـيـهـل     دمـعـه وخِـــدم

         العاده اللطم والخدام باچر يشوف ابعينـه

                           *---------------*---------------*

                يكفينه خدام وشرف هالخدمـه
              اندگه الصدرنه للسبط ونوسّـمـه 
                ندعي تدوم التعـزيـه والـنـعـمـه

               الـعـمــره نـــذر     لا مــــا خـسـر
               بـــي نـسـتـعـد     هــــذا الـشـهـر

         يخلص لطم وقرايات كون الحزن يچوينه

                           *---------------*---------------*

                دايم عـزانـه وللابـد نـحـچـيـهـه
                انعزي الزچيه وبالجره انواسيهه
                معليهه ناس المارضت معلـيـهـه

               نـطـلـب مـــدد     اكــثــــر بــعــد
               يـابــــو عــلــي     انـتــه الـسـنــد

         شكرا الك يـامـولاي عـنـدك خدم خـلِـيـنـه

                           *---------------*---------------*

✍️خادم الحسين ع
الشاعر رعد الچريخي



https://t.me/bvbvbhhhhh

(مقطوعه استقبال محرم)



گـرب مـولاي عـاشــورك
                وفـقـنـي يـبـو الـيـمــه

اريـد ابوسطت الخـدام
              اشـد احـزام لـلـخـدمـه

عليك ابداعت المكسور
               منهه وما اجيب اسمـه

مثـل مآلچمتـه ابيومـك
             گلبي كـونـك اتـلـچــمـه

خليني احـتـرگ مـولاي
               ابـرد بـالـطــم زحــمــه

محسوب بخدمتي اعليك
              اسَـمـع دوم هالـكـلـمـه

اجيتك مستحي وخجلان
             وذنـوب الــعَـلـي جـمّــه

سائل واطلب الـدمـعـات
           وادري ابـمجلسـك رحـمـه

عيّشني ابجروحي ويـاك
           احـسـّن بـالـجـرح نـعـمـه

بـعدنـي ابخطّوتي اتـعـثـر
            او وادم وصلـت الـقـمـه

الـمـثلـي بــقــه بـحـالــه
           والـعاشـگ سـرع جـدمـه

                                       *---------------*---------------*

✍خادم الحسين ع
الشاعر رعد الجريخي




https://t.me/bvbvbhhhhh

((ظِهر عاشور))

خليني بحسرتي اعليك
                                  وٱحـرگـنـي يبو الأكـبـر
      ألچم روحي بالشوغات
                                   تـشـبـه لـچـمـت الخـدّر
      حسسني بظِـهـر عاشور
                                   وبـنـار العـطـش والحـر
      وديـنـي لـ هذاك الـيـوم
                                   وتـيّـهـنـي بـهـذاك الـبَـر

      اعـرضـلـي صـور للخيل
                                  اريــــد ٱبّـيـنـهـه أتـعـثَـر
      واريـد لـ عالم اجروحك
                                  يـاخـذنـي الزمن وٱفـتـر
      واشوفك منذبـح مولاي
                                 وٱگـبـالـي دمه الـمـنـحـر
      و ٱوصّف بالدمع حـالات
                                 ابّـال الـنـاس مـاتـخـطـر

      خـلـيـلـي جـرح بـالـروح
                                  اذكـرك والالــــم يـسـعـر
      ولو بـالـطـيـف شوّفـنـي
                                  صــور خـلـيـهـه تـتـكـرر
      بلكي ابمختصر كـلـمـات
                                  اوصـف حـالـتـك اگـــدر
      لـگـيـتـك اكبر من النوح
                                  لـگـيـتـك نـادر الأنـــــدر

      ربحي الحسره والآهـات
                                 التجاره البيهه مـا اخسر
      احـب بـعـالـمـك مجهول
                                 خاف ابـخـدمـتـك انـغـر
      قـرّبـنـي نـفـس مـا چـان
                                 حـيــــدر يـهـتـم بـقـنـبـر
      اجيتك تعثر الـخـطــوات
                                 وادري بـحـالــي يـتـغـيـر

      ارزقـنــي گـلـب ملـچـوم
                                 دوم الــــدوم يــتــوجــر
      مــا اقـبـل اظل مــرتــاح
                                 اقـبـل صــدري يـتـكـسـر
      مـشـيـت بــدربـك ابـآلام
                                 وكـلـمـن دربــه يـتـخـيّـر
      خاطر خادمـك مـكـسـور
                                 بـس بـخـدمـتـك يُـجـبـر

      اخذني لـ خيمة الحـوراء
                                 وخلهه ادموعي تـطّـشّـر
      عليك بـداعـت الـعـبـاس
                                 وعـلـيـك بأمـك الـكـوثـر
      مـحـلاهه الدموع اعليك
                                 والـحـســـرات اذا تـكـبـر
      ومحلاهه السـوالـف بيك
                                 البيهـه اتـقـدس الـمـنـبـر

                        *---------------*---------------*

✍️خادم الحسين ع
الشاعر رعد الچريخي



https://t.me/bvbvbhhhhh

#العهد_الأبدي



بعدني اعلـه المـواعـيـد   ابمحرم دمـعـتـي اتـزيد

                 نـــذر لـلـظـامـي عـمـري  
                 ابخدمته امـعَـلّـي قَدري

                            *---------------*---------------*

          عـلـى الـنـيّـه ورزق هـيـه الـخِـدامـه
          اكــو يــزغــر واكــو يـكـبـر مـقـامــه
          بقت يمّه الـيـجـي ابـهـمـه وهـيـامـه
          يصب دمعه وصدگ يـسـعـه لـ امامه

قضيتي العبره والـنـوح   حُسيّني وگلبي مجروح

                 هـوّه ابــنِــيــتــي يـدري

                            *---------------*---------------*

          حـچـوا عـنّـي وانـه بوني ومـنـاحـه
          خـذت دربـه واخـذ حُبه الـمـسـاحـه
          كبر جرحه وصعب شرحه ابصراحه
          فـضـل مـنـه عـلـى الـوَنـه وجـراحه

احسه ابـروحي موجود   شــاهــد دمــع الـخـدود

                 اقـصّــر شـنـهـو عــذري

                            *---------------*---------------*

          يظل نوحي وحزن روحي لـ قضيته
          الـعـمـر كلـه رخص لٱجله وشـريـتـه
          لـبـو الاكـبـر نـعـي الـمـنـبـر هـويـتـه
          إلـه امـعـاهـد گـلـب والــــد لـگـيـتـه

اخـدمـه وانـي مـمـنـون   خـلـهـم عنـي يـحـچـون

                 أوسّـم بـإسـمـه صــدري

                            *---------------*---------------*

          العهد صـنـتــه واذا عـفـتـه خـسـاره
          الحـمـد ربي ارسمت دربـي ابمساره
          تـــره الـخــادم يـهـالـــوادم شـــراره
          دمـع عينه علـى احـسـيـنـه شـعـاره

غير احسيني مـا شوف   خـادم عـهـدي مـعـروف

                 اذكـره ودمـعـي يـجـري

                            *---------------*---------------*

          حچي العاذل حچي الجاهل تـركـته
          قمت فـرضـه المهم يـرضه الخدَمته
          الجفن ميخف تظل تـنـزف دمـعـتـه
          النـذَر عمره مثل جـمـره ابـمـحـبـتـه

كلشي لـ خدمته انطيت   حـب بـفـطــره حـبـيـت

                 حـبـيـبـي ومـالـك امري

                            *---------------*---------------*

          رحـت فـــــدوه الـنـفَـس هـوّه الـيـه
          مـثـل جــده الـكـرم عـنـده سَـجـيـه
          چـذب غـيـره يـصـب خـيـره عـلـيـه
          وانه احـسـيـنـي ترس عيني اواديه

شـقَــدم كـلـي تـقـصـيـر   لولـه حـسـيـن مـا صـيـر

                 عــدم مـن دونــه عـمـري

                            *---------------*---------------*
✍خادم الحسين ع
الشاعر رعد الچريخي


https://t.me/bvbvbhhhhh

﷽


✍ عن جابر بن يزيد قال: خرجت مع أبي جعفر (الباقر عليه السلام) وهو يريد الحيرة،
فلما أشرفنا على كربلاء قال لي:

يا جابر هذه روضة من رياض الجنة لنا ولشيعتنا، وحفرة من حفر جهنم لأعدائنا،
ثم إنه قضى ما أراد، ثم التفت إلي وقال:
يا جابر. قلت لبيك سيدي.

- قال لي: تأكل شيئا؟
- قلت: نعم يا سيدى,

- فأدخل يده بين الحجارة فأخرج لي تفاحة لم أشم قط رائحة مثلها، لا تشبه رائحة فاكهة الدنيا، فعلمت أنها من الجنة فأكلتها، فعصمني من الطعام أربعين يوما لم آكل ولم أحدث.

📚دلائل الإمامة ص 221.


🏴

زيارة الإمام محمد الباقر (عليه الصلاة والسلام)

السَّلامُ عَلَيْكَ أَيُّهَا البَاقِرُ لِعِلْمِ اللَّهِ . السَّلامُ عَلَيْكَ أَيُّهَا الفَاحِصُ عَنْ دِينِ اللَّهِ . السَّلامُ عَلَيْكَ أَيُّهَا المُبَيِّنُ لِحُكْمِ اللَّهِ . السَّلامُ عَلَيْكَ أَيُّهَا القَائِمُ بِقسْطِ اللَّهِ . السَّلامُ عَلَيْكَ أَيُّهَا النَّاصِحُ لِعبَادِ اللَّهِ . السَّلامُ عَلَيْكَ أَيُّهَا الدَّاعِي إِلَى اللَّهِ . السَّلامُ عَلَيْكَ أَيُّهَا الدَّلِيلُ إِلَى اللَّهِ . السَّلامُ عَلَيْكَ أَيُّهَا الفَضْلُ المُبِينُ . السَّلامُ عَلَيْكَ أَيُّهَا النُّورُ السَّاطِعُ . السَّلامُ عَلَيْكَ أَيُّهَا البَدْرُ اللامِعُ . السَّلامُ عَلَيْكَ أَيُّهَا الحَقُّ الأَبْلَجُ . السَّلامُ عَلَيْكَ أَيُّهَا السِّراجُ الأَسْرَجُ . السَّلامُ عَلَيْكَ أَيُّهَا النَّجْمُ الأَزْهَرُ . السَّلامُ عَلَيْكَ أَيُّهَا الكَوْكَبُ الأَبْهَرُ . السَّلامُ عَلَيْكَ أَيُّهَا المُنَزَّهُ عَنِ المُعْضِلاتِ . السَّلامُ عَلَيْكَ أَيُّهَا المَعْصُومُ مِنَ الَزَّلاتِ . السَّلامُ عَلَيْكَ أَيُّهَا الزَّكِيُّ في الحَسَبِ . السَّلامُ عَلَيْكَ أَيُّهَا الرَّفِيعُ في النَّسَبِ . السَّلامُ عَلَيْكَ أَيُّهَا الإِمَامُ الشَّفِيقُ السَّلامُ عَلَيْكَ أَيُّهَا القَصْرُ المَشِيدُ . السَّلامُ عَلَيْكَ يَا حُجَّةَ اللَّهِ عَلَى الخَلْقِ أَجْمَعِينَ . أَشْهَدُ يَا مَوْلايَ أَنَّكَ قَدْ صَدَعْتَ الحَقَّ صَدْعاً ، وَبَقَرْتَ العِلْمَ بَقْراً ، وَنَثَرْتَهُ نَثْراً ، لَمْ تَأَخُذْكَ فِي اللَّهِ لَوْمَةُ لائِمٍ ، وَكُنْتَ لِدِينِ اللَّهِ مُكَاتِماً ، وَقَضَيْتَ مَا كَانَ عَلَيْكَ ، وَأَخْرَجْتَ أَوْلِيَاءَكَ مِنْ وِلايَةِ غَيْرِ اللَّهِ إِلى وِلايَةِ اللََّهِ ، وَأَمَرْتَ بِطَاعَةِ اللَّهِ ، وَنَهَيْتَ عَنْ مَعْصِيَةِ اللَّهِ ، حَتَّى قَبَضَكَ اللَّهُ إلى رِضْوَانِهِ ، وَذَهَبَ بِكَ إِلَى دَارِ كَرَامَتِهِ ، وَإِلَى مَسَاكِنِ أَصْفِيَائِهِ ، وَمُجَاوَرَةِ أَوْلِيَائِهِ . وَالسَّلامُ عَلَيْكَ وَرَحْمَةُ اللَّهِ وَبَرَكَاتُه .

قصيده المسلم# ع#


مسلم لو علي الجرد فقاره
خـافـو ينهدم قـصر الاماره
حسبو مية حساب * ذكرو قالع الباب
*----------------------*---------------------*
ذكرو حيدره و وقعة بـــدر وحنين
ومية حساب للنبراس حسبو زيـن
هتفو لا تــــــرد ليهم حرب صفين
نفس السيف هذا وذاك معـتـقـدين

جنه المرتضى وسيفه بيمينه
غـيـره ومرجله ينضح جبينه
صاحو هذا ابو تراب * ذكرو قالع الباب
*----------------------*---------------------*
زادو بــالعدد وبوحده عزمه يــزيـــد
ولّاكاه يـــرجف خـــوف مــــن بعيد
يدري بصارمه بالحومه روس يريد
يــشبـه صــار مـلك الموت بالتحديد

لحسين السبط نــــاذر حياته
يشهد صارمه وعزمه وثباته
وحده وكثره ما هاب * ذكرو قالع الباب





حمل حملة علي وبحملته يعرفون
صار انذار عدهم والعده يرجفون
حـاطو بيه بس بالخوف يتعثرون
شنهي يصير مسلم هاذ مايدرون

شافو صولته وصارو عبيده
كــــام بكيفه يستنكي اليريده
يحصد سيفه الاركاب * ذكرو قالع الباب
*----------------------*---------------------*
يحصد روس سيفه بزود ذو الفقار
وحـده وصال بالميدان ســوه انذار
خــله الجيش يتذكرون حامي الجار
حـــارو بـيـــه ملك الموت لــو بتار

جسّد بالحرب معنى الرجوله
وميّت حساب مسلم حسبوله
عنهم عمه ما غاب * ذكرو قالع الباب
*----------------------*---------------------*
زلم تردم زلم وتعثرو بــــــالخيـل
غيم غيض والعدوان صاحت ويل
كبال العين جنهه تشوف عزرائيل
ذكــــرو عاد والنمرود واهل الفيل

يا هو يكابله ويكرب حسامه
وارث حـيدره بزود وشهامه
يشبه ليث الاحزاب * ذكرو قالع الباب
___

خادم الحسين /الشاعر رعد الجريخي
٠٧٧٠٦٢٥٤٧٣٢
https://t.me/bvbvbhhhhh

قصيده بحق الامام الباقر ((ع))

عـالـبــاقـــر عــيـونـي تـسـيـل دمـعـه ودمـه
مــن زغــره عــاش اويــه الـمــحــن لـلـخـاتـمـه

شــاهــد الــصــورة الــفــضــيــعــه صــورة حــســيــن ورضـــيـــعــــه
*---------------------**
مـايـنـسـه كـلبه الـيـنجـرح بجروح احـبـه كـل ذكـره لـو مـرت تـره بـالـهـم تـعـذبـه
يـعـيـش بـأذيـتـه ويحتسب والباري حسبه شـحـال الـيـشـاهـد والـده ظــالــم يــسـبــه

مـجـروحـه روحـه ومـا طـاب جـرحـه ومـضـه
ضـلـوع ابـو الاكـبـر شـاف الــمـــرضـــرضــه

تــنــســي شــلــون الــفـــجـــيـــعـــه صــورة حــســيــن ورضـــيـــعــــه
*---------*---------**
بـكـربـلـه وضـيـم الـزمـن مـسـتـعره ناره شـاف الـبـدور امـصرعـه ابـذيـج المعاره
وعـمـاتـه زادن لـوعـتـه الـضـلـن حـيـاره لـزيـنـب الـحـره بـألـم دمــعــه ايـتـجـاره

مــن كــربــلــه شـــاف الــويـــل ومــن الــجــره
وكــســر الـخــواطــر مـــــو ســهــل شـيـجـبـره

بـعــيــنـه مــرســومــه او وديــعـــه صــورة حــســيــن ورضـــيـــعــــه
*----------*------****
عــلـــت ابــوه الاذتــه وكــوم ال امــيـــه وعـمـتـه العـقـيـلـه ابلا ذنب راحت سبيه
يـسـمـعـهـه صـاحـت يـا كـمـر لحك عليه لـمـحـنـتـهـه خـلـدت حسرته فـوك الرزيه

مــــا تــخــمــد الــنـار الـبـيـه لمعسعسه
بـكـل صــباح اتأذيه وبـكـل مــســيـه

ذوبــــت عــــمــــره وربـــيــــعــــه صــورة حــســيــن ورضـــيـــعــــه
*---------*------***
واجـب يشـيـعـه انـواسـيـه كـلـنه ابمصابه سـهـم الاسـر والـلـوعـات دلالـه صـابـه
مـحـد حـمـلـهـه مـحـنـتـه وجـمـرة عـذابه مـا فـاركـه اويـاه يـعـيـش هضم العصابه

بـاحــزانــه كـلـنــه انــواســيـــه وبـــمـــدمــعــه
بــمــنــظــر أبــوه الــمــاغــاب والــجــامـــعـــه

عــــاشــــت ابـّــالـــه يـــشـــيـــعـــه صــورة حــســيــن ورضـــيـــعــــه
*----------*-------***

بـنـار الأعـادي الـمـاطـفـت شاجر لهـيـبه يـذّكـر ولـيـل الـحـزن يــكــثــر نـحـيــبــه
تـركـتـلـه لـوعـة كربله حـسـره ومصيـبه هـضمـنّـه مـتـنـيـن الجـرن دم لـلـغـريـبـه

جــرح الــهــضــم يـاهــالــنــاس شــيــســكــنــه
يــخــاوي الالــم والــمـجــروح يــنــســه الـهـنـه

يــذكــر اجــســـاد الــصـــريـــعــــه صــورة حــســيــن ورضـــيـــعــــه
* ----------*-------**
بـيـن الـمـصـايـب والالـم خـلـصت حياته بـس فـركـه وجـروح وحـزن كل ذكرياته
يـمـسـي ويـصـبـح بـالـدمـع وي نـايـبـاتـه مـتـألـمـه روحـه ومـا نـسـه لـساعة وفاته

مـــات بــألــم وبــحــســرات عـــالـــشـــاهـــــده
ون الـــعـــقــــيــــلــــــه الاذاه او ون والــــــــده

أشــيــنــســه حــمــاي الــشــريــعــه صــورة حــســيــن ورضـــيـــعــــه
*--------*------****

الشاعر رعد الجـريـخـي

https://t.me/bvbvbhhhhh

فزاعيه لمسلم ابن عقيل
ولوعه حميده عليهما السلام

زغيرونه حميده وضاگت الهضمه

وين الي اعل ابوها علت اللطمه
•   ✦   ••   ✦   •

شيجبره الگلب واليتم كاسرها
بعزانا اليوم خل نجبر بخاطرها
عل ابوها بيا گلب زينب تصبرها

والحره عل مسلم حيل منهدمه

✍🏻 بقلم العلويه الاء العذاري
•   ✦   ••   ✦   •

ابوها شال عنها وطالت السفره
يمن جان الحنان يفيض من عطره
عكب عينه بخرابه وحيل متغيره

وتلوج الروح من الوجع بالظلمه
✍🏻مريم العبوديه اسيرة الأحزان

•   ✦   ••   ✦   •

حميدة اعله الولي علت بواجيها
فراك ويه اليسر والحزن غاطيها
يانار الابو حيل اثرت بيها
ملجومة اعله ابوها وتوجع اللجمة

✍🏻خادمة الزهراء
الشاعرة هالي نور
•   ✦   ••   ✦   •

تحن المصافح الايدين ولشبكه
وتشم بثياب ابوها وتختنك خنك
اليفارك ابوه ويموت من حكه
لدلال الابو هالروح متعلمه
✍🏻مريم العبوديه اسيرة الأحزان

• ✦ ••   ✦   •

صغيرونه وتنوح تريد والدهه
مو هين عليها الراح من عدهه
يمصاب الأبو هالروح ماردهه
مشتاكه وتريد بروحها تشمه
✍🏻 آلــــّعــلّويِـــه آلّمٌوسويِــــۿ
_
تمت القصيده باقلام شاعرات رابطه
#قرابين الطف
#قرابين الطف
اللهم عجل لوليك الفرج
يا مهدي مدد


https://t.me/bvbvbhhhhh

👇👇👇👇لحن القصيدة

ياهو الكالك عشطانه للماي
انته امن النهر خويه احله بهواي
عوف الرايه والجود وسولفلي بالزنود
تره انصبت هموم الدنيه فوكاي
**
مو بس كلبي كلبك مثلي مشلوع
تيهتك يعباس من الدموع
سمعتك نواعي تفزز المات
اخت وتشوف اخوها راسه مكطوع

اجيتك للشريعه وامشي بالكوه
ويم جسمك اكولن هوه موه وه
اعاينلك كمت وبصفك اتلوه
ومن يوم المشيت انعدمت الخوه

نسيت وكتلك انطيني ايدك وشوف وانته امكطع وما عندك جفوف
وفص العين ممرود سولفلي بالزنود
***









الحرمه بشارب الخير يكولون
وانه بشاربك عباس يدرون
ادور بالجثث كل نيتي الكاك
لكيتك بس لكيتك بس بالمتون

حته بموتتك ماكو اليشبهونك
يمن فدوه تروح عيوني لعيونك
اهل الغيره لو عطشو يشربونك
بجيت ودمعتي طاحت عله امتونك

عيونك جنت من ارسمها شهله تكلي السهم بيها تطلع احله
ورسم يمك اجنود سولفلي بالزنود
***
جنت مثل الهوه وكل ساع اشمك
وكبل الحيهم اتهد امن احشمك
اجيتك حافيه ومحتركه بالنار
وكام اعله التراب يفور دمك

منو مثلك مقاتل هالكد احساسه
راسه اعله الرمح ويحرك براسه
اخذ واحد حسين وزينب انفاسه
العلم لو ما يعرف الجف فلا باسه

جا ليش امن اندهك تشمت الناس ويكلولي كلهم مات عباس
اليوم الاخو مريود سولفلي بالزنود
****

مو بس جدمي حته الدمع يعثر
ومثل الطير يم زنودك افتر
اهل البيت يم حسين زرعوك
وبالطف خضرت عباس عنبر

كاشخ بالسهم والغيره ماخذتك
ابلايه اجفوف تركض عالنهر شفتك
الطيحه الكبل اخوك اهواي عاجبتك
تعوف الدنيه كلها وما تعوف اختك

بيه ام البنين اشكد توصيك وغزر ملح حيدر يالكمر بيك
وهذا اليوم مشهود سولفلي بالزنود
***














شسوي بكتري كلها تنوح الايتام
ويم راسك وصل دخان الخيام
كل ساع انشتم وتهدد بصوط
خدري اتفرهد وراح امشي للشام

اول تالي خويه امجتفه بحبال
وجلمة خارجيه اشلون عني انكال
راس حسين وسفه اعله الرمح ينشال
اخاف اعتب عليكم والعتب جتال

محروك الكلب عباس محروك اكعد يبو فاضل جابو النوك
حفر دمعي الخدود سولفلي بالزنود
****
تمت
تحسين الخفاجي

https://t.me/bvbvbhhhhh

متخوصر وتتلوه فوكاي
شفتك تريد تموت وياي
اعله اجفوفك امربيني وانه ابنك اتسميني
**
راح كلبك خويه يوكف كافي لا تبجي بعد
اشلون اشوفنك بعيني وعيني بيها الدم جمد
من كثر حنيتك اكبر وابقه بعيونك ولد
اشلون ابو الحيل الشكبره كابل اجفوفي وكعد

اتشمني بركبتي كل ساع
وطاحت عيونك بالكاع

زلت السان وخويه كتلك
سامحني من فدوه رحتلك
خادم الك تدريني وانه ابنك تسميني
****
من كلتلي انطيني ايدك خويه الف موته متت
وين اظم ازنودي عنك حته ما جرحك كلت
شاب كبل اشويه عفتك ليش هالكد شيبت
يروحلك عباس فدوه يمك بحركه صحت

ادور بجسمك ضليت
روحك مضيع حسيت

وتكلي اجاني افراكك امنين
جا هيج تكسر ضهر الحسين
وبحضنك مخليني وانه ابنك اتسميني
*


حاس بيك وادري خويه يكتل افراك الاخو
ليش مكسور اعله طولك وانته ابو طول الحلو
للمخيم خاف ترجع واختك تسألك شكو
حيلتي قلت تكلي وشمتت بيه العدو

امن الغيره ضل راسي ايفور
ماريد اشوفك مكسور

ولو سالني اعليه الحنينات
عباسجن كلهن بعد مات
تدري العتب ياذيني وانه ابنك اتسميني
****
من غرفت الماي بيدي امن العذب شفتك اهم
ولان شافت ماي عيني كلت اعاقبها بسهم
رغم ما مهشوم راسي ما احس جنت بالم
ومن تبده الجود مني اهنانه كل حيلي انهدم

عندي يتامه ايتانون
ويمته يجينه يكولون

بزنودي الم بالماي ضليت
ومكسور للشط خويه رديت
ومكطعه جفيني وانه ابنك اتسميني
****







بعمري ما فكرت اجرحك اشلون اجملنك جرح
شلت من الكاع راسي وراح تنشال برمح
خل اموت احسلي خويه ولا اشوفك تنذبح
لليسر باجر اختنه بالضعن تمشي الصبح

مجبوره تصعد عالنوك
وزينب يوكفوها بسوك

ايذبون ماي امن السطح حار
وزينب بديها اتشاكف احجار
امن الحركه اغمض عيني وانه ابنك تسميني
*
تمت
تحسين الخفاجي


https://t.me/bvbvbhhhhh

لحن القصيدة 👆👆👆

لسفير حسين عليه السلام
تقرء مربع _فزاعي
┉❈❥ًً❀﷽❀❥❈┉

عزه لمسلم الليلة نصبتها طوعه

شدي الحيل يالبمصابه مفجوعه

┉❈❥ًً❀﷽❀❥❈┉
لمسلم ويه طوعه گومي الطميلها
ماتم للغريب الليلة سويلها
بلطمچ عل الصدر نيشان خليلها

رموه من القصر وانرضت اضلوعه
عزه لمسلم الليله نصبتها طوعه
┉❈❥ًً❀﷽❀❥❈┉

نصبت للشجاع الليله ماتمه
اتمنت كون زينب حاضره يمه
وتتنومس الحره بفعل ابن عمه

الفر الجيش ذاك وطشر اجموعه
عزه لمسلم الليله نصبتها طوعه
┉❈❥ًً❀﷽❀❥❈┉
بدر من الهواشم طاح بالكوفه
وگع مغدور ما يتلاون چفوفه
صولاته بعلي الكرار موصوفه

تضل بگلوبنه ما تبرد اللوعه
عزه لمسلم الليله نصبتها طوعه
┉❈❥ًً❀﷽❀❥❈┉

هذا ربات حيدر نعم تربيته
شامخ بالفخر للدين تضحيته
الكوفه شاهده وتسولف بصيته

وضلت رايته اليوم مرفوعه
عزه لمسلم الليله نصبتها طوعه
┉❈❥ًً❀﷽❀❥❈┉

شامخ بالمجد يالشاعت علومه
ابو طاهر كلف ما ينحمل يومه
لسفير حسين حيل الروح مهدومه

ظلن للفريب يصبن دموعه
عزه لمسلم الليله نصبتها طوعه
┉❈❥ًً❀﷽❀❥❈┉
بقلم شاعرة رابطة
#قربين الطف
قرابين الطف

العلويه الاء العذاري

اللهم عجل لوليك الفرج
يا مهدي مدد

اسالكم الدعاء لي ولوالدي


https://t.me/bvbvbhhhhh