❗️Бухоро вилоятига коронавируснинг кириб келиши ва тарқалишини олдини олиш юзасидан чора-тадбирлар дастурини тайёрлаш бўйича вилоят махсус комиссияси қарорига кўра 8 ва 9 август кунлари вилоят бўйлаб йўналишсиз таксилар ҳаракати тўхтатилади. Вилоят транспорт бошқармаси инспекторлари томонидан йўналишсиз таксилар ҳайдовчиларга жорий йилнинг 8 ва 9 август кунлари йўналишсиз таксиларнинг ҳаракати тўлиқ тўхтатилиши тўғрисидатушунтиришлар бериб келинмоқда.

https://telegra.ph/8-va-9-avgust-kunlari-j%D1%9Enalishsiz-taksilar-%D2%B3arakati-t%D1%9Ehtatiladi-08-07

Ташқи меҳнат миграцияси агентлиги, Транспорт вазирлиги ҳамда Маҳалла ва оилани қўллаб-қувватлаш вазирлиги мутахассислари пандемия шароитида хориждаги меҳнат муҳожирларини ҳар томонлама қўллаб-қувватлаш, хорижий мамлакатлардаги фуқароларимизни Ватанга олиб келиш, аҳоли бандлиги таъминлаш масалалари бўйича амалга оширилаётган ишлар юзасидан маълумот беришди.

Бухоро вилояти транспорт бошқармаси Ахборот хизмати.

Йўл қурилиши соҳасида Ўзбекистон-Германия қўшма корхонаси ташкил этилади

Бу ҳақда “Papenburg Uzbekistan” Ўзбекистон-Германия қўшма корхонасини ташкил этиш чора-тадбирлари тўғрисида”ги Ҳукумат қарори (471-сон, 10.08.2020 йил) қабул қилинди.

Қарорга кўра, Транспорт вазирлиги ҳузуридаги Автомобиль йўллари қўмитаси ва “GP Gunter Papenburg AG” компанияси (Германия) ўртасида Ўзбекистон Республикасида йўл қурилиши учун асфальт-бетон қоришмалар, тайёр бетон буюмлар ишлаб чиқариш, шунингдек, Германия технологиялари ва асбоб-ускуналарини қўллаган ҳолда, қурилиш-монтаж ишларини бажариш бўйича масъулияти чекланган жамияти шаклидаги “Papenburg Uzbekistan” қўшма корхонаси ташкил этилади.

Бухоро вилояти транспорт бошқармаси Ахборот хизмати.

Чет давлатларда қолиб кетган фуқароларимизни Ватанга қайтариш бўйича ишлар мунтазам равишда олиб борилмоқа.

Хусусан, жорий йилнинг 9 август куни Россиянинг Оренбург шаҳридан Наманган шаҳрига 920 нафар, Самара шаҳридан эса Тошкент шаҳрига 930 нафар фуқароларимиз олиб келинди.

Бухоро вилояти транспорт бошқармаси Ахборот хизмати.

Мамлакатимиз йўл қурилиш соҳасида Германия сифати

Транспорт вазирлиги ҳузуридаги Автомобиль йўллари қўмитаси ва “GP Gunter Papenburg AG” компанияси (Германия) ўртасида Ўзбекистон Республикасида йўл қурилиши учун асфальт-бетон қоришмалар, тайёр бетон буюмлар ишлаб чиқариш, шунингдек, Германия технологиялари ва асбоб-ускуналарини қўллаган ҳолда, қурилиш-монтаж ишларини бажариш бўйича масъулияти чекланган жамияти шаклидаги “Papenburg Uzbekistan” қўшма корхонаси ташкил этилади.

Бухоро вилояти транспорт бошқармаси Ахборот хизмати,

Ижтимоий тармоқларда тарқалган Бухоро шаҳрида жамоат транспорти ҳаракати қисман тикланганлиги тўғрисидаги маълумотлар ёлғон бўлиб, ҳақиқатга тўғри келмайди. Вилоятда жамоат транспорти ҳаракатланиши бўйича қарор Бухоро вилоятига коронавируснинг кириб келиши ва тарқалишини олдини олиш юзасидан чора-тадбирлар дастурини тайёрлаш бўйича вилоят махсус комиссияси томонидан қабул қилингандан сўнг, бу ҳақда жамоатчиликка расмий маълумот берилишини маълум қиламиз.

Бухоро вилояти транспорт бошқармаси Ахборот хизмати.

✅ 17 августдан ҳудудлар ўртасида автотранспорт қатнови, жамоат транспорти (метрополитендан ташқари) ва шаҳар атрофидаги автобуслар қатнови тикланиши белгиланди.

Бу ҳақда бугун ўтказилган йиғилишда Президент Шавкат Мирзиёев маълум қилди.

Шунингдек, маҳаллий авиа ва темир йўл қатнови учун рухсат бериш кераклиги айтилди.

Президент: санитария-гигиена талабларига сўзсиз амал қилишимиз, илгари йўл қўйган хатоларни такрорламаслигимиз керак
—
Президент: мы должны твердо придерживаться санитарно-гигиенических правил, не повторять допущенных ранее ошибок

#Mirziyoyev #videoselektor #koronavirus #pandemiya

Prezident.uz|Facebook|Instagram|YouTube|Twitter

Бухоро вилоят ҳокимининг биринчи ўринбосари Фарҳод Умаров вилоятда буюм бозорлари фаолияти ва жамоат транспорти ҳаракатланишига нега рухсат берилмаётганлиги тўғрисида маълумот берди.

Экспорт юкларини ва уларни ташишларни суғурта қилиш тартиби белгиланди

Ҳукумат қарори (477-сон, 12.08.2020 й.) билан “Капитал, товар ва хизматлар (ишлар) экспорти ҳамда экспортни қўллаб-қувватлаш билан боғлиқ фаолиятни суғурта қилиш тартиби тўғрисида”ги низом тасдиқланди. Бу ҳақда Адлия вазирлигиниг “Ҳуқуқий ахборот” канали маълумот берди.

🧾 Низомга кўра, экспорт юкларини ва уларни ташишларни суғурта қилиш тижорат ташкилотлари бўлган ва тегишли турдаги суғурталашни амалга ошириш учун лицензияга эга бўлган юридик шахслар томонидан амалга оширилади.

⚠️ Суғурта қилдирувчи ким эканлигидан (экспорт қилувчи ёки молияловчи) келиб чиқиб суғурта шартномасининг бир неча тури фарқланади.

❌ Суғурта шартномаларини тузишда қуйидагилар тақиқланади:
• сиёсий таваккалчиликлар бўйича шартсиз франшиза (зарарнинг суғурта билан қопланмайдиган қисми) ўрнатилиши;
• тижорат таваккалчиликлари бўйича шартсиз франшиза миқдори – суғурта пулининг 50 фоизидан ортиқ бўлиши;
• логистика таваккалчиликлари бўйича шартсиз франшиза миқдори – суғурта пулининг 5 фоизидан ортиқ бўлиши;
• сиёсий таваккалчиликлар бўйича кутиш даври – 180 календарь кундан ортиқ бўлиши;
• тижорат таваккалчиликлари бўйича кутиш даври – 90 календарь кундан ортиқ бўлиши;
• логистика таваккалчиликлари бўйича кутиш даври – 30 календарь кундан ортиқ бўлиши.

📝 Суғурта қилдирувчи аризалар ва ҳужжатларни суғурталовчига бевосита, почта орқали ёки электрон шаклда тақдим этишлари мумкин.

⏰ Суғурталовчи суғурта қилдирувчи томонидан зарур ҳужжатлар тақдим этилгандан бошлаб 24 соат ичида тегишли суғурта шартномасини тайёрлайди ва унинг имзоланишини таъминлайди.

🗓 Суғурта товони суғурта ҳодисаси ва зарар миқдорини тасдиқловчи ҳужжатлар олинган кундан бошлаб 15 календарь кунидан кечиктирмасдан тўланиши шарт.

Бухоро вилояти транспорт бошқармаси Ахборот хизмати

15 августдан маҳаллий авиа ва темир йўл қатновлари босқичма-босқич тикланади

Ўзбекистон Республикасига коронавирус инфекцияси кириб келиши ва тарқалишини олдини олиш юзасидан чора-тадбирлар дастурини тайёрлаш бўйича республика махсус комиссияси қарорига мувофиқ 2020 йил 15 августдан бошлаб маҳаллий авиақатновлар ва темир йўл қатновлари бошланиши маълум қиламиз.
Маҳаллий авиақатновлар ва темир йўл қатновини ташкил этишда доимий равишда ҳар бир авиақатнов ва темир йўл қатновидан олдин тегишли ҳаво кемаси ва темир йўл вагонлари (шу жумладан, ҳар бир ўриндиқни) тўлиқ дезинфекциядан ўтказиш ҳамда ҳавосини зарарсизлантириш тизимини жорий этиш чоралари кўрилади.
Республика махсус комиссиясининг 2020 йил 15 августдан карантин чекловларини босқичма-босқич юмшатиш бўйича қабул қилган қарорига асосан “Ўзбекистон темир йўллари” АЖ томонидан жорий йил 15 августдан бошлаб маҳаллий йўналишларда босқичма-босқич поездлар ҳаракати қайта тикланади.

Жумладан:

Юқори тезликда ҳаракатланувчи Afrosiyob поездлари Тошкент – Самарқанд – Бухоро – Тошкент йўналишида 2 та,
Тошкент – Самарқанд – Қарши – Тошкент йўналишида 1 та шунингдек, Тошкент – Андижон – Тошкент йўналишида 2 та йўловчи поезди қатнови йўлга қўйилади.
Йўловчилар чипталарни темирйўл кассаларидан, шунингдек, онлайн тарзда ҳам харид қилишлари мумкин.
Маҳаллий йўналишларда авиа қатновларни тиклаш жараёни ҳам босқичма-босқич амалга оширилади. Хусусан, “Uzbekistan airways” авиакомпанияси томонидан 15 август санасидан эътиборан Тошкент – Нукус – Тошкент, Тошкент – Урганч – Тошкент йўналишида ҳафтасига уч маротабадан, Тошкент – Термиз – Тошкент йўналишида эса ҳафтасига икки маротабадан парвозларни амалга ошириш бошланади.
Йўловчилардан поездлар ва самолётлар бортига чиқишда, вокзал ва аэропортлар ҳудудида ҳамда йўл давомида санитария гигиена қоидаларига доимий равишда қатъий риоя қилишлари талаб қилинади.
Эслатиб ўтамиз, фуқароларнинг жамоат жойларида ижтимоий масофани (2 метр) сақлаши, тиббий ниқобда бўлиши каби карантин чекловлари 2020 йил 15 августдан кейин ҳам сақланиб қолинади. Тана ҳарорати 37 С ва ундан юқори бўлган ёхуд инфекция аломатлари мавжуд бўлган фуқароларнинг жамоат жойларига чиқишига йўл қўйилмайди.

Бухоро вилояти транспорт бошқармаси Ахборот хизмати